عندي 20 مليون وأريد فتح محل ماذا أفتح ؟

[omar-fadel]

علما أنه لدي حانوت كبير ولكن في شارع ليس مملوء بالناس أفيدوني أفادكم الله

[لحن الحياة.]

ربما كوسميتيك و حفاضات الاطفال ............
ان شاء الله يفيدوك اصحاب الخبرة
بالتوفيق

[سلواان]

السلام عليكم...
المبلغ أراه صغيرا نوعا ما...أما بخصوص موقع المحل...فلايهمك فالتجارة فن وشطارة وبإمكانك سحب الزبائن من قلب الحركة التجارية بصبرك وحذاقتك..وحسن معاملتك..

[صبرين صبرينة]

اخي بالنسبة لي بيع حفاضات البيي مع لانجات مع papier راه مطلوب بزاف وانت تعرف اللي يساعدك و لا يهم المكان المعاملة الحسنة تج>ب الزبائن وربي يرزقك ان شاء الله

[raouf80]

اتكل على ربي ودور في الاسواق والمحلات وشوف وادي فكرة

[ام سامي15]

محل مواد غذائية او محل لصنع الحلويات التقليدية و خاصة ان موسم الاعراس على الابواب

[دحمان ن]

ربي يباركلك فيها بالحلال

[omar-fadel]

شكرااااا لكامل الأعضاء ما رأيكم في فتح cyber للأنترنت ؟؟؟؟

[khaledlemgharbi88]

اخي مشروع . مقهى الانترنت . مابقاش مربح كيما قبل . ضرك الكوناكسيو في كل بيت في كل شارع وحتى في كل هاتف محمول ...
تبقالك حالة وحدة . اذا وجدت مكان . محل . قرب مراكز الامن والمراكز العسكرية او حتى المؤسسات التعليمية و اقصد هنا الزبائن .. يكون الزبائن اكثر ...والله اعلم

[الاستاذ رمزي]

السلام عليكم
افتح سيبار و توكل على الرزاق
لكن السجل التجاري صعب نوعا ما

[youcefas07]

و الله السيبار راح وقتها
دير محل لبيع التمور

[samir dsi]

علما أنه لدي حانوت كبير ولكن في شارع ليس مملوء بالناس أفيدوني أفادكم الله

مشروع محل تصوير أفراح ( كاميرا . دي جي . كراسي . تزيين سيارات الأعراس ) إضافة الى إستخراج الصور و مونتاج الفيديو و تصميم كارت الأفراح و الإشهار

المشروع ناجح سيما و أن محلك واسع

إذا كنت تريد شريك فأنا متوفر ولدي خبرة سنوات في هذا المجال
يمكنك مراسلتي على ف ي س ب و ك samir.dsi

[beeriz]

ربي يباركلك

[لؤي02]

شكرااااا لكامل الأعضاء ما رأيكم في فتح cyber للأنترنت ؟؟؟؟

هل لديك وثائق أم عن طريق السوق السوداء لأن حسب علمي فإنه يستحيل الحصول على الإعتماد لفتخ مقهى أنترنت

[mariposa81]

dir alimentation general gaa nas tebghitakol

[belmecheri billel]

و ماذا تفعل ب 20 مليون قليلة

[omar-fadel]

شكرااااااااااا ننتظر باقي الأعضاء الكرام

[k14928]

cyber للأنترنت لا انصحك لان التسهيلات جعلتها في كل دار وزيد 3g انصحك مواد غدائية

[الاخ ياسين السلفي]

والله احسن حاجة تجارة الاغنام فهي تجارة عظيمة ومربحة يعني اشري وبيع وتنقل بين الاسواق
جرب وردلي الخبر
قال الرسول اتخذوا الغنم فانها بركة
ربي يوفقك

[الباحث العربي]

مشروع كراء كراسي و طاولات مشروع مربح

[omar-fadel]

cyber للأنترنت لا انصحك لان التسهيلات جعلتها في كل دار وزيد 3g انصحك مواد غدائية

نعم معك حق ولكن كاين لي معندوش النت وزيد طباعة الأوراق والبحوث

[omar-fadel]

والله احسن حاجة تجارة الاغنام فهي تجارة عظيمة ومربحة يعني اشري وبيع وتنقل بين الاسواق
جرب وردلي الخبر
قال الرسول اتخذوا الغنم فانها بركة
ربي يوفقك

والله لا نصلح لها بكل صراحة لأننا في منطقة ليست ريفية بشكل كبير

[omar-fadel]

مشروع كراء كراسي و طاولات مشروع مربح

فكرة جيدة أخي هل ممكن شرح أكثر

[kader 126]

كاين مشروع اقتناء الات نسخ و ميكرو و شوف محل قريب من الجامعة
او الاقامات الجامعية .. الاكيد مع بعض التخفيضات ستحقق ارباح لاباس بيها مع الوقت
و ربي يوفقك ان شاء الله

[mrmilano1984]

اخي در سيبار كافي فرصة كبيرة ومليحة بزاف بزاف اتكل علي ربي ودرها

[مصطفاوي واعمر]

كوسمتيك و المهم يكون ديكور الحانوت مرتب و انيق و المعاملة الحسنة

[omar-fadel]

ماذا أختار كوسميتيك أو سيبار كافي ؟

[oushrinada]

ابدأ بمحل مواد غذائية بشوي
ربي يوفقك

[ماريـام]

انا مع الي قالولك مواد غذائية و بشويا بشويا تصبح سوبيرات طالما راك تقول محل كبير

اتوكل على ربي ودير مواد غذائية تقدر تفتح ب 20 مليون ديرلك حاجا
زوج صديقتي ببدا هكذا كان بمحل فيه بعض الرفوف الضرورية ثم كبر المحل حتى اصبح سوبيرات رغم انو بعيد قليلا لكن الان الحمد لله بنا فيلا و شرا 2 طونوبيلات و متنساش راه جاي رمضان و البيع يقوى بروفيتي كبر راس مالك و متصرفش منو و عس الخدامين ,,,

بالتوفيق اخي

[محمد الصالح]

ربي يوفقك ....
-------------------

[gigi1991]

ربي يسهل ان شاء الله

[bachir2012]

محل مواد غذائية في راي انا هو الانسب في هذا المكان

[مسامح.]

إعمل تكوين في صيانة الهواتف النقالة لمدة أسبوع وافتح محل لصيانة الهواتف النقالة المبلغ الذي لديك كاف بالزيادة والمشروع ناجح لا تتعجل في البداية ستكتسب الشهرة فيصبح محلك معروفا يقصده الزبائن من كل مكان

[staress]

20 مليون الاخ قليلة لكن ممكن ان تشتري 4 بلاي ستايشن 2 مع 4 تلفاز 32 بوس مثلا كوندور

ثمن بلايستايشن 14000دج للواحدة ادان 56000 دج

ثمن التلفزا 26000 دج اي 10400 دج

8 كراسي بثمن 6400 دج

لصق التلفاز في الحائط و ضع سيبور لحمل البلاي ستايشن

[chouchaoui16]

تاخد رايي ديرو قاراج نتاع الفيدونج تبدل الزيت نتاع السيارات فيها ربح مليح علما انه الفيدونج ميهممش المحل وين جاي

[chouchaoui16]

خويا دير رايي فتح كاراج فيدونج تغيير وبيع الزيوت السيارات ميطلبش الدراهم بزاف الخسارة مكاش والربح مضمون

[reda112]

السلام عليكم، مشروع كراء لوازم الأفراح من كراسي و طاولات و أواني

[TASSIN]

شكور على مجهوداتك واصل تألقك

[مرادو]

اخي 20 مليون قليلة نوعا ما لدلك اقترح عليك ان تقوم بكراء المحل

[TOFNINE]

والله كانت عندي 200 مليون ومعرفت واش ندير بها ومن بعد شريت قطعة ارض بجانب قريبة من مسكني وتهنيت من الدراهم كامل
ربي يوفقك اخي والدنيا ارزاق