مشكلتي

[مشكلتي]

السلام عليكم ورحمة الله وبركاته

أتمنى ان تجيبوني بكل صراحة من فضلكم لأنها تهمني...............
أنا شاب أريد الزواج أعجبت ببنت و قلتلها حاب نخطبك وراني قاصد الحلال وهو الزواج.تكلمت معاها وقلتلها الشروط التاعي.التفاهم قلتلها مانكدبوش على بعضانا و نقول الصراحة و الصدق في كل شيئ.
أنا طرحت عليها بعض الأسئلة ومنها قلتلها أنا راني حاب الحلال لكن ادا أنت مخطوبة أو تعرفي واحد أوتحبي واحد قليلي ...هي قالت انا تفاهمنا على الصراحة والصدق. قالتلي أنها حابة تتزوج وتنستر وقلتلي مانعرف حتى واحد لكن قالتلي باش مانكونش كدابة. قالتلي حبيت مرة وحدة قبل 5 سنين وبقات معاه عام و3 اشهر وقالتلي كان حاب يتزوج بيا لكن عرفت انو كان يخدعني مع بنات وانا دايرني نكون مراة تاع دار .قالتلي انا تركته وقالت كانت تتكلم معاه في التليفون وتلاقاته بعض المرات وقالت انها عمرها ولا غلطت و لا عملت شيئ يمس الشرف التاعها.أنا مين عرفت انها عرفت راجل قبلي نقولكم ماحبيتش وقلتها.0لكن هي قالتلي انها كانت تقدر تكدب كيباقي لبنات لكن قالتلي صفيت ضميري عند ربي وعندك وقالت كانت غلطة وانها بنت فاميلية.
خاوتي شاوروا عليا واش نعمل نخطبها لأني زد تكلمت معاها وعرفت عليها اشياء انها انسانة فيها الخير و الصراحة تعاها تانيك.
هل هدا الشيئ ياتر عليا في المستقبل.أنصحوني بارك الله فيكم

[مراد سابقا]

وما هو الحب إلا للحبيب الأول

إذا انت مدرتش في حياتك

لا تتزوجها

الطيبون للطيبات

[غريبة الاطوار]

استخير اخي

[أم شروفة]

باينة نية .شكون تخبر خطيبها عن واحد خطبها سابقا ؟ هادي يا أخي شد فيها مليح وما تفرطش فيها

[محمد جديدي التبسي]

اذا أنت أنسان شكاك وعصبي وتاع مشاكل ستتعب معها
أما إذا لم تكن مشكاك وكانت الفتاة محترمة ومتخلقة وسمعتها طيبة ولا تريد إلا رضاك عنها فيمكنك تجاوز ماضيها
فالله يغفر للتائب الصادق فلمادا لا يغفر لها بشر مثلك معرض للخطأ في أي لحظة؟!
ربي يفتح عليك

[realf23]

نعم شيئ يؤتر في كل الرجال

[ام نهوله]

شوف يا اخي انا مانكدبش عليك بصفتك جزائري فانت لن تنسى لها هدا الماضي حتى لو اردت ذلك و ستذكرها به في اول خلاف بينكما و ستراودك الشكوك اتجاهها كثيرا
انا اظن انه من غير الحكمه انها صارحتك بالموضوع ان كانت فغلا تابت فعليها ان تستغفر ربها و تستر ما اقترفت يداها

[salem1985]

اذا انت قادر تعفو عنها تقدم والا فلا

[amineb64]

تحب الصرراحة نتاع الصراحة لي تحبها انت ..اخطبها بعد سؤالها سؤال يفصل
الصراحة صعيبة و مرة اسالها برك سؤال حاسم واش مازال تفكر فيه او تحبه او يجي في بالها .اذا الجواب بعض المرات ..ابتعد و هني روحك من التوسويس

[بنت لبحر]

اخي استخر ربي هو الي ينورلك طريقك

[zara08]

كيفاش تفاهمتو على الصراحة و قلتلها منكدبوش على بعضنا و كي قالتك الحقيقة ما بغيتش تديها راك تناقض في روحك صراحة هذه الطفلة لي كيفها راهم قلال في وقتنا ما حبتش تكذب عليك كون واحدا اخرى قالتلك انت الحب الأول في حياتي و هي دايرة كوارث هادي تفرح بيها الله يهديكم يا رجال تبغو غي لي تكذب عليكم بصح لي صريحة معاكم لالا معلبليش كيفاش تخموا

[* الحلم سكر *]

كانت قادرة تكذب و تخبي عليك و لعلمك ههي صارحاتك لانك تهمها انت و لو مازال يعنيلها و لو شيى بسيط صدقني اكانتش حتى لمحت للموضوع
لو انت اكتشفت الموضوع و هي كذبت عليك و كذا نقولو لكن هي صارحاتك و انا تبانلي نيتها مليحة و حابة معاك تبني حياة على الصح ...ربي يوفقك

[amel03l]

estakhir allah

[جالب الخيرات]

عف-------------------------ففففففففففففففففففففففففففففففففففففففففففففففف--------------------------------------------------------------------------------------ك

[0ibtissam]

اخي رنا في وقت به تلق بنت او شاب مكانتش عندو تجربة حب قليل جدا
اذا لقيت روحك دايمن ريح تكون شاك وخايف اخطيك منها واذا كنت قدر تغفرها تزوجها
وزيد سقسي وستخر وان شاء الله لي فيها الخير ربي يقدمها

[oum rania]

باين عليك توسوست و راك خايف روح شوف واحدة اخرى ممكن تسالها نفس السؤال و تكون عاملة كوارث و تكدب عليك هده البنت صح بنت فامليا و نية لوكان ماجتش نية راهي كدبت عليك غاضتني قتلها راني ناويك و صارحيني عطيتلها لمان مشات معاك فحلة و حكاتلك حتى التفاصيل من النية تاعها و امبعد درت عليها ربي يجيبلها وليد لحلال على قد نيتها

[سجل أنا جزائري]

من أجل هذه كون ماا سقسيتها ما والو نت صح من حقك تسقسي عليها و تشوف اذا لقيتها بنت فاميلية خلاص ما تبقاش تنبش في الماضي

لأانو ماضي ربي اللي حاسب و اذا تابت خلاص نومالمو ما تقولكش وش دارت

يظهري مادام قتلك راهي ندمت صح نومالمو ما تقولكش لكن نيتها مليحة و درت فيك الثقة فيك

نت ايضا ما توسوسش روحك بزاف و تخمم و و وو اذا راهي عاجبتك ذرك و سمعت عليها غير الخير استخر ربي و تقدم
لأانو و عن تجربة كون تبدى تنبش هكذا ما راحش تتزوج

[realf23]

كل فتات تخبي ماضيها يكشفها ربي ان شاء اللله و انصحك ان تبحت عن بنت ليس لها ماضي, وما يدريك لعلها كشفت لك نصف الحقيقة?

[oumtamime07]

فهم روحك حاب الصراحة ولا بنت عمها

[عبد الله 22]

أعتقد انه بعد ماصرحتك تغيرت نظرتك، خطوة الصرحة في بعض الاحيان مضرة في الوقع كنت تنظر للمستقبل للأخلاق البنات في ذالك الوقت وبعده لأن السؤال عن ماضيك او ماضيها قد تكون بذور الفراق في المستقبل لا احد ينكر ان هذه الفتاة صرحتها تحتسب لها وبانها فعلا تريد خطوات صحيحة لان كانت ببسطة يمكنها الكذب وتكون تعرف 100 وانت خطبها بالتوفيق أتمنى أن يكون هناك خطوات إجابيه ( من جهة أخرى أنت لم تشر هل كنت تعرف من قبلها بنية صادقة للزواج اما كنت تعرف بنت بأشكال وانواع مختلفة)