من وصله الاستدعاء ولا يريد الذهاب يدخل ويعلق ما الحل الذي يود فعله ...

[mohamed mahi]

السلام عليكم ورحمة الله

بما أنه هناك من فتح مواضيع هنا في المنتدى يتكلم ويسأل عن حال الثكنات التي وجه لها ومن هو ذاهب ، نحن هنا نتكلم عن من جاءه الاستدعاء ولا يريد الذهاب بمعنى " حارق " ماذا بيه يعلق هنا ويقول لنا واش الحل لي باه يديره باه نستفادوا ..

شخصيا : جاني الاستدعاء الثاني مع ورقة بيضاء وهو عند الدرك لم أسحبه لحد الساعة وبعد شهر أو شهر ونصف أود الذهاب للمحكمة العسكرية راجيا من المولى عزوجل التوفيق لما فيه خير لي ...امين

[خال مصعب]

الله يوفقك للخير حاليا لم يأتني الإستدعاء الاول
سؤال : واش اذا حرقت الأول الثاني تروح مباشرة للمحكمة العسكرية
وهل يقبل السبب الطبي في المحكمة (عملية جراحية)

[محفوظ البسكري]

اعفس على قلبك و عقبها خويا

[bibers12]

هي ساهلة باش ما تروحش بصح مبعد والله غير غبينة انا جربت العصيان وجربت المحكمة العسكرية المهم لي عندو معريفة والله يكون مجروح من صبعو يخرجوه و اذا انت ديبلومي جامعي و ماكش مريض صح وما عندكش المعريفة كي تدي معاك ملف امراض نفسية وعصبية وما تخرجش 2 اصدقائي راحو للمحكمة بملف بسيكاتر هبطوهم طول لمويلح

[mohamed mahi]

خال مصعب (http://www.djelfa.info/vb/member.php?u=402519)

لي نعرفها انه بعد الثانية كي مانروحش للثكنة بعد شهر او شهرين نروح لمركز التجنيد في الولاية ندي ورقة نروح بها للمحكمة العسكرية مع ملف سواء طبي او كفالة ...

محفوظ البسكري (http://www.djelfa.info/vb/member.php?u=342968)

ماننجمش خويا والله انا في قناعتي مانروحش ليهم بالإرداة نتاعي وليا كان هما داوني قهرا المهم نحوس نخرج صافي مع ربي علبالي ماتفهمش هذه العبارة لكن انا نخمم هك ... مانجيش في صف الظلم ..

bibers12 (http://www.djelfa.info/vb/member.php?u=9957)

نعم أخي معاك حق المعريفة ضرورية فيها ورانا نسعاو فيها وكل شيء بمكتوب ربي ... ممكن تقولي حاتلك الآن . ؟

[وليد لايصو]

السلام عليكم , أنا جاني الإستدعاء الثاني للحراش في 20 جانفي يعني البارح بصح عندي مشاكل و حتى 27 ولا 28 باش نروح , حالتي الصحية بخير و الحمد لله و أنا جامعي و الكبير فالدار بصح الأب خدام و بصحة جيدة أيضا . واش تنصحوني

[محفوظ البسكري]

بزاف خويا تخليها 28 ممكن تغلق الثكنة ويعطوك سورسي وترجع في الدفعة القادمة

[رزيقة16]

سلام عليكم اخي انا خطيبي مثل حالتك يعني وحيد عند باباه و يماه لا اخ و لا اخت ا مجوزش لا الفحص الطبي و لا ماركة في البلدية كي كان عندو 18 سنة مولود 1989 يعني 25 سنة هو في وضعية عاصي المهم حكموم لعام ليفات مارس 2014 الدرك الوطني داوه قعد عندهم 3 ايام حتي لموعد المحكمة العسكرية خرج برائة با الملف الكفالة دار الملف هو السند الوحيد و باباه مريض السكري و القلب و الضغط الدموي راك تعرف و الدرك الوطني دارو التحقيق خرج في صالحو من بعد عطاولو سورسي من مارس 17 جويلية 2014 قالولو كي يخلاص السورسي تولي للمحكمة العسكرية البليدة راح عندهم عطاولو برية قالولو بالك تفتحا اديها هكا لباب الواد هما يدبرو راسهم كي راح داهالهم قالولو عاود جيب ملف الكفالة من بعد وجد هداك الملف راح في ديسمبر هدا ليفات محبوش اقبلوه قالولو راك طولت بزاف روح و ستنا هاد اليمات تلحقك اورد دابال روح و حط الملف فا الثكنة لي يبعتوك ليها دوك راهم بعتولو 20 جانفي 2015 يا اخي و الله مرانا فاهمين والو انا علي حساب واش نعرفو من بكري يقولو الابن الوحيد ميدوهش دوك و الله معلابالي الحل وين راهو انا قتلو متروحش خفت اروح من بعد اشدوه و الله غير امر صعيب بزاف ربي معنا و مع الجميع نشالله

[mohamed mahi]

ربي يكون في عون زوجك اختي

حاولي تقولي له يخدم الملف نتاعه مليح ويديه معاه ليا قدريروح للمحكمة العسكرية يشرع ثم ويدي ملف مرض الوالدين معاه ثاني ربييفرج عليناقاع

[رزيقة16]

اللهم امين و شكرا اخي

[رزيقة16]

اللهم امين و با التوفيق للجميع شكرا اخي علي الرد باراك الله فيك

[khalilovic16]

سلام عليكم اخي انا خطيبي مثل حالتك يعني وحيد عند باباه و يماه لا اخ و لا اخت ا مجوزش لا الفحص الطبي و لا ماركة في البلدية كي كان عندو 18 سنة مولود 1989 يعني 25 سنة هو في وضعية عاصي المهم حكموم لعام ليفات مارس 2014 الدرك الوطني داوه قعد عندهم 3 ايام حتي لموعد المحكمة العسكرية خرج برائة با الملف الكفالة دار الملف هو السند الوحيد و باباه مريض السكري و القلب و الضغط الدموي راك تعرف و الدرك الوطني دارو التحقيق خرج في صالحو من بعد عطاولو سورسي من مارس 17 جويلية 2014 قالولو كي يخلاص السورسي تولي للمحكمة العسكرية البليدة راح عندهم عطاولو برية قالولو بالك تفتحا اديها هكا لباب الواد هما يدبرو راسهم كي راح داهالهم قالولو عاود جيب ملف الكفالة من بعد وجد هداك الملف راح في ديسمبر هدا ليفات محبوش اقبلوه قالولو راك طولت بزاف روح و ستنا هاد اليمات تلحقك اورد دابال روح و حط الملف فا الثكنة لي يبعتوك ليها دوك راهم بعتولو 20 جانفي 2015 يا اخي و الله مرانا فاهمين والو انا علي حساب واش نعرفو من بكري يقولو الابن الوحيد ميدوهش دوك و الله معلابالي الحل وين راهو انا قتلو متروحش خفت اروح من بعد اشدوه و الله غير امر صعيب بزاف ربي معنا و مع الجميع نشالله
الي راح للثكنة راح يبقي مدة طويلة باش يتلقوه حوالي 4 الي 6اشهر والا ماراحش راح يولي عاص كيما كان يعني مشكل كبير والله هو راه فنفس حالتي انا الوالد متوفي هكداك ومعطاوهاليش

[رزيقة16]

سلام عليكم يا خاوتي و الله ماراح ربي يجيب الخير قالي و اقيلا 1 فيفري نشوف