كنت عند مركز الفرز في قسنطينة و هدا ما قالوا لي ...

[jawaad]

السلام عليكم ،

اخواني الأعزاء ، اليوم كنت عند مركز فرز الطرود و تفتيشها في قسنطينة ، انا لدي طرد دخل قسنطينة في 22 ديسمبر و الى الآن لم يلحقني شيء ولا اي دعوة للحضور ،

المهم ، عندما بدأت بالتكلم مع احد الموظفين قلت له ، لدي طرد مند 22 ديسمبر وهو عندكم لم يصلني اي شيء لا اشعار بالحضور ولا شيء ،

قالي انت منين ، قلتلوا من باتنة ، بدا يعرشلي قالي حنا مختصين بنتاع قسنطينة فقط قالي تاع باتنة يتفتشوا في باتنة قالي حنا يلحقونا هنا نعاودو نبعثوهم ما

نقيسوهمش قالي نتحققوا من تاع جيجل و قسنطينة فقط الباقي يتم تفتيشه في ولاياتها ،

خاوتي انا حربت كل واحد كيفاه راو يطيش فيا ، السيد لي حكيت معاه ماوش ظريف خلآآص تقول باغي يضربني ، المهم قالي زيد روح شوف في مصلحة التفتيش في باتنة ادا ما لقيتوش وليلنا نعيطوا في دزاير و نشوفو كيفاه نديرو ،

و بخصوص الهواتف ، قتلوا خويا علاه تجمركوا الهواتف ، ما عطانيش سبب ، قالي هكا يا خويا قالي كي تجيب زوج تخير واحد برك لي يفوت و لوخر يقعد

عندنا oO حرقلي مخي !!! وصراحة واحد الحالة ثم في المركز كاااارثة ، الطرود مطايشة ، و واحد الوجوه لي تخدم ثم باينة مايش تاع خير

المهم ربي يجيب الخير ان شاء الله

[Horlogerie suisse]

ربي يجيب الخير ان شاء الله

[سفيان الوسيط المالي]

جمارك قسنطينة اخي من اصعب جمارك الوطن بكل صراحة وعن تجربة كبيرة معهم الله يسهل لاحوال ان شاء الله

[abdouka]

إسمحلي أخي ولكن واضح جدا الموضوع

في الجزائر : مادام لم يصلك أي إشعار للإستلام أو لم تصل سلعتك إلى مركز البريد التابع له جغرافيا

فليس لك أي حق بالمطالبة بالسلعة فقط من رقم التتبع ...هذي ديرها في بالك لكي لا تتعب نفسيا بسسب التخمام

رقم التتبع فقط للإستعلام عن مكان السلعة نظريا وغير ملزم للبريد الجزائري مادمت لم توقع على الإستلام

إذا لم تصل السلعة مدد المدة في خلال 70-90 يوم إذا لم تصل طرودك إسترجع أموالك

[jawaad]

بصح يا لأخ أنا رحت نستفسر ما رحتش نجيب الطرد تاعي و ايضا للتوضيحالطردمكتوب فيه معلوماتي الشخصية مثل الاسم واللقب ورقم الهاتفوالشارع يعني بمجرد رؤية بطاقة التعريف تتاطد انني صاحب الطرد

المهم انا رحت نستفسر سع لقييتو زاد خلطهالي ، غدا ان شاء الله نروح لمركز الفرز في باتنة ( هدا ان وجد )

[MOKTOP]

لا يوجد مركز تفتيش في باتنة انه "يخرط عليك" مراكز التفتيش في الجزائر ثلاثة لا غير

[MOKTOP]

للمعلومة فقط انا من باتنة ايضا و اتعامل كثييييرا مع داينوديركت
السلعة برقم التتبع تستغرق 7 ايام للوصول للجزائر العاصمة تفتيش بالسكانر و يستغرق ذلك اسبوع
ثم ترسل الى مركز الناحية من أجل التفتيش اليدوي و الارسال الى الولاية اي قسنطينة اين يتم فتح الطرود المشكوك فيها بالعربية لي تعجبهم وامضاؤهم هو ذلك السكوتش الذي يرثى له و الذي يتم اعادة الغلق به و يستغرق الامر 10 ايام ثم فالولاية "باتنة" تصل مباشرة الى بريدك بعد المرور ليوم بالبريد المركزي
ويتم الاشعار من 3 الى 7 ايام ثم ان لم تتقدم لاخذه يتم الاشعار مرة اخرى كل اسبوع حتى يكرهوا يدوه او يعاد ارساله
فقط انا تعاملت عشرات المرات و الحمد لله لم افقد ولا مرة طرد اقصى مدة كانت 70يوم لهاتف و اقل مدة كانت 22 يوم لتابلت
بالتوفيق و ان شاء الله تستقبل طردك

[jawaad]

يا خويا ، ولله العظيم غير كي قتلو تاع باتنة ، قالي والله ما نتوشيوهم ، قالي كيما يجيونا نعاودوا نبعثوهم لباتنة يتم التحقيق هناك ،

و سأنبهك لشيء اخي الكريم ،

لدي طرود تم استلامها من قبل ، و انتبهت لشيء ، نلاحظ ان ختم الجمارك على الطرد فمثلا آخر طرد استلمته ، كان ختم الجمارك به في يوم 12جانفي ، و في الوراء ختم مركز البريد الدي اسكن فيه في يوم 13 جانفي ، و تم الاستلام في 14 ، هدا يعني ان التحقيق ان تم بقسنطينة سيكون هناك مدة كبيرة بين ختم الجمارك و ختم البريد ، لدا ، اظن انه 90 "% الطرود يتم تفتيشها بباتنة !!

[AyOuB0587]

شكرا لك على افادتنا بتجربتك
هل من الممكن أن تخبرنا عن مكان مركز فرز الطرود في قسنطينة؟

[jawaad]

مكان الفرز اخي هو جاي في السونطر فيل ، كي توصل قسنطينة سقسي على البارك ، كي توصل لبارك تقسي ثم برك راح لاصق فيه ، بيت قديييييم الباب تاعهم أزرق

[hak4]

اخي المكان يسموه باب القنطرة عبارة عن مخزين قديم و مقزز حاشاكم كبير جدا و الباب ازرق و الله وكانه اسطبل للحيوانات و عندما تدخل ترى العلب الكبيرة و الصغيرة مبعثرة في كل مكان و تصعد للسلم مصنوع من الحديد لتصل الى مكتب مسؤول الجمارك اللي شبعني كذب عليه من الله ما يستحق و الله راني ندعي عليهم ليل ونهار وجوه الشر قطاع الطرق حاشا اللي مايستاهلوش وانا نكون صريح معاكم خاوتي جماعت جمارك قسنطينة ما فيهم اللي خاف ربي هو اصلا 2 من الناس و الاخرين تابعين لمركز الطرود الميزة الاخرى اللي يتميزوا بيها نزع كابلات الهاتف يعني لا تحلم برد او جواب لكن باذن الله لو يكونوا كاين رجال هنا في المنتدى يوقفوا وقفة واحدة باذن الله نهايتهم قريبة حتى لا يتجرؤوا و لا يتطاولوا و لا ينهبوا سلعنا فالدعوة موجهة للجميع من اجل القيام بوقفة احتجاجية في عقر دارهم و رفع عريضة شكوى لوكيل الجمهورية وللاستفيار اكثر الاتصال بالاخ nassim و الدخول الى صفحة اونتي الجمارك واونتي البريد على الفيس بوك

[jawaad]

شفت يا اخي والله كارثة عظمى ، انا ما هدرتش مع جمركي هدرت مع واحد الرجل تبالي من نتاع البريد ، كلاني بالهدرة ما خلانيش نستفسر ، ليكيداني و قالي روح لولايتك ما تزيدش تجيني

[souline amira]

حسبي الله و نعم الوكيل

[nassim1]

اخي المكان يسموه باب القنطرة عبارة عن مخزين قديم و مقزز حاشاكم كبير جدا و الباب ازرق و الله وكانه اسطبل للحيوانات و عندما تدخل ترى العلب الكبيرة و الصغيرة مبعثرة في كل مكان و تصعد للسلم مصنوع من الحديد لتصل الى مكتب مسؤول الجمارك اللي شبعني كذب عليه من الله ما يستحق و الله راني ندعي عليهم ليل ونهار وجوه الشر قطاع الطرق حاشا اللي مايستاهلوش وانا نكون صريح معاكم خاوتي جماعت جمارك قسنطينة ما فيهم اللي خاف ربي هو اصلا 2 من الناس و الاخرين تابعين لمركز الطرود الميزة الاخرى اللي يتميزوا بيها نزع كابلات الهاتف يعني لا تحلم برد او جواب لكن باذن الله لو يكونوا كاين رجال هنا في المنتدى يوقفوا وقفة واحدة باذن الله نهايتهم قريبة حتى لا يتجرؤوا و لا يتطاولوا و لا ينهبوا سلعنا فالدعوة موجهة للجميع من اجل القيام بوقفة احتجاجية في عقر دارهم و رفع عريضة شكوى لوكيل الجمهورية وللاستفيار اكثر الاتصال بالاخ nassim و الدخول الى صفحة اونتي الجمارك واونتي البريد على الفيس بوك

:D:D

السلام عليكم hak4 شكرا على دعمك
يا اخي راك حامي عليهم كي البندير ... كون تحكم واحد تعطيه طريحة تع كلاب هههه
المهم
حنا الجزائريين اتفقنا على ان لا نتفق او نتحد و هذا هو مشكلنا
الكل يبكي لوحده فى كوانة ههههه:D
ربي يكون فى العون
الصفحة فى بعض الأحيان افكر فى غلقها
عندما أتي الى هنا اجد المئات من الشكاوي
و عندما تقترح عليهم الإتحاد لأخذ حقنا لا تجد احد
تخيل لو كنا متجمعين فى صفحة قدرها 1000 فقط و راسلت صفحة الجمارك اننا نطالب يالنقط التالية و اذا لم نراها فى الساحة تطبق
سوف ننظم مسيرة حقيقية فى المكان الفلاني ... ماذا سوف يكون رد فعل الجمارك
المهم
اذا لم تحقق الصفحة غرضها سوف احذفها فى مستقبل القريب ... عندي مشاغل اخرة تستحق فعلا
بالتوفيق للجميع

[الحاج انطوان]

الهدرة تاع كل ولاية تفتش طرودها بنفسها ربما جديدة .لي مدة طويلة وانا استقبل طرود من الخارج مرات مفتوح للتفتيش و فيهم طابع الجمارك ومرات مفتوح وبلا طابع لكن شهادة لله كون تكون حبة حلوة ماراحتش .مرة طالت
المدة لطرد ولم يصل ربما 3 اشهر قلت مايكونو غير هوما تقاسموه ولا ساعي البريد انتاعنا احلالو في عينو وضرب عليه النح .لكن والله ان لبعض الظن اثم بعدهااتصل بي الباعث فقال ان الطرد رجع والسبب عنوان المستقبل في الجزائر غير واضح فرجع له الطرد وتحمل مصاريف اعادة بعثه من جديد
مسؤول مكتب جمارك مركز الفرز بقسنطينة تقول عليه عسكري كاره الحياة كي يتعامل معاك لكن اشهد لهم بالامانة من ناحيتي .حاجة اخرى او مع ناس اخرين الله اعلم

[nassim1]

الهدرة تاع كل ولاية تفتش طرودها بنفسها ربما جديدة .لي مدة طويلة وانا استقبل طرود من الخارج مرات مفتوح للتفتيش و فيهم طابع الجمارك ومرات مفتوح وبلا طابع لكن شهادة لله كون تكون حبة حلوة ماراحتش .مرة طالت
المدة لطرد ولم يصل ربما 3 اشهر قلت مايكونو غير هوما تقاسموه ولا ساعي البريد انتاعنا احلالو في عينو وضرب عليه النح .لكن والله ان لبعض الظن اثم بعدهااتصل بي الباعث فقال ان الطرد رجع والسبب عنوان المستقبل في الجزائر غير واضح فرجع له الطرد وتحمل مصاريف اعادة بعثه من جديد
مسؤول مكتب جمارك مركز الفرز بقسنطينة تقول عليه عسكري كاره الحياة كي يتعامل معاك لكن اشهد لهم بالامانة من ناحيتي .حاجة اخرى او مع ناس اخرين الله اعلم

كي عادت هاك يا سيدي الله يرجعنا قع الحاج انطوان :d