ارشدوني

[مشكلتي]

السلام عليكم
انا فتاة 26 سنة يريد شاب التقدم لي علما انه كان يدرس معي ثم درس اختصاص غير اختصاصي..
المهم هو الآن ضابط شرطة وانا موظفة وضعلي شروط تعجيزية بالنسبة لي وهي:
- انني انتقل معه الى مكان عمله
-اترك عملي او عطلة بدون اجر اقنعته بأنني لا يمكنني التخلي عن العمل لظروف انا ادرى بها قال لي نعم ولكن سأضعكي تحت الاختبار ان وفقتي بين العمل والبيت تستمري وان لا تقعدي في الدار.
- مسابقات توظيف اخرى لتحسين المستوى مكااااااااانش
-يمكنكي زيارة دار والدك فقط عمك خالك وغيرهم لاااا الا للضرورة القصوى.
-وقدم لي ملاحظة: اني نشوف فيك تصرفي دراهم على اللبسة نقصي شوي؟؟وعلاش تلبسي سروال انتى راجل؟؟0(مع ان لباسي محترم جدا)



اخوتي ماهذااا
هل هو امر طبيعي؟؟
حاسة روحي راح نمضي عقد عمل

[محمد جديدي التبسي]

وعليكم السلام ورحمة الله وبركاته...

وهل عندك شك انو السروال لباس محترم؟!!
طبيعي تنتقلي للمكان اللي يوفرو زوجك ولو في المريخ
قضية عملك راح ديرلك مشاكل اذا ما تفاهمتوش وهو باين ضد العمل جملة وتفصيلا وراه يصبر فيك برك
تزوري عمك الا في حالات الضرورة القصوى؟!!من حقك بل من واجبك زيارة دار أعمامك وأخوالك هذا يريد قطع رحمك
تبانلي ما تقدريش تكملي معاه وزيد بدايتكم غالطة باين راكم طلعوا وتهبطو وحدكم وبالاك راه يتمسخر برك
لأن من السخف طلب أمور مثل هذه ومناقشتها بهذا الشكل وكأنه يصنع دمية يملي عليها شروطه وهي ما فاهمة والو وتقولك السروال لباس محترم جدا؟!!
ما نظنش واحد يجهل انو خمار وسروال ليس حجاب أساسا وتكلح في روحها اللي تقول العكس ..ربي يهديكم ويفتح عليكم

[amineb64]

كلامه صواب 100 ب 100 هو راه باغيك تكبري من ناحية اللباس لان السراويل ماشي لوحدة مزوجة ثم الاسراف عنده حق اذا دراهمك كامل ملابس + عنده حق من ناحية السروال ليس للمراة مهما كان محتشما
2 حاولي تنجحي فالاختبار حتى لا تفرطي في عملك
من دار خوالك و عمامك عندو الف حق اذا حبو يشوفوك يشوفوك في دار باباك هادي جامي شفتها دار خالك و دار عمك حتى هوما شرطو فيهم لازم كل ويكاند في دار خطرة عمك خدة خالك ااوو بالنسبة للانتقال المراة تتبع راجلها وين مكان رزقه
اذا تحسي روحك ما تقدريش قوليله خلاص و خليه يشوف وحدة توقف مع راجلها

[أحمد دواجي]

نحاول نساعدك باختصار بدون الخروج عن موضوعك

عطالك هاد الشخص شروط
الشروط هادي متعلقة بيك ونتي فقط لي تحبي تقبلي بيها تحبي ترفضي

الشروط هادي ادا ساعداتك واش راكي حابة ... اللهم بارك ربي يسهل
لكن إذا ما ساعداتكش بصح ممكن تقبليي بيها في هاد الحالة نتي تعرفي ادا ممكن تقتنعي بيها اقبلي ادا مش ممكن ابدا ولا بعييييدة عليك لخاص ما تقبليش
ماشي عندك شروط وعلابالك مستحيل يساعدوك ومباعد تقولي نسيي ممكن يساعدوني ......لالا
نتي تعرفي نفسك من الأول ادا يساعدوك الشروط أو لا

ممكن تحاولو هو يتساهل في بعض الشروط أو نتي تتساهلي وتقربي وجهات النظر ممكن
لكن اذا كان الفراغ كبير بيناتكم ما تقدروش
الفراغ يعني التقارب في التفكير والشروط اذا ماكاش تقارب خلاص

الزواج حياة مالازمش يكون فيه التسرع

نشا الله نكون فهمتك مليح وربي يجيب لي فيه الخير

[ناصف الورداني]

اختي اولا و اخيرا
القرار لك اختي
ان رايت فيه الشخص الذي سصونك فعلى بركة الله
ضيف الى ذلك اختي انك واعية بما فيه الكفاية لتصرفاتك
لا اظن انك بحاجة الى من ينصحك في هكذا شروط
انت ادرس الموضوع من عدة جواب و لو طلب الامر ورقة و قلم
ضع احتمالات السلب و الايجاب و ستجدين الجواب سهلا
ان شاء الله
كل شيء بالمكتوب
سلام

[tahri_dvb]

سروال لباس محترم !!!!!!!!!!!!!!!!!!!
الله يهديك يا مسكينة

[الجليس الصلح]

هو وضعلك شروط تناسبه بما أنه شرطي فظروفه خاصة
وما عليك سوى القبول او الرفض فهذا زواج وليس لعبة
موفقة بحول الله

[حميد.ص]

ربي يعطيك الخير

[عائشة07]

بالنسبة الى اللباس فليس هو من يعلمك اللباس الشرعي بل دينك
اما شرطو بخصوص زيارتك لاعمامك واخوالك فبطبيعة الحال الرجل يغار ويخشى ان تلتقي باولاد اعمامك واخوالك فماعندهش فكرة عليهم ادا كانو متدينين ولا ((ا لامود ولا ا لا فرونساز )) الضحك واللعب على اساس خوت هدا خطاء يقع فيه الناس
فاضن لما يكون فكرة على عاداتكم ويطمئن مايكونش عندو اعتراض على زيارتك ليهم
والخدمة مثل ما قالك الاخ ماراهش مقتنع بفكرة الخدمة بعد الزواج
وهداك الاختبار راح يطول حتى تبطليها واسباب الرسوب فيه كثيييييرة
وظغط كبير عليك خصوصا لما ترزقي باطفال
فيجب ان تسوي الاتفاق في مسالة العمل بشكل جدي معه من الاول ان كان لايمكنك الاستغناء عن عملك
ماكان لا اختبار لا والو عمل المراة المتزوجة صعب وفيه تحديات وتضحيات ومشاكل بخصوص الراتب وما الى دالك من ظغط وجري مابين التزامات الوظيفة ومسؤولية البيت والاولاد وزوج
ادا ما ساعدكش الزوج وفوتلك وبقى يتشرط عليك ماتقدريش تواصلي في العمل
وفي الزواج يلزم الاتفاق ما شي التشراط
والمهم يكون رجل صالح
ربي يسهل اختي وماتنسيش الاستخارة

[anfal10]

شوفي يا اختي انا راني نشوف فيك غير مقتنعة بكلاموا وعلاش تضيعي وقتك معاه وانا ما نفهمش الرجال وعلاش ايروحوا للخدامات و يقولولهم حبسوا الخدمة شاف روحوا ضد عمل المراة ايشوف طفلة قاعدة في الدار و لا اللي مقتنعة انوا المراة ما تخدكش حتى و لا قرات كاين بزاف بنات مي واحد ما يقصدهم ؟؟؟؟
كيفاش تسمحي لروحك واحد يكلمك بهاذ الطريقة ؟هادا حاب يخطب و لا يحطب وعلاش الكثير من الملاحظات راني نشوفك تصرفي بزاف ؟؟؟؟دراهمك واحد اسالك ما عندوا حتى حق يوجهلك remarques les كيما هادوا انا ما نحملش راجل بهذه الصفات اذا حبها تلبس حجاب فضفاض ما عليه غير يختارها لابساتو من الاول ماشي يعمللها شروط و الله ما فهمنا
انا انسانة صريحة لابعد الحدود لا انافق و لا اجامل من لا يستحق
شوفي راجل اساعدك ما يكونش ضد العمل على حساب ما فهمت ماكيش مستعدة تتنازلي على العمل اختاري انسان يحترمك اللباس ماشي معيارللتربية و الالفاظ الجارحة ماكاله يخليها ليه
خطيك منوا هاذا ما يناسبك ما والوا ربي يرزقك ما خير .

[ASKme]

اولا الشرطة غير متنقلة فهو يعمل في مقر سكناه !!
الشهرية راهم يسلكوا مليح اذا لا يجد ضرورة لعملك
الشخصية نرجسية تحب السطرية حسب كلامك فهو يريد ضمك الى ممتلكاته
يجب ان تسالي عنه وعن اخلاقه

[بنت لبحر]

السلام عليكم
اوعليكم السلام و رحمة الله تعالى و بركاته
- انني انتقل معه الى مكان عمله
عادي جدا تروحي منين راجلك حتى لو يديك للمريخ



-اترك عملي او عطلة بدون اجر اقنعته بأنني لا يمكنني التخلي عن العمل لظروف انا ادرى بها قال لي نعم ولكن سأضعكي تحت الاختبار ان وفقتي بين العمل والبيت تستمري وان لا تقعدي في الدار.

هدا تاني بانلي عادي كي تكوني متقدريش تتحملي مسؤولية الخدمة و الدار من حقو يحبسك لان الانسان يزوج باش يستقر
- مسابقات توظيف اخرى لتحسين المستوى مكااااااااانش


-يمكنكي زيارة دار والدك فقط عمك خالك وغيرهم لاااا الا للضرورة القصوى.

كي تتزوجي مرايحاش تبقاي تروحي ليهم كيما كنت طفلة ترجع عندك مسؤوليات و اولويات حاجة باينة تروحي في المناسبات برك ديجا ماش من حقو يقطع صلة الرحم
-وقدم لي ملاحظة: اني نشوف فيك تصرفي دراهم على اللبسة نقصي شوي؟؟وعلاش تلبسي سروال انتى راجل؟؟0(مع ان لباسي محترم جدا)

هادي نوغمالمو ميدخلش فيها حتى ولو كنتي رايحة تشري بشهريتك كاملة سروال انت الي تتعبي و ماش من حقو يحاسبك على دراهمك




وفي الاخير يبقى الراي رايك وصلي صلاة الاستخارة اختي و خليها على ربي

[amineb64]

ام مهدي
تفكير سلبي ..ما قلت تخلصله الضوء و لا الماء الاسراف نيهين عليه و من عند الرسول ص و لا ما قراوهالكش هي حرة فيه بصح وين راهي تروح الدراهم ادا تروح فالاساسيات معليش و اذا تروح غير فالكماليات لا ..و ماشي تكملها فالتفتيف و تجيني تقولي ماراكش تعطيني حقي هذا استغلال بعينه و هي في باب زواج لازم تخمم على الاقل تحوش لزواجها تاني او اي شيء على الاقل تبان لوكان حجة لامها او ابوها على الاقل تبان في حاجة مليحة ..بالنسبة لصلة الرحم كامل نعرفوعا و مانقاطعوهاش لكن لي يحب زيارتها يجي لعنده او لعند دار ابوها كي تكون تما ماشي كل ويكاند في دار ..ما عجباتكش هدرتي شرطي حتى تشيعي

[iman18]

وين راهم الشروط التعجيزية ولا مازال ما خبرتيناش بيهم
,,,,,,,,,,,,,,,,,,,,,,,,

[medben014]

عليك بصلاة الاستخارة ان شاء الله تفوضين امرك لله

[fella111]

السلام عليكم
انا فتاة 26 سنة يريد شاب التقدم لي علما انه كان يدرس معي ثم درس اختصاص غير اختصاصي..
المهم هو الآن ضابط شرطة وانا موظفة وضعلي شروط تعجيزية بالنسبة لي وهي:
- انني انتقل معه الى مكان عمله
-اترك عملي او عطلة بدون اجر اقنعته بأنني لا يمكنني التخلي عن العمل لظروف انا ادرى بها قال لي نعم ولكن سأضعكي تحت الاختبار ان وفقتي بين العمل والبيت تستمري وان لا تقعدي في الدار.
- مسابقات توظيف اخرى لتحسين المستوى مكااااااااانش
-يمكنكي زيارة دار والدك فقط عمك خالك وغيرهم لاااا الا للضرورة القصوى.
-وقدم لي ملاحظة: اني نشوف فيك تصرفي دراهم على اللبسة نقصي شوي؟؟وعلاش تلبسي سروال انتى راجل؟؟0(مع ان لباسي محترم جدا)



اخوتي ماهذااا
هل هو امر طبيعي؟؟
حاسة روحي راح نمضي عقد عمل


وضعلي شروط تعجيزية؟؟؟؟؟؟ اين هي ؟؟؟ بالعكس هذا هو الطبيعي .........بالعكس ستكونين غبية ان رفضته ......يبقى ان تتأكد من خلقه و تسألي عنه جيدا .........و مبرووووك مسبقا:d

[amir 004]

أنا معه في نقاط فقط
لكن اا ضده في العمل : عملك لا تتركيه اطلاقا و اعتبريه شرطك لان العمل هو سلاح المراة في وقتا هذا
واحد ما يدري واش كاين ف الوقت
اما الامور الاخرى راهو يطيب مع الوقت ماموش راح يبقى صارم كيم الاول

[manel manou97]

مع حق في أمور و مخطئ في أمور أخرى
إنما يظهر شخص غير قابل للنقاش و يأمر فقط
لذا حاولي التفكير اكثر قبل الاقدام على الزواج

[oum rania]

سلام اختي ربي يبعثلك الزوج الصالح ان شاء الله حسيت فيه طباع زوجي تقريبا نفس العمل واش نقولك حبسني من العمل دارلي نفس الملاحظة تاع السروال بصح كنت نلبس تنورات طوال لما شافني نعاني في الحافلة و تتوسخ فالدروج ولا بدل رايو انانحب السروال مع حجاب ضرك كلش يتباع و حكاية تشري بزاف البسة كنقولو اشريلي يقولي عندك و ادا صمطت عليه و اشرالي يسمعني لهدرة و ماتشبعيش و .....نقول لوكان قعدت نخدم راني نصرف على روحي بلا عياط بالرغم ما نشريش دايما و نشوف غير لسومتها قليلة باش نتفادى المشاكل لكن طباع جد حادة و ضرك رانا في المشاكل و عندي طفلة ادعولي ربي يسلكني و يفرج عليا و لا شايفة روحك صبارة و تقدري تحملي اتزوجيه وادا ماتقدريش خيره في غيره مايخلنيش نروح لاعراس اقاربي مايحبش كنبات عند اهلي واش نحكي واش نخلي هو يامر و انا نفذ ضرك رانا فالغربة راهو ستاج هم الغربة هم ماشي حنين عليا عنده صديقه كانت زوجته هنا دارت عطلة فالخدمة و جات معاه كانت مونستني ضرك راحت العام لفات و طلقها راجلها على الاقل هي ماتخلاتش على خدمتها واش نقولك ماشي كما انا راني حاسة راح يدير كما صاحبه و ندمت لي درت نية معاه و خليت خدمتي و والدي متوفي و اهلي حالهم حال الموضوع تاعك فرغلي قلبي ربي يجيبلك وليد لحلال لي يعزك كما قال الرسول عليه الصلاة و السلام مايكرمهن الا كريم و ما يهينهن الا لئيم