لنتعرف على انواع الدواسات و مهماتها ....سطايفيه

[stayfiya]

http://imagizer.imageshack.com/img661/9756/zj8oaR.jpghttp://imagizer.imageshack.com/img661/9756/zj8oaR.jpghttp://imagizer.imageshack.com/img661/9756/zj8oaR.jpg
http://imagizer.imageshack.com/img905/5497/aubQTj.jpg
اليوم بغيت ندير موضوع منفصل على المشينه و لي هو
الدواسات les pieds de biches
لي عندها مشينه اكيد عندها مجموعه من اللواحق اكيد ماجاتش عبثاً كل بياسه عندها معناها
وكاين لي يجي مع المشينه كي تشريها و كاين لي تشريها وحدك اسعارهم تبدى من 20نلف وروح
هاي المجموعة لي عندي و الصراحه نقصت عليا جهد و تعب كبير
http://imagizer.imageshack.com/img661/5147/lcCZca.jpg
1 الرجلين هاذو يخيطو خياطه عاديه و زيقزاق و انا لي على اليسار هي لي نخم بيها
ما نغيرهاش الا اذا احتجت
2 هاذي تاع لخياطه الدروات. هي و البياسه السفليه لي تتوافه معاها مع السنين ايضاً
و الرجل البيضا نستعملها نستعملها كي نخيط لكوير او السكاي او النيلو
3 هاذي الرجل تاع القيطان مع بياستها السفليه و نستعملها ايضا لتركيب لقفايل
4 هاذو زوج شريتهم ب 35نلف للواحد نخدم بيهم لوغلي الرقيق يعني كفه صغيره
كيما لي في الفولار ولي ناب. على اليمين خياطه دروات خط فريد و على اليسار
نستعملها في الزيقزاق وهذي تخدم لونفورم يجي مشرشف روعه
5 و 6 نستعملوهم في تركاب الفيرميتور السحاب او السنسله كل واحد كيفاش يقول
7 شريتو ب 25نلف. يخدم لي فخونص النقشات و انتي تتحكمي من الفيس من لور في التكماش

وهذا لمغط نستعملو كي نجي نطرز
http://imagizer.imageshack.com/img673/8657/kuiuAh.jpg
و هذا التورنوفيس يتحكم في المناطق الضيقه و تفكي اي. بولون

http://imagizer.imageshack.com/img661/9986/TPMzum.jpg

هاذو هوما لي عندي انا.
راني على قدي برك و زيد هاويه فقط يعني لوكان جيت خياطه
مانخلي حتى نوع. نشريهم كامل
هذا شرح عام الآن شرح فعلي على ارض الواقع بالتدريب على كل نوع
شوي تشجيع نكمللكم الدرس و صدقوني هاذ الدرس مفيد جداً لكل واحد
هيا شوي نشاط و لي عندها انواع اخرين و تعرف ياريت تصورهملنا وتحط
و تشرحلنا باش كامل نستفادو مع بعض
انتظروني راني جايه :mh31:

http://imagizer.imageshack.com/img673/2900/At1WMa.jpg

[stayfiya]

محجوووووووز ،،،،،

[رقية الناجحة]

مشكوووووووووورة حبيبتى ولا نقلك استادة لانك فعلا كدالك

[kaouka]

السلام عليكم ورحمة الله وبركاته يعطيك الصحة سطوفة موضوع جديد ورائع كي ﻻعادة انا عندي غير لي ﻻصقا فيها برك كي شريتها لقيت غير وحدة نشاء الله يدخلو لبنات ويتفعلو ويصورلنا وش عندهم

[faiza2008]

يعطيك صحيحتك سطوف موضوع في غاية الاهمية (مثل العادة)،انا ماشينتي صغيرة ماحبيتش نشريلها،معولة ان شاء الله نشري وحدة انديستريال ، نستناو باقي الدرس، دروسك كلها ممتعة

[ندى قدور]

يعطيك الصحة السطايفية موصوع في القمة انا مشينتي اندستريال دروات ما تديرش زيقزاق هاذو الدواسات يصلحو لها باش من ضركا نكموندي عليهم

[stayfiya]

مشكوووووووووورة حبيبتى ولا نقلك استادة لانك فعلا كدالك
عيشك حبيبتي انا مانيش استاذه خيتي انا كيفي كيفكم. حبيت لخياطه و حبيت نفهم كلشي فيها زدت بحاجه وحده حبيت نتقاسم فهامتي معاكم برك
السلام عليكم ورحمة الله وبركاته يعطيك الصحة سطوفة موضوع جديد ورائع كي ﻻعادة انا عندي غير لي ﻻصقا فيها برك كي شريتها لقيت غير وحدة نشاء الله يدخلو لبنات ويتفعلو ويصورلنا وش عندهم
انا ثاني ماشينتي الصغيره وحده فيها غير واحد و لخرى فيها ثلاثه و هاذي جاو معاها اربعه و مزااال انواع اخرين يهبلو الله غالب. ما شريتهمش
y3etik essaha okhti ,wallah dima ned3ilk allah ya3etik ma tetmanay ya rab

اميين ايمي ختي

[stayfiya]

يعطيك صحيحتك سطوف موضوع في غاية الاهمية (مثل العادة)،انا ماشينتي صغيرة ماحبيتش نشريلها،معولة ان شاء الله نشري وحدة انديستريال ، نستناو باقي الدرس، دروسك كلها ممتعة
نتي الله يبارك خصاتك غي لندوستريال. و باينه راح توصلي بعيد بالخياطه ان شاء الله
يعطيك الصحة السطايفية موصوع في القمة انا مشينتي اندستريال دروات ما تديرش زيقزاق هاذو الدواسات يصلحو لها باش من ضركا نكموندي عليهم

شوفي حبيبتي. الدروات تقدري ديريلها بريسك كل الدواسات لانو يصلحو رقم 2 3 4 )لكن لي على يمينك ) 5 و 6,7 غير لي في الوسط ما تستعمليهمش و لبلاكه تاع الطرز الباقي كامل كل رجل تلقايلها الدروات و الزيقزاق نتاعها. حوسي برك و شيطي كيما شطت انا راح تلقاي
بالتوفيق

[حمدية حرة]

يعطيك الصحة عندي مشينة بصح عمري ما نستعملها لانه ما فهمتش فيها والو جيمسي خياطة وطرز

[stayfiya]

راكي عندك كنز حمديه حبيبتي ابروفيتي واتعلمي نحي بيها شده كاين لي يفنن في لخياطه و مالقاهاش لازم نعدو نعمة ربي علينا و نعرفو قيمتها و نستغلوها احسن استغلال

[وردة الهوى]

و الله و الله تستاهلي وزنك ذهب و انا اكن لك الاحترام و متواضعة
و انت استاذة و برفسورة و سوبر ومن هدي القاب تستحقيها منا
احب في الله

[تقوى اماني]

اختي سطايفية انا حابة نشري ما شينة صغيرة تاع الدار راني غير نتعلم واش تنصحيني الله يسترك حطيلي حطيلي ليريفيرونس الله يسترك
والاندستريال قالولي اشري الي تخيط عادي بلا زيقزاق بصح انا حابة نشري فيها العادي والزيقزاق
ارجو من الجميع افادتي

[جلفااوية]

الله يبارك ديما نتشجعو بيك اختي ربي يرزقك خير الاخرة و الدنيا معا راني نتشجع بيك اختي

[mimi30]

موضوع جد جد مفيد كملي الموضوع سطايفية راني بحاجة ليه وربي يجازيك كل خير

[ام سوهيل]

مشكورة اختي ربي يبارك فيك

[hope of life]

كالعادة...تحطي يدك على جرح المبتدئة..هههههه...ربي يبارك فيك..مشكوووووووورة

[raghado]

موضوع في القمة اختي والله يجازيك خير ان شاء الله والرحمة على باباك. والله تعلمت منك الكثير ومشكورة على هذه المجهودات الجبارة تمنيت نشارك معاك من قبل ولكن كان عندى مشكل في التسجيل وحبيت نقولك انا عندى ماشينة من سوبر زقزاق وراكي عارفتيها خاطر جبتي موضوع عليها من قبل لكن راهي مهبلتني في الخياطة ماعرفتش واش بيها

[amel2400]

بارك الله فيكي اختي وحرامي الله الف خير

[أم رتاج سرين]

بارك الله فيكي اختي موضوع في القمة والله يجازيك خير ان شاء الله

[stayfiya]

اختي سطايفية انا حابة نشري ما شينة صغيرة تاع الدار راني غير نتعلم واش تنصحيني الله يسترك حطيلي حطيلي ليريفيرونس الله يسترك
والاندستريال قالولي اشري الي تخيط عادي بلا زيقزاق بصح انا حابة نشري فيها العادي والزيقزاق
ارجو من الجميع افادتي
ياختي لكان عند المكان و الخدمه اشري الاندوستريال احسن. و لي دارها زيقزاق و دروات في نفس الوقت. علابالو واش راه يدير اما اذا كنتي تخيطي للدار راه كاين الصغار بورتاتيف سانجار و بروذر يهبلو
الله يبارك ديما نتشجعو بيك اختي ربي يرزقك خير الاخرة و الدنيا معا راني نتشجع بيك اختي
الحمد لله اختي
موضوع جد جد مفيد كملي الموضوع سطايفية راني بحاجة ليه وربي يجازيك كل خير

راح نكملو حبيبتي ماتخافيش عمري ولا بديت حاجه و خليتها في النص هههه
مشكورة اختي ربي يبارك فيك
الله يسلمك حبيبتي

[stayfiya]

كالعادة...تحطي يدك على جرح المبتدئة..هههههه...ربي يبارك فيك..مشكوووووووورة
ياجارتي والله تحبي الصح ميش فير المبتدئات لي يحتاجوه كاين خياطين و خياطات كثرمن ثلاثين سنه في المجال و مايعرفوش واش يخدمو راهي نعمه هاذي. الحمد لله الواحد لازم يسقصي برك و يتعلم
موضوع في القمة اختي والله يجازيك خير ان شاء الله والرحمة على باباك. والله تعلمت منك الكثير ومشكورة على هذه المجهودات الجبارة تمنيت نشارك معاك من قبل ولكن كان عندى مشكل في التسجيل وحبيت نقولك انا عندى ماشينة من سوبر زقزاق وراكي عارفتيها خاطر جبتي موضوع عليها من قبل لكن راهي مهبلتني في الخياطة ماعرفتش واش بيها
ياختي السوبر زيقزاق انا هبلتني قبلك بصح بالشوي عرفت مشكلتها والله كان المشكل في لاطونسيون نتاعها لازم تتريقل بالشعره والا الخيط يتقطع و يخرجلك من تحت و حاجه ثاني ما تقبلش لقماش الايلاستيك هههه تدلل شوي. لازم تزيتيها مليح و جيبي طرف قماش و ريقلي حتى طيحي في. ميزانها
بارك الله فيكي اختي وحرامي الله الف خير
بارك الله فيك
بارك الله فيكي اختي موضوع في القمة والله يجازيك خير ان شاء الله
اميييين حبيبتي

[ام جزائرية]

يعطيك الصحة وكل ماتتمناي يا سوبر وومن سطايفية
انا مازلت مع مشكل الابرة ومالقيتش الابرة الدورجين .ومازال راجلي ماداتوش الطريق لسطيف باه يشريلهالي
والله راني متمنية نرجع انخيط بيها وندير اعفايسك هاذو اللي نعتيهم انتاع الرجلين
دائما متألقة ربي يحفظلك لميمة وكل احبابك ويرزقك ماتتمناي
:19::19::19::19::19::19::19::19::19::19::19::19::1 9::19::19::19::19::19::19::19::19::19::19::19::19:

[amel...]

يعطيك الصحة و ربي يجعلها في ميزان الحسنات ان شاء الله

[stayfiya]

يعطيك الصحة وكل ماتتمناي يا سوبر وومن سطايفية
انا مازلت مع مشكل الابرة ومالقيتش الابرة الدورجين .ومازال راجلي ماداتوش الطريق لسطيف باه يشريلهالي
والله راني متمنية نرجع انخيط بيها وندير اعفايسك هاذو اللي نعتيهم انتاع الرجلين
دائما متألقة ربي يحفظلك لميمة وكل احبابك ويرزقك ماتتمناي
:19::19::19::19::19::19::19::19::19::19::19::19::1 9::19::19::19::19::19::19::19::19::19::19::19::19:
امييين حبيبتي. شوفي قوليلي كيفاش نبعثلك والله نبعثلك بلاكه و جربيها المهم تخيطي. و تنجحي
يعطيك الصحة و ربي يجعلها في ميزان الحسنات ان شاء الله

ااااامين شكرا اختي

[الاء هبة الرحمان]

ماشاء الله اختى سطايفة ربى يزيدك علم على علم الموضوع جد مفيد

[ام جزائرية]

[QUOTE=stayfiya;3992573206]امييين حبيبتي. شوفي قوليلي كيفاش نبعثلك والله نبعثلك بلاكه و جربيها المهم تخيطي. و تنجحي


ربي يبارك فيك حنونتي والله راك غمرتيني بفضلك
وكيفاه نتصل بيك ياسوبر وومن سطايفية ؟؟ كون اديري في لمزية هاذي ......:19::19: راني عندي سنين وهي حابسة الماشينة لكبيرة اعلابالك كرهت منها انعافرها ونديقوتي ونخليها هكذاك . كانت خياطتها الله يبارك روووووووووووعة

[موجو جوجو]

بارك الله فيك اختي سطايفية
معلومات قيمة صح
ان شاء الله نستفادو منهم كامل

الله يعطيك ما تتمناي و يرحم الوالد و يسكنه فسيح جناته

[مسعودشار]

اختي سطايفية انا حابة نشري ما شينة صغيرة تاع الدار راني غير نتعلم واش تنصحيني الله يسترك حطيلي حطيلي ليريفيرونس الله يسترك
والاندستريال قالولي اشري الي تخيط عادي بلا زيقزاق بصح انا حابة نشري فيها العادي والزيقزاق
ارجو من الجميع افادتي

انصحك بـ Brother

[ايناس10]

يااااااااااااه يااختي سطايفية تقولي على روحك هاوية وانت بهذه الشطارة كون جيتي تخيطي تاع الصح واش راح يخرج منك ماشاء الله طبعا قبل كل شيئ
تسلمي موضوع جديد ومتميز شكرااااااااااا انا عندي هذو لي بياس لكن شبهم وكاين حتى اخرين كين نصورهم نحطهم لتعم الفائدة

[mima halouma]

بااااااااااااااااااارك الله فيك يا بنت سطيف العالي
جزاك الله خير
ان شاء الله مجهودك هذا يكون في ميزان حسناتك يوم لا ينفع مال و لا بنون الا من أتى الله بقلب سليم

[mima halouma]

مرحبا لقد عدت
عزيزتي سطايفية أمي عندها هاذ المجموعة من لواحق آلة الخياطة تاعها و راهي تقولك اذا عندك معلومة أفيديني كيفاش نستعملهم مع العلم أنو ماشينتها هي singer zigzagueuse يعني صغيرة تاع دار فقط و ليست industrielle
و شكرا مسبقا
http://www13.0zz0.com/2015/02/13/19/556230116.jpg

[ام كوكو]

يعطيك الصحة سطايفية موضوع رائع ما خرجوليش الصور لكن راني فهمت عليك من بعد نرجع نشوف واش ناقصني

[Elchanwi Lacamoura]

الله يبارك ديما نتشجعو بيك اختي ربي يرزقك خير الاخرة و الدنيا معا راني نتشجع بيك اختي

[Elchanwi Lacamoura]

الله يبارك ديما نتشجعو بيك اختي ربي يرزقك خير الاخرة و الدنيا معا راني نتشجع بيك اختي
الله يبارك

[amina kawter]

alah yatik assaha

[doudi ai]

ماشاء الله...بارك الله فيك

[كمكم]

الشكر وحده لايكفي ربي يوفقك

[الماسح]

والله انا من ام البواقى وعندى غير الرقم 4 برك ونحب تاع القطان تكفنى لانى نخدم بزاف بيه ويتعبنى لم لجده ارجو المساعدة اختى فى الله

[الماسح]

ربى يوفقك ويجعله فى ميزان حسناتك

[معلمة ليلى]

ماشاء الله

[chouchou w]

بارك الله فيك عندي هذو الدوسات مي منستعملهمش منعرفش تاعواه ربي يحفظك

[faty85]

بارك الله فيك شكرااا لكي اختي موضوع جيد ^^

[قمر حلمي]

الله يعطيلك ما تتمناااااااااااااااااااااااااااي من الخير ..الله يحفظك

[najateyouch]

الله يجعل هد المجهود اللي كتبدليه من اجلنا فى ميزان حسناتك انا مبتداة وبغيت نشري مكينة ريي علي واش نشريها صغيرة ولا كبيرة انا بديت نخيط لراسي ولبنتى ولكن ما كنعرف
ننزل التصاور نوريك اللي خيطت رايك يهمنى الله يخليك لك صحتك

[ريتاج الدين 92]

السلام عليكم
أختي سطايفية حبيت تساعديني هل توجد ماكينة بروذر للخياطة فقط بدون سرفله وشكرا لكي ولكل من دعمني برأيه

[حياة أمة]

ختي لعزيزة ممكن نسقيك ؟
أنا عندي مرسدس هادوك البويض العاديين اللي فيهم الطرز ومعاهم انواع كثيرة ناع تطريز
كانت تقطع لي الخيط
وكي سقسيت واحدة نعرفها قالت لي انه نوعيتها ماتخيطش كل انواع الكتان لانها فقط نصف دورة
صح ؟
لاني مانعرفش ليهم مليح
اذا مليحة قولي لي باش مانتعبش روحي ونشري واحدة جديدة
جزاك الله خيرا

[hab12456]

يعطيك الصحة اختي

[nadiatlemcenia]

اسال الله ان يفتح لك ابواب الخير ويرحم والدك رحمة واسعة
متالقة كعادتك جعله الله في ميزان حسناتك
انتظر بشوق التتمة
قوليلي عندي سانجار بورتاتيف واش كاين هاد السبابط ليها

[rahima123]

حبيت نشوف صورة المشينة ادا كانت خت نتاعى والدوسات الى نقدر نزيدها

[فلة الجمال]

جزاك الله خيرا

[نريمة]

الله يبارك فيك

[amoula linda]

السلام عليكم بغيت نطلب منكم تساعدوني انا تاني شريت ماشينة نوع zig zag 878 و مافهمتلهاش الله يحفظكم ساعدوني و اجركم على الله
و شكرا جزيلا

[نقاء سريرة]

رغم اني من استطع مشاهدة صور موضوعك القيم عن سنجر ودواساتها الا انني متيقنة من روعة وجودة معلوماتك المفيدة جداً .كل كلمات الشكر لا تفيك حقك. ربي يفتح بك كل ابواب الرفعة في الدنيا والآخرة

[احلى صفصوفة]

دائما متالقة بافكارك المفيدة ربي يحفظك ويجازيك كل خير

[المتفائلة 83]

يعطيك الصحة ربي يجعلها في ميزان حسناتك

[jenah]

بيعطيييييك صخة

[jenah]

:mh31:مشكرة و