استاذة كرونو ،من فضلك ذكريني بالبانس

[موجو جوجو]

السلام عليكم
اختي كرونو نتمنى ماتخيبينيش
حابة تفكرني او تحطي درس فالبانس تاع الكتف نسيت الدرس و مالقيتوش فالدورة الاولى لي شاركت فيها لرسم الباترون
و كدلك تمديلي لي موزوغ تاع لابانس تاع الخصر الامام و الخلف لاني ماشي متأكدة منهم

و بارك الله فيك و جزاك الله خيرا

[crono]

صباح الخير

اختي موجو جوجو دورك نرسمهولك ونحطهلك في المساء

[crono]

مساء الخير سمحني طولت عليك و الله ضروف صعيبة هاذ العام سيرتو لي تكون مع ابنيان وراكي عارفة الاولاد و الزوج وشغل الدار رانا غير وحدة وحدة ربي يعين كل ام
مهيم نضع يمين ويسار نقطة خط الخصر 1.5 سم اي مامجموعه 3 سم وهو قيمة عرض بنسة الخصر للخلف والطول بنسة الخلف12سم أما طول بنسة تاع الكتف ننزال 8.5سم وعرضها 1.5سم
وعرض بنسة الأمام4سم و الطول 17سم

http://www.up.djelfa.info/uploads/142230823573061.jpg (http://www.up.djelfa.info/)

[تقوى اماني]

ممكن اخت كرونو تشرحيلي واش فائدة بنسة الكتف راني لقاها فيىالباترونات لكن من بعد ما يخدموش بيها

[stayfiya]

البانس بشكل عام. يرسملنا الجسم و نحتاجو بانس الكتف من امام في الملابس السواري كالكورساج و ايضاً في لي مونطو فيريفي قشك و كي تخرجي دوري في حوانت القش اتولهي للفصاله راح تفهمي اكثر

[موجو جوجو]

صباح الخير و جمعة مباركة
بارك الله فيك الاخت كرونو و ربي يكون معاك و الله مسؤولية الدراري و الزوج كبيرة زيديلها الشانتيي والله ماتقعدي حتى لحكان راسك ماكاش الوقت
اسمحيلي شقيتك معاي
بصح مزالني مودرة شوي
ادا امكن انت ولا اي وحدة تدخل لهاد الموضوع و تعرف تزيد تفهمني بالكتيبة كيفاش نرسم البانس ولا خلي انا نقلك و انت صححيلي
باه نرسمو البانس تاع الكتف ننطلقو من خط دوران الصدر و نحدو نقطة écart sein
من بعد طول الكتف نقسموه على اتنين، من نقطة تباعد الحلمتين نرسم خط لمنتصف الكتف و نقيس طول الخط، و نفس المسافة لي لقيناها نعاودو نرسموها على خط الكتف ، نهبط ب 2،5 سم من وين يخلاص الكتف و نعوضو المسافة لي كليناها في لابانس؟؟؟؟؟
هكدا ولا لالا؟؟؟؟
و بالنسبة بانس الخصر من ليكار سان ،العمق 3 سم يعني 1،5 من كل جهة و الطول 8،5 للفوق و 8،5 للتحت
و الظهر نفس الكيفية كي ندير بانس وحدة؟؟؟؟؟
ولا راني غير نخرط؟؟

[jody abot]

كاين دروس على ليبانس هنا في منتدانا الجميل بامكانك الاطلاع عليه بلاك تفهمي انا شخصيا تعلمت منو

[موجو جوجو]

ممكن الروابط من فضلك

[jody abot]

http://www.djelfa.info/vb/showthread.php?t=1610829

[موجو جوجو]

مشكورة جودي و حتى انا استفدت من الموضوع خاصة في ديكوب تاع الصدر
اما البانس بروتال او بانس الكتف ماذكرتهاش الاخت صارة ربي يجازيها و يعطيها ما تتمنى و ان شاء الله تكون بخير راهي طولت الغيبة

[موجو جوجو]

هل من توضيح؟؟

[crono]

صباح الخير و جمعة مباركة
بارك الله فيك الاخت كرونو و ربي يكون معاك و الله مسؤولية الدراري و الزوج كبيرة زيديلها الشانتيي والله ماتقعدي حتى لحكان راسك ماكاش الوقت
اسمحيلي شقيتك معاي
بصح مزالني مودرة شوي
ادا امكن انت ولا اي وحدة تدخل لهاد الموضوع و تعرف تزيد تفهمني بالكتيبة كيفاش نرسم البانس ولا خلي انا نقلك و انت صححيلي
باه نرسمو البانس تاع الكتف ننطلقو من خط دوران الصدر و نحدو نقطة écart sein
من بعد طول الكتف نقسموه على اتنين، من نقطة تباعد الحلمتين نرسم خط لمنتصف الكتف و نقيس طول الخط، و نفس المسافة لي لقيناها نعاودو نرسموها على خط الكتف ، نهبط ب 2،5 سم من وين يخلاص الكتف و نعوضو المسافة لي كليناها في لابانس؟؟؟؟؟
هكدا ولا لالا؟؟؟؟
و بالنسبة بانس الخصر من ليكار سان ،العمق 3 سم يعني 1،5 من كل جهة و الطول 8،5 للفوق و 8،5 للتحت
و الظهر نفس الكيفية كي ندير بانس وحدة؟؟؟؟؟
ولا راني غير نخرط؟؟

اه يشطرة وين نقطة écart sein نطلعو بخط حت نقطة الكتف لنقسموه على اتنين و نحبط ب8.5سم وعرضها ب1.5سم:19:

[تقوى اماني]

شكرا شكرا سطايفية وكرونو والله افدتوني كتيرا
الله يجعلها في ميزان حسناتكم