لا أستطيع الابتعاد عن أهلي

[مشكلتي]

السلام علكم و رحمة الله أخواتي إخواني تقدم لي شخص من مدينة تبعد عن مدينتها ب500 كلم هو استاذ جامعيي يصلي و ملتزم و لا يمكن رفضه لكن المشكل أنني لا أستطيع أن أتخيل بأنني سأعيش بعدا عن أسرتي مجرد التفكير يحزنني و يقطع نفسي مع العلم أن عمري 29 سنة أي لست فتاة صغيرة في مقتبل العمر أخاف أن أأندم مستقبلا و الله أنا ف حيرة و لا أريد أصلا التفكير ف هذا الزواج
أريد النصح خاصة من المتزوجات ل يعيشو بعاد على دارهم

[اسامة رحمون]

توكل على ربي أنا تاني كنت قول منقدرش بعد على الدار بعد 2000 كيلوا

[staifia]

normal khti twalfi ..inchallah ykoun zawdj saleh

[ام نهوله]

اذا كان انسان متخلق كيما راكي تقولي فاكيد راح تندمي ايلا رفضتيه كامل كنا نقولو ما نقدروش نبعدو على اهلنا وفي الاخير تزوجنا ونسينا اهلنا ههههههه راني نضحك برك
انشالله ربي يوفقك و انا نقولك بزيان السعد فونس ما توليش للور

[لحن الحياة.]

يا ماما راكي كبييييييييييرة بصح اذا هاذ المشكل متجذر فيك ارفضي وخلاص ......ساهلة

[salem1985]

انا نقول ليك الراجل قادر يعوضك الاهل لو كان راجل الصح وصالح ويستاهل اما الاهل رانا نشوف ناس تسافر الالاف الكلومترات وحدها بدون محرم من اجل منصب عمل ولاعوام وانت في الحلال وراكي تشرطي ولو كان منصب عمل تروحي على جالو لقندهار ربي يهديك انت تعرفي روحك وربي يسهل وانا في راي اعقلها وتوكل

[أَحمــد]

تتخيلين فقط ..
ربي يوفقك للرأي السديد

[عفاف عفة]

السلام عليكم ....
أختي حياة المرأة فيها جزئين ....الجزء الاول نتي عشتيه وخلاص وللي هو في دار باباك ....إذن عيشي الجزء الثاني كما لو أنك خلقتي من جديد ....يعني كيما عرفتي العائلة تاعك رايحة تعرفي عائلة جديدة ...وكيما قالتلك الاخت سطايفية رايحة توالفي ...
وما تنسايش الإستخارة ...إن شاء الله يسهلك أمرك بش تقرري
في أمان الله

[naser94]

تستطيعين أختي تستطعين. ان كان الخاطب كما تقولين فماذا تريدين أكثر.أما عن البعد فسوف تتعودين.
و ماذا عن البنات اللواتي تزوجن في دول أخرى.....

[naamane3]

ارفضيه وابقي مع اهلك
واعلمي ان اهلك راح يدومولك

[سجل أنا جزائري]

مشكلتك ما عندكش نظرة مستقبلية لحياتك تحبي تعيشي الحاضر تاعك و فقط

شوفي شحال من واحد يروح يسافر حتى خارج البلد ما يعرف حتى واحد بمجرد فقط أنو رأى أنو قوت يومه هناك و يروح و يبعد على دارهم و يصنع مستقبله بيده

و أنتي رايحة لبيت راجلك يوفلك كلش و خفتي ؟؟ خمي لبعيد راحت تولي ان شاء الله أم و مسؤولة على بيت و و

[أم شروفة]

29 سنة ؟لستي صغيرة .لذا ان كان انسان متخلق غير اقبلي .وكلمي اهلك في الهاتف .والمسافة مش بعيدة بزاف .اما عن بيت اهلك راح يجي يوم وتتغير الظروف ممكن زوجات اخوانك ما يعودوش يحبوك تجي .

[عابد لله]

علاش راكم داخلين عليها كيما هاك حرام عليكم؟ رهي محتاجة نصيحة مش ضرب وتبهديل.
نصيحتي ليك اذا تعرفي روحك ما اتقدريش على الغرب غير خليك منو كي يكون واش يكون. 29 سنة وجاك المكتوب يعني ممكن يروح هذا يجي ما خير منو. ابواب ربي عمرها ما تتسكر. خممي مليح اذا تقدري على الغربة وافقي ما تقدريش نحي الموضوع من بالك وربي يعوضك.
تصوري تتزوجيه ومن بعد يضيق عليك الحلا؟ واش ديري تطلبي الطلاق؟ كارثة اكبر واكبر.

[mostafa28]

الله يهدي ما خلق اختي العزيزة انا و آلاف بنات جزائريان ولا من كل العالم عايشين في فرنسا واش نقول و لو توفي بنات في 18 من العمر يجب مع أزواج ما يعرفو والو عليهم يتحمل المر ما عنهم حل ما يقدر يروح حتى عند واحد في البلاد كاين ناس الخير جارة أو أهل يونسكو لكن هنا ما كان والو جارتي في الباب ما تعرف ما تعرفها الله يسهل

[عـابر سبيل]

هذه هي سنة الحياة

من اتاكم ترضون دينه وخلقه فزوجوه

[الجسم في غربة والروح في وطن]

Tewalfi ki ma waleft Ana el mouhim ezawj essalih

[سلواان]

أقول لك إذا كان الرجل شهم ونبيل ..فشدي معه الرحال حتى الى جزر الواق واق ..فوالله إنك لتجدين في بحر طيبته ومروءته ماينسيك الدنيا ومافيها ...تأكدي من الأمر أولا ثم لاتشغلي نفسك بحكاية الغربة فهو شعور آني تتخلصين منه مع مرور الوقت ..

[anfal10]

اعتقد انك جاوبت على سؤالك بنفسك لا تكلفي نفسك ما لا طاقة لك به لا يمكنك العيش بعيدا عن اهلك لا تقبلي به اراك متعلقة جدا بالبيت العائلي خاصة ماماك ربي يحفظهالك الحقيقة هنات فتيات لا يستطعن العيش بعيدا عن اهلهم نحن نراها غير عادية و يمكنها التاقلم لكن كل واحدة و طباعها و نفسيتها هناك من تستطيع العيش في المريخ مثلي هاهاهاهاها و هناك السمكات اللتي اذا خرجن من بيئتهن يمتن على الفور نحن لا نتمنى مرضك او تتعقد نفسيتك بعيد الشر
لكن اعرف بنات تزوجن صغيرات و هن في فرنسا بلجيكا بريطانيا دبي و واحدة بين امريكا و الصين

[fafi05]

يا اختي توكلي على ربي و اقبلي بيه ماكيش حتلقاي زوج صالح دايما و مشكلة ماكيش قادرة تبعدي على بيت اهلك مع الوقت توالفي كاين بنت نعرفها تزوجت و سكنت في نفس الحي اللي يسكنو فيه اهلها لكن للاسف دار باباها تزورها مرة في العام و احيانا عند الضرورة في حالة مرض والديها و السبب انو راجلها غيار بزاف و ميحبهاش تروح لدار باباها يعني بالمختصر قادر يكون بعد المسافة ليس هو السبب في البعد عن بيت اهلك يمكنك الا تصال بهم هاتفيا او عبر ال***** و كي يكون راجلك مش خدام يديك تزوريهم و هكذا حتى توالفي ربي يوفقك و يسعدك و يهنيك

[bessaim fatima]

يا اختي توكلي على ربي و اقبلي بيه

[Kawthar77]

السلام علكم و رحمة الله أخواتي إخواني تقدم لي شخص من مدينة تبعد عن مدينتها ب500 كلم هو استاذ جامعيي يصلي و ملتزم و لا يمكن رفضه لكن المشكل أنني لا أستطيع أن أتخيل بأنني سأعيش بعدا عن أسرتي مجرد التفكير يحزنني و يقطع نفسي مع العلم أن عمري 29 سنة أي لست فتاة صغيرة في مقتبل العمر أخاف أن أأندم مستقبلا و الله أنا ف حيرة و لا أريد أصلا التفكير ف هذا الزواج
أريد النصح خاصة من المتزوجات ل يعيشو بعاد على دارهم

يا اختاه انا تزوجت في الغربة وامي ربي يخليهلي ان شاء الله سنتيين مشقتهاش لكن الحمدلله نهدر معها يوميا في ***** وتصبرني وتقولي زوجك أولى بيك بنتي والمهم راني هانية والحمدلله زوجي كان ابي وامي واخي وأختي في الغربة وعندي ستة سنين مغتربة وفي اول شوية صعيبة بصح مع ولدي نساني الغربة وروح ضيفة شهر للبلاد. وفي رجوع تاعي نقنط ونديها غير بكاء وهدي هي الدنيا والوالدين ميدموش ليك ويحبوا يشفوك بدارك ووليداتك وادا جاءكم ما ترضون دينه وخلقه فزوجوه ونقولك مسبقا مبرررررررررروك اختاه

[رقية الناجحة]

ماتخافيش رايحة توالفي

[orchid violet]

السلام عليكم ...شوفي اختي حسب راببي توكلي على ربي سبحانو و اقبلي مادام قلتي متربي و مدين و الله الغربة صح صعيبة مي يالشوبة وتوالفي ...