أنواع الفرينات بدون غلوتين التي أستخدمها

[RYMOU2011]

السلام عليكم و رحمة الله و بركاته
هذا الموضوع حطيتو للأخت زهرة عصفور الجنة كانت طلبت مني الفرينة الي نستعملها في وصفات بدون غلوتين وان شاء الله يستفاد منه غيرها ويفيدوني أنا تاني.
أول شيء أنا ماعنديش خبرة كبيرة في الريجيم بدون غلوتين لأن بنتي بدات الحمية منذ عام فقط. ربي يشفيها و يشفي كل أولادنا.
لكن أمضي وقت كبير أبحث غلى وصفات الخبز خصوصا.
لقيت أنو لما نستعمل مزيج فرينة من أنواع مختلفة من البذور يطلع الطعم أحسن في الخبز.
دايما نحاول نحط نصف الكمية فرينة الأرز من الأحسن الأرز البني أو مزيج بين البني و الأبيض
و النصف الثاني من الكمية يكون مزيج بين فرينة الذرة، فرينة التابيوكا، نشاء البطاطا و غيرها من انواع الفرينة بدون غلوتين.
كاين أنواع يمكن ماتكونش متوفرة في الجزائر مثل التابيوكا و الحنطة السوداء sarrasin.

http://im73.gulfup.com/oLvsBg.jpg (http://www.gulfup.com/?0K1Q5H)

هذي فرينة مخلوطة جاهزة للاستعمال من النوعية الجيدة أفضل استخدامها في التورت السوفلي أو التارت لأو سهل التحكم فيها. لقيتها مرة لما نزلت للجزائر في superette kheyar a cheraga.

http://im70.gulfup.com/oYsete.jpg (http://www.gulfup.com/?q2Mek5)

هاذو أنواع أخرى لكن مارانيش متأكدة اذا كاين في الجزائر. هنا في الامارات و الحمد لله نلقى كل أنواع الفرينة بدون غلوتين.
نشاء البطاطا و فرينة التابيوكا يعطو طعم مليح لما نمزجهم مع فرينة الأرز.
Buckwheat; sarrasin أو الحنطة السوداء طعمها بنين في الخبز أوممكن نستعملها وحدها للكريب.
يتبع

[RYMOU2011]

http://im56.gulfup.com/haH3rh.jpg (http://www.gulfup.com/?xLg65Z)

هاذو منتجات جزائرية نجيبهم معايا من الجزائر : فرينة الذرة طعمها مليح، نشاء الذرة كيف كيف. كاين فرينة مخلوطة جاهزة للاستعمال جربتها مرة طعمها مليح تاني تاع ريجينات خاصة بالخبز. الكسكس في الصورة من النوعية الجيدة كي يطيب يجي رقيق و ماشي يابس.
كي ندير رشتة لينا بنتي نديرلها vermicelle chinois اللي يكون مصنوع من الأرز و مكتوب عليه خالي من الغلوتين نغليه في شوية صوص تاع الرشتة يجيها بنين.
على حسب الدكتور تاعها من الضروري هاذو الانواع من الفرينة يكون مكتوب عليهم خالي من الغلوتين.
هذا واش نعرف أو واش تفكرت دركا. نتمنى نكون أفدت ولو شخص واحد من هذا الموضوع. واللي عندو أشياء أخرى يا ريت يفيدنا بيها.
و الحمد لله في أيامنا هاذي كاين الانترنت فيه وصفات عديدة بدون غلوتين.

[مرام 1987]

مشكووووووووووووورة على الموضوع الشيق
هكذا باش كامل ندو فكرة
يا ريت المشرفات يعملولنا قسم مستقل خاص بمرضى السيلياك لأنو انتشر كثيييرااااا في الآونة الأخيرة
ربي يشفينا
لا إله إلا الله سبحانك أني كنت من الظالمين

[RYMOU2011]

والله راكي طليتي على قلبي كنت حطيت هذا الطلب في المنتدى و راهو في قسم الاقتراحات بصح مازال ماعطاونيش الرد.
كيفك أختي ان شاء الله تكوني بخير.

[ريتاج 09]

السلام عليكم
أنا ابني عندو نفس المرض راني نعاني معاه راهو عامين ونص ولا يسرقلي الماكلة وياكلها بعيد عليا قد مانعسو بصح يستغفلني راهو يستعمل الدكاء ديالو في السرقة رايح يهبلني و مازال صغير عليها ماقدرتش نفهمو بلي تضرو الماكلة ديالنا وعندي مشكل تاني أنا وين نسكن مانلقاش المنتجات بدون غلوتين نلقى les pates و البسكوي و الفرينة برك مالقيتش السميد و الخميرة مسكين ماراني نطيبلو والو المهم ربي يكون معانا شكرا

[ابتسام smile &hope]

rebi yjib chfa

[أم تيم الله]

مشكووووووووووووورة على الموضوع الشيق
هكذا باش كامل ندو فكرة
ربي يشفينا
لا إله إلا الله سبحانك أني كنت من الظالمين و الحمد لله رب العالمين

[om assil]

شكرا اختي لازم اليد فيد باه نتعاوناعلى هذا المرض ان شاء الله يفتحونا قسم خاص بالسيلياك اي مساعدة راسليني على الخاص

[/زهرة عصفور الجنة/]

بارك الله فيك