تاريخ الدخول الى الثكنة و علاقته بالشهرية (سؤال مهم)

[wantedb13]

السلام عليكم
راهم يقولو بلي لي يدخل يوم 15 جانفي و مايديرش الروطار راح يستفيد من شهرية جانفي و الذي يدير الروطار و يدخل في 18 مثلا ماراحش يستفيد من شهرية جانفي ؟ من يأكد الخبر ؟
يعني لي يدخل ف18 يربح 3 أيام مع داركم و يخسر 9000 دج .
نفترض انو دخلنا في 15 جانفي و لكن في المساء راح يماركوك كأنو دخلت ف 16 جانفي لأنو لا ليست تطلع على 8 صباحا
منه لي حاب يربح شهرية جانفي لازم يدخل في 15 جانفي و قبل 8 صباحا هكذا راهم يقولو و في انتظار تأكيد الزملاء
سلام

[amine27500]

نهار مع الأهل خير من 9000 دج و البقاء في transit بالنسبة الي شخصيا

[momar2014]

كفاكم من الترهات ؟و اخدم برك أما الـ18 و كل ماكتبه الله لك ستجده

[zakk]

9000دج!!و راك طلعلها فالحسابات

[أحمد زابانة]

هههههههههه
و الله غير شعب مهبول

[cheikoooo]

بالنسبة لي يدخلو 15 جانفي يخلصوهم في شهر جانفي
بعد 15 جانفي بنهار واحد ما تخلصش
الشهرية في الستاج 9000 da عموما تخلص 3 اشهر دفعة واحدة

[عمر الفاروق 27]

ما نيش فاهم علاه الردود الساخرة من كاتب الموضوع اللي عنده سؤال يهمه،
اذا انت عندك 9 آلاف دينار ما تسوى والوا و تاكلها فليكسي و دخان، كاين ناس ما عندهمش مدخول و عندهم مصاريف بزاف دوا و غدا و كسوا ليهم و لميماتهم و خاوتهم،
شوية احترام و تفهم بارك الله فيكم.

[djalel2015]

خاوتي واحد كي يخلص ڜهرية ٩٠٠٠ علي حساب رتبة تاعو يعني يخلوصها كل ٣ اشهر ؟؟
و اذا نعم يسمي في ١٢ شهر يولي ٣٦٠٠٠ ؟!
بارك الله فيكم

[ASKme]

هذا صحيح تتاخر يوم فقط اي 16 تدخل في الشهر الجديد
15يوم في الدار خير من 9000 دج

[wantedb13]

ما نيش فاهم علاه الردود الساخرة من كاتب الموضوع اللي عنده سؤال يهمه،
اذا انت عندك 9 آلاف دينار ما تسوى والوا و تاكلها فليكسي و دخان، كاين ناس ما عندهمش مدخول و عندهم مصاريف بزاف دوا و غدا و كسوا ليهم و لميماتهم و خاوتهم،
شوية احترام و تفهم بارك الله فيكم.

مكان والو هادو صاحبي . جملة واحدة برك تبينلك شخصيتو . و يحقرو بالعين و لوكان تضرب عليه تلقى ... ;)