المساعد الشخصي الرقمي

مشاهدة النسخة كاملة : اروع طمينة ذقتووووووها

oum hanin
2015-01-10, 15:27
بسم الله الرحمن الرحيم
السلام عليكم ورحمة الله
اخواتي العزيزات حبيت نحط هاد الموضوع باش نتفاعلو نفيدو ونستفادوا من بعض
الطمينة رغم بساطتها تعتبر طبق تقليدي بامتياز ومكانش تقريبا مناسبة تخلو منها
باختلاف مناطق بلادنا الشاسعة تختلف طريقة تحضيرها لهدا اليوم حبيت كل وحدة تدخل وتقولنا على اروع طمينة داقتها مع الوصفة وادا حطيتو تصاور ما نقولش لالا:o
هادا اول موضوع تفاعلي نديرو ماتحشمونيش شاركو بكثرة :1:
oum hanin
2015-01-11, 14:59
وين راكم ياالفحلات؟؟؟؟؟؟؟؟؟؟؟؟؟؟؟؟؟
كاتي حياة
2015-01-11, 15:05
طريقتي انا نحبها كيما هاك تجي بنينة وبالزيادة صحية
http://www.djelfa.info/vb/showthread.php?t=1728394
أم عروة
2015-01-11, 15:16
بارك الله فيك اختي

انا اروع طمينة دقتها مع نفاسي دارتهالي عجوزتي ربي يحفظها

الدقيق تفوريه وتحمصيه
ومنبعد تذوبي المارغارين وتزيديلها لعسيلة، انا خدمتهالي بلعسل الحر والزبدة الحرة مممممممممممم
ودارتلي فيها حلوة الترك ما تنشبعش
مممممممممم

ربي يحفظها
فراح فرفوشة
2015-01-11, 15:18
الطمينة عندنا هي البسيسة
طليتي على قلبي كلتها عند جارتنا درتهالها عجوزها قسنطينية بنتها مازلها في فمي
ان شاء لله نجيب لروسات و نحطهالكم
حنا نديرو القمح و حمص بلابي وجنجلان و ريحوها بالزبدة ولعسل مممممم تشهيتها
lilii7179
2015-01-11, 16:14
حنا في الشرق على العموم نديرو الطمينة نتاع القمح كي تكون شايحة نسميوها رويــنة و كي نخدموها بالزبدة و العسل نسميوها زريـر و كاين اللي يسميها بسيـسة
نديرو قمح منقي و محمص و نزيدولو حمص نحمصوه في الفور, كاين اللي يحب يزيدلها جلجلانية محمصةو نرحيوها . بالنسبة للتحضير نذوبو زبدة و عسل و نزيدولهم الروينة حتى نتحصلو على طمينة. هاذي نحطوها للضياف كي يجيو يباركو للنافس.
بالنسبة للنافس نحطو نفس المكونات و نزيدولهم اضافات باش يكون الزرير اللي تاكلو هي مغذي اكثر و مدر للحليب : نزيدو مكسرات مرحية, و تمر يابس مرحي, و عوض العسيلة و المارغرين نخدمهولها بالزبدة الحرة و العسل الحر.
ملاحظة : تحكيلي امي انو زمان كانو الحجاج يديو معاهم الروينة للحج و كي يجوعو يخلطولها شوية سكر و ماء , تعطيهم القوة و السعرات الحرارية اللازمة و في نفس الوقت مغذية.
بالنسبة للناس اللي يعانيو من الانيميا او فقر الدم ( و هاذي طريقة مجربة و فعالة), يحضرو الروينة و يزيدولها لكل 1 كغ قمح , 1 كغ عدس محمص و مرحي. اللي يحب ياكلها على شكل طمينة, و اللي يحب يخلطها مع الياوورت.
oum hanin
2015-01-18, 22:10
يعطيكم الصحة نورتوووووووووووني