بين نار الوظيفة أوالبقاء مع طفلي

[أم شاهين]

السلام عليكم ورحمة الله وبركاته
صباح الأنوار على الجميع
لجات إليكم أخواتي في طلب النصح والنصيحة فأنا بين نارين
لا اعرف من أين أبدأ
أنا متزوجة منذ سنتين رزقني الله بطفل أدعو الله ان يحفظه يبلغ الآن 9 أشهر
كان حلمي من قبل الزواج العمل وسعيت وراء مسابقات التوظيف مدة 7 سنوات ولم يكتب الله لي وظيفة
منذ حوالي شهر ونصف بدأت العمل مع شركة مجالها بيع وتصليح مواد الإعلام الآلي شركة محترمة جدا وموظفيها كذلك والحمد لله منصبي لا بأس به
مشكلتي لم أجد أين اترك ابني وقت عملي دور الحضانة بعيدة عن مسكني ولا أملك سيارة لأنقله في الدفء صباحا وفي الشتاء وفي لطف الجو صيفا خصوصا في المساء فأنا أقطن في مدينة بسكرة وجوها صيفا لا يخفى على أحد
اضطررت أن أتركه في مسكن والدي مع أبي وأمي وأخواتي طوال الأسبوع فهم يبعدون عني حوالي 60 كلم
لا أدري لحد اليوم هل قمت بالقرار الصحيح أم أنا مخطئة وأكون قد ظلمته
صحيح هو في عند والدتي وكلنا يعلم كيف تهتم الجدة بالحفيد خصوصا أنه الحفيد الأول أنا جد مطمئنة عنه في بيت أهلي
لكن في نفس الوقت هو محتاج لوالديه خصوصا في هذه السن خاصة أنه آخر مرتين (آخر نهايات أسبوع ) بدا جد مشتاق لي ولوالده ولا يتقبل أن نفترقا عنه ول لدقيقة (لاصق فينا بزااااااف ما يقبلش ننوضو من قدامو ولا نخلوه دقيقة نديرو شغالاتنا)
عملي في الأول كان طموح لكنه أضحة ضرورة خصوصا أنه لدينا الآن ديون علينا تسديدها وأنه ليس لنا مسكن خاص وكلنا نعلم غلاء المعيشة الآن كل شيء بحقه وعلى الزوجين أن يتعاونا حتى يتمكنا من توفير ضروريات المعيشة للأطفال
أرجوكم أشيروا عليا خصوصا ذوات الخبرة والتجربة
رأيكم يهمني جدا فأنا بين نارين

[oum imane83]

صراحة لو كنت مكانك لتخليت عن كل شييء عملي من اجل لحظة جميلة نجوزها مع طفلي وما نسمحش انه يتربى بعيد عني ويتشتت ويتعب في سن مبكرة ...

في رايي بيتك اولى من وضيفتك وفي الحقيقة هي رسالة المراة في هده الحياة ......... وان كنت بامس الحاجة للعمل بسبب ضروف المادية ربي يفرجها عليك ويعوضك
ربي يوفقك اختي

[ouissamak]

لو ارزق بطفل اقسم انني لن اكمل ولا دقيقة في العمل مهما كانت الظروف لن اضيع ولا دقيقة في تربيته والجلوس معه وسماع اولى كلماته
وعند بلوغه عامين او ثلاثة تستطيعين ان تاخذيه للحضانة وتبحثي عن عمل والله هو الرازق سبحانه
ربما ان اهتميت بطفلك قبل عملك سترزقين خيره من حيث لا تدري

[أم شروفة]

ماذا ؟..............................خليتي وليدك يبعدعن عينك والله لو يعطوني كنوزالدنيا .ووليدي ما يباتش في حضني لن اقبل بها.إن كانت الخلصة مليحة جيبي كاش وحدة تقعد في دارك وتكون عجوزة لا تخطف راجلك

[بصمة قلم]

اختي انت مخطئة 10000000%
ابنك لا يحتاج مال ولا اي متطلبات أخرى بل يحتاجك انت
اختي ربي هو الرزاق، و نلقك والله العظيم لو تخدمي انت وزوجك ليل ونهار وفي بالكم باللي الدنيا صعيبة والرزق صعيب مسحيل ربي يباركلكم وتكونوا مكفيين
الناس كل راهي تعاني، شكون اللي عنده دار وعايش فالرفاهية؟؟؟؟ نقولوا ربي يباركلنا فيما اعطانا ويغننا بالحلال
اقعدي فالدار وربي ولدك ولا تنسي انه امانة ستسالين عنها
اواخطيك مالطموح و الدنيا صعيبة، فكلها شعارات زائفة

[وهيبة186]

ماراكيش وحدك اختي راني كيفك
بصح انا حالتي شوية انا نخدم استاذة في ولاية و متزوجة في ولاية بعيدة علينا كيما قلتي بالاك 60 كم
و يلزملي 3 سنين باش نتحول و زيد راجلي خدام بعيد بزاف و انا درك قاعدة في دار والديا بصح مع حبيبتي "بسمة"
و نروح لداري كل خميس و نولي السبت
و الحمد الله صابرة حتى يفرج ربي
و انتي اذا محتاجة خدمتك اصبري و خلي وليدك عند ماماك ماكانش خير و افضل و امان منها
و الجمد الله
سمحيلي اذا طولت عليك

[sarra 19]

اختي اذافعلا محتاجة واصلي عملك لانه انا اعلم جيدا معنى انه يكون عندك دين و ما تصيبيش منين و وليدك ربي يخليهولك امك تعطيلو لحنانة اكيد مش كيفك لكن ما دمت مضطرة ربي أعلم بحالك
ا

[أم شاهين]

مشكورين أخواتي الكريمات على اهتمامكن وردكن على انشغالي
أعلم جيدا اني لم أضيع إبني وهو بين يدي والدتي ووالدي ربي يحفظهملي
لو كانت ظروفي أحسن بقليل فقط من هذه لما بعدت على إبني فلذة كبدي وقرة عيني
هو بعيد عني أيام الأسبوع لكن يجيني في عطلة نهاية الأسبوع وأحيانا نروح لبيت أهلي نبات معاه
لكن والله العظيم مضطرة عندي ديون وعندي دفعات قادمة أدفعها لأجل المسكن
أنا الآن اعيش في دار عجوزتي ما نقدرش نجيب مرا تربيلي وليدي في دار العايلة وهي عجوزة كبيرة الله غالب عليها ومريضة ما تقدرش تتهلى فيه
أنا قلت يكبر شوية برك يغلق عام على الأقل ونجيبو قدامي نخليه عند كاش مرا قريبة لينا وهكا نديه الصباح ونجيبو لعشية
درك الحال بارد وأنا نخرج على 7 نتاع الصباح من الدار الحالة ظلام على الأقل يولي النهار يطلع بكري كي نخرجو الصباح معليش
أنا وضحت وقلت بلي في الأول عملي كان طموح صح حابة نعمل ونحقق شحاااال من حاجة في حياتي لكن والله أضحى ضرورة لا بد منها
مشكورين حبيباتي

[أم ريتاج زهرة]

ربي يوفقك و كل وحدة و ضروفها و أنتي أدرى أختي و قولي الحمد الله لي كاين والديك ربي يخليهملك و ربي يفرج عليك نشاء الله