أجريو ليى بني تحرق وش ندير

[nadjet boumaraf]

السلام عليكم بنات
هاد لعشية تحرقلي آدم ولدي من يدوا ورجلوا مسكـــــــــــــــين راهوا يبكي من الحرقة انا قلبي يتقطع مبغاش يرقدلي وش نديرلوا دبروا عليا مع العلم انوا ديتوا للسبيطار نحالوا جلده محروقه ودارولوا بوماد وقالولي رجعيه غدوا ............بصح راهوا يبكي عاونوني والله اني نبكي معاه شفني

[أم عبد الكريم]

يا لطيف يا ربي اختي ادهنيلو الجرح بالعسل الحر و ربي يجيب الشفا

[lyzzabel]

لا حول ولا قوة الا بالله ،، يا عمري مسكيييين والله ياحبيبتي غير قلبي راه معاك تخافي كاشما تديريله و يزيدله الألم ،، انا نسمع يقولو العسل الحر مليح للحرق ،، و كيفاش انحرق واش لي حرقه ؟؟ انا من رايي اصبري معاه و هو مين يعيا درك يرقد شوية ،، راني عارفة ما يرقدش نيشان بصح ما عندك ما تديري
ربي معاكم في زوج و ربي يشفيه و يعافيه يا اختي والله قسمتيلي قلبي ربي معاكم

[nadjet boumaraf]

طاحلي على زيت سخونه ....... هو هدا وين بدا يتعلم يمشي وكي جاني للكوزينة مشتوش خلاص جا من ورايا وقلب الزيت هديك...كي درت خطفتوا بصح الزيت قاساتوا لتم ...دك مبغاش يسكتلي ....وزيد ديت تبهديله من عند عجوزتي آدم يبكي وهي تكسرلي في راسي ...ربي يصبرني ويشفيهولي

[nadjet boumaraf]

أخـــــــــــــــــتي هكدا يسموها زيت الضرو نشريه من عند صيدليه ...إن شاء الله غدوا صباح نشريهالوا.....ربي يعطيك ما تتمناي
عمبالي حفيدها عزيز عندها بصح انا تاني منبغيش على ولدي الله غالب مشتوش خليتوا في الصاله يتفرج وموالف يعيط ماما ويحوس عليا اليوم جاني غفلة حتى لقيتوا ورايا عند الزيت

[nadjet boumaraf]

lyzzabel و أم عبد الكريم ربي يخلكيم ويعطيكم ما تتمناو حبيباتي

[om kamilia]

لله يكون في عونك نجاة ختي ربي يشافيه انا كان عندي واحد الزيت تاع نوع من السمكـ ماتخليش السيكتريس نعيط ليما ولا كانت نقولهم يجيبوهالي نيجبها لك لباب الزوار

[عبير الحـب]

لا حول ولا قوة الا بالله .. ربي يشفيهولك ويصبرك أختي

زيت الزيتون مع غريس مطحون عن تجربة فعال جداا ينشف المااااء وينحي السيكاتريس

تطلي بزيت الزيتون وترشي غريس وغدا نزيد نسألك الوالدة

[om kamilia]

اوالله بكتيني نجاة غاضني مسكين الطفل حسيت بوجاعو , ياريت نداسر الجيران عندهم وصفة تاع وحد العشبة في يومين يبرا ولاقدرت نبعث الى كاين ما نوعدكش بصح ن شاء الله

[didou89]

يا ربي مسكين صغير .
ربي يكون معاك و معاه وربي يشافيه.
انا نسمع يقولو بومادة سموها بيرافين مليحة بزاف للحرق
ويدير بلخف القشرة.
ربي يشافيه ان شاء الله

[أم عروة]

العسل الحر

ربي يشافيه اختي
والله غير قسملي قلبي

[lyzzabel]

السلام عليكم و رحمة الله
دخلت على جال باش نسقسي على ادم مسكين ،، انشالله يكون رقد شوية يا عمري مسكين دارها بيه الزيت ،، انا عممممري ما نطيب في الارض على جال الأطفال والله حبست كلشي على خاطرهم خاطرش ما تعرفيش قاع كيفاش يصرا ،، و عجوزتك خليها تهدر راهم كامل هاكا مين تتقدر حاجة على الاولاد تحصل غير فالام ،، و يقولو مين تتقدر الأقدار تعمى الأبصار
ربي يشفيه و يعافيه و يعطيك القوة و الصبر باش توقفي معاه وراه مازال صغير درك غير بالشوية و يبرأ بإذن الله
طمنيني عليه اختي

[اسمهان79]

الى كل الأخوات
مانتمناها لحتى واحد لكن اذا بعيد الشر واحد صابو الحريق عليه وعلى جافيل ايييييه جافيل
انا كي قالولي عليه ما آمنتش بصح واحد النهار تحرقت بنتي في الفورنو تحرقت في يدها ما لقيت ما ندير غير ها زتها ونبكي وبالخف تفكرت
الجافيل قلت نجرب وعلى ربي والله كي فرغتولها على يدها بكات شوية بصح سبحان الله بعد مدة سكت حسها وحبسلها لحريق نتاع الجرح وفي الغد خلاص نشف وما
دارش الماء والله من هاذاك اليوم رجع هو دوايا غير يقيسني الزيت ولا حاجا سخونة نديرو في هذيك الدقيقة ماشي تخلي حتى يبرد الحريق والله ساعات حوائج تحسبيهم يضرو بصح يداويوك
والله ثم ثم يشفى جرحو
ونصيحة للاخوات طيبو علك الصنوبرمرحي في شوية زيت الزيتون صفيوه وخلو يبرد وحطوه في بلارا وسكرو عليه راهو ينفع للجراح واللي ينحي ضروسو
وحتى راهو دواء للجراح نتاع الرحم والهوى بالنسبة للنساء والله فوائده لا يعلا عليها والله جربوه مش رايحين تندمو خاصة اللي تربي في الأطفال عندو منفعة كبيرة
راني نقول في الكلام هاذا عن تجربة والله حبيت نفيد الأخوات الكريمات رآنا هنا بيت واحد
وبالنسبة للاخت ربي يشافيلك بنك ان شاء الله

[kika85]

ربي يشافيه يا لحبيبة والله قلبي تقطع عليهللاسف ما نعرفش حاجة تهفت الحرقة من غير الدونتيفريس موالفة كي نتحرق نديرها ...بصح بالاكي مرة واحدوخرا خلي عندك عينين من كل الجوايه وبعدي على الطياب على الطابونة وحتى الي فوق الكويزينيار دوريلهم اليدين وبعديهم هادو دراري ما يعرفوش ولازم نكونو فاطنين ليهم ...قدر الله ما شاء فعل ربي يشافيه ويعافيه...بوسيهولي مسكين

[cerinecerine]

wellah meskine wlidik yghid choufi hlik ou hla jaune douef asfar tar bid ou dahni bih
bichfa hlih

[meyou]

الف لاباس ع وليدك ربي يشفيه عن قريب اختي حنا في عنابة نديرو زيت الضرو على الحريق و بقدرة ربي يرتاح بسرعة وما يديرش سيكاتريس ديريه وادعيلي .

[غفران 2]

يا اختي قطعتيلي قلبي وحسيت بيك ربي يشفيهلك ان شاء الله والحمد لله لي سلامات وجات في يدو

[جوهرة الغرب.]

يااختي نصيحة من عندي ماتخلطيش لوليدك لانو الحروق انواع واللي قالو عليه الاخوات كاين اللي يصلح لنوع ومايصلحش لنوع اخر ولهذا مدام انك اديتيه للمستشفى خلاص تبعي دوا اللي عطاوهولك وماديريلوا والو او اديه عند سبيساليست وهو ينصحك
لوكان كي تحرق دهنتيلو بالعسل الحر نعم هو افضل علاج للحروق وتاني تفرغي عليه الماء العادي ماهو بارد ماهو سخون لكن مدام اديتيه وعطاولو الدوا خلاص تبعي عليه
نصيحة من عندي اختي ورواحي نحكيلك قصة اختي الصغيرة كانت عند جارتنا تلعب مع بنتها الصغيرة ودفعتها على الماء الطايب طاحت على ظهرها مانحكيلكش كيفاه رجعت لما داتها ماما للمستشفى داواوها وعطاولها لي بوماد مي ماما بقات ادير على هدرة الناس كاين اللي قول ديريلها الشاي المطحون كاين اللي يقول ديريلها الشمع الحر كاين اللي يقول العشبة كذا العشبة كذا وفي الاخير اختي ظهرها يبس وبقى يخنز حشاك قريب اديرلها الدودة في العظم وتروح فيها مي الحمد لله ماما فطنت واداتها عند طبيب مختص عالجها ودواها وقالها الحروق تختلف وكل حرق وعندو دواه ماتخلطوش لولادكم
اختي حبيبتي مانيش نخوفك وليدك ماعليه والو درك يريح ويبرى ان شاء الله اصبري معاه وقابليه وربي يشافيه

[fati 17]

ياعمري ربي يشفيه ولد سلفتي حرق درتلو دهان العرب مطولش وبرا

[الجزائرية المحبوبة]

اخى ربي يشفيه انا صار لوليدي وتحرق من يدوا
شوفي اذا كان حريق من درجة ثانية او ثالثة ماتخلطيش غير دواء طبيب لينفع
لما ينشف الجرح ديري العسل الحر

ربي يشفيه ويعافيه ياااااااااااااااارب

[امازيغية وفتخر]

ربي يشفيه ان شاء الله عاجلا غير اجلا

اختي عليك وهلى ميبو
ينباع في الصيدلية
كانه السحر انا تحرقت حرق من الدرجة الثانية وصفهولي في وهو اللي ايداووا بيه في المستشفى
والله ما تندمي راح يرتاح بسرعة ويرجع كيما كان ان شاء الله

http://www.elkhabar.com/ar/img/article_large_img/elk15_616838030.jpg

http://www.almrsal.com/post/77177

و يعتبر اختراع القرن

[<نَجْمَاتْ>]

اختي سلامة ولدك والله كلنا رآنا نحسوا بيك المهم سلامة ابنك شوفي اختي عن تجربة تحكمي عضام الجاج وتحرقيهم وتغربلها في شاش باش يكون كي البودر وجيبي ريشة وتدهني الجرح بالزبدة الذائبة الباردة طبعا وتذرذري بودرة العضام راح يُشفى بسرعة من غير سيكاتريس وربي يكون معاك

[nadjet boumaraf]

سلام عليكم بنات ربي يحفظكم ويناولكم وش تتمناو ان شاء الله...والله البارح مرقتش درت نوي بلونش آدم يبكي من الحرقة ومن بعد تعب رقد وساعه على ساعه يفطن يبكي ويقولي ماما ددي وانا قلبي تقطع ....كي طلع الضوء جاتني امي وبابا هي ريحتلي في الدار مع اسيل وانا وراجلي رديناه للسبيطار نحاولوا بونده ودارولوا دواء بصح انا قلبي ينقزني فوتوا عند طبيب وعطاني بوماد ندهن بيها ..قتلوا نقدر نديلوا زيت ولا عسل قالولي ملاح قالي متخلطيلوش تبعي دواء درك يبرى ....حمد لله قلبي تهنى من بعد زدت درت عطله مرضية للخدمة هكدا نريح معاه يامات ....
ربي يخليكم بنات والله حسيت بوقفتكم معايا شكرا لام كامليا على رسالتك مقذرتش نردلك على الخاص شكرا لكل وحده فيكم ربي يجازيكم كل خير

[ام الاحباب]

ربي يشافيه انشاالله في اقرب وقت ...والله حسيت بيك

[oum hanin]

ربي يشافيه يا اختي

[أم محمد تاج]

الله يشفيه ويعافيه يارب وماتشوفي شر ونشالله درس لينا وللبنات صح بكري نقلي على الطابونة بصح من كانو الاولاد نطيب على الكويزينيار ومدايرتلها رجليها عالييين والحمد لله وبالنسبة لابنك صدقيني ماكنش كيما هاذ الزوج بومادات flammazine وكاينة la biafine فيهم حتى المسكنات ينحيو السطر في دقيقة والله الشافي المعافي

[MIMI8]

ربي يشفيه راني حاسه بيك لحمي تشوك كي قريت كيما قالولك الاخوات العسل الحرة ولازيت الضرو عن تجربة حتى انا ولدي حرق روحو بالقهوة صباح العيد الله تايعيدها وربي يسترنا ويستر ولادنا قولو امين وربي يشفيه

[omremass]

حنونة ما تامنيش الطبة ديريلو العسل و زيت الضرو مليح حتى يرتاح ثمثم ربي يشفيه مسكين

[chahinez chanez]

الله يشفي وليدك عليك وعلي mibo pommade هي روعة عطهالي طبيب مختص

[taha007]

اختي ربي شفيه والله حاسة بيك لاني ام من تجربتي ااخاصة اغسليلو الحراق يوميا بسيروم صالي وماتغطيهش وبعدها استعملي زيت الضرو وداومي عليها

[سر التقى]

ربي يشفيه يا أختي و الله لحريق صعيب قطعلي قلبي شربيه سيروا نتاع الحمى راه ينحي السطر

[lyzzabel]

سلام عليكم بنات ربي يحفظكم ويناولكم وش تتمناو ان شاء الله...والله البارح مرقتش درت نوي بلونش آدم يبكي من الحرقة ومن بعد تعب رقد وساعه على ساعه يفطن يبكي ويقولي ماما ددي وانا قلبي تقطع ....كي طلع الضوء جاتني امي وبابا هي ريحتلي في الدار مع اسيل وانا وراجلي رديناه للسبيطار نحاولوا بونده ودارولوا دواء بصح انا قلبي ينقزني فوتوا عند طبيب وعطاني بوماد ندهن بيها ..قتلوا نقدر نديلوا زيت ولا عسل قالولي ملاح قالي متخلطيلوش تبعي دواء درك يبرى ....حمد لله قلبي تهنى من بعد زدت درت عطله مرضية للخدمة هكدا نريح معاه يامات ....
ربي يخليكم بنات والله حسيت بوقفتكم معايا شكرا لام كامليا على رسالتك مقذرتش نردلك على الخاص شكرا لكل وحده فيكم ربي يجازيكم كل خير

الحمد لله على سلامته ماعليش درك بالشوية و يبرأ و نتيا ربي يقويك مزية جات ماماك عقباتك ،، الحمد لله غير هادي ولا حاجة اخرى ،، مين يريح شوية خرجي صدقة و أنويها على دفع البلاء حبيبتي و سلميلي على ادم ربي يخليهلك

[jojo dj]

الله يشفيه ويعافيه

[أم الحبايب 26]

كتقدر لقدار تعما لبصارياختي معندك واش دري كتبت لباس عليه ولاهي لغضني رابي معاك نتي وياه قلو عسل حر مليح ردي بالك تغطيهالو انابني صراتلو ككان صغير رحت غطيتهالو خوف من باباه لسقلو حوايج فيها رابي ستر
لباس عليه

[آنثى آلمطر]

حنونتي ربي يشفيه مسكين دريلو الفليو عشب
على الحرق
يكون مدقوقو غبرة وذريه على بلاصة محروقة متديريلوش قماشة فوق الجرح

[عفاف المراة]

يااختي ربي يشافيه الحرق راه احنا كبار و منطيقوش للسطر نتاعو مي نقولك راهالسبيطار راه يتالم منو كل ماتديه للسبيطار يقشرولو القشرة مسكين راح يتالم بزاف و الشفاء راح يطول ننصحك بزيت الضرو عن تجربة شتها من صديقة ليا طرطقت عليها كوكوت نتاع العدس و تحرقت من يديها وكانت تروح للسبيطار تولي مسكينة تبكي من السطر حت قالولها على زيت الضرو ولات ديرو الروحا ونشفلها الحرق اقل من شهر وربي يشافيهولك

[soussou sihem]

ربي يكون في عونه و عونك احتى زيت الثرو اوا الصرو مليح

[zamilio]

زيت الضرو ظربة بظربة اختى تخرقت درجة ثانية ومحبتش تبرى وغير تبكى بعثنا لواحد طبيب يخدم مع الحماية المدنية باه اشدلنا بلاصةفى سبيطار دويرة قللنا درولها زيت الضرو احنى مكناش نعرفوه وقلنا محبش ادير فينا المزية بابا راح شرى زيت الضرو 3 ايام رجعت تمشى لباس عليها بعد ما قعدت 20يوم فى سبيطار بويرة وهى غير مع العياط منوقتها ولا ميخطيش لفريجدار وبشفى على وليدك

[om safo]

ماتخلطيلوش بزاف الجرح أختي ليوم وغدة من ذاك يبرد عليه بشوية وشنهي ردي بالك كي تغطيه فالليل ربي يكون معاك ويخفف عليه والله عشت تجربة مع خويا وهو صغير ونهار طارتو تبهدلت معاه ماما بصح ماتخليش تخلاط فالجرح بلاك انتلاي وربي يصبرك إن شاءالله

[ranimranim]

يا اختي ربي يشفيه ان شاء الله،راهي مقدر ه من عند ربي سبحانه،ديريلو زيت الضرو راهو جد فعال،وراهو يتباع عند اللي يبيعوا الاعشاب الطبية

[الهام17]

االسلام عليكم ورحمة الله وبركاته اتمنى الشفاء العاجل لابنك عاجلا غير اجل انشاء الله والصبر لك لرؤيتك الم ابنك ولم تستطيعي ان تمنعيه اختي احسن دواء للحريق وهو مجرب انشاء الله هو زيت الضرو تلقاه يتباع عند العطار وانشاء الله يكون فيه شفاء لابنك

[meyou]

السلام عليكم اختي ام ادم انشاء الله ادم بخير طمنينا عليه درتيلو زيت الضرو ربي يشفيهولك.

[imen 20]

مسكييييييييييين كيف راهو الان ياخي غير لاباس

داومي على الدعاء و اتذكري انو هذا ابتلاء من عند ربي اصبري و ادعي ربي هو الشافي لا باس طهورا ان شاء الله

اللهم رب الناس اذهب الباس و اشف انت الشافي لا شفاء الا شفاؤك شفاء لا يغادر سقما

[هندة 74]

ربي يشافيه اختي ردي بالك على وليدك كلشي يفوت بصح لوليدات امانة اني عارفة راهم يكلحوك مهما عسيتس يديروها بيك ربي يكون في العون

اما عجوزتك ربي يهديها راهم صنف واحد كان واجب عليها تساندك وتخفف عليك ماشي تزيد فيها

انا عندي علم بزيت الضرو مليح بزاف للحروق وينحي السيكاتريس ربي يشفيلك وليدك ويقدرك

[lindouche]

شوفي اختي انا انحرقت بالزيت وفي وجهي (نصف الايمن 2eme degré) كي رحت centre de santé قالولي ماشي حاجة بصح مبعد بدات القرايس اعطاطني زوجة سلفي sapofen (هي طبيبة) واليوم التاي انتفاخ الوجه والعين وذهبت اللى طبيب محتص في الحروق وهو الي تكفل ب les soins اشتريت له مرهم mibo كل يوم مدة اسبوع ثم نزع الشاش الموضوع على وجهي وبقيت فقط نروح بعد شهر اعطهني مرهم pour la cicatrice ثم مرة احرى مرهم احر اضعه قبل واقي الشمس
استعملت زيت الضرو بعد ما بدا الجرح يتلم الان احمد الله على فضله ولم تتبقى الاثار
الحقيقة الطبيب رائع ويحاف ربي في خدمتو
ما تخيش بربي يرتاح بصح لازم تسطحفضي مليح عليه من المكروب الطبيب كان يقولي كلش بايت على les soins

[nihale89]

اختي نصيحة لوجه الله كي يرتاح الجرح شويا
عليك بزيت الضرو حوسي لكان لقيتي الاصلية راهي ضربة بضربة
الاثار راح تروح تماما

[لميس اميرة]

الى كل الأخوات
مانتمناها لحتى واحد لكن اذا بعيد الشر واحد صابو الحريق عليه وعلى جافيل ايييييه جافيل
انا كي قالولي عليه ما آمنتش بصح واحد النهار تحرقت بنتي في الفورنو تحرقت في يدها ما لقيت ما ندير غير ها زتها ونبكي وبالخف تفكرت
الجافيل قلت نجرب وعلى ربي والله كي فرغتولها على يدها بكات شوية بصح سبحان الله بعد مدة سكت حسها وحبسلها لحريق نتاع الجرح وفي الغد خلاص نشف وما
دارش الماء والله من هاذاك اليوم رجع هو دوايا غير يقيسني الزيت ولا حاجا سخونة نديرو في هذيك الدقيقة ماشي تخلي حتى يبرد الحريق والله ساعات حوائج تحسبيهم يضرو بصح يداويوك
والله ثم ثم يشفى جرحو
ونصيحة للاخوات طيبو علك الصنوبرمرحي في شوية زيت الزيتون صفيوه وخلو يبرد وحطوه في بلارا وسكرو عليه راهو ينفع للجراح واللي ينحي ضروسو
وحتى راهو دواء للجراح نتاع الرحم والهوى بالنسبة للنساء والله فوائده لا يعلا عليها والله جربوه مش رايحين تندمو خاصة اللي تربي في الأطفال عندو منفعة كبيرة
راني نقول في الكلام هاذا عن تجربة والله حبيت نفيد الأخوات الكريمات رآنا هنا بيت واحد
وبالنسبة للاخت ربي يشافيلك بنك ان شاء الله

و الله صح اختي

انا وحد العام حرقني الزيت فيدي

و كنا فالصيف من السخانة و لحريق ما حملتش رايحة جاية على الما

و من الدمار درت بيدون فيه جافال و صابون و غسلت الحيط لي ساح عليه الزيت كي تحرقت و الله تكذبي يومين ارتاحت يدي و راحت لحمورة و رتاحت يدي في سمانة

ربي يشفيلك و ليدك اختي

اغسليلو بالصابون و الجافال ماشي تكبي الجافال طول درك تشوفي

[hope of life]

يا اختي رانا امهات..وكينسمعو بحاجة كيما هكذا...نحسو بالطفل وبالام ...اختي عليك بزيتةالضرو...خلت راجلي حكات عى جارتها تحرقت بالزيت وراحت تجري عند خالت راجلي...كانت عندها قرعة زيت الضرو كبتها على ايدها...تحلف وتقول كيرتاحت..ما بقات حتى طراس....ربي يشفيلك وليدك وشفي جميع المومنين

[hanane09]

اختي ربي يشفيه اني حاسة بيك ديريلو زيت الضرو انا بنتي مادرتل ها والو غير ندهن المكان المحروق بقطنة مشمخ بزيت الضرو ديري ه صباح والعشية وفي 4ايام طاحت القشرة وحدها بشفا ى ليه وربي يحفط اولادنا وبنتاتنا يارب

[ام البنوتة]

كاين صاشيات صغار سبيسيال تاع ليسيكاثريس تاع الحريقة و الله نسيت اسمهم اطلبيهم من الصيدلي و ربي يجيب الخير

[اسينة]

عن تجربة بعد الحرق مباشرة وبدون انتظار ضعي الطماطم المصبرة فوق المكان المحترق واتركيه على الاقل 1 ساعة بعدها ضعي معجون الاسنان واتركيه ليجف هذه اسعافات اولية الى حين الذهاب الى الطبيب لتفادي تغلغل الحرق الى الداخل

[chouchou w]

طاحلي على زيت سخونه ....... هو هدا وين بدا يتعلم يمشي وكي جاني للكوزينة مشتوش خلاص جا من ورايا وقلب الزيت هديك...كي درت خطفتوا بصح الزيت قاساتوا لتم ...دك مبغاش يسكتلي ....وزيد ديت تبهديله من عند عجوزتي آدم يبكي وهي تكسرلي في راسي ...ربي يصبرني ويشفيهولي

rabi sabrak kheti odoka raho labas