مدا الحل

[مشكلتي]

السلام علييكم
عنجي 4 سنوات وانا على علاقة مع شاب و ف هدي المدة يلي كنا فيها كنا نحكو على اهلو و كان يحكيلي ويقولي بلي ماماه و باباه متفرقين (مطلقين) وهوا عايش ف دار جدو من الاب ويحكيلي وك يكون يهدر يقولي مرت بابا و خاوتي من بابا ولا خاوتي من يمااه هدي السمانة قالي بلي راه جايين دارنا باه يخطبوك قوتلو اهلا وسهلا بصح قالي راني كنت مخبي عليك حاجة وهيا راه بابا و ماما مش مطلقيين وعايشين مع بعض ف دار وحدة و كدبت علييك المرة الاولى باه نكسبك و تحبيني و قالي كنت راح ندير اي حاجة باه نكسبك و دركي راني نطلب منك السماااح انا صراحة ك قالهالي جاتني صدمة كيفاه كنت متخيلاتو و دركي كيفاه راه عايش ملا يلي كان يقولي فيه كامل كذب شاورو عليا يا خاوتي واش ندير ربي يحفضكم

[melissa lola]

الله يكونو في عونك اختي هذا اللي يبدا حياتو معاك بالكذب ماصبت مانقول،،،،

[aymen01]

لا لا غير اقبلي

4 سنين معاه ماجيتيش كتبتي موضوع و مارحتيش التوبي لربي

جايا درك تحبسي معاه و تزيدي ديري علاقة 4 سنين مع راجل اخر

[ولد حمد الباتني]

ا عهعع واش نعاف واحد يدير كيما مريض نفسي هذا يعيش واقع وشخصية خاطياتو وتخيل ويشف فيلم كبير
عندك تقبلي تندمي حياتك كامل
ماهوش راجل وكذاااب

[ouissamak]

كذب عليك خطرة قادر يعاودها الف مرة واش خلاه يكذب ويلحق لوالديه بلكذب
عيباد اخر زمان يا لطيف الطف بنا

[knives66]

ومن بعد يخي جاي يخطبك اقبلي ولا ارفضي

4 سنين من مفروض تعرفيه مليح

وسلام

[محمد جديدي التبسي]

أربع سنوات وانت في علاقة محرمة مع شاب سيكون غريبا أن لا يكون فيها كذب وغش وتدليس وكل محرم
الكذب أمر طبيعي في هذا النوع من العلاقات لماذا تفرقين بين حرمة العلاقة وحرمة الكذب؟!
اذا راح تكملي معاه تجاوزي هذي الكذبة
اذا حابة توبي وترجعي لطريق ربي بعدي على الكذابين
ربي يفتح عليك..

[بنت لبحر]

انا مفهمتش يعني كون قالك بابا و ماما عادي مع بعض عايشين مرايحاش تقبلي بيه مممممممممممممممم

ربي يهديكم
صلي استخارة و خليها على ربي

[ايمان نور الجزائر]

الكدب حاجة غير مقبولة تماماااا
لكن لما نشوفو ليكم نتوم تاني علاقتكم غير مقبولة لكن ما شي انا لي نحاسب والا ما نحاسبش ولي فات مات
المهم هو دوك وبما انو تعرفو بعضاكم خليه يتقدملك واهلك يسقسو عليه
وربي يجيب لي فيه الخييييييير
بالنسبة للاخوة لي يقولك لي كذب عليك مرة راح يعاودها نقولهم الناس قع كذابين وهو كي قالك الحكاية
ماكانش ناويك للحلال يعني يحكي وخلاص كي شغل مسلسل
ولحق الوقت لي لازم تبداو فيه علاقتكم بالحلال قدام ربي وعبيادو

[M3sRine]

يا اختي هو داركامل هاذ الحكاية باش يكسبك زعمة و يشفك حالو
لكن السؤال هنا هل هذه هي الكذبة الوحيدة اللتي كذبها عليك
و هل مستقبلا لن يكذب عليك
لان العلاقة المبنية علي الكذب لن تدوم اصلا اذا تزوجتي به فستبقين في حالة وسوسة من اي شيء يقوم به
و في الاخير هو كذب كذبة عيانة بزاف اما قصة توافقي عليه او لا فهذا يرجع ليك لانك انتي اللي تعرفيه
و ربي يهديك ويهدنا

[أم أمة الله الجزائرية]

السلام عليكم
أكثري من الاستغفار يا أختي فارتباطك به أو عدمه ليس كل شيء في الحياة لا تركزي فقط على كذبته وحاولي التركيز على علاقتك به هل هي جائزة وترضي الله أم لا
وفقك الله

[اﻻء الرحمن]

صل صﻻة الاستخارة

[jiji17]

لا لا غير اقبلي

4 سنين معاه ماجيتيش كتبتي موضوع و مارحتيش التوبي لربي

جايا درك تحبسي معاه و تزيدي ديري علاقة 4 سنين مع راجل اخر

:19::19::19::19::19::19:

[ABDOU ELE]

http://im54.gulfup.com/Unbfyn.jpg (http://www.gulfup.com/?dbpK96)
..........

[salam algeria]

السلام عليكم
المشكلة مش غير في هاذ الكذبة المشكل هل هي الوحيدة و لا كلشي قالهولك كذب كون جيت في بلاصتك نشك في كل كلمة قالها من اول يوم
المهم صلي الاستخارة و ربي يسهللكم ان شاء الله اربع سنين مش قلال على الأقل تزوجو و اتهناو من الذنوب و ربي يغفرلكم و يغفرلنا و كل المسلمين

[ام نهوله]

والله يا اختي ايلا قعدتي معاه 4سنين و انتوما تحكيو بدون اي رابط شرعي وين راهي المشكله ايلا كدب عليك انا عندي عادي بديتوها كيما المسلسلات كملوها كيما المسلسلات
انا نخاف كي تكون العلاقه شرعيه و يصرا فيها كذب
و كي قلتي مده 4سنين و انتوما تحكيو على اهلكم هل يا ترى في هاد المده حكيتو لاهلكم عليكم

[أحمد دواجي]

نجاوب على سؤالك مباشرة
صلي استخارة أولا
اذا ما تعرفيش ابحثي في الانترنت

الكذب صعيب بالكذب يصبح الشخص كامل غامض غير واضح
هو كذب كذبة تبان صغيرة لكن مع مرور الوقت ما قدرش يصححها وكل كذبة تجيب معاها 100 كذبة أخرى

المهم الحل ممكن يكون كالتالي:
الحل عندك ما دام تعرفيه مليح نتي تقدري تعرفي ادا كان كاذب دائما ويقدر يبقى يكدب دائما أو أن هاديك الكذبة خلاتو يزيد يكدب

نتي فقط لي تعرفي

استغفري ربي على لي فات باش ربي يسهلك في هاد الأمر إذا كان خير ليك ثم ديري استخارة وما تتسرعيش الإجابة راها عندك فكري مليح فقط

[naamane3]

راكي ربع سنوات وانت في مصيىة رب العالمين
والاولى ان تتوبي الى الله وتقطعي هاذ العلاقة
ماشي تسقسي عليه كذب عليا واش ندير
وانا اجزم انك كذبتي عليه ايضا
توبي الى الله واقطعي هذه العلاقة
واذا جاء وخطبك اسألي عليه جيدا ولا تسأليه هو

[ctcgc]

ان شاء الله الحل وما عليك الا بالصبر

[0ibtissam]

ربي يكون في عونك كذب كبيرة ننصحك بصلاة استخارة وزدي سقسي عليه مليح ممكنا بزاف حوايج راهم مخبين