اول يوم صيام في حياتك

[*جوداء*]

السلام عليكم
اخوتي الكرام لكل شيء مرة اولى في حياتنا
وبالطبع الصوم من هذه الامور
اطرح هذا الموضوع الخفيف
لنسترجع معا طفولتنا كالعادةونكشف بعض الامور التي عندما نتذكرها نبتسم ابتسامة فريدة من نوعها وليس لها مثيل
......
...
..
.
من العادات الجميلةللاسرة الجزائرية انها تحتفل بصوم اول يوم لابنها لتشجيعه على المواصلة وعلى حب هذه العبادة
------------------
كيف كان اول يوم صمته فعلا في حياتك؟(يعني صح يوصمت ..مشي خزنت وكليت:1:)
هل كان يوم ممتع..او يوم عصيييب..؟؟
كيف كانت ردة فعل العائلة ام لم تكن هناك ردة فعل اصلا؟

اترك لكم حرية التعبير عن ذكرياتكم
يسرني جدا مروركم
رمضان كريم:19::19:

[*جوداء*]

للاسف انا اول يوم صمتو في حياتي مانعقلش عليه
لانو كان يوم عادي جدا:mad:
حتى واحد مافرح بيا :mad:واول مابديت نصوم صمت الشهر كله:19:
بدات الصوم في السنة الرابعة ابتدائي:mh31:يعني كان عمري9 سنوات

[الـ^ـسَّــآآحِـ^ــرْ ،]

انا في 8 سنين صمت ، بصح كان عادي طول ... حتى ظرك 16 سنة .

[*جوداء*]

انا في 8 سنين صمت ، بصح كان عادي طول ... حتى ظرك 16 سنة .
يعني رانا كيف كيف خويا ساموراي
لازم نطالبو بحقوقنا اللي راحتلنا في الطفولة :1:

[صبا فرح]

انا تاني منعقلش على النهار لي صمت فيه اول مرة
بصح باين يكون بالنسبة لعائلتي عادي اكتر من العادي
صمت مين كنت نقرى في السنة التامنة

[*جوداء*]

انا تاني منعقلش على النهار لي صمت فيه اول مرة
بصح باين يكون بالنسبة لعائلتي عادي اكتر من العادي
صمت مين كنت نقرى في السنة التامنة
:sdf:حتى سنة ثامنة؟
علابيها ماحتافلوش بيك كنتي كبيرة:)
نضحك معاك اخت صبا
شكرا لمرورك

[•~ندية الجوري~•]

أنا لا أذكر منه شيء

بصح يقولولي بلي كنت سنة ثانية إبتدائي

وصمت نهار 15وحطولي خاتم ذهب في الحليب

وطلعوني في السطح و فطرت

علاه=======لا أعرف

[طارق القبطان]

انا اول يوم صمته في حياتي كان في السنة الثانية ابتدائي
لا ما كليبتش بالتخبية هذيك درتها من بعد
بالنسبة للعائلة كان صيامي بمثابة اللا حدث لديهم
مكان والوا صمت ولا فطرت كيف كيف

[*جوداء*]

أنا لا أذكر منه شيء

بصح يقولولي بلي كنت سنة ثانية إبتدائي

وصمت نهار 15وحطولي خاتم ذهب في الحليب

وطلعوني في السطح و فطرت

علاه=======لا أعرف
تهلاو فيك مالا الله يبارك
شكرا لمرورك اختي

[*جوداء*]

انا اول يوم صمته في حياتي كان في السنة الثانية ابتدائي
لا ما كليبتش بالتخبية هذيك درتها من بعد
بالنسبة للعائلة كان صيامي بمثابة اللا حدث لديهم
مكان والوا صمت ولا فطرت كيف كيف
لازم تنضم لساموراي رايحين نطالبو بتعويض
عن حقوقنا المهضومة في الطفولة
المهم صمنا:1:
شكرا لمرورك

[إبتسامة أبي]

أنا بديت نصوم كي كان في عمري8 سنين وكان يوم مكانش كيفو رحت عندي جدتي دارتلي عرس بلا عروس وصمت شهر كامل ومن ثم لحد الأن وأنا نصوم ...............مبارك عليكم الشهر

[إبتسامة أبي]

الظاهر كامل حقروكم أنا كون ميش جدة بابا وماما لا خبر ربي يحفظهالي وتديرلي عرس واحد اخرة اليوم كي صمت في صيف

[م.جواد]

والله مراني متفكر كيفاه صمتو بصح راني متفكر وحد النهار كنت صايم نسنا المغرب وكتاش اذن حطو الطابله الماكلة من كل نوع واش تشتي فالمواكل حاجة ماترساتني شديت الماء وشربتو... ومبعدا فقت بلي كنت صايم خليتها ومبعدا التشوف التحلال و التكلاخ مافيها والو مزلت صغير ...على اخر سبولة قطع صبعو.
صح فطوركم.

[نورالدين17]

اول يوم صمت لي كان عمري 17 عام وكنت رايح نفوت الباك.........ايه ما ننساهش هذاك اليوم خلاص

[*جوداء*]

أنا بديت نصوم كي كان في عمري8 سنين وكان يوم مكانش كيفو رحت عندي جدتي دارتلي عرس بلا عروس وصمت شهر كامل ومن ثم لحد الأن وأنا نصوم ...............مبارك عليكم الشهر
نتي عندك الزهر امونة دايما مقلشينك
عسي روحك نضربك بعين
ههههههه

[*جوداء*]

والله مراني متفكر كيفاه صمتو بصح راني متفكر وحد النهار كنت صايم نسنا المغرب وكتاش اذن حطو الطابله الماكلة من كل نوع واش تشتي فالمواكل حاجة ماترساتني شديت الماء وشربتو... ومبعدا فقت بلي كنت صايم خليتها ومبعدا التشوف التحلال و التكلاخ مافيها والو مزلت صغير ...على اخر سبولة قطع صبعو.
صح فطوركم.

ههههههههههههه
معليش
بصح كبرت ومانسيتهاش اخي

[*جوداء*]

اول يوم صمت لي كان عمري 17 عام وكنت رايح نفوت الباك.........ايه ما ننساهش هذاك اليوم خلاص
17؟؟؟؟
هذا سر خطير حصريا عند شيراز 2009 من طرف عمدة مسلسل الزهراء
رمضان معانا مش حتقدر تغمض عنيك هههههههه

[بوبكر28]

سلاااااااااااااااااااام

في الحقيقة إنتابتنى موجة ضحك وانا اقرأ موضوعك ببساطة لاننى تذكرت انه ليس لى يوم معلوم صمت فيه الى المغرب
للاسف كنت كثيرا ما اختبئ واقيم مائدتى الخاصة بعيدا عن اعين الحساااااااااد هههههههههههههههههههههههههه والمراقبين

ما احوجنا لتلك الايام الخوالى هههههههههههههههههههههههههههههه

يعطيك الصحة يا صاحبة المادلين
وصح فطوركم

[*جوداء*]

سلاااااااااااااااااااام

في الحقيقة إنتابتنى موجة ضحك وانا اقرأ موضوعك ببساطة لاننى تذكرت انه ليس لى يوم معلوم صمت فيه الى المغرب
للاسف كنت كثيرا ما اختبئ واقيم مائدتى الخاصة بعيدا عن اعين الحساااااااااد هههههههههههههههههههههههههه والمراقبين

ما احوجنا لتلك الايام الخوالى هههههههههههههههههههههههههههههه

يعطيك الصحة يا صاحبة المادلين
وصح فطوركم
ايه خويا بوبكر
بزاف اللي كانو يضربو رمضان على النص
ومن بعد يحتفلو بيهم نورمال:1:
علابالي علابالي

[بوبكر28]

17؟؟؟؟
هذا سر خطير حصريا عند شيراز 2009 من طرف عمدة مسلسل الزهراء
رمضان معانا مش حتقدر تغمض عنيك هههههههه



سلاااااااااااااااااااام


ياود استرو الخبر ضرك تخلى على خونا ...بلاك تقيسو العين

17 سنة صغيييييييييييييير بزاف:1:

[نورالدين17]

17؟؟؟؟
هذا سر خطير حصريا عند شيراز 2009 من طرف عمدة مسلسل الزهراء
رمضان معانا مش حتقدر تغمض عنيك هههههههه


ان الله ستار يحب الستارين.........................

[المهذب]

شكرا الاخت الكريمة اللهم افطرها برحمتك وتقبل صيامها وافرحها يوم حزنها وادخلها جنتك يا حنان يامنان,,,,أمين,,,

[thorpe]

اييييييييييييييييييييييييه وين رايح نتفكرو كان فالقرن الماضي

[*جوداء*]

شكرا الاخت الكريمة اللهم افطرها برحمتك وتقبل صيامها وافرحها يوم حزنها وادخلها جنتك يا حنان يامنان,,,,أمين,,,

اااااااااااااااامين

[إبتسامة أبي]

اول يوم صمت لي كان عمري 17 عام وكنت رايح نفوت الباك.........ايه ما ننساهش هذاك اليوم خلاص
حرام عليك يابابا العمدة أنت صمت في عمرك17 وأنا صومتي على 8 سنين هاذي حقرة درك نشكي بيك

[الفقيرة إلى ربها]

في الحقيقة لا اتذكره....انا اصلا ناكل و لا مانكلش كيف كيف، كيما تقولها ماما، تنقبي و تنوضي..


http://www.hawahome.com/MySmiles/Smiles/2007-01-22-02_45_45bo50.gif (http://www.hawahome.com/MySmiles/Smiles/2007-01-22-02_45_45bo50.gif)

[عرش المعرفة]

انا تاني منعقلش على النهار لي صمت فيه اول مرة
http://quran.maktoob.com/vb/up/922215545266174529.gif

[طارق2518]

أول يوم لا ينسى لأني كنت صغيرا جدا وكانت فرحت عائلتي لا توصف
شكرا

[حورية 42]

انا ما نشفاش لى اول يوم صومت فيه علاخاطرش كنت صغيرى بزاف كان عندي 5سنين وعلى حساب متحكيلي ماما صومت هداك النهار معاندة اي اخي اكبر مني صام وانا مقبلتهاش هو يصوم وانا لا وحتفلو بيا هداك النهار كامل العائلة

[*جوداء*]

شكرا لمروركم ومشاركتكم الطيبة

[سلاف26]

أعرف أنني بدأت الصيام في سن 7 لكن لا أتذكر هذا اليوم المشكلة اني فطور البارح و نسيتوا:1:
مشكورة اختي شيراز على الموضوع
و صحة فطوركم

[*جوداء*]

معليش سلاف
المهم رانا نعرفو نصومو ولالا؟

[وردة الجزائر كوثورة]

انا اول نهار صمتوا كان عندي 7 سنين
كان نهار عادي
http://www.upislam.com/images/g7etd3m23g4r9t0y0zzt.gif
http://www.upislam.com/images/jxpze4vrq8zn5wjb914.gif
http://www.rehabmaroc.net/files/3b9u5y9b8uh4hletm6r9.gif



http://www.almlf.com/get-8-2009-almlf_com_e6hfhsjp.gifصح فطوركم

[*جوداء*]

صحا فطورك كوثورة

يوم عادي ايضا للاسف

[احساس ملاك]

كان عندي 6 سنين وصمت نهار كامل وانا جيعانة جيعانة وفي المغرب ماقلتش الدعاء ديراكت رحت شربت الحليب وشوية ونجيف ماما حطتلي خاتم في الحليب كيما العادات ههههههههههه
اكنا صغار كنا نية
وانا قعدت ناكل بلخف وماما تقلي بشوية عليك ماغاديش تهرب الماكلة
وانا والو تقوليراهم يحاوزو فيا

مشكورة الموضوع رائع وجمييل

[*جوداء*]

مشكورة احساس ملاك على اضافتك
يعني صمتي على الماكلة والشرب فقط ماصمتيش للعبادة
ههههههههه