تم توقيفي من العمل وهذا هو السبب

[قمر السلام]

السلام عليكم اخوتي
انا استفدت من قبل من عقود ما قبل التشغيل في لانام

ومنبعد حطيت دوسي في لاداس وقبلوني نخدم في مجال تخصصي في مديرية الفلاحة خدمت 3 اشهر جاني قرار توقيف من لاداس والسبب هو اني مستفادة من قبل من لانام


كي رحت ليهم للداس قلتلهم كاين بزاف لي استفادو من لانام ولاداس تاني قالولي بلي هادا قانون جديد واي شخص مستفيد من قبل في لانام رح نوقفوه عن العمل

والله انا مجيت نلقى الخدمة هادي عند الدولة ونستفاد ممنها بالخبرة غير بسيف وفالاخير وقفوني ومخلصونيش على 3 شهر لي خدمتها

والله كان بيا الخبرة نتاع عامين لي راحت فالهواء والي مش رح نقدر نعوضها

صح كاين منها القانون الجديد هادا ولا يمكن يكونو خرجوني غير هكاك ربي يعيشكم لي علابالو يقولي قبل ما ندفع الاستقالة من مديرية الفلاحة نهار الاحد هادا

[minnette]

راهم يقولو كيما هما مي انت ماتسمحش في حقك قوللهم ورولي الورقة لي تثبت صحة هدا الاجراء قانونيا وزيد من نيتك تسمح في 3اشهر خدمة هكاكا بلا ماتخلص روح بيها بعيد وماتسمحش في حقك

[di122]

اختي الكريمة القانون يتمشى غير عليك وعلى حالتنا
والله نعرف ناس ويخدموا معايا استفادوا من لانام ولاداس والدعوة مارش
حسبي الله ونعم الوكيل
هذه هي حالة من كرس حياته لطلب العلم

[MESTERGO]

عندك معريفة تدخل خادم كل شيء لاداس لانام كي يكون عندك الكتف تفصل فيها الدولة كيما تحب كي ماعندكش ما تقضي والو الدولة = معريفة =عمل

[غليزاني 26 سنة]

واش داك تقراي

[قمر السلام]

لا اله الا الله محمد رسول الله معرفت ظلموني معرفت قانون صح نقدم استقالتي فالمديرية ولا نشوف قبل ادا صح ولا لالا ولا

نروح لمدير لاداس ونقولو خليني نخدم غير على جال الخبرة ومنخلصش معليه راني قابلة والله راني محتارة في امري

راني حابة نكتسب الخبرة باش نقدر نشارك بيها في مسابقات الفلاحة ونولي مهندسة فلاحية خير ما يتحتم عليا الامر ونقرا مدرسة شبه طبي بريفي بمستوى باك مش ناجح

يارب حلها يا حلال

[madrilan]

حسبي الله و نعم الوكيل فيهم و خلاص

[ouissamak]

اطلبي منهم القانون الذي ينص على ذلك لا تنسحبي قبل رؤية القانون

[albert walid]

وقيله عندهم الحق ختي
حبيت نقولك بين قوسين انو البيرو منداف سواء عند لنام ولا لداس لما دخل الولة مكانتش حاطه قوانين كان الي يقرا يخدم نورمال يوكاين الي كان لداس ولنام بزوج لانو كانو عاد جدد على هاذ القطاع وكانو يحاولو يوجدوله صغة ويغلقو ثغرات ومعا سياسة التقشف توقعي كلشي ممكن على مجاي يعطيو لواحد عام لنام برك ووممكن يحذفوه قاع اذا ستمر بترول بسقوط الله يجيب الخير
بخصوص تخدمي وتدي الخبرة ومتخلصيش غير نحيها من بالك نقولك حاجه الخبرة المهنية تحتسب فقط اذا كنتي مسورية عند الي تخدمي عنده اذا مكنتيش مسورية ولو تخدمي الف عام ميحسبوهالكش حرزي طيحي بالغلطة هاذي ان شاء الله يرزقك

[بسكرة-07]

في سنة 2011

سمعت هذا القانون و الذي ينص على انه يمكن للشخص الذي استفاد من عقد لاداس ان يعمل بعقد جديد في لانام و العكس لا يمكن
اي من استفاد من لانام لا يمكنه الاستفادة من لاداس

[rachidsystem34]

انا كنت خدام في لانام عام من 2011الى 2012 وبعد تهوشت مع المدير ومادفعتش لبونتاج 6اشهر ولو حبسوني
وبعد خرجت لاداس في 2013 رحت درتها عادي واليوم راني خدام مع العلم راهم علابلهم بلي كنت داير لانام كما حطيت الدوسي مباشرة لانني عندما قدمت لهم عدم الانتساب فيها بلي كنت منتسب الى لانام
مذكرولش حتى قرار

[salim201388]

يمكن تكون كاينة و لكن ما السبب لي خلاك تحبسي لانام ؟؟

[pretty yasmine]

hadi gae makanch manha khoya balak khdamte 6 snine complet aelabiha aeksoulk

[قمر السلام]

لالا يا خاوتي انا درت لانام وكملت عامين عند بريفي منبعد خدمت شهادة عدم الانتساب ومفيهاش بلي كنت خدامة في لانام
رحت للداس قبل يومين سقسيتهم ادا هاد شي صح كاين منو قالولي ايه قانون رانا نمشيو بيه واي واحد نلقاوه مستفاد من قبل من لانام نوقفوه من عندنا... قالي خاطر لانام تبعتلهم cd فيه قائمة الاشخاص المسجلين والمستفيدين عندها وهكدا ينحيوهم من لاداس
وش الحل ربي يعيشكم لي يعرف معلومة صغيرة ينصحني والله خدمة لاداس في قطاع الدولة لقيتها غير بالتحلال والذل وفالاخير حبسوني

[غليزاني 26 سنة]

راهم يقولو كيما هما مي انت ماتسمحش في حقك قوللهم ورولي الورقة لي تثبت صحة هدا الاجراء قانونيا وزيد من نيتك تسمح في 3اشهر خدمة هكاكا بلا ماتخلص روح بيها بعيد وماتسمحش في حقك
+9999999999999999999999999