مساعدة حول اكلير

[ام رشدى]

السلام عليكم ياحراير جربت شحال من مرة حلوى الاكلير ولاكن كل مرة تخرجلي فيها عيت ولكن الشكل شكلها هدا فاه فحلت هههههههه مرة تجيني مندية مع اني انحمرها مرة تكو شوية معجنة من الداخل وجربت انتاع الزبدة وانتاع الزيت ولكن لم اصل الى النتيجة المرجوة والفور انتاعي يشعل من تحت ولازم انطفيه باه نقدر انشعل من فوق ودجة العالية هي 260ياريت تعطوني نصائح او اي وحدة عندها طريقة ناجحة فيها تساعدني لاني كي نحب نخدم او نتعلم حاجة لازمني نتقنها باه نزيد نجرب حاجة اخرى واعلابالي بلي ماتبخلوش عليا وربي يجازيكم الخير راني نستنا وموجدا لحوايج يانا ياهوما ههههه

[Narimane2015]

هاذي العجينة في الاساس خدمتها مليح تعطي النتيجة و درك نعطيك طريقتي لي نخدم بيها وان شاء الله تصلحلك شوفي

المقادير
05 بيضات
1/4 لتر ماء
100 غ زبدة او زيت ما يهمش النتيجة نفسها
200 غ فرينة
نص كيس خميرة

أولا تحطي الزيت و الماء يغليوا فوق النار و بعدها تظيفي الفرينة مرة وحدة و تحركي بسرعة فوق النار حتى تشوفيها بدات تلصق نحيها ومباعد أنقليها للخلاط أظيفي الخميرة و البيض بالوحدة وانتي تخلطي ما تحبسيش حتى تتشكل العجينة حطيها في لا بوش و شكليها ضيفلها صفار البيض مالفوق وحطيها تطيب على 180 درجة و ما تفتحيش الفور فورا كي تطيب أحشيها بالكريم باتيسيير

[amel...]

ان شاء الله يعاونوك ... معنديش اي فكرة

[ام رشدى]

شكرا اختي narimane2015وانشاء الله نجربها لانو الوصفة الي نلقاها نجربها ولاكن واعلابالي المشكل راه عندي

[Narimane2015]

اي سؤال قوليلي لانه مجربتها بزاف ومكانش مشكل و ربي يوفقك

[ام رشدى]

شكرا اختي ايمان 2015واكييييييد نجربها ونرجعلك لخبر في اقرب وقت ممكن فقط تقوليلي المة الي تستغرقها في الطيا ولا كي تحمار نجبدها من الفرن بارك الله فيكي اختي الفاضلة

[ام رشدى]

...............

[lamia zina]

انا جامي جربتها نخاف منها

[Narimane2015]

شكرا اختي ايمان 2015واكييييييد نجربها ونرجعلك لخبر في اقرب وقت ممكن فقط تقوليلي المة الي تستغرقها في الطيا ولا كي تحمار نجبدها من الفرن بارك الله فيكي اختي الفاضلة

عالأغلب 45 دقيقة بصح كل فور و كيفاه تشوفيها حمارت خرجيها

[ام رشدى]

جعله الله في ميزان حسناتك الللللللللللف شكر

[ام رشدى]

اختي ناريمان 2015شكرا والللللللللف شكرا على الوصفة الرائعة والممتازة وربي يجعلها في ميزان حسناتك وننصح كل وحى تجرب هدى الوصفة لانها حقا ممتازة فبارك الله فيكي اختي الكريمة