انا في مشكلة

[مشكلتي]

السلام عليكم
من فضلكم اريد ان اسمع اراءكم هل ان اضلمت ام هو
زوجي ضربني وشتمني لاني قلت له لا تدع ابنة اختك ذات 3 سنوات تقعد فوق سرير نومي بحذائها
قلت له اذا تريد ان تلاعبها انزعلها حذائها فقد دخلت به الى الحمام وخرجت به الى الشارع اذن فهو موسخ وقلت له اذهبا الى الصالون ان لم ترد نزعه فهذا من حسن التربية وتتعلم هكذا لكبرها
قال لي ولماذا انت هنا حتى تغسلي ما وسخت وقال هي ابنتي وافضل منك ومن غرفتك هذه وسوف ارجعك بونيشة علي كما قال وسادخلها لسريري بحذائها ووسخها اعزكم الله وطردني من الغرفة ولم احتمل ذلك قلت له لن اخرج فضربني ضربا مبرح وحلف على انه لن تجمعنا نفس الغرفة مجددا وقال ساطلقك واتزوج من افضل منك مع العلم انني اقسم بالله الواحد الاحد اني قائمة ببيته واهله احسن قيام امه واخوته يحبوني ولحد اليوم من زواجنا لم اغلط في حق احد
وقال لي لو اقول لاختي انك طلبت نزع حذاء ابنتها هل يا ترى تبقى تحبك ام لا؟

هل ضلمته فانا من يوم الحادث وانا الوم نفسي ربما لم يكن عليا قول ذلك من فضلكم اريد رايكم فانا لم اخبر بالقصة احدا

[نورالهدى بيولوجيست]

تبانلي طيح الكلام بزاف :(

اختي الهم في كل شعبة لوكان جا في بلاصة وكان خلاها :/

تبانلي ماغلطتيش بالصح ممكن فالطريقة اللي تكلمتي بيها كان الخطأ

و الله اعلم :)

الله يهدي احوالك ان شاءلله و يعاونك

[محمد جديدي التبسي]

يظهر أن زوجك حاد الطباع والكلمة الأخيرة يجيبها هي الاولى
لازم تفهمي عقلية زوجك وتمشي على هذا الأساس
أكيد هو ظلمك وكلامك لا يستدعي الشتم فما بالك الضرب
لكن واش ديري هذا مكتوبك ربي يهديه ما تزيديش تعلقي عليه في مواقف مشابهة
ربي يفتح عليك

[حميد.ص]

ماعندوش الحق يضربك

و انت بما انك راكي الان تلومي نفسك هاذا يدل على انو قلبك سليم

انا نعطيك نصيحة

حتى و يكون زوجك غلط معاك روحي ليه و اطلبي منو السماح و قوليلو انت راجلي و تاج راسي

انت ديري هاذ الشي لوجه ربي هكذا يكون جزائك الجنة ان شاء الله

[أم شروفة]

هذا راه غير يسببلك.وكما قالت الأخت قبلي الهم في كل شعبة لوكان جاء في بلاصة و لو كان خلاها

[ام نهوله]

اسمحيلي لكن لا اظن انه ثار بهذا الشكل فقط لانك قلت له تنزع حذاءها لا ادري احسست لوهله انك كنت السباقه في التطاول عليه لا ادري انا كل واحده تقولي و الله ما قلت والو ولا مادرت والو نشك في كلامها لانو صراتلي مع رزاف ناس و نصيبهم دايرينها كحله و الله يغفرلي ايلا ظلمتك

[salem1985]

هذا لانك تزوجتي من لا تعرفي وهذا هو الرجل الذي يجد زوجة عاقلة يتمهبل لو كان طاح في وحدة صعيبة كان راه هو يتمحلس بصح لغالب زمان العاقل يتهان ويتظلم المهم ربي يفرج عليك اختي

[نارينا]

لو قمت انت بنزع حذائها وملاطفتها بدل الموشحة الطويلة عن الوسخ والتربية ....ربما ذلك ماستفزه والله اعلم ...ومع ذلك سلوكه مشين ومرفوض تماما

[* الحلم سكر *]

انتي ماشي غالطة في الفكرة انما في الاسلوب انا نظن هو كان يلعب و زاهي معاها و بانتله اتني نكدتي عليه و اعطتيه درس في التربية ماشي في وقته هو اللي فات فات لكن لو انتي قال بضحكة نزعتي حذاءها و قال هكذا بنيتي تخمج سرير خالو او انزعيه و خلاص خليتيه زاهي بالاك انتي تاني كنتي تعبانة
ربي يهنيك و يهديه لانو رد فعلو فعلا حاد لكن اصبري اختي و ربي يهديه و يهنيه

[R I A D]

لا حبيبتي انت لم تغلطي اذا كان هذا فعلا ما قلته , و اي وحدة منا معشر النساء كانت تتصرف مثل تصرفك
و زوجك يبان قلبه معمر من جهتك و ما كانش لاقي فرصة لكي يعبر عما بداخله فلما لقى الفرصة لم يفوتها
من شتم و سب و ضرب و تهديد بالطلاق ,,,هذه ليست من شيم الرجال
اذا لا تلومي نفسك فانت لم تخطئي و ربي يهدي زوجك
و مرة اخرى لما البنت تدخل لبيتك بحذائها علميها بلطف و قولي لها نحن ننزع الحذاء قبل ما ندخل للغرفة لاني اصلي فيها,,,
وهكذا مهما تخبر امها او زوجك راح يكون تصرفك سليم

[ميميسا]

ربي يهيده ان شاء الله .ويفرج عليك و ماتلوميش روحك علئ الي صار لان الي قلتيه ما عند حتئ علاقة بردة فعله

[اياد حياتي]

لالا اختي نقلك مراكيش غالطة وعلاه كيفاه تهدر معاه واي وحدة فينا ماتقبل هذا شيء لنفسهاهو كان يسنى في حاجة باه يقول كلام الي في قلبو صراحة سريري حتى وليدي وما نخليهش يطلع ليه بصباطو على جال هكذا ضربك ضرب مبرح دارو عمايل كبار وما دارولهم والو ربي يهديه وانتي قومي باعمالك الزوجية وانشاء ترجع الامور لمجاريها

[biologie2001]

اختي العزيزة كيف كانت نبرة كلامك لما طلبت منه الخروج ؟؟؟ هل كنت تقولينها بهدوء ام بنرفزة ؟؟؟؟

[OMGHANO]

رايي تروحي لاختو وتقوليلها الا زعفت من نظافة سافي هي موسخة واسمحولي على الكلمة
اختي مراكيش غلطة

[سجل أنا جزائري]

الله أعلم القصة كيف حدثت بالضبط أكيد لو نسمع رواية الرجل نجدها مختلفة جدا

لأنو ليس هناك رجل عاقل يضرب زوجته تقوم له بكل واجبتها بمجرد طلب من طفلة صغيرة نزع الحذاء !

اعتقد ان الموضوع اكبر من ذلك و خاصة لما قلتي ابنة اخته حسيت من كلامك أنك لا تحبينها و لا تحب ملاعبته لها

اذا اردت استقرار بحياتك ابحثيي عن جوهر المشكلة
و استمسحك اذا أخطأت في تخميني لأنو معظم زوجات التي تحدث لها هذه المشاكل تظهر انها ضحية و لكن اذا تعمقت تلقها ديرتها كحلة كيما قالت الأخت

[laraa]

زوجك عصبي. حاولي تتجنبي النقاش معه وقت غضبه.
كنت قادرة تنزعي الحداء بطريقة دكية و هادئة.

[amina 31]

Salam,
3azizati nti lazam ta3arfi kifach tahadri m3ah, hta whowa ghalat ta3arfi kifach twaslilou message ta3k bilati hya ahsan,
ana fi dani hadi matastahalch ga3 haka walakin momkin mn hadartak fhamha haja wahdokhra,
al mohim kima galoulak alakhawat w el ikhwa, hawli tsalhih fi sabil allah wbtaghi alajr,
wrabi yaslah hwalkom whwal jami3 almslimin.

[النجمة القطبية]

وهل اخته تقبل انو بنتها تقعد على سريرها بحذاء موسخ تدخل بيه للحمام اكرمكم الله :confused::confused:
وهل تقبل هذا الامر لاخوها لو كانت تحبه
خلونا مالتمهبيل
البنت الصغيرة معذورة لانها مازال عقلها صغير
لكن هو رجل وفاهم وعندو العقل فما هذا الهراء
حتى الشتم نفسه ماشى مليح امام الطفلة
شوفي بعيدا عن الطفلة فهى مازالت ملاك لا تعرف شئ يعنى معذورة لكن زوجك اساء التصرف وكبرها مع انو النظافة من الايمان ولمصلحته
المرة القادمة لما تدخل غرفتك فرشيلها ملابس خالو وخليها توسخهم وقوليلو فيهم الباراكة مدام حذاء الفتاة اصبح مقدس لهذه الدرجة ودار عليه كامل هذا القصة
ربي يكون في عونك اختى باين زوجك ماشي ساهل التعايش معاه

[bilal best]

طلعونا المستوى اداوسه على حاجه فيها قيمه على طفله ب 3 سنسن شبعك صرب اله يهدينا هذا منقوله

[أم عبد الكريم]

اختي مراكش غالطة و محقوش يبك و يشتمك بدون سبب
و كيفاه بنت اختو خير منك يا ربي المرأة العاقلة ولي تخاف على بيتها حتى مولاتو 3 سنين تركب عليها اسمحولي بصح الرجال يحسب المرأة خدمة عندو و عند عايلة و ربي يهديه و وكلي عليهم ربي

[لحن الحياة.]

اختي كاين حاجة لازم تنتبهيلها
اي رجل فالدزاير كااااااااااملة تغلط زوجتو و تجبدلو ديفو في دارهم يدور عليها من لوكان حكمتي الطفلة بشوية و قلتيلها نحي حدائك باش تلعبي فلا شومبر ...لانها صغيرة
او تقولي لأمها ........ جامي تلحقي تهدري لراجلك على دارهم (هذي اول نصيحة يدوها العرايس عدنا)

ونورمالمو تبقا شومبرتك مغلقة مش من هب و دب يدخلها بلاما تخرجي العيب

نظن زواجك تقليدي لانو هاذ النوع من المشاكل غالبا يكون فالزواج التقليدي محسوب دارنا جابوك

كوني عاقلة و ساكتة باش يتوقرو منك ( الهدرة و القصرة مع اهل الراجل هيا لي تخليهم يعفسو عليك ادا ضحكو اضحكي و ادا ما ضحكوش و ما هدروش ابقاي ساكتة حتى الصغار يحشمو منك)
و الله اعلم