مشكلتي مع البطاطا المقلية

[ام محمد امير]

:mh92
راني نعاني انا والبطاطا المقلية:sdf: راجلي يموت وياكلها:cool:بالصح جامي طيبتهالو كيما يحبها :o
قالي تمنيت ناكل بطاطا مقرمشة من يدييييك بالصح جااااامي صلحتلي ديما جي مزيتة وطالقا روحها خاصة اذا بردت تقول شربت قرعة الزيت:mad:
تعيشوا كل وحدة تقولي طريقتها في قلي البطاطا:sdf:
وقولولي وين راه المشكل فالزيت ولا المقلة ولا النار ولا فيا انا :1:حبيت كشما نهار نخلعوا:cool: بطاطا مققققققققققققرمشة ماينساهاش في حياتوا :19:
مالقيت حتى حل وليت خممت :rolleyes: وقلت الحل الوحيد مهتدى الجلفة ولحراير الزينين علبالي تعاونوني وماتسمحوش فياااا:)
ربي يحفظكم ويخليكم شموع ضاوية على هذا المنتدى :mh92:
اختكم في الله ام محمد امير :cool:

[ام نوارة]

مساء الخير اختي انا نظن المشكل في المقلاة دري الي تكون بيضاء انا جربتها ولفريت نتاعها هايل وديري الورق الماص بعد الطهي

[hanouna09]

مساء الخير الاخت انا اولا نقطع البطاطا باليلة قبل ونحطها في الما وندير معاها مغرفة خل ونخليها في الصيف في الثلاجة وفي الشتاء في البالكون وكي نجي نطيبها نقطرها مليح ونشللها ونملحها ونحط الزيت يسخن مليح على نار هادئة باش مايتحرقش ونقلي بكمية قليلة على حساب المقلة واهم حاجة مانحركهاش حتى تطيب وحدها تطلع الفوق ونحيها وتجي روعة والبطاطا اللي راكي تحكي عليها المقرمشة نتاع المطاعم تكون بالفريتوز ولكن فيه اخوات ماشكروهاش من ناحية استهلاك للكهرباء وللزيت

[***سلمى ***]

البطاط تغرق مليح في زيت سخون+ما تحركيهاش+ وطيبيهالو غير ك يكون حاضر و اذا طيبتيها من قبل وبردت دخليها في الفور تسخن ترجع كانها درك طيبتيها.

[اسمهان79]

قطعي البطاطا وشليها مليح من النشاء اللي فيها
الزيت لازم يكون بزاف وسخون
المقلا ما تلصقش
قطريها من الماء مليح وملحي
اقلي بكميات قليلة
لم تخلصي اللي قليتيها الاولى عاودي لوحيها في الزيت غير تغلي نحي وحطي على ورق ماص للزيت
انا هاذي هي طريقتي والله تجي روعة مقرمشة من برى وطرية من الداخل
بالتوفيق حبيبتي

[الجزائرية المحبوبة]

ياختى نفس مشكل بصح انا لى حابة تكون كما قلتى اولادي وزوجي يحبوا البطاطا لي نقليها بصح انا مش راضية عليها
نحبها تكون كما ناتع مطاعم بصح الحل مش في نار ولا زيت ولا نوع بطاطا
مشكل هو
في الفريتوز لي عندها هي الحل

[oum salim]

كيما قالت الاخت اسمهان اقلي البطاطا بيضاء حتى قريب تطيب قطريها وخليها تبرد بضع دقائق وسخني الزيت مليح وعاودي ارمي فيها البطاطا تاعك وخليها تتحمر كيما تحبي ثم قطريها وراح تتحصلي على أطيب فريييييت
.وبصحتكم.

[منال ريم]

heyela ou ya3tik asaha

[الناقة]

]يا أحتي قطعي البطاطا و أنقعيها في الماء ْْْْْ و خميرة القاطو مدة طوياة و اقليها راح متشربش الزيت وتجي مقرمشة من برا و طرية من داخل

[hayette82]

نجرب تاع الخميرة

[sarah..]

سلام
اختي المشكل راه فالنار ... انا نقولك كي تكون النار هادية البطاطا تشرب الزيت واطب وتلصق في بعضها قبل ماتتحمر
شوفي اختي سخني الزيت مليح ومن بعد حطي البطاطا تاعك ماتنقسيش النار باش ماتتشربش
خلي النار قاوية حتى تتحمر او تاخذ لون ذهبي من برا وعدها نقصي شوية فالنار باش اطيبلك من الداخل
هذا هو سرها
وانا نقولك يااختي لافريتوز لا مقلة مليحة باسكو كيما تشوفي لي فاست فود والمطاعم تاع الحومة التقليدية مايخدموش بيها

تاني كثري الزيت هذي هي برك
وماتملحيش قبل ماتقلي لانو الملح يخلي الماء الي فالبطاطا يخرج ملحي فالمقلة كي تكون اطيب

[جلفااوية]

نفس المشكل الي طرحتيه اختي ورانا رايحين نجربو الطرق الي قالو عليها لحراير مشكوووووووووووووووووووريييييين جميعكن

[Algam]

أهلا أخواتي

شوفي أختي أطيب فريت رايحة تاكليها اذا تبعتي الطريقة اللي رايحة نقولك عليها

حضري البطاطا نتاعك قطعيها وما تملحيهاش من قبل حتى من بعد اللي طيب سخني الزيت في المقلة تاعك في درجة حرارة معقولة ساخن مي ماشي بزاف بزاف لأنو اذا كان ساخن بزاف كي تحطي البطاطا تاعك تحمار بلخف وتبقى خضرة من الداخل ،ارمي البطاطا تاعك وطيبيها شغل طايبة وفي نفس الوقت لونها بيض نحيها صفيها وخليها تبرد مليح هذا هو السر تع التقرميش كي تبرد سخني الزيت مليح وعاودي قلي ديك البطاطا مادابيك تقلي بكميات قليلة من بعد ملحيها وبالصحة والهناء وكي تجربيها ادعيلي

[jumeauar12]

شكرا للاخوات استفدت كثيرا

[ام محمد امير]

ربي يحفظكم كل مرة نجرب نصيحة من نصائحكم ولتعجبوا لزوجي نجي نقوللها شكرااااااااا

[Nedjemet al bahr]

انا نقي البطاطا ونقسمها ونحطها فالماء وملح وخل تترنخ نصف ساعة ثم نقطرها مليح ونشفها بطورشن مليح مليح من الماء ونسخن الزيت مليح وكي يبدا يدخلها الطياب النحيها وحطيها فوق الورق ليمتص الزائد تاع الزيت ولما تبرد حطيها في الفريجيدار باه تبرد ملييييح من الافضل 2 سا ثم سخني الزيت مليييح وعاودي اقليها
تجي مقرمشة وهايلة وربي يوفقك وان شاء الله تنجحي في تحضيرها وتفرحي زوجك وربي يخليكم لبعضاكم