بنتي و السعلة

[مغتربة uk]

السلام عليكم
ارجو ان اجد عندكم باذن الله الدواء الشافي لمرض بنتي تسعل بزاف عندها أكثر من عشر أيام ما فاد فيها الدوا في عمرها 11 شهر راني حابة تعطون
وصفة طبيعيه و تكون مجربة وجزاكم الله خيرا.

[ام نهوله]

انا بنتي نديرلها زيت الزيتون مع سكر رطب ونخلط مليح و نعطيلها مغرف صغيره
او ديري الكمون حب بشويه زيت الزيتون في قطن و حطيه على صدرو
ديري حبه بيض في الزيت عادي كيلي راح تقليها ثم ذرذري عليها شويه حب الرشاد نصف ملعقه صغيره ما تكثريش ووكليهالها
و ربي يشفيهالك

[oum radja]

انا ولدي كان يسوفري من السعلة و الاطباء ماخلاوش دوا وماعطاوهلهش
دار سوليميدرول
سيليستان
و المضادات الحيوية دارها تقريبا قاع
ومن بعد عطاوه لي بومب فونتولين وبيديكور وتيفان تاع الحساسية
وكنت نديه للسبيطار يدير الكيني ويديروله اكسيجين
والله عام ونص وانا نجري بيه ماخليت حتى وبلاصة وحتى دوا
وراكي تعرفي كثرة الدوا ماشي مليحة
وفي الاخير ديته عند مرا كبيرة مسدت له صدره
وقالتلي زيدي ارقيه راه بيه غير لجناب
والحمد لله راه بخير درك وحبست عليه كل الدوا لي كان يدير فيه
ونعطيك تيزانة مليحة تقدر تخفف شوية من الكحة اوموا ترقد في الليل
جيبي مغرف حبة حلاوة و عود صغير تاع عرق السوس ديريهم في كاس وفرغي عليهم الما مغلي و غطي هاذاك الكاس و خليه حتى يطلقو مليح ويولي الخليط دافي صفيه وزيدي مغرف عسل حر
واعطيها تشربها ورقديها مباشرة
والله هاذ التيزانة تخفف شوية من الكحة
ونصيحة مني روحي شوفي كانش مرا كبيرة تعرف داوي
انا ولدي لحد الان راه يعاني من مضاعفات الادوية لي كنا نديروهاله
وربي يشافيها ان شاء الله

[oum radja]

اه هاذا وين انتبهت بلي تسكني في الغربة
ماعليش ممكن ديريلها التيزانة لي قلت عليها

[ام ياسمين10]

ربى يشافيلك وليدك انا تانى كان وليدى يعانى وشرب قع الدواوات ولحد الان كى تجيه شهر ميرتاحش منها
مرة وحدة هنا فى هاذا القسم قالت زيت الاكليل تدهنى بيه صدرو مليح وديرى فوقة نيلو يعنى غلاف الطبخ لكى تتشربه البشرة جيدا وتدفيها مليح فى الليل وترقد عليها رايحة نجربها لابنى

[OMGHANO]

اولا ربي يشفيها هذي وصفة مجربة والشفا على ربي نشاء الله
احكمي حبة لفت و احفريها و عمريها سكر وخليها تبات في الصباح تلقايه سيرو اعطيلها تشرب وربي يجيب الشفا

[مغتربة uk]

يعطيكم الصحة وان شاءالله نجرب الوصفات اللي أعطيتولي وربي يجازيكم ويحفظ لكم أطفالكم من كل شر.

[ام مهدي2010]

اختي كاين بزاااف و صفات كيما العسل حر و القارص و ايضا كاين زيت الزيتون ضيفيلها ملعقة سكر ناعم و دفيها على نار خفيفة نتمنى نكون افدتك ان شاء الله

[Basketteuse]

زيت الضرو، ملعقة ص كل صباح ،،، تيزانة تاع الزعتر ،،وكذلك تيزانة القرنفل فعالة جدا،عن تجربة لانو ولدي دائما يمرض بصدره،،،،،،، كاين تحميلات comfobiotique ,تاع زيت الكافور فعالين جدا ،اذا لقيتيهم اقسمي التحميلة ديريهالو والباقي ادهني بها صدره لمدة 3 ايام يروح كلش ان شاء الله

[ombouchra]

السلام عليكم
عن تجربة ابني عندو11شهر عانيت معاه بزاف ملي كان في عمرو 3اشهر حتى pediatre اعطاتلو la pompe
لكن قالولي علىحلوة الترك بزيت الزيتون تخلطيها مليح وتعطيهالو على الفراغ وراح تشوفي العجب يخرج من صدرو les glaires ثقال ومن بعد ما يخرجهم كامل اعطيلو ما الزهر بالسكر وراح تشوفي نتيجة ترضيك باذن الله
وفي الاخير ادعي لاولادي ربي يصلحهم و يوفقهم

[hope of life]

يا اختي نعطيك واش عندي...شوفي...زيت الضرو خلطي كمية منو مع كمية عسل التمر..خلطيهم مليح...وقبل ماترقد بنتك..مديلها مغرفة...ووحدة نص نهار...سورتو فالليل راني مجربتها تنقص الكحبة فالليل...ديري بصلة خويها ماش بزاف حاتن تتقبيها..عمريها سكر قندلي ولا سكر عادي رايحة تطلق ماها وتولي عسل...ومدي لبنتك...كاين اللفت الي يكون بنفسجي من فوق..ثاني احفريه شوية برك..وعمريه سكر ولا سكر قندلي...حتان ويولي عسل ومديلها..ربي يشفيها ويشفيها ويشفي ولادنا وولاد المومنين