كيفيه تفصيل و خياطjupe clocheة 👗stayfiya👗

[stayfiya]

http://imagizer.imageshack.com/img901/5725/aGVMjA.jpg
السلاام عليكم نهاركم سعييييد
اليوم خبطت في راسي فكره
http://imagizer.imageshack.com/img661/2619/XBJyDV.jpg
نحتاجو قماش متر الى متر و 10
و 60سم دوبلير و لي ماعندهاش معليش ما ديرهاش
فيرميتور 20سم
راح نخيطو جيب مع بعضانا
وجدو القياسات لي نحتاجوها
دوران الخصر
دوران الحوض
طول الجنب (من لاطاي للباسان)
طول لا جيب
هاذ الموضوع يساعدك
http://www.djelfa.info/vb/showthread.php?t=1729755
و حتى لي ما تعرفش تفصل راهي سااااااهله
انظمي لينا و تاكدي ميش راح تندمي
كي يتلمو عشره بنات راح نحط التطبيق بصح
نبعثلكم للخاص طريقة العمل
فقط لي تحب تطبق تقولي اذا تفهم بالباترون نبعثلها باترون
و اذا تفهم بالشبر كذلك راح نفهمها بطريقتها
المهم التطبيقات كي نخلصو راح نحطوها و نقيمو
احسن تطبيق وانا الاولى راح نطبق معاكم
المشاورات تكون هنا في الموضوع
انا بانتضاركم
سلاام
http://imagizer.imageshack.com/img540/8233/JWabNH.jpg[/COLOR][/COLOR]
اسماء المشاركات في المهمه
http://imagizer.imageshack.com/img631/804/bMgCza.jpg

Racha2010
Biba04
...amel
موجو موجو
Polyma
ام ياسين الزهراء
ام رشدي
*منى*
تقوى اماني
ام معاذ ام معاذ
Faiza2008
شابر محمد
fatma1977
فخوره بحجابي
ندى قدور
امي العسل
Loudjeine2000
في انتظار البقيه
.....
.....
أخر اجل الجمعه نبداو على بركة الله
على المشتركات ياكدو انضمامهم. و اذا حبت وحده الانسحاب
ياريت تنسحب ضك ميش حتى نبعثلها الدرس
لأنو راح يكون اجراء آخر في حقها
جهزو رواحكم راح تكون منافسه طيبه و مفيده
.....
http://imagizer.imageshack.com/img910/9389/hKgF3t.jpg[/COLOR[/CENTER][/SIZE]][/SIZE][/COLOR][/CENTER][/SIZE][/COLOR]

[*ام عبد الكريم*]

و عليكم السلام ...صباح الانوار يا اختي سطوف كيف حالك ...اشكرك على الموضوع القيم انا بغيت نخيط واحد لبنتي (7سنين) اذا ممكن و مشي شرط واحد كبير فانا ان شاء الله رايحة نكون معك و نحاول بارك الله فيك تحياتي

[biba04]

صباح النور سطايفية فكرة ممتازة ارفع اصبعي للمشاركة

[amel...]

صباح الخير عليكم ... باذن الله انا من المشاركات

[stayfiya]

رائع. رشوه ميش شرط تكون كبيره المهم التطبيق و النجاح و الاستفاده اهلين بيبا و امال
اذا رشا بيبا و امال
نزيد ننوضحلكم الدرس راح يكون على الخاص و هنا المانقشه و النتيجه النهائيه لي مهتم يدخل ماتخافوش ياخي باطل ميش دوره مدفوعة الاجر
هياااا نشاااط باش نبدااو مزال سبعه شكون التالي

[موجو جوجو]

صباح الخير سطوف
واش راكي لاباس
يعطيك على كل المجهودات لي قدمتيهم و ربي يعطيك ما تتمناي ان شاء الله و يرحم الوالد و يسكنه الجنة ان شاء الله


فيما يخص الخياطة واش نقلك راكي شفتي السطوك تاع القماش و زدت شريت موراها، بصح تكسرو يديا من الماشينة تاع عام دقيوس و زيد نحب نخدم في جماعة باه نتحمس، لاني نحب العمل الجماعي و روح المنافسة

ايا سيدي كي عادت فيها مشتركات لازم نكون وحدة منهم، و راح نخيطو لماما، القماش واجد

و بارك الله فيك مرة اخرى

[موجو جوجو]

راني وريتهالها لماما، وهي شوي قصيرة و سمينة، قالتلي ماتعرضيهاليش بزاف ماشي حبيتيني نولي قرعة غاز
تسما يكون فيها شوي تغيير واش قلتي

[stayfiya]

اهلين موجو حبيبتي مبزرك الانضمام لا جيب تكون ايفازي من اسفل و من فوق قد لاطاي نتي احكميلها لي ميزور و وجدي قماشك وربي يعيشهالك

[polyma]

باذن الله انا من المشاركات

[polyma]

حبيبتي حبيت نخيطها لبنتي في عمرها 18سنة يك مليحة نصحني

[باسم وبيسان]

:19::19::19::19:مساء الخير عليكم
فكرة رائعة سطايفية مى دماج مانقدرش نشارك مرة اخرى انشاء الله لقماش ماعنديش ومنقدرش نخرج لولاد مراض فى حالة سخطووو بيسان حبيبتى رانى ما لقيت كيفاه ندرلها
كون انى خيطت لماما هيا لى تحب الكلوش راحت عليها :o:o:o:o:o:o
اللمهم رانى نتبعكم ونكون معاكم ونتقرعج عليكم كما يقولو الدزيريا ههههه:19::19::19::19:

[ام رشدى]

اختي لعزيزة سطايفية راكي طليتي على قلبي بصح راكي تشوفي اله يبارك الثلج مغطي الحالة وبالتالي مانقدرش نخرج وقتاش تبداي وبالاك تستناينا شوية حتى نشرو القماشهههههههههههههه وماهي نوعية القماش الي يصلح فيه ويعطييييييييك الف عافية واللله يرحم الوالد وغمد روحو الجنة

[موجو جوجو]

سلام عليكم
اختي سطوف راه كلش واجد: القماش و القياسات و حتى الحماس
ان شاء الله نبداو في القريب العاجل

[*ام عبد الكريم*]

اختي سطايفية معليش زدنا شوي وقت مازال ما شريتش لقماش و هنا في قسنطينة لا دخلة لا خرجة بسبب الثلوج شكرا لك

[أم ياسين الزهراء]

ان شاء الله نخرج ونشري القماش بنتي هبلتني على جيب الله يعطيك الصحة

ادعي ربي تصحى الحال وتطل علينا الشميسة نبانو في وقت هايدي ههههههههههههههه

[*منى*]

باذن الله اني مشاركة معاكم بصح كيفه على الخاص مافهمتش الطريقة ياريت توضحولي

[باسم وبيسان]

صباح الخير عليكم وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[باسم وبيسان]

باذن الله اني مشاركة معاكم بصح كيفه على الخاص مافهمتش الطريقة ياريت توضحولي



صباح الخير اختى على الخاص تبعتى استفسار فى رسالة خاصة عند السطايفية ليس هنا فى الموضوع موفقة:19::19::19::19::19::19::19::19::19:

[تقوى اماني]

انا تاني حابة نشارك بصح ما نعرفش الاتصال على الخاص كيف يتم ذلك

[stayfiya]

باذن الله انا من المشاركات
مرحبا بوليما شكرا على الانظمام باش نتفاهمو هنا مكانش فليكسي ههههههه:1:
حبيبتي حبيت نخيطها لبنتي في عمرها 18سنة يك مليحة نصحني
هي تصلح من عام لمية سنه كامل يلبسوها هههههه
:19::19::19::19:مساء الخير عليكم
فكرة رائعة سطايفية مى دماج مانقدرش نشارك مرة اخرى انشاء الله لقماش ماعنديش ومنقدرش نخرج لولاد مراض فى حالة سخطووو بيسان حبيبتى رانى ما لقيت كيفاه ندرلها

كون انى خيطت لماما هيا لى تحب الكلوش راحت عليها :o:o:o:o:o:o
اللمهم رانى نتبعكم ونكون معاكم ونتقرعج عليكم كما يقولو الدزيريا ههههه:19::19::19::19:
اذا حبيتي تلتحقي مزال الحال رانا كامل نستناو في الثلج يذوب راحنا محبوسين في الدار و اذا باغيه تقرعجي نقولك دوماج هاذ المره تقدري تقولي هاذي ورشه close ههههه. هنا يكونو غير المشاورات و النتائج النهائيه
اختي لعزيزة سطايفية راكي طليتي على قلبي بصح راكي تشوفي اله يبارك الثلج مغطي الحالة وبالتالي مانقدرش نخرج وقتاش تبداي وبالاك تستناينا شوية حتى نشرو القماشهههههههههههههه وماهي نوعية القماش الي يصلح فيه ويعطييييييييك الف عافية واللله يرحم الوالد وغمد روحو الجنة
مزااال الحال ام رشدي الارصاد الجويه تقول بلي في العلمه ميش كيما سطيف. يعني حنا اكثر. معناه نسنا خيتي ماذابيا اكبر عدد يسجل خاطر ميش راح نحط الورشه مذا بيا يتسفاد لي حاب
سلام عليكم
اختي سطوف راه كلش واجد: القماش و القياسات و حتى الحماس
ان شاء الله نبداو في القريب العاجل
اصبري موجو خيتي لبنات مزال ما تلموش و التاويل ماكاش. بصح خلي الحماس. كيما راه باشتعطينا نتيجه هي بدات :19:
اختي سطايفية معليش زدنا شوي وقت مازال ما شريتش لقماش و هنا في قسنطينة لا دخلة لا خرجة بسبب الثلوج شكرا لك
راني نستنا معاكم على امل يلتحقو بنات اخرين. هيا لمولنا معارفكم :mh31:
ان شاء الله نخرج ونشري القماش بنتي هبلتني على جيب الله يعطيك الصحة

ادعي ربي تصحى الحال وتطل علينا الشميسة نبانو في وقت هايدي ههههههههههههههه
ههههههههههههه. كوووغير جينا في وقت هايدي فووور راني نستنا
باذن الله اني مشاركة معاكم بصح كيفه على الخاص مافهمتش الطريقة ياريت توضحولي
شوفي منى عزيزتي نتي ماعندكش المشاركات بزاف راح نتفاهم مع المشرف تبعثولو ليه الانجاز نتاعكم و المشاورات تكون في هاذ الموضوع. يعني راح نبعث لكل وحده الباترون و طريقة العمل و هي طبق. و ماذابيها تصور مراحل العمل و تبعث الصور للاخ المشرف فهمتي عليا ؟؟؟
صباح الخير عليكم وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راااانا مزال محتجزين في الديار الثلج ماكان وين تروحي
صباح الخير اختى على الخاص تبعتى استفسار فى رسالة خاصة عند السطايفية ليس هنا فى الموضوع موفقة:19::19::19::19::19::19::19::19::19:
لالا ام باسم الاستفسار يكون هنا. في الموضوع العمل النهائي لي يبعثوه على الخاص و اكيد الباترون و طريقة العمل انا لي راح نبعثهالهم على الخاص هيا تشجعي و ادخلي سينو تقعدي كي الجيران تقرعجي و ميش راح تفهمي هههههه:1:
انا تاني حابة نشارك بصح ما نعرفش الاتصال على الخاص كيف يتم ذلك
الاتصالالخاص تبعثي العمل تاعك للمشرف ولي عندها مشاركات فوق الالف تقدر تبعثلي نورمال


رانا مزااال نستناو في الباقي ينضمو لينا هلمو ياخي باغيين تتعلمو هاذ المره مكاش الفرجه بح انتهى وقت الباطل ضك باش تتعلمي لازم تتعبي و طبقي :mh31:

[ام رشدى]

اختي سطايفية مساء الخير انشاء الله تكوني بخير. الثلج حتى عندنا صب الخير والبراكة وكي عدتي تستناي راني معاك وقوليلي فقط القماش الملائم باه كي تجي الفرصة نخرج انشاء الله وربي يعطيك على قد نيتك ويرحم الوالد برحمتو امين رب العالمين

[ranimranim]

الله غالب نحب نخيط بصح مانعرفش ننزل الصور من الطابلات ،نتمنى لكل المشاركات التوفيق

[أم معاذ أم معاذ]

أنا أنا
ما نعرف لحق على العرس كسما تقول الأخت الخروبية ولا فاتني هههههههههههههههههه
القماش واجد و القياسات واجدة

[stayfiya]

اختي سطايفية مساء الخير انشاء الله تكوني بخير. الثلج حتى عندنا صب الخير والبراكة وكي عدتي تستناي راني معاك وقوليلي فقط القماش الملائم باه كي تجي الفرصة نخرج انشاء الله وربي يعطيك على قد نيتك ويرحم الوالد برحمتو امين رب العالمين
صحيتي ام حمزه القماش انا شريت شانيل تاع شتا لاني حابه نلبسها ضك لاجيب و انتي خيري اي نوع. الله يبارك عندكم حوانت ملاح في بلعلى تاع قماش و سعر معقول انا ديما نشري من ثما
الله غالب نحب نخيط بصح مانعرفش ننزل الصور من الطابلات ،نتمنى لكل المشاركات التوفيق
ساااهلة ماهله انا حطيت موضوع يعاونك
كيفية ادراج صور من الايفون و اليباد حوسي في مواضيعي تلقايه راح يعاونك غير انضمي و ماتقوليش لالا هي فرصه
أنا أنا
ما نعرف لحق على العرس كسما تقول الأخت الخروبية ولا فاتني هههههههههههههههههه
القماش واجد و القياسات واجدة
اهلااااا بام معاااذ كنت عارفه لوكان تسمعي تنضمي معانا ههههه والخروبيه ربي يمتعها بالصحه و يذكرها بالخير

[stayfiya]

اكتمل العدد عشره و طامعه في المزييييد هياااااااااااا تحركو.

[polyma]

مرحبا بوليما شكرا على الانظمام باش نتفاهمو هنا مكانش فليكسي ههههههه:1:

:mh31:

ههههه والله ضحكتني مهيم نزدام :19:

[polyma]

اه نسيت يك تولم لبنات تع دورك تعريفهم :confused:أنا بنتي تلبسها تحت الفيسة لأنها متحجبة

[stayfiya]

ههههه والله ضحكتني مهيم نزدام :19:
هههههههههههه معليش والله الفايده كي تتعلمي اليوم تخيطيها لبنتم و غدوه ليك و غدوه اذا قدرتي حتى خيطي للناس و لا حتى تبرعي للي ما عندوش.
اه نسيت يك تولم لبنات تع دورك تعريفهم :confused:أنا بنتي تلبسها تحت الفيسة لأنها متحجبة

انا تعجبني لانها تتلبس في كل الاحوال و ما ترفدش لقماش. يلبسوها كامل الناس

[باسم وبيسان]

سطايفية ضحكتينى:D:D:D:D:D واش دريلى فى الكوراج والله والووو زادلى لولاد مراض طلبى ربى يشفيهم ورانى نشارك معاكم :34::34: بصح بشرط رانى فنيانة شوية :cool::cool::cool: كى عدت لو كان مانشركش تحسبينى من الجيران :mad::mad::mad::mad::mad:لالالالالا انا مولات الدارة ولالالا هههههه
بصح اسناينى نخرج ونشرى لقماش :o:o:o:oادكرينا الانواع تاع القماش لى يصلحووو انا فى الخياطة تاع الخرجة 00000000000000000000 ماعندى حتى خبرة خيطة ديفاسط قصار عندى وحد 2 ولا 3 خربطت برك وحدى برطابلى تصاورووو مش ملاح كون انى صورتهملك :19::19::19::19::19::19:

[stayfiya]

اييييه يا خلايا على ام بيسان واش تشكي ههههههه بصح راكي المشاعر كامل خرجتيهم في الرد نتاعك شوفي ياخي مزال الحال شوي بعقلك و ما طلبناش بزاف ميطره و عشره و الله تخيطيها في رمشة عين انا لقماش ما نفهملوش ياختي عيني ميزاني نتفرج و لي يعجبني نشريه مالا هاذ لقماش شريتو من عندكم في قسنطينه. في الطريق الجديده هذاك لي يبيع لقمااش بزاااف لكبييير. راه باطل 20نلف للمتر
http://imagizer.imageshack.com/img540/3843/771Nyf.jpg

[باسم وبيسان]

اييييه يا خلايا على ام بيسان واش تشكي ههههههه بصح راكي المشاعر كامل خرجتيهم في الرد نتاعك شوفي ياخي مزال الحال شوي بعقلك و ما طلبناش بزاف ميطره و عشره و الله تخيطيها في رمشة عين انا لقماش ما نفهملوش ياختي عيني ميزاني نتفرج و لي يعجبني نشريه مالا هاذ لقماش شريتو من عندكم في قسنطينه. في الطريق الجديده هذاك لي يبيع لقمااش بزاااف لكبييير. راه باطل 20نلف للمتر
http://imagizer.imageshack.com/img540/3843/771nyf.jpg

هههههههههههه رانى مخرجتش عندى بلاك شهرييين
المهم غدو ندى بيسان لطبيب ونشوف بصح انا منيش طلع لقسنطينة سنطر فيل طبيب تعها فى ديدوش بلاك نلقى الحانوت لى شريتى منعندووو يقلولو زابورىىى ارخص واحد فى قسنطينة ضرك بصح او زاد حل واح خلاف علابلك السطايفية فلول زبورى كيحل كان يبيع الميطر ب 5 لاف وضرك زاد كى لقا الاقبال بزاف ههههه

[stayfiya]

ههههه المهم اخرجي و اشري. لي جات و لكان ما شريتيش اجبدي درا ولا كله من تاوعك ما تحتاجيهش و طبقي فيه باش تقعدلك سوفونير هههههههههه

[*ام عبد الكريم*]

هههههههههههه رانى مخرجتش عندى بلاك شهرييين
المهم غدو ندى بيسان لطبيب ونشوف بصح انا منيش طلع لقسنطينة سنطر فيل طبيب تعها فى ديدوش بلاك نلقى الحانوت لى شريتى منعندووو يقلولو زابورىىى ارخص واحد فى قسنطينة ضرك بصح او زاد حل واح خلاف علابلك السطايفية فلول زبورى كيحل كان يبيع الميطر ب 5 لاف وضرك زاد كى لقا الاقبال بزاف ههههه


صباح الخير ام باسم واش راكي ....بغيت نصقسيك وان جاء هد لمحل الجديد الي هدرتي عليه انا مولفة نشري من عند زبورى بصح لازمك ديما لثمة على خاطر لقمشات لملاح يطير بهم بالخف شكرا لك و ربي يشفي بيسان تحياتي

[amel...]

ان شاء الله تتفتح الطريق و تكون الكونكسين مليحة
و ادا متحلتش رايحة نطبق في اي قماش المهم نتعلم ... بصح حاجة برك يا السطايفية مادا بيك تمديلنا شوية وقت باه نطبقو كاينين المبتدات و انا منهم

راني طبقت درس المقاسات و هادو القياسات لي تحتاجهم
دوران الخصر 72 سم
دوران الورك 96سم
طول الورك 19 سم
الطول حاباتو ميدي

ان شاء الله نكون توفقت في اخذ المقاسات

[faiza2008]

سطوف غدوة انشاء الله على قدرت نخرج نشري التاويل و رانيي جااااية

[امي العسل]

انا تاني معاكم و قوليلي برك قتاش تبداي

[باسم وبيسان]

مبروووووك التاهل 1 2 3 viva l'algerie

[باسم وبيسان]

صباح الخير ام باسم واش راكي ....بغيت نصقسيك وان جاء هد لمحل الجديد الي هدرتي عليه انا مولفة نشري من عند زبورى بصح لازمك ديما لثمة على خاطر لقمشات لملاح يطير بهم بالخف شكرا لك و ربي يشفي بيسان تحياتي

lمساء الخير رشة الحانوت راهووو فى رود شوفالى منا جيهت الرود فرونص ماشى جيهت سوق العاصر وليبرى احسن من زابورى معندوش بزاف ملى حل كان حانوت تاع القش يبيع تاع قش تاع النساء وتاع لةلاد :mh31::mh31::mh31:

[ندى قدور]

نقدر نشارك معاكم ولا اطفرت فيا هذا وين فقت

[فخورة بحجابي]

مشكورة اختي السطايفية انا عندي بزاف مادخلتش للمنتدى وليوم كي شفتك هنا فرحت المهم انا ثاني احسبوني معاكم فالتطبيق بالباترون وبارك الله فيك .

[fatma1977]

رانى معاكم فى المهمة إذا ما رانيش متأخرة

[شابرمحمد]

السلام عليكم
في ميزان حسناتك اختي السطايفية
واذا مزال كاينه بلاصه زيدوني معاكم هههه

[faiza2008]

:mh31:راني درت الكوراج وخرجت شريت الادواااااات، وقتاش نبداو، والله غير يعطيك الصحة الورشات الجماعية تحفز اكثر و خاصة اذا كانت فالكواليس :1: ماكاش اختيار يا تتعلمي يا ديكونيكتي.

[stayfiya]

ان شاء الله تتفتح الطريق و تكون الكونكسين مليحة
و ادا متحلتش رايحة نطبق في اي قماش المهم نتعلم ... بصح حاجة برك يا السطايفية مادا بيك تمديلنا شوية وقت باه نطبقو كاينين المبتدات و انا منهم
الوقت راح يكون ثلاث ايام نورمالمون راهي مليحه علابالي بيكم فحلات طبقوها الجمعه نبداو اذا كتب ربي

راني طبقت درس المقاسات و هادو القياسات لي تحتاجهم
دوران الخصر 72 سم
دوران الورك 96سم
طول الورك 19 سم
الطول حاباتو ميدي

ان شاء الله نكون توفقت في اخذ المقاسات
مليح مذا بيا لبنات لي انضمو يحطو مقاساتهم باش اذا كلن خلل ما يظهرلناش و قت لخياطه و نفسدو لقماش
سطوف غدوة انشاء الله على قدرت نخرج نشري التاويل و رانيي جااااية
ان شاء الله
انا تاني معاكم و قوليلي برك قتاش تبداي
الجمعه
نقدر نشارك معاكم ولا اطفرت فيا هذا وين فقت
مزال الحل اكدو انضمامكم ضك
مشكورة اختي السطايفية انا عندي بزاف مادخلتش للمنتدى وليوم كي شفتك هنا فرحت المهم انا ثاني احسبوني معاكم فالتطبيق بالباترون وبارك الله فيك .
الجمعه لازم تكونو ملمومين باش نبعثلكم الباترون و طريقة التفصيل نتوما وريولي شتارتكم
رانى معاكم فى المهمة إذا ما رانيش متأخرة
اهلييين فطووم حلات اللمه
السلام عليكم
في ميزان حسناتك اختي السطايفية
واذا مزال كاينه بلاصه زيدوني معاكم هههه
ام محمد برافو
:mh31:راني درت الكوراج وخرجت شريت الادواااااات، وقتاش نبداو، والله غير يعطيك الصحة الورشات الجماعية تحفز اكثر و خاصة اذا كانت فالكواليس :1: ماكاش اختيار يا تتعلمي يا ديكونيكتي.
يعطيك الصحه نسيت ما قلتلكم نحتاجو فيرميتور 20 سم
الجمعه باذن الله نبداو

[شابرمحمد]

باذن الله اختي سطايفية

[جيجلية]

قريب فاتتني الورشة هذا وين شفتها

انا معاكم بصح مازال ماشريتش القماش يعني ما نقدرش نخرج حتى للاسبوع اللي جاي

هذي المقاسات اللي خرجتلي

الخصر=86سم
الحوض=101سم
ارتفاع الحوض=25 سم
الطول الكلي=93 سم

[loudjeine2000]

اكيد معكم شكرا اختي سطايفية على الورشة الرائعة وان شاء الله اكون من عند حسن ظنك

[stayfiya]

قريب فاتتني الورشة هذا وين شفتها

انا معاكم بصح مازال ماشريتش القماش يعني ما نقدرش نخرج حتى للاسبوع اللي جاي
معليش جيجليه. جربي في طرف درا ولا كاش قماش ما تحتاجيهش المهم نتي احفظي الخدمه باش تشفاي عليها لانو اذا خليتيها تفوتك ميش راح. تلقايها
اكيد معكم شكرا اختي سطايفية على الورشة الرائعة وان شاء الله اكون من عند حسن ظنك
اهلين لجينو المهم تكوني عند حسن ضنك نتي بقدراتك :1:
باذن الله اختي سطايفية

ام محمد. راني نحس بالحيويه عندك ربي يدومها و تنجحي. اميييين

[stayfiya]

ااه جيجليه اكديلي اذا تنضمي ولا لالا باش نظيف اسمك للجماعة الزينه ما تحشميش هنا راكي تتعلمي ميش راكي في مسابقه

[*ام عبد الكريم*]

السلام عليكم وش راكي اختي سطايفية ...جاهزين ان شاء الله في التطبيق و جزاك الله كل خير فيما يخصني افهم البترون و الشبر ايضا الاثنين مساعدني
...تحياتي

[biba04]

مساء الخير بنات سطوف ان شاء الله الجمعة نكونو هنا

[جيجلية]

ااه جيجليه اكديلي اذا تنضمي ولا لالا باش نظيف اسمك للجماعة الزينه ما تحشميش هنا راكي تتعلمي ميش راكي في مسابقه

إيه اختي سطايفية حطيني مستحيل نضيع هذي الورشة

[crono]

السلام عليكم

وبالاخص كل المشتركات في هاته الدرة

شكرا للاختstayfiya على المجهود المبذول من طرفها

وان شاء الله الاخوات يستفادو من هاذ الورشة

واهم شيئ التطبيق:19:

واخذ القياسات جد ضروري:19:

حظ سعيد للجميع و سلامي الحار لكم

[شابرمحمد]

ههههه اختي السطايفية الحماس دايما موجود والقماش غايب خخخخ
باذن الله اليوم نخرج نشري القماش حتى انا خاصتني جيب تحت المونطو باش نخرج بيها
فانتظار الدرس الى يوم الجمعه نلتقي باذن الله ..الى ذلك الحين في رعاية الله اختي السطايفية
شفتي تقولي راني في نشرة اليتيمه ههههههههههههههه

[mimimouni]

السلام عليكم
واشراكي اختي سطايفية
يعطيك الصحة على الهمة لي عندك وبارك الله فيك على الشئ لي تقدمي فيه
في انتضار ابداعاتكم ربي يعينكم

[حورية38]

واقيلا تطفرت فيا ربي يباكلكم كان غير تضموني ليكم نكون شاكرة في الحقيقة ماكنتش متاكدة من القماش ادا نلقى او لا ارجو الرد اخت سطايفية
نتمنى نكون معاكم او حتى متتبعة معليش المهم ربي يوفق الجميييييييييييع

[faiza2008]

السلام عليكم
محيط الوسط 94
محيط الورك 108
طول السرج 20
بقالي طول التنورة في هاذ الساعة راني وحدي الحشية انشاء الله نعطيهلك

[باسم وبيسان]

lمساء الخير عليكم كيف احوالكم نروح ندير لعشة ونجى نحط القياسات

[liliane24]

أختي سطايفية أنا لا أعرف الخياطة هل يمكنني المشاركة معكم أم أنه يجب أن أجيد الخياطة

[stayfiya]

السلام عليكم وش راكي اختي سطايفية ...جاهزين ان شاء الله في التطبيق و جزاك الله كل خير فيما يخصني افهم البترون و الشبر ايضا الاثنين مساعدني
...تحياتي
ايا مليح رشا قياساتك وينهم باش نتاكدو غدوه كي نبداو ما نبقاوش. حاصلين
مساء الخير بنات سطوف ان شاء الله الجمعة نكونو هنا

بيبا ورياي قياساتك باش نتاكدو غدوه ننطلقو
إيه اختي سطايفية حطيني مستحيل نضيع هذي الورشة
جيجليه طول الجنب نتاعك راه غالط مع قياسك 20سم كاقصى حد. ميش 25 سم عاودي اتاكدي
السلام عليكم

وبالاخص كل المشتركات في هاته الدرة

شكرا للاختstayfiya على المجهود المبذول من طرفها

وان شاء الله الاخوات يستفادو من هاذ الورشة

واهم شيئ التطبيق:19:

واخذ القياسات جد ضروري:19:

حظ سعيد للجميع و سلامي الحار لكم
شكرا كرونو يا ريت تثبتيلنا الموضوع باش ما نبقاوش هاملين حتى تخلاص المده و نحيه

ههههه اختي السطايفية الحماس دايما موجود والقماش غايب خخخخ
باذن الله اليوم نخرج نشري القماش حتى انا خاصتني جيب تحت المونطو باش نخرج بيها
فانتظار الدرس الى يوم الجمعه نلتقي باذن الله ..الى ذلك الحين في رعاية الله اختي السطايفية
شفتي تقولي راني في نشرة اليتيمه ههههههههههههههه
اذا ماشريتيش ليوم ام محمد غير انساي. هههههههه نحطك مع ام بيسان. في الرف اتفرجو من بعيد كشما تسرقو. جمله مفيده من المشاورات ههههه
السلام عليكم
واشراكي اختي سطايفية
يعطيك الصحة على الهمة لي عندك وبارك الله فيك على الشئ لي تقدمي فيه
في انتضار ابداعاتكم ربي يعينكم
ميمي اهلا ياخي كنتي حابه تخيطي جيب وين راكي. غدا صباح اخر فرصه للالتحاق بالوفد

واقيلا تطفرت فيا ربي يباكلكم كان غير تضموني ليكم نكون شاكرة في الحقيقة ماكنتش متاكدة من القماش ادا نلقى او لا ارجو الرد اخت سطايفية
نتمنى نكون معاكم او حتى متتبعة معليش المهم ربي يوفق الجميييييييييييع
لااالا حوحو مازال لغدوه الصباح نغلقو شباك التذاكر. لي مالحقش اطفرت فييه
السلام عليكم
محيط الوسط 94
محيط الورك 108
طول السرج 20
بقالي طول التنورة في هاذ الساعة راني وحدي الحشية انشاء الله نعطيهلك
ممتاز فايزه راكي كربوعه ياو ههههه :1:
lمساء الخير عليكم كيف احوالكم نروح ندير لعشة ونجى نحط القياسات
ايا راني نستنى و واش شريتي قماش؟؟ و واش راهي بيسان
أختي سطايفية أنا لا أعرف الخياطة هل يمكنني المشاركة معكم أم أنه يجب أن أجيد الخياطة
لازم تكوني تخيطي حبيبتي اذا تعرفي للباترون و كيفاش تحطي القياسات على القماش و كيفاش تمشي المشينه اهلا و سهلا بصح ترديلي لخبر قبل غداً صباحاً

[باسم وبيسان]

البسملة1
بالنسبة للكرش ماما عندها شوية كرشها 100 سم [/color]

[باسم وبيسان]

[font="droid arabic naskh"]مساء الخير سطايفية يسقسى عليك الخير والله مازلت ماهيش قادر مى الحمد لله
بالنسبة:D:D:D لقماش شريت واحد عجبنى ماعلبليش واش اسموو وشريت السنسور والكبة تاع الخيط ههه بصح الدبلور:o:o:o ماشريتاش مالقيتش منين رحت ماطلعتش لقسنطينة
قلت كشمى نحوس فى الدار بلاق نلقى حاجة تصلح [/font:19::19::19::19::19::19:]

[stayfiya]

معليش ام باسم تقدري تستغناي على لا دوبلير بالنسبه للطول الجنب راه بزاف 25 و ما فهمتش نتي حكمت تاع لاطاي وحدها و تاع الكرش وحدها هههههه لااه
هيا كوغير يدخلو لبنات. نكملو نتفاهمو راني جيت عيانه من الخدمه

[باسم وبيسان]

معليش ام باسم تقدري تستغناي على لا دوبلير بالنسبه للطول الجنب راه بزاف 25 و ما فهمتش نتي حكمت تاع لاطاي وحدها و تاع الكرش وحدها هههههه لااه
هيا كوغير يدخلو لبنات. نكملو نتفاهمو راني جيت عيانه من الخدمه

ههه انا قصدى باه الجيب كى يتقفل مايبقاش الفراغ لى فى الخصر ( على حساب الكرش 100سم والخصر 95سم كى نحسبو على 100سم يبقى الفراغ
ارتفاع الحوض 22سم !

[أم ياسين الزهراء]

حبيبتي السطايفية راح نقلك الصح عندي جيب انتاعي وانا ربي يبارك طول وعرض وحابة ندير جيب لبنتي راح نحل انتاعي ونفصل واحد لبنتي وكينخرج نشريلها قماش راح تهبلني على جيب وهدي فرصة لاتعوض وربي يعينك على غبائنا ههههههههههههههههههه

[ندى قدور]

هاني جيت وجبت قياساتي
محيط الخصر 80
محيط الورك 98
طول الورك 20
طول التنورة97
انا نخدم بالبترون

[أم محمد تاج]

السلام عليكم اختي سطايفية يامبدعة كل مواضيعك الله يجعلهم في ميزان حسناتك
وسجليني يرحم والديك معاكم وحطيني مع الاغبياء على قول ام ياسووووووو المصيبة هههههههههه

غدوة نشالله نعاود نقرا الموضوع مليح الف الف شكر ليك

[ام نوردين]

حبيبتى السطايفية والله غير عجبنى الموضوع وحبيت نشارك المشكل انو ماعنديش باش نصور ماكانش الحل فى رايك مانقدرش نشارك
تسلمى على الموضوع ويعطيك الصحة

[ام رشدى]

مساء الخيرطايفية هدى مقاساتي

محيط الحوض=86
دوران الخصر=108
طول الجنب=27
الطول الكلي للجيب106

[stayfiya]

ههه انا قصدى باه الجيب كى يتقفل مايبقاش الفراغ لى فى الخصر ( على حساب الكرش 100سم والخصر 95سم كى نحسبو على 100سم يبقى الفراغ
ارتفاع الحوض 22سم !
هههه لالا متهنيه. كاين فضفضه صغير نديروها على جال الكرش و بانس باش يعطينا لا فورم
حبيبتي السطايفية راح نقلك الصح عندي جيب انتاعي وانا ربي يبارك طول وعرض وحابة ندير جيب لبنتي راح نحل انتاعي ونفصل واحد لبنتي وكينخرج نشريلها قماش راح تهبلني على جيب وهدي فرصة لاتعوض وربي يعينك على غبائنا ههههههههههههههههههه
معليش خيتي المهم نتي تتعلمي ما يهمش فاش
ام ياسينو. اذا تما تفهميش الباترون خلاص خلاص اكديلي

هاني جيت وجبت قياساتي
محيط الخصر 80
محيط الورك 98
طول الورك 20
طول التنورة97
انا نخدم بالبترون
هايل ندوش

السلام عليكم اختي سطايفية يامبدعة كل مواضيعك الله يجعلهم في ميزان حسناتك
وسجليني يرحم والديك معاكم وحطيني مع الاغبياء على قول ام ياسووووووو المصيبة هههههههههه

غدوة نشالله نعاود نقرا الموضوع مليح الف الف شكر ليك
واش جماعة واش طيبتي ليوم تحوسو دوروها واش خيطتي اليوم هههههه:1: اهلا بانضمامك ختيتو
اذا تنضمي اليوم اخر اجل مافيهاش قرايه و اذا قررتي تكملي غير اكدي حظورك و المده راهي محدوده اربع ايام معناه ضك لازم كلشي يكون متوفر عندك
حبيبتى السطايفية والله غير عجبنى الموضوع وحبيت نشارك المشكل انو ماعنديش باش نصور ماكانش الحل فى رايك مانقدرش نشارك
تسلمى على الموضوع ويعطيك الصحة
الله غالب يا ختي واش راح نديرو نتي اضربي طله على الورشات لي فاتو. ماشي بالكود ههههه يعني تتعلمي براحتك
مساء الخيرطايفية هدى مقاساتي

محيط الحوض=86
دوران الخصر=108
طول الجنب=27
الطول الكلي للجيب106

ماشي خلطتي بين الخصر و الحوض ؟؟؟
طول الجنب بزاف 22 نورمالمون

[faiza2008]

يا اختي انا ما فهمتش، دوران الخصر صباح يصبح 92 و العشية يلحق 96 حتى 98 ..................وقيييلا انخيط زوج وحدة للصباح و وحدة للعشية

[باسم وبيسان]

صباح الخير لبنات جمعة مباركة انشاء الله
سطايفية دخلت ليوم نزيد نقرا مليح ملقيتش اسمى مع المشتركيييين ؟؟؟؟؟؟؟
نخدم بالباترووون

[biba04]

صباح النور بنات
فايزة ضحكتيني قيس تاعك طالع نازل نقولك كي تجي تلبي لاجيب ماتاكلي والو حتى تنحيه وكولي
صباح النور ام بيسان راكي مشاركة

[faiza2008]

صباح النور بنات
فايزة ضحكتيني قيس تاعك طالع نازل نقولك كي تجي تلبي لاجيب ماتاكلي والو حتى تنحيه وكولي
صباح النور ام بيسان راكي مشاركة

نلبسها غير في رمضان هههههههههه،ولا نخرج غير اصباح

[موجو جوجو]

صباح الخير عليكم
واش راكم
اسمحولي على غيابي و الله ماقعدت كانت بنتي في حالة مع لاغريب و الحمى،


المهم سطوف هامليك القياسات
دوران الخصر :105
دوران الحوض و دخلت فيها العلة و لا نقوللها طلعي علتك؟؟؟ :117
ارتفاع الخصر عن الحوض،: 21سم
الطوال الكلي للتنورة: 90 سم

[أناييس الربيع]

شفتي جيت متوخرة معليش الأيام القادمة نخيط واحد

ونحطولكم تشوفه.

شكرًا المجهودات القيمة التي تقومين بيها

[حورية38]

صباح الأنوار بنات وجمعة مباركة شكرا شكرا أخت سطايفية على قبولي بين هته اللمة الرائعة راح نحط قياساتي بعد قليل شكرا

[polyma]

جمعة مباركة راني جيت أختي صطايفية للعشية على قداش باش نشد دالتي في المكرو
تعرفي دراري هههه
يعطيك الصحة أختي كرنو على تثبيت هاك غير بلى مندوررررررررررر

[mouna_m49]

شكرا لكي ربي يحقضك

[باسم وبيسان]

سطايييفية الحقينننن:mad::mad::mad::mad::mad::mad::mad::mad:
جات عندى عجوزتى وقاتلى وجدى روحك احنا رايييحين نطلو على وحدة مدايرة عملية ورايحييين اكل مع نساء سلافى وراء الصلاة باه الرجال يشدوووو لولاد هههه كيفاه يعنى نروح ونجى نلحق كون حتى ديرها متوخرة شوية لعشيا قولينا على قداه

[mouna_m49]

بارك الله فيك

[حورية38]

هده هي المقاسات ان شاء الله ماتكونش غالطة

1****دوران الخصر ---78سم
2****دوران الحوض--- 102سم
3****طول الجنب -----22سم
4****الطول الكلي --100

[جلفااوية]

السلام عليكم وجمعة مباركة على الجميع خسارة لحقت متوخرة لكن معليش غطرة اخرى انشاء الله بالتوفيق للجميع سلاااااااااااااااااام

[أم ياسين الزهراء]

حبيبتي الصطايفية لميتلك شوي جماعة واش طيبتو باش نبدلو الجو ومافهمتش سوالك بصح حابة نقلك نعرف نعرف نخيط وقريت في السونط بصح هدي مدة المهم نعرف نسلك راسي نقيس لبنتي ونحط ربي يعيشك

[شابرمحمد]

واجيدين اختي سطايفية
ننتظر الدرس بشغف

[أم ياسين الزهراء]

المقاس


دوران الخصر 57

محيط الحوض 93

ارتفاع الحوض 22


الطول طويل 94

[polyma]

يولي حطيت القياستي ليه

[ام ورود]

اه انا جيت متؤخرة بزاف .الى ورشة اخري انشاء الله.للاسف

[ام حمزة22]

السلام عليكم
اختي سطايفية يعطيك الصحة وجزاك الله كل خير
لولا الاشغال لي راهي تستنا فيا لشاركت في هاد الورشة
ان شاء الله الورشة الجاية نسجل انا الاولى
ربي يقدرك اختي ويخليلك صحتك
وبالتوفيق للمشتركات

[biba04]

هدا وين شفت سؤالك سطوف
قياساتي
محيط الخصر 90
محيط الورك 108
طول الورك 22
طول التنورة97

[باسم وبيسان]

هدا وين شفت سؤالك سطوف
قياساتي
محيط الخصر 90
محيط الورك 108
طول الورك 22
طول التنورة97

بيبا اكى طويلة والورك :1::1: ههههههههه وشراكى حبيبتى انى شاركت بصح سطايفية معرف نساتنى معرف :confused::confused::confused::confused:

[stayfiya]

يا اختي انا ما فهمتش، دوران الخصر صباح يصبح 92 و العشية يلحق 96 حتى 98 ..................وقيييلا انخيط زوج وحدة للصباح و وحدة للعشية
هههههههه لاه ماعلابالكش فايزه حنا كي نوضو الصباح نوضو اطول و اخف في الميزان و من بعد نطلقو لا طاي هههه نتي ديري بيناتهم برك

صباح الخير لبنات جمعة مباركة انشاء الله
سطايفية دخلت ليوم نزيد نقرا مليح ملقيتش اسمى مع المشتركيييين ؟؟؟؟؟؟؟
نخدم بالباترووون
و علاش قلتلكم زيدو فيريفيو انا الله غالب راسي راه راح يسوطي هههههه ضك نزيد خواتاتي

صباح النور بنات
فايزة ضحكتيني قيس تاعك طالع نازل نقولك كي تجي تلبي لاجيب ماتاكلي والو حتى تنحيه وكولي
صباح النور ام بيسان راكي مشاركة
ولاه مسكينه. ديرو بلاستيك وتتهنا هههه
نلبسها غير في رمضان هههههههههه،ولا نخرج غير اصباح
ههههههههه
صباح الخير عليكم
واش راكم
اسمحولي على غيابي و الله ماقعدت كانت بنتي في حالة مع لاغريب و الحمى،


المهم سطوف هامليك القياسات
دوران الخصر :105
دوران الحوض و دخلت فيها العلة و لا نقوللها طلعي علتك؟؟؟ :117
ارتفاع الخصر عن الحوض،: 21سم
الطوال الكلي للتنورة: 90 سم
الله يبارك راكي مدحدحه :1: ربي يشفيلك بنتك بصح منا و غادي ممنوع الغياب حتى استلام الطلبيه ههه
قياساتك ملاح
شفتي جيت متوخرة معليش الأيام القادمة نخيط واحد

ونحطولكم تشوفه.

شكرًا المجهودات القيمة التي تقومين بيها
لاشكر على واجب ختي
صباح الأنوار بنات وجمعة مباركة شكرا شكرا أخت سطايفية على قبولي بين هته اللمة الرائعة راح نحط قياساتي بعد قليل شكرا
اكييد نقبلك يا لفحله
جمعة مباركة راني جيت أختي صطايفية للعشية على قداش باش نشد دالتي في المكرو
تعرفي دراري هههه
يعطيك الصحة أختي كرنو على تثبيت هاك غير بلى مندوررررررررررر
نضن راهي جات دالتك ههههه
شكرا لكي ربي يحقضك
اميييين
سطايييفية الحقينننن:mad::mad::mad::mad::mad::mad::mad::mad:
جات عندى عجوزتى وقاتلى وجدى روحك احنا رايييحين نطلو على وحدة مدايرة عملية ورايحييين اكل مع نساء سلافى وراء الصلاة باه الرجال يشدوووو لولاد هههه كيفاه يعنى نروح ونجى نلحق كون حتى ديرها متوخرة شوية لعشيا قولينا على قداه
راكي مع الوقت حبيت يتلم اكثر المشتركات بصح تبانلي بزااف لي ما لحقوش الله غالب

بارك الله فيك
عيشك ختي

هده هي المقاسات ان شاء الله ماتكونش غالطة

1****دوران الخصر ---78سم
2****دوران الحوض--- 102سم
3****طول الجنب -----22سم
4****الطول الكلي --100
مقاساتك توب
السلام عليكم وجمعة مباركة على الجميع خسارة لحقت متوخرة لكن معليش غطرة اخرى انشاء الله بالتوفيق للجميع سلاااااااااااااااااام
انشاء الله وجدي لقماش برك
حبيبتي الصطايفية لميتلك شوي جماعة واش طيبتو باش نبدلو الجو ومافهمتش سوالك بصح حابة نقلك نعرف نعرف نخيط وقريت في السونط بصح هدي مدة المهم نعرف نسلك راسي نقيس لبنتي ونحط ربي يعيشك
صحيتي الفحله و مرحبا بيكم كامل و قولهم مره على مره يتفكرونا بطبسي قاطو ولا مسكوته
سؤالي قتلك اذا تفهمي الباترون واذا بعثتولك ؟؟ ولا تفهمي بالشبر ولا كيفاش باش نبسطلك برك خيتي
واجيدين اختي سطايفية
ننتظر الدرس بشغف
هههههه راني جايه
المقاس


دوران الخصر 57

محيط الحوض 93

ارتفاع الحوض 22


الطول طويل 94
مع الاول خلعت ايا كي قلتيلي مقاسات بنتك سكتت. على بركة الله
يولي حطيت القياستي ليه
ههههه كيف كيف ضك نسوطيو هاذ الموضوع و نكملو في لوخر
اه انا جيت متؤخرة بزاف .الى ورشة اخري انشاء الله.للاسف
المره الجايه ان شاء الله
السلام عليكم
اختي سطايفية يعطيك الصحة وجزاك الله كل خير
لولا الاشغال لي راهي تستنا فيا لشاركت في هاد الورشة
ان شاء الله الورشة الجاية نسجل انا الاولى
ربي يقدرك اختي ويخليلك صحتك
وبالتوفيق للمشتركات
يعطيك الصحه شريكتي ان شاء الله نلتقي في ورشات اخرى

هدا وين شفت سؤالك سطوف
قياساتي
محيط الخصر 90
محيط الورك 108
طول الورك 22
طول التنورة97
مليحه بيبا يعطيك الصحه

بيبا اكى طويلة والورك :1::1: ههههههههه وشراكى حبيبتى انى شاركت بصح سطايفية معرف نساتنى معرف :confused::confused::confused::confused:
ههههههههههههه واش يا لجاره هههههه ايه والله جاتني كلي كتبت اسمك و حرت كي مالقيتوش
خلاص الردود ان شاء الله تكون في الموضوع الاخر راح نغلقو هاذ الموضوع باش ما ندوخوش :confused:

[أم محمد تاج]

سلام عليكم اختي
راني حالا بالا نقيس ونحطلك مقياسي وآسفة على التأخير راكي تعرفي الويكاند ضياف وخرجات وتدواش وووووووو ههههه انتظريني حبيبتي

[موجو جوجو]

سطوووف انا مدحدحة انا؟؟؟؟؟؟ هههه راني بين 36 و 38 دوتاي
الجوب ليما ماشي ليا
قوليلي وين نكملو الموضوع هنا ولا لهيه فالموضوع الاخر؟

[أم ياسين الزهراء]

ههههههههههههههههههه سطايفية تحسابيني انا من وزن الدببة هههههههههههههههههههه

[أم محمد تاج]

اختي سطايفية اسمحيلي انسحب وآسفة جدا

[ساندي 28]

السلام عليكم حابه نشارك سطايفيه ولا انتهى وقت التسجيل

[louai louai]

السلام عليكم أريدالمشاركة في هده الورشة أعرف أني متأخرة بسبب إنقطاع الإنترنيت

[stayfiya]

اختي سطايفية اسمحيلي انسحب وآسفة جدا
خساره عليك ام محمد
السلام عليكم حابه نشارك سطايفيه ولا انتهى وقت التسجيل
انتهى الوقت حبيبتي
السلام عليكم أريدالمشاركة في هده الورشة أعرف أني متأخرة بسبب إنقطاع الإنترنيت

المره القادمه ان شاء الله

[crono]

السلام عليكم يغلق هاذ الموضوع باش ما ندوخوش :Dأالاسئله و الدروس في هاد الرابط

http://www.djelfa.info/vb/showthread.php?t=1749349