المرسة العليا للطيران "طفراوي" مساحة تعارف

[علي مخاطة]

بعد السلام أخوكم يوسف من الجزائر العاصمة. 28 سنة متطوع كطالب ضابط احتياط دفعة جانفي 2015
الى الاخوة المعنيين المشاركة حتى نتعارف قبل الالتحاق بالمدرسة
لترتيب السفر الجماعي اذا أمكن + معرفة عدد الملتحقين للذين سيلتحقون متأخرين
بالاضافة الى التعريف بالمدرسة نظام التدريب و ظروف الاقامة


:mh92::mh92::mh92::mh92::mh92:

[amine_bobo]

السلام عليكم

أمين من سطيف 28 سنة متطوع كطالب ضابط احتياط دفعة جانفي 2015

تاريخ الالتحاق ان شاء الله يوم 20 او 21 جانفي

[علي مخاطة]

السلام عليكم

أمين من سطيف 28 سنة متطوع كطالب ضابط احتياط دفعة جانفي 2015

تاريخ الالتحاق ان شاء الله يوم 20 او 21 جانفي


متشرفين الأخ أمين للمرة الثانية هههههههههه
جماعة طفراوي راهم راقدين + المدرسة ترفد 100 طالب لذلك قليل الاستدعاء ليها.
على حساب السن تاعي راني طامع فالفائض ما نكدبش عليك رغم انو المفروض الانسان يستعد للأصعب
بخصوص تاريخ الالتحاق انا أيضا ناوي نروح متأخر كيفك
السن + تأخير + دعوة الحاجة .........ان شا الله فيها خير

[ASKme]

28 سنة راك كبير خويا لعزيز ان شاء الله يطلقو سراحك

[amine_bobo]

متشرفين الأخ أمين للمرة الثانية هههههههههه
جماعة طفراوي راهم راقدين + المدرسة ترفد 100 طالب لذلك قليل الاستدعاء ليها.
على حساب السن تاعي راني طامع فالفائض ما نكدبش عليك رغم انو المفروض الانسان يستعد للأصعب
بخصوص تاريخ الالتحاق انا أيضا ناوي نروح متأخر كيفك
السن + تأخير + دعوة الحاجة .........ان شا الله فيها خير


هههههه ان شاء الله يطلقونا بفائض

[علي مخاطة]

هههههه ان شاء الله يطلقونا بفائض
ان شا الله من فمكم لربي و راك معروض على غذاء في العاصيمة :1:

[youcef ha]

أنا أيضا في طفراوي لدي لدي28 سنة من ولاية سعيدة يعني المدرسة ليست بعيدة كثيرا عني.
لكن لم أقرر بعد اذا ألتحق أم لا لأنني أدرس الماستر

[علي مخاطة]

أنا أيضا في طفراوي لدي لدي28 سنة من ولاية سعيدة يعني المدرسة ليست بعيدة كثيرا عني.
لكن لم أقرر بعد اذا ألتحق أم لا لأنني أدرس الماستر
اذا قدرت تحصل على تأجيل بفضل الماستر فالأفضل التريث. بين ليلة و ضحاها قد يطلع عفو جديد لأصحاب 30 سنة
أنا قررت المغامرة باللذهاب لأنو زميل لي في العمل تم مسكه عاصي في أحد الحواجز الأمنية. الله لا يشوف مومن واش صار فيه

[houssam1012]

السلام عليكم

خوكم حسان الدين من العاصمة 25 سنة .. مزال مقررتش وكتاش نروح

[علي مخاطة]

السلام عليكم

خوكم حسان الدين من العاصمة 25 سنة .. مزال مقررتش وكتاش نروح

و أخيرا واحد من العاصمة. معاك يوسف من حسين داي
اذا قررت تروح متأخر 20 أو 21 جانفي . ممكن نروحو كيف كيف اذا حبيت :19:

[youcef ha]

اذا قدرت تحصل على تأجيل بفضل الماستر فالأفضل التريث. بين ليلة و ضحاها قد يطلع عفو جديد لأصحاب 30 سنة
أنا قررت المغامرة باللذهاب لأنو زميل لي في العمل تم مسكه عاصي في أحد الحواجز الأمنية. الله لا يشوف مومن واش صار فيه

ما حبوش يعطوني سورسي قالولي حتى تفوت 2eme ماستر
مي تخاف نولي عاصي قبل ما ندير تأجيل هههههه

[علي مخاطة]

ما حبوش يعطوني سورسي قالولي حتى تفوت 2eme ماستر
مي تخاف نولي عاصي قبل ما ندير تأجيل هههههه
نقولك حاجة انا من 2009 وانا في المشاكل مع الخدعة الوطنية. كرهت جربت كلش ما فادش و كل عام استدعاء
كرهت نروح نعطيهم 12 شهر تعهم و الله لا تربحهم ان شا الله

[aminekenn]

انا ثاني راني رايح في 15 /1 لطفراوي كضابط احتياط العمر 22 سنة و عندي ليسانس تجارة

[youcef ha]

نقولك حاجة انا من 2009 وانا في المشاكل مع الخدعة الوطنية. كرهت جربت كلش ما فادش و كل عام استدعاء
كرهت نروح نعطيهم 12 شهر تعهم و الله لا تربحهم ان شا الله

ايه قاع رانا نقولوا هاكا
28 سنة مابقالناش هههههه

[علي مخاطة]

انا ثاني راني رايح في 15 /1 لطفراوي كضابط احتياط العمر 22 سنة و عندي ليسانس تجارة
الأخ من أي ولاية ؟؟

[علي مخاطة]

ايه قاع رانا نقولوا هاكا
28 سنة مابقالناش هههههه
عملت حسابي نجوزهم لكن راني طامع في الفائض ما نكذبش عليك نص صحابي كملو في 2009 رفدوها. نص تاني +30سنة رح يرفدوها هذا العام
ما كانش زهر و لوكان تتحكم عاصي تذوق الأمرين. امالا صلاة استخارة الكابا و للأمام

[iscodes]

أنا محمد من سعيدة 28 سنة رسلوني لطفراوي بصح عندي مشكل كبير وهو أنا دفعت في الجمارك في 2014 ونجحت لكن لما رحت ليهم قالوآ لي لازم تعطينآ إستدعآء ولآ شهادة نجاح وهنا للأسف الجمارك تأخروآ كثيرآ وخايف نروح ويرسلوآ لي ونخسر المنصب تآعي وإذا مآ رحتش تصبح عآصي يعني والله مآ فهمت وىش ندير يآ خوتي

[aminekenn]

الأخ من أي ولاية ؟؟

min alger khoya w hawlik fc nta3i
********.com/amine.kenn

[algerian_boss]

الســلام عليكم، أخـوكم كــريـم من ولاية تيبــازة، 26 سنـة ليسـانس تجـارة، نلتـحق إن شاء الله 19 أو 20 /01 و ربـي يجيب الخيـر إن شاء الله.

[علي مخاطة]

الســلام عليكم، أخـوكم كــريـم من ولاية تيبــازة، 26 سنـة ليسـانس تجـارة، نلتـحق إن شاء الله 19 أو 20 /01 و ربـي يجيب الخيـر إن شاء الله.
متشرفين أخي كريم. كاش معلومات على المدرسة ؟

[sidoahmed]

في طفراوي فوق 30سنة + المتزوجين يخرجو فائض أما الاخرين الديبلوم هو اللي يهدر و خاصة اصحاب ماستر لغات فرنسية و انجليزية و الاكترونيك و ميكانيك ...
بالتوفيق خاوتي

[علي مخاطة]

في طفراوي فوق 30سنة + المتزوجين يخرجو فائض أما الاخرين الديبلوم هو اللي يهدر و خاصة اصحاب ماستر لغات فرنسية و انجليزية و الاكترونيك و ميكانيك ...
بالتوفيق خاوتي
هذه المرة ما كانش فوق 30 سنة لأنو رفدوها بعفو رئاسي + هذه الدفعة رح تكون مكتضة حسب التوقعات لأنو الناس لي كمبت دراستها في 2014 خلاصلهم سورسي في 31 دسيمبر و الناس تأكدت من تقليص المدة الى 12 شهر عكش دفعة سبتمبر

[علي مخاطة]

min alger khoya w hawlik fc nta3i
********.com/amine.kenn
انا فيسبوك تاعيallali djilali youcef اذا تروح متأخر كيما انا ممكن نروحو كيف كيف انا من حسين داي

[sidoahmed]

هذه المرة ما كانش فوق 30 سنة لأنو رفدوها بعفو رئاسي + هذه الدفعة رح تكون مكتضة حسب التوقعات لأنو الناس لي كمبت دراستها في 2014 خلاصلهم سورسي في 31 دسيمبر و الناس تأكدت من تقليص المدة الى 12 شهر عكش دفعة سبتمبر
يشدو 100 فقط حسب الاحتياجات و الباقي اما تأجيل اما فائض
ربي يوفقكم أخي

[youcef ha]

أنا محمد من سعيدة 28 سنة رسلوني لطفراوي بصح عندي مشكل كبير وهو أنا دفعت في الجمارك في 2014 ونجحت لكن لما رحت ليهم قالوآ لي لازم تعطينآ إستدعآء ولآ شهادة نجاح وهنا للأسف الجمارك تأخروآ كثيرآ وخايف نروح ويرسلوآ لي ونخسر المنصب تآعي وإذا مآ رحتش تصبح عآصي يعني والله مآ فهمت وىش ندير يآ خوتي

وين تسكن في سعيدة خويا

[iscodes]

وين تسكن في سعيدة خويا
حمام سيدي عيسى أخي الغالي

[youcef ha]

حمام سيدي عيسى أخي الغالي

هههه الله يبارك أنا راني في طريقك في سيدي بوبكر

[علي مخاطة]

يشدو 100 فقط حسب الاحتياجات و الباقي اما تأجيل اما فائض
ربي يوفقكم أخي
مشكور أخي. هكذا قالولي السعة 100 طالب ضابط احتياط
ربي يوفق ان شا الله :19:

[علي مخاطة]

أنا محمد من سعيدة 28 سنة رسلوني لطفراوي بصح عندي مشكل كبير وهو أنا دفعت في الجمارك في 2014 ونجحت لكن لما رحت ليهم قالوآ لي لازم تعطينآ إستدعآء ولآ شهادة نجاح وهنا للأسف الجمارك تأخروآ كثيرآ وخايف نروح ويرسلوآ لي ونخسر المنصب تآعي وإذا مآ رحتش تصبح عآصي يعني والله مآ فهمت وىش ندير يآ خوتي
و الله حالتك لازملها استخارة صحيحة لأنه مع كوننا عندنا حظ كبيرنحن أصحاب 28 سنة في الاعفاء كفائض في هذه الدفعة لأسباب شرحتها من قبل لكن اذا وصلك استدعاء واحد فقط فعندك الوقت تنتظر حتى يعطوك الجمارك وثيقة تنال بيها التأجيل و الله أعلم

[algerian_boss]

السلام عليكم الإخوة الكرام، يـا درا كاش معلومات عن عدد الملتحـقين لأنـه على حسـاب الـشوفة طفراوي مـابعثولهمش بـزاف

[houtarou]

- ليسانس إعلام آلي، 25 سنة، الرتبة طالب ضابط إحطياتي، المدرسة العليا للطيران ن,ع,2
حسب المشاركة و التفاعل في الموضوع، عدد الملتحقين ضعيف جدا، و سيتم مسكنا جميــعاََ ههههههه

... فقط أمزح، إن شاء الله و لكل واحد فينا، شيء لي بغاه يصلحلو (فائض، إعفاء طبي ...) ;) .... أنا لا أملك لا ملف طبي لا سني كبير، عندي تشوه على مستوى (سطح الكفين (حروق))،حظوظي ضعيفة لكن أنا رايح على الله و الي جابو ربي مرحبا بيه =d

إخوتي فقط الذي لديه علم عن المعاملة و التدريب و الحالة المعيشية لهذه المدرسة يفيدنا.
أيضا التحضير للسفر(ماذا تحضر معك) (عند وصولك لـمدينة وهران، أين يجب عليك التوجه)

شكرا لكم على المعلومات و الموضوع.

[علي مخاطة]

- ليسانس إعلام آلي، 25 سنة، الرتبة طالب ضابط إحطياتي، المدرسة العليا للطيران ن,ع,2
حسب المشاركة و التفاعل في الموضوع، عدد الملتحقين ضعيف جدا، و سيتم مسكنا جميــعاََ ههههههه

... فقط أمزح، إن شاء الله و لكل واحد فينا، شيء لي بغاه يصلحلو (فائض، إعفاء طبي ...) ;) .... أنا لا أملك لا ملف طبي لا سني كبير، عندي تشوه على مستوى (سطح الكفين (حروق))،حظوظي ضعيفة لكن أنا رايح على الله و الي جابو ربي مرحبا بيه =d

إخوتي فقط الذي لديه علم عن المعاملة و التدريب و الحالة المعيشية لهذه المدرسة يفيدنا.
أيضا التحضير للسفر(ماذا تحضر معك) (عند وصولك لـمدينة وهران، أين يجب عليك التوجه)

شكرا لكم على المعلومات و الموضوع.


لا شكر على واجب رانا في الهوى سوا هههههههه
حسب ما يتداول هذه الدفعة ستشهد نسبة فائض قياسية في جميع الثكنات خاصة بعد 20 جانفي و الله أعلم
من جهة الشباب تأكدو من دخول قانون التجنيد الجديد حيز التنفيذ عكس دفعة سبتمبر 2014
من جهة أخرى كل الذين أكملو دراستهم في نهاية السنة الدراسية 2014 سيلتحقون بأول دفعة أي جانفي
بخصوص اللوازم الشخصية التي يجب أن تحظرها احيلك على الموضوع التالي
http://www.djelfa.info/vb/showthread.php?t=1526201

بخصوص المدرسة يقولو مليحة التدريب ليس قاسي كمثل مثلا مدرسة الدرك بيسر
ظروف الاقامة لا بأس بها أفضل مثلا من البليدة
سعة المدرسة 100 طالب ظابط صف

[algerian_boss]

إخـوتـي الكـرام لمزيد من المعلومات كنـت قـد فتـحت نقـاش في هـذا الخصوص سـابقــا
http://www.djelfa.info/vb/showthread.php?t=1735509

خــاصـة الـردود الخـاصـة بالأخ HILALO قـد تـــفيدكم

[adeldu22]

Bon soir je m'excuse ma3andiche clavier arab gadwa rani rayeh tafraoui deplome energie renouvlable age 23 ans lah ysahel ana men bel abbes natlakou tema inshallah rekba essayer trouhou 3la oued tlillet pcq oran maniche 3aref min avant d'arriver au village tafraoui la caserne raha koudem dakla ta3 tafraoui bn 8

[amine_bobo]

هل من أخبار حول عدد الملتحقين حاليا بطفراوي ؟؟؟

[houtarou]

عدد الملتحقين 3 ههههههههه lol
أمزح للترفيه فقط، لقد زهقت روحي و أنا أعد الساعات المتبقية لي xD

أخي على مخاطة شكرا على تعقيبك و شكرا على موضوع اللوازم.
الإخوة الذي يعرف كيفية التنقل حتى الوصول إلى المدرسة (مع العلم أنِي قادم من الشرق) يدير فينا ربي.
الهاتف مسموح به أو لا (المزود بكمِرا/ و الغير مزود بكمرا)

جماعت طافراوي راقدين خلاص :)

[amine_bobo]

عدد الملتحقين 3 ههههههههه lol
أمزح للترفيه فقط، لقد زهقت روحي و أنا أعد الساعات المتبقية لي xd

أخي على مخاطة شكرا على تعقيبك و شكرا على موضوع اللوازم.
الإخوة الذي يعرف كيفية التنقل حتى الوصول إلى المدرسة (مع العلم أنِي قادم من الشرق) يدير فينا ربي.
الهاتف مسموح به أو لا (المزود بكمِرا/ و الغير مزود بكمرا)

جماعت طافراوي راقدين خلاص :)





من اي ولاية انت ؟ انا تاني من الشرق بالضبط سطيف

الهاتف مسموح بصح ميكونش مزود بالكاميراا

[houtarou]

أخي أنا من ولاية باتنة
شكرا على المعلومة

[amine_bobo]

أخي أنا من ولاية باتنة
شكرا على المعلومة



العفو.... وربي يسهل ان شاء الله

[houtarou]

آمِيـــــــــــن أجمعِيـــن أخِي... لينا كامل إن شاء الله

[iscodes]

هل من أخبار عن عدد الملتحقين شباب

[amine_bobo]

قالي صديق راهم في 150 ملتحق

[houtarou]

سلام جماعة طافراوي
الحمد لله خرجت فائض ♥♥♥

[djareri]

الحمد لله حمدا كثيرا طيبا مباركا فيه
لقد تم اعفائي من الخدمة الوطنية فائض في مدرسة العليا للطيران طفراوي

[adeldu22]

الحمد لله تحصلت على فائض من المدرسة

[علي مخاطة]

انا تحصلت على تأجيل و عمري 29 سنة و لا أدري على أي أساس تم تحديد قائمة الفائض
صديق 29لي سنة بدون أسنان و مريض مسكوه بينما تم تسريح صغار السن أكيد فيها ريحة معريفة

[algerian_boss]

الحمد لله أنـا أيضـا تـم تسريحي يـوم 29/01/2015 مع الـفـائض و الحمد لله خرجت سلامـات

[algerian_boss]

انا تحصلت على تأجيل و عمري 29 سنة و لا أدري على أي أساس تم تحديد قائمة الفائض
صديق 29لي سنة بدون أسنان و مريض مسكوه بينما تم تسريح صغار السن أكيد فيها ريحة معريفة

أخـي عـلي أعطـوك ســورسي لعلك دفعت مـلف طبـي لهـذا الـسبب تم تـأجيلك
لأن النـاس لي مـادات والـو خرجـوهم فمع الـفـائض

[علي مخاطة]

أخـي عـلي أعطـوك ســورسي لعلك دفعت مـلف طبـي لهـذا الـسبب تم تـأجيلك
لأن النـاس لي مـادات والـو خرجـوهم فمع الـفـائض
حنا جزنا يوم 21 للطبيب. في هذاك اليوم طبيب مدني مع لجنة كل من اشتكى من مرض على بساطته دون تقديم ملف طبي أعطوه تأجيل
ما كانش زهر 30 سنة مازالهم يتالبو فينا ما علاباليش الا نولي و لا لالا

[algerian_boss]

حنا جزنا يوم 21 للطبيب. في هذاك اليوم طبيب مدني مع لجنة كل من اشتكى من مرض على بساطته دون تقديم ملف طبي أعطوه تأجيل
ما كانش زهر 30 سنة مازالهم يتالبو فينا ما علاباليش الا نولي و لا لالا

الخطأ الكبير اللي دارتـو الجماعة في طفراوي هو تقديم ملف طبي و لوكان جزت عند طبيب المدرسة أصععب بكثير، كاين جماعة معايا في الشالي عندهم inapte من لاريجيون يعني بعد كونتر فيزيت و مازالو فما قالولهم حتى نهار الأحد باش تبان إذا سورسي أو لا، و ربي مع الجماعة اللي بقات و نقولك عسا أن تكرهوا شيء فهو خير لكـم.

[amine_bobo]

ههههههه بصحتكم انا كنت احد الضحايا لي حكموني والحمد لله فات قريب 3 أشهر

[mmtr]

ههههههه بصحتكم انا كنت احد الضحايا لي حكموني والحمد لله فات قريب 3 أشهر

ch3el fi 3emrek kho et wech krite?
chkone eli hekmohom et chkone eli talkohom fi fin janvier
école ikedro chwiya ?

[amine_bobo]

ch3el fi 3emrek kho et wech krite?
Chkone eli hekmohom et chkone eli talkohom fi fin janvier
école ikedro chwiya ?


يا خويا انا عمري 27 سنة وكاين معايا حتى 29 سنة والتخصص لا علاقة له وانا شخصيا عندي ماستر ادارة اعمال وكاين معايا لي عندو فلسفة وعلم النفس وحكموهم عادي والفائض عليك وعلى معريفتك

[mmtr]

يا خويا انا عمري 27 سنة وكاين معايا حتى 29 سنة والتخصص لا علاقة له وانا شخصيا عندي ماستر ادارة اعمال وكاين معايا لي عندو فلسفة وعلم النفس وحكموهم عادي والفائض عليك وعلى معريفتك

baraka Allah'o fik kho
el mo3amala mliha ltem au moins ?
kifech jezet la période te3 instructions?
ana fi 3emri 28 ans et 3endi doctorat fi génie mécanique
hebit ndir tatawo3 fi mai hada nchlh bech nethena men hed lmochkil
wech reyek

[amine_bobo]

baraka allah'o fik kho
el mo3amala mliha ltem au moins ?
Kifech jezet la période te3 instructions?
Ana fi 3emri 28 ans et 3endi doctorat fi génie mécanique
hebit ndir tatawo3 fi mai hada nchlh bech nethena men hed lmochkil
wech reyek

يا خويا المعاملة منقلكش مليحة فيها نوع من الذل 3 اشهر واحنا غير نحوا في لحشيش صح ماشي حاجة تعب من 5.30 نتاع الصباح حتى 4 مساءا منبعد ماكاين والو لا سهرات ولا اي شيئ يعني متعبناش نهائيا في هاذي 3 اشهر ودير في بالك دفعة ماي نحكموكم احنا يعني تفوتوها مليحة تاني

[علي مخاطة]

في طفراوي لا يوجد أي مقياس معين لمعرفة نسبة حظوظك في الفائض لا السن و لا التخصص و لا تاريخ الالتحاق و لا كونك متطوع أو لا
هناك عاملان فقط لا ثالث لهما يضمنان لك ان شاالله الفائض بنسبة 99.99 % و هما
- الزواج (أي عقد الزواج أو دفتر عائلي)
- المعريفة أو "العرف" كما يقولو ناس الغرب

[علي مخاطة]

ههههههه بصحتكم انا كنت احد الضحايا لي حكموني والحمد لله فات قريب 3 أشهر
قولي أخي راهو معاك واحد اسمو مصطفى من الغرب من تيارت ؟؟؟؟ سمين شوية و ضحايكي ؟ عمل ملف طبي و مسكين ما كلاتلوش

[amine_bobo]

قولي أخي راهو معاك واحد اسمو مصطفى من الغرب من تيارت ؟؟؟؟ سمين شوية و ضحايكي ؟ عمل ملف طبي و مسكين ما كلاتلوش

وي راه معانا

[علي مخاطة]

وي راه معانا
و الله الانسان هذاك قطعنا قلبنا نهار شدوه
الكل كان ضانو يطلع فائض خاصة أنو عمرو 29 سنة + ملف طبي
المهم سلملي عليه بزاف قولو لالجيروا لي خرج سورسو مع الروسي
باين راح دايرلكم لومبيونس تما ههههههههه ما ينشبعش الانسان هذاك