لي تساعدني كيفاش نعلم وليدي البيبرون ندعيلها

[oprah]

السلام عليكم
وليدي عندو دوكا 3 اشهر كان يشد البيبرون كي نديرلو تيزان لانو نرضعو طبيعي و فجاه عافولي
كيفاش ندير!فيدوني كثره لي صرالها كيفي
وحابه نجربلو حليب سيليا واش راكم!
novalac w biomil tkayahomli

[hope of life]

يااختي جربي اعطيه وهوراقد...يعني قبل مايحل عينيه حطيه في طرفك...وعطيه...يجبد بلاما يفيق...وثاني كيعود نايض...هيبيلو على فمو...يعنيمادخليلوش راس البيبرون في فمو ابقاي تحومي برك ساعة كيسيه ونحي ساعة عقبيلو على شاربو الفوقاني اوالتحتاني كيشغل تسخفيه...والله اعلم هذه هي الحيل الي عندي وجربي وشوفي

[سارة حبيبة زوجها]

اختي نفس المشكل ولدي كان يشرب في البيبرونة التيزانة ودروك عافها يرضع صدر
مرة لحليب راحلي بات بالجوع وما بغاش يشد البيبرون بدلتله التيتينة والو يشد غير السوسات
بغيت نعاونه درتله نيرسي كونفورت جاه اسهال قاوي وباش شربتهله حتى جاع مليح وكان راقد
نتمنى الاخوات يفيدونا
ولدي عنده 3 اشهر ونصف

[hanouna09]

يااختي ربي يخليهلك وتفرحي بيه انا عندي 4 دراري ربي يحفضهم وعمري مانرضع غير صدري وكي يولي عندهم 3 شهر ونصف نبدا نوكلهم الخضر المرحية مليح وجارية كي شغل soupe وكل شهر ندخلهم حاجة جديدة ونتبع من الكارني نتاع التلقيح فيه جدول التغذية وهذا بجانب الرضاعة الطبيعية حتى يلحقو عامين وعمرهم ماكان عندهم غازات ويرقدو في الليل طبيعي على خاطر يشبعو مليح والحليب الاصطناعي عذاب كبير لدراري لانو يديرلهم الغازات وبهذا يكون عندهم الالام في البطن ومايرقدوش مليح وللعلم كي يبدو ياكلو نشربلهم الماء بالمغرف وربي يوفقك اختي

[أم شروفة]

بداية ديري السكر في التيزانة حتى يتعود .واشري الراس نتاع البيبرون البني اللون هذاك يجيه هشيش مثل صدر الام

[فرح حياتي]

ماديريش كيما انا كنت نحاول مع بنتي تشد لبيبرون لانها دارتلي كيما وليدك كانت تشرب لي تيزان فيه ومن بعد حبساتو
وبقيت معاها حتى رجعت تشدو بحكم العمل كان لازم ندخللها لبيبرون
ومع والفاتو وجاها ساهل مازال فيا لحليب وهي نفراتو للاسف وانا كنت معولة نرضعها حتى للعامين بصح ماكملتليش
امالا اختي ماتغلطيش غلطتي الا كنتي ماكثة في البيت غير ماتولفيهش بلبيبرون واذا كان حليبك بزاف طبعا لانو لازم يشبع

[ام ورود]

سلام اختى حتى انا صرالي نفس لشئ مع بنتي الاولى كانت تشبعش وبرغم من دلك ابدا ما تشدليش البيبرون وبقيت نرضعها من صدري حتى قوا في الحليب ورجعت تشبع.اما ادا كنت خدامة و مضطرة تزيلها لحليب الاصطناعي ننصحك ب حليب ابثامين aptamin والطبيب هو لى نصحنى بيه وقالي هو مييور.بالنسبة للتزان جامي تحطيلها السكر ديري عسل النحل افضل وصحي.وحاولي تتحايلي عليها كيما نصحاتك لاخت ونشاء الله توفقي.