طلب نصيحة منكم اخواني الكرام

[ghodbane abderrachid]

السلام عليكم اخوتي انا طالب جامعي سنة ثانية ماستر . ونجحت في مسابقة اعوان الحماية المدنية لكني متردد قليلا فما تنصحوني التحق بالحماية المدنية واترك الدراسة او اكمل دراستي وانتظر المكتوب وبارك الله فيكم

[*باسم*]

وعليكم السلام

روح تخدم

[el hadi adel]

يا خويا في الحاجة هادي واحد مايقدر اعاونك أنت المسؤول عن مستقبلك وأدرى بحالك نحن لا نعلم بضروفك وكل واحد منا له رأيه الشخصي،
أنصحك بالتفكير معمقا مع ذاتك وأداء صلاة الإستخارة
والله ابارك أنت راك كبير وتقدر تميز الحاجة اللي تخرج عليك
أتمنى لك التوفيق وأدعوا الله أن يقربك لك ما فيه الخير ,

[Dhiaà Doudou]

صاحبي روح فوت ستاج تاعك وممبعد كمل قرايتك خصوصا ان ماستر في 5 سنوات وبانتلي بليسونس دوك تدخل حاجة مليحة + كي تحط ماستر تاعك تزيد تطلع رتلتك اكثر ان شاء الله لأن حماية مشي نضام كيما نضام تاع عسكر ودرك
مجرد رأي , هدا كون جيت في انا بلاصتك ههههه

[*الحواس*]

ما تفرطش فيه أخي الكريم ، راك تندم إذا سمحت فيها ..........
نحن نصحناك ، و أنت يعود لك القرار الأخير .

بالتوفيق :19:

[bora2015]

ida kount a l'aise fincierement kamal les etudes taak

[ghodbane abderrachid]

بارك الله فيكم اخوتي الكرام على هذه النصائح القيمة ساخذها بعين الاعتبار جزاكم الله خيرا .يااخوتي المديرالعام للحماية المدنية نصحني بعدم الذهاب والله اعلم انا حائر من جهة لا اريد لسنوات دراستي ان تضيع سدى لكمن اخبرني اذا اردت الذهاب بعد انتهاء التربص اكمل دراستي واحاول ان اتوضف بدراستي والايتقالة من الحماية المدنية والعلم لله بارك الله فيكم اخوتي مجددا على التفاعل .

[sammybouziane]

tssa3feni rir rouh dir stage

w khedma mehich keyena, apar ila kont tekra medecine wla architect wla heja mliha

w normal , ma fiha welo ilakhdemt agent, el mohim chahria , w bzf ta3 ness degradé niveau , mechi rir nta

[ghodbane abderrachid]

بارك الله فيك اخي انا نقرا سنة ثانية ماستر تربية بدنية . شكرا على المرور

[ilyes nrbg]

السلام عليكم اخي انا اقول لك انت الادرى بامرك وظروفك وانا ارى من الاحسن ان لا تترك الفرصة التي اتيحت لك في التوظيف خصوصا وانك تستطيع اكمال الدراسة بعد التربص وانت سنة ثانية ماستر يعني تبقالك غير مدكرة التخرج راك تكملها بسهولة خوصا ان العمل في الحماية يكون عندك وقت للدراسة يا اخي نا عندي صاحبي يقرا معايا وهو يخدم فالحماية نورمال خلاص ومبعد ماتكمل قرايتك وتنجح في منصب اخر احسن من الحماية بدل هدا امر عادي

[ghodbane abderrachid]

السلام عليكم اخي انا اقول لك انت الادرى بامرك وظروفك وانا ارى من الاحسن ان لا تترك الفرصة التي اتيحت لك في التوظيف خصوصا وانك تستطيع اكمال الدراسة بعد التربص وانت سنة ثانية ماستر يعني تبقالك غير مدكرة التخرج راك تكملها بسهولة خوصا ان العمل في الحماية يكون عندك وقت للدراسة يا اخي نا عندي صاحبي يقرا معايا وهو يخدم فالحماية نورمال خلاص ومبعد ماتكمل قرايتك وتنجح في منصب اخر احسن من الحماية بدل هدا امر عادي


بارك الله فيك اخي الكريم على الرد القيم ساخذه بعين الاعتبار شكرا لكم على النصيحة

[ghodbane abderrachid]

بارك الله فيكم اخوتي الكرام على النصائح ولكن بعد التفكير الجيد والاخذ والرد والاخذ باراء اهل الخبرة قررت ان لا اذهب الى الحماية خصوصا وان الوالد غير راضي على ترك الدراسة . ساكمل دراستي وانتظر المكتوب . شكرا على النصائح