مكتبــــــــي قبل و بعد

[~ السلطانة ~]

السلام عليكم و رحمة الله تعالى و بركاته ..
أحيانا تأخذنا ضجة العمل و الانشغالات و ننسى الفضاء الذي نعيش فيه جاهلين أن التغيير فيه قد يعطي لأعمالنا بعدا آخر و ذوقا آخر ...
و مكتبي من أهم الفضاءات في حياتي لأني أقضي فيه جل وقتي حالته تدهورت حقيقة لكني أردت أن أشجع نفسي به و أشعر بحافز أكثر في العمل ...

هاو هنا كيفاش كان

http://djelfa.info/vb/showthread.php?t=1726493

من الناحية الشكلية هو مستطيل الشكل بأبعاد متناسبة نوعا ما ...

http://im80.gulfup.com/JZ3iWV.jpg (http://www.gulfup.com/?1S2msN)

متجهة لجهة الجنوب هذا ما يعطيه شمسا أكثر صيفا و شتاءا و كذلك ضوءا نهاري فاخر ...

في البداية كنت أعشق الألوان الأنثوية – الوردي و البنفسجي و الكريمي –
لكن صدقوني لتأثير اللون وقع خاص على نفسية الشخص لمن يولي اهتماما لتحسين نفسيته و جوه العام في العمل أو الراحة أو الطبخ ...


نبدأ بالمخطط و التعديلات المجرات :

الشكل كما قلت مستطيل ، الأرضية و السقف و الجدران لا أعتقد أنه بإمكاني عمل تغييرات كبيرة لأن الأمر يتطلب هدم كبير و خسارة مادية قد لا يستوعبها جيبي هههه
لهذا فكرت في لمسات خفيفة ذات تأثير واضح يشعرني بالتغيير فعلا ...


أول شيء كان عندي نصف جدار بنصف علو رغبت في جعله أقصر كي يسمح بمرور ضوء أكثر و كذلك جعل الارتفاع يتناسب مع الديكور الموجود ...

http://im86.gulfup.com/IGACeR.jpg (http://www.gulfup.com/?gGQbI9)

العلو كان 1.30 خفضته للنصف 0.65 سم يتناسب مع ارتفاع المكتب ( رغبت كثيرا في هدمه لكن ذلك يتطلب إعادة البلاط و السقف طننن )

[~ السلطانة ~]

هو مقسوم إلى جزئين ... جزء للعمل و جزء خاص بأغراضي الشخصية + أرشيف ملفات الزبائن التي لم تتسع لها خزانة ...
في الجزء المخصص للعمل للي شفتوه سابقا و هذو الكوارث للي ما شفتوهمش هههه قالك يا المزوق من برا واش حوالك من داخل
انا خدمت في الأول غير الجزأ المخصص للعمل و قلت بعدها في عقلي نكمل لكن أخذتني المشاغل و خليت كلش بل و زدت ردمت الدنيا عليه هههههه


http://im46.gulfup.com/HJnq55.jpg (http://www.gulfup.com/?0tR7Zb)

http://im46.gulfup.com/rFEeYU.jpg (http://www.gulfup.com/?8Yms6b)

هيا شوفوا و قولولي واش فهمتوا ؟؟؟

هذوك كانوا رفوف مؤقتة لكن دامت 7 سنوات هههه

[~ السلطانة ~]

عندي كذلك les niches تهرهر شكلهم و عملهم في البداية لم يكن متقن بشكل يروق لي و أنا نحب كلش بالمليمتر فقررت تركهم و التفكير في ديكور يخفي الأخطار في عيني ههههه

http://im83.gulfup.com/kq3ldp.jpg (http://www.gulfup.com/?C02m96)

http://im83.gulfup.com/yUs2ow.jpg (http://www.gulfup.com/?cEPE6J)

http://im83.gulfup.com/KSBzZM.jpg (http://www.gulfup.com/?aDt60F)

فكرت في تصميم إكسسوارات خشبية راني نخدم فيهم لكل فتحة في محاولة جعل الشكل العام يتناسب مع ديكور المكتب ...

هذوا من بعد نديرهم ورشة وحدهم ... ان شاء الله .

[~ السلطانة ~]

و هنا بدينا الأشغال ووو التكسير للي نموت عليـــــــــــــــه ....


http://im56.gulfup.com/sf7QZt.jpg (http://www.gulfup.com/?aPcnYO)


و هذو أشغال لوندوي


http://im52.gulfup.com/Op0wzf.jpg (http://www.gulfup.com/?s1Pgbu)


و شوفو حالتي كيفاش كنت نكونتكتي في هذوك الأيامات ههههه


http://im56.gulfup.com/eDipQf.jpg (http://www.gulfup.com/?I4xR3K)

[~ السلطانة ~]

و صلنا لاختيار الألوان و الطلاء :

أنا حبيت طلاء بسيط في متناول إمكانياتي و يكون فخم شوية برك على رأي مريم سلمى الجزائرية – سمين و رخيص –
اخترت طلاء صاتيني ...

اللون اخترت لون حيوي جدا و دافئ منشط و مضيء ...

عندي الأثاث بالبني الخشبي و الأسود و الأرضية كبوتشينو و أبيض فأخترت اللون الأصفر للجدران لأنه يتناسب مع البني و الأسود و كذلك الأرضية .

http://im79.gulfup.com/oVI16t.jpg (http://www.gulfup.com/?9lnyB5)

بعد الفرز و التنظيف خلوني نسيق الحالة و ندوركم في شبر متر للي عندي هههه

http://im55.gulfup.com/wCQ9dy.jpg (http://www.gulfup.com/?CRpKpJ)

اللون لم كما في الحقيقة على الصور لكن لابأس وحدة فاتحها ووحدة غامقة ان شاء الله كي نكمل الديكور النهائي يبانو أحسن

[زينب 83]

راني نستنى في البقية بشوق

[الدر المكنون 7]

أولا مبارك التغيير
التغيير مهم جدا في حياتنا يعطينا طاقة وشحنات متجددة تدفعنا للمضي قدما بقدرات وآمال جديدة
سدد الله خطاك لما يحب ويرضى،،تستاهلي كل خير

[~ السلطانة ~]

زنوبة و الدر الكنون هيا تفضلوا ...

http://im47.gulfup.com/VzbGnB.jpg (http://www.gulfup.com/?Dt4Euk)

http://im47.gulfup.com/YNN2gl.jpg (http://www.gulfup.com/?NTzrNw)

و هذا الركن المظلم سابـــــــــــــــــــقا

http://im47.gulfup.com/880fJt.jpg (http://www.gulfup.com/?PilVig)

[~ السلطانة ~]

و هنا الأرضية مع الجدران ...

http://im47.gulfup.com/ahqsZK.jpg (http://www.gulfup.com/?BzL8rz)

http://im47.gulfup.com/airhgQ.jpg (http://www.gulfup.com/?Iunf84)

و هذو لي نيش في حالتهم الجديدة

http://im47.gulfup.com/7JVEpD.jpg (http://www.gulfup.com/?SeTC0F)

[~ السلطانة ~]

هذا السقف و الجدران .

http://im43.gulfup.com/IlHaUz.jpg (http://www.gulfup.com/?CrTQyr)

http://im43.gulfup.com/AtiLAX.jpg (http://www.gulfup.com/?ZjhLFQ)

و غيرت الثريا

http://im43.gulfup.com/sGd87Q.jpg (http://www.gulfup.com/?wRCmhV)

[~ السلطانة ~]

و هذي الورشة


http://im45.gulfup.com/zkhUow.jpg (http://www.gulfup.com/?gFf2G4)


http://im43.gulfup.com/euSjeB.jpg (http://www.gulfup.com/?GXTeAe)

[~ السلطانة ~]

الديكور النهائي فضلت أن أتركه لموضوع آخر ...

ان شاء الله تعالى ...

[فاطمة ياسين لخضر]

ماشاء الله ربي يمتعك بيه اخيتي
ويزيدك نجاح على نجاح ويحفظك من عينين العديان والحساد
ويحصنك .....بحفظه ولطفه

[~ السلطانة ~]

ماشاء الله ربي يمتعك بيه اخيتي
ويزيدك نجاح على نجاح ويحفظك من عينين العديان والحساد
ويحصنك .....بحفظه ولطفه

شكرا أختي بارك الله فيك ... و ربي يعطيني و يعطيك أكثر مني و أحسن .

[fadilasor]

بارك الله فيك اختي السلطانة موضوعك رائع شوقتينا للدكور النهائي في الانتظار اختي مزيدا من التالق

[~ السلطانة ~]

بارك الله فيك اختي السلطانة موضوعك رائع شوقتينا للدكور النهائي في الانتظار اختي مزيدا من التالق

شكرا اختي بارك الله فيك ...
الديكور نكملو في عقلي هههههه ...

[biba2012]

الله يهنيك ويزيد يعليك يارب كلما تجتهدي يزيد ربي يكافئكي الله يبارك

[~ السلطانة ~]

الله يهنيك ويزيد يعليك يارب كلما تجتهدي يزيد ربي يكافئكي الله يبارك

شكرا اختي دعاءك موزون وزن بالمليغرام ... شكرا دمت بخير

[زينب 83]

يعطيك الصحة سلطانة ، على التغيير و على المجهودات لي بذلتيها في المنتدى و انت بهذه الحالة ، والله نحييك من أعماق قلبي

اما بخصوص المكتب دوك نعاود نقرعج مليح و نرجع

[~ السلطانة ~]

يعطيك الصحة سلطانة ، على التغيير و على المجهودات لي بذلتيها في المنتدى و انت بهذه الحالة ، والله نحييك من أعماق قلبي

اما بخصوص المكتب دوك نعاود نقرعج مليح و نرجع

ههههههههههههه خوفتيني ...

قرجعجي و برعجي و خلعجي مليــــــــــــــــــــح و راني هنا ...

اذا لازم يتريب نريت المارطوات كاينين ...

[زينب 83]

راني رجعت حبيبتي
عجبتني فكرة لينيش و الاكسسوارات اللي رايحة ديريهم ، و عجبني اللون ضاوي و منعش و يخرج مع لون الأثاث
نص حيط هاذاك ماعجبنيش ، و علابالي بلي مشكلة إمكانيات ، كان عندنا أستاذ يقولنا اذا ديرو حاجة لازم ديروها للآخر ، كان مايحبش نصف دائرة ، يحب يا دائرة يا ماكانش ،
ماعجبتنيش الأرضية ممكن الصور مابينتش مليح

و الثريا أكيد أذواق ، و انا لا أحب هذا النوع

و عجبني إصرارك على التغيير رغم الإمكانيات ، و راني علابالي واش راهو يعاني المهندس المعماري الجزائري، راهو حياتو كااااااااملة تعب في تعب، ربي يعينك و يرزقك على قد نيتك و طيبة قلبك

احلى سلام لاحلى سلطانة

[~ السلطانة ~]

راني رجعت حبيبتي
عجبتني فكرة لينيش و الاكسسوارات اللي رايحة ديريهم ، و عجبني اللون ضاوي و منعش و يخرج مع لون الأثاث
نص حيط هاذاك ماعجبنيش ، و علابالي بلي مشكلة إمكانيات ، كان عندنا أستاذ يقولنا اذا ديرو حاجة لازم ديروها للآخر ، كان مايحبش نصف دائرة ، يحب يا دائرة يا ماكانش ،
ماعجبتنيش الأرضية ممكن الصور مابينتش مليح

و الثريا أكيد أذواق ، و انا لا أحب هذا النوع

و عجبني إصرارك على التغيير رغم الإمكانيات ، و راني علابالي واش راهو يعاني المهندس المعماري الجزائري، راهو حياتو كااااااااملة تعب في تعب، ربي يعينك و يرزقك على قد نيتك و طيبة قلبك

احلى سلام لاحلى سلطانة

ههههههههه يعطيك الصحة ...
هذاك النص حيط للي قعدلي كي علق في الزور هههههههههه لو نحيه نبدل الارضية و ذرك اختك راهي دادوش يا بعطوش غير نحكم خدمة و ربي يسهل نديرلك un plan libre فوق الماء و نمشئ على ارضية زجاجية واش رايك ؟؟؟؟

الأرضية قديمة عندها 10 سنوات سي نورمال ما تعجبش ههههه لكن انا عجبتني لني وقتها كي خيرتها كنت مهندسة مبتدئة و واو نشوف روحي درت حاجة كبيرة ههههههههههههههه

على الليستر خيرتو على جال مادة الصنع راهو من الفخار هههههههههههه شريتو ب 12000 ياو نص شهرية وشبيك ...

على العموم ما خلعجيتينيش مليح ... و قيلا ما حركتيش البرمة مليح هههههه
هاني نستنى فيك تعاودي طلي عليا ...

[زينب 83]

وهذا واشنو حمام:D:D و الله مافهمتو

http://www.m5zn.com/newuploads/2015/01/07/jpg//853d6b298d1df13.jpg

و مافهمتش حاجة وعلاه الأرضية درتيها نص نص ،

و هذيك الثريا راهي قلقتني :1: ماعلاباليش وعلاه، تبان لي ماتتوالمش معاك ، و لا زعمة حبيتي تخيري ستيل تاع السلاطين يا سلطانة :rolleyes:;)

المكتب تاعك راني فليتو واش حابة نزيد نقعجلك

[الدر المكنون 7]

مساء الخير أختي سلطانة ما شاء الله أصبح المكتب أكثر أناقة وانارة مما كان لكن كيما قالت الأخت زينب لوكان كملتي للآخر وزدت نقصتي من جدار الورشة أو أنك فتحتيه من الوسط وركبتيلو شباك خشبي أو أي اكسسوار آخر انت أدرى بهذ الأمور
http://cdn.top4top.net/i_5a38c168831.jpg
أو أنك درتيلو فتحة كيما هاذي ودرتي فيها نفس اكسسوارات les niches
http://cdn.top4top.net/i_fca0c5620e1.jpg
مجرد اقتراح (بالاك تقولي :ولى القط يعلم بوه النط))هههههههههههههه

[~ السلطانة ~]

مساء الخير أختي سلطانة ما شاء الله أصبح المكتب أكثر أناقة وانارة مما كان لكن كيما قالت الأخت زينب لوكان كملتي للآخر وزدت نقصتي من جدار الورشة أو أنك فتحتيه من الوسط وركبتيلو شباك خشبي أو أي اكسسوار آخر انت أدرى بهذ الأمور
http://cdn.top4top.net/i_5a38c168831.jpg
أو أنك درتيلو فتحة كيما هاذي ودرتي فيها نفس اكسسوارات les niches
http://cdn.top4top.net/i_fca0c5620e1.jpg
مجرد اقتراح (بالاك تقولي :ولى القط يعلم بوه النط))هههههههههههههه

مساء الخير اختي ...
شكرا على لمساتك في صوري راكي رقمتيهم مليــــــــــــــــــــــــــــــح ههههه

هذاك الجدار الوحيد للي بقالي فيه أمل نحط فيه التدفأة واش تحبوني نموت بالبرد ههههههههههههههه
و زيد ما نقدرش نفتحوا خاطر وراه مباشرة كاين الرمحاض أعزكم الله ...

و شكرا لأهتمامك بموضوعي و على النصائح ...

زيدي خربشي و قوليلي ههههه

[~ السلطانة ~]

وهذا واشنو حمام:d:d و الله مافهمتو

http://www.m5zn.com/newuploads/2015/01/07/jpg//853d6b298d1df13.jpg

و مافهمتش حاجة وعلاه الأرضية درتيها نص نص ،

و هذيك الثريا راهي قلقتني :1: ماعلاباليش وعلاه، تبان لي ماتتوالمش معاك ، و لا زعمة حبيتي تخيري ستيل تاع السلاطين يا سلطانة :rolleyes:;)

المكتب تاعك راني فليتو واش حابة نزيد نقعجلك

ههههههههههه هيه من ثم كي تروحي طـــــــــــــــــــــــــــــــول تلقاي بعـُـــــــــــــــــــــــــو يستنا فيك هههههه

هذاك الفايونس كنت مركبة لثم مغسل أيدي من بعد نحيتو ...
هاي واه شفتي كي تخمي مليـــــــــــــــــــح تلقاي الحل وحدك ... ستيل سلاطين يعطيك الصحة هههه

الأرضية ماشي نص نص في الصور ما تبانش مليح ...
راني في الأستقبال درت الحواشي بالأبيض و في النص درت البيج

و العكس في المكتب تاعي درت الحواشي بالبيج و النص ابيض كما قلبــــــــــــــــــــــي ...

[زينب 83]

ههههههههههه هيه من ثم كي تروحي طـــــــــــــــــــــــــــــــول تلقاي بعـُـــــــــــــــــــــــــو يستنا فيك هههههه

هذاك الفايونس كنت مركبة لثم مغسل أيدي من بعد نحيتو ...
هاي واه شفتي كي تخمي مليـــــــــــــــــــح تلقاي الحل وحدك ... ستيل سلاطين يعطيك الصحة هههه

الأرضية ماشي نص نص في الصور ما تبانش مليح ...
راني في الأستقبال درت الحواشي بالأبيض و في النص درت البيج

و العكس في المكتب تاعي درت الحواشي بالبيج و النص ابيض كما قلبــــــــــــــــــــــي ...



تسمى في الاستقبال يكون قلبك باج و كي تدخلي للداخل و تحكمي الخدمة من الفرحة يولي قلبك بيض :1::1:

راني غير نقسر معاك برك ، نخاف جيبيلي بعوووووو. من هذيك لبيكوكة ههههههه

[~ السلطانة ~]

تسمى في الاستقبال يكون قلبك باج و كي تدخلي للداخل و تحكمي الخدمة من الفرحة يولي قلبك بيض :1::1:

راني غير نقسر معاك برك ، نخاف جيبيلي بعوووووو. من هذيك لبيكوكة ههههههه

هههههههههه و الله يا انتي ... هذيك البيكوكو دونجي ندخلها غير انا ...

و التفسير تاعك في محلو ياو لوكان نلقى خديمة برك ماشي خدمة يولي قلبي شفاف و ينط وحدو ...

هذيك البيج خليتها للسكرتيرة هي دبر راسها مع قلبها ...

[الدر المكنون 7]

مساء الخير اختي ...
شكرا على لمساتك في صوري راكي رقمتيهم مليــــــــــــــــــــــــــــــح ههههه

هذاك الجدار الوحيد للي بقالي فيه أمل نحط فيه التدفأة واش تحبوني نموت بالبرد ههههههههههههههه
و زيد ما نقدرش نفتحوا خاطر وراه مباشرة كاين الرمحاض أعزكم الله ...

و شكرا لأهتمامك بموضوعي و على النصائح ...

زيدي خربشي و قوليلي ههههه

واش هذي تموتي لالا ماكان لاه خليه كيما راه سيرتو كي ولى البعو من ذيك الجهة
صح لو لم يكن لك فيه مآرب أخرى لما أبقيته فأنت المهندسة ولن تغيب عنك الأفكار ،، كيما يقولو أهل مكة أدرى بشعابها
خلاص ما عندي ما نخربش الباقي كلو 10/10 بالربح والفتح ان شاء الله
في انتظار الديكور النهائي
ما تنسايش تصغري حجم الصور باش تطلع بالخف

[~ السلطانة ~]

واش هذي تموتي لالا ماكان لاه خليه كيما راه سيرتو كي ولى البعو من ذيك الجهة
صح لو لم يكن لك فيه مآرب أخرى لما أبقيته فأنت المهندسة ولن تغيب عنك الأفكار ،، كيما يقولو أهل مكة أدرى بشعابها
خلاص ما عندي ما نخربش الباقي كلو 10/10 بالربح والفتح ان شاء الله
في انتظار الديكور النهائي
ما تنسايش تصغري حجم الصور باش تطلع بالخف

ان شاء الله اختي بارك الله فيك ...

[مريم سلمى الجزائرية]

السلام عليكم و رحمته تعالى و بركاته:
فتح الله لك أبواب النعيم في الدنيا و الآخرة و بارك لك و عليك و فيك يا غزالة.
كم هو جميل تغيير الديكور بما فيها الألوان لأن فيه و في ألوانه سحرا و ما ذكر في القرآن الكريم من ألوان لا يدع مجالا للشك من أن لها تأثيرهاالأكيد.
و كأننا اتفقنا أنا و أنت على القيام بتغييرات في الديكور في نفس الوقت تقريبا، و أنا أكتب حروفي هذه أجلس غير بعيدة عن "المودام" وتماما كما يظهر في إحدى صورك "لكن ماعليهش لزوم التغيير".
بالنسبة للشكل الجديد لمكتبك "ما شاء الله كان" و أنت و كل من دخل دوامة أشغال البناء أو التغييرات على دراية تامة أن الميزانية هي من تتحكم أكثر في التغييرات التي نريد القيام بها بغض النظر عن أنه في بعض الحالات نظطر أحيانا إلى ميزانية إضافية خاصة إن كانت اليد العاملة لا تتقن عملها.
عندي ملاحظة واحدة و رايحة تعذريني و هي تتعلق باللون الأصفر رغم أنك وفقت في اختيارة لأنه يناسب ما لديك من ألوان إذ لأنه خارج مكتبك توجد أشجاريعني اللون الأخضر :dلكن بالنسبة لي اكتسبت مناعة شديدة لهذا اللون نظرا لأن أغلبية ما يحييط بي لونه أصفر فهو يرمز عندي أكثر شيئ للحرارة " بل شششششششششششششششدة الحرارة" ههههههههههههههههه الله غالب .
تغييرات جميلة جدا في انتظار أن نرى الديكور النهائي يا حَمَامة.

[مريم سلمى الجزائرية]

السلام عليكم و رحمته تعالى و بركاته:
فتح الله لك أبواب النعيم في الدنيا و الآخرة و بارك لك و عليك و فيك يا غزالة.
كم هو جميل تغيير الديكور بما فيها الألوان لأن فيه و في ألوانه سحرا و ما ذكر في القرآن الكريم من ألوان لا يدع مجالا للشك من أن لها تأثيرها الأكيد.
و كأننا اتفقنا أنا و أنت على القيام بتغييرات في الديكور في نفس الوقت تقريبا، و أنا أكتب حروفي هذه أجلس غير بعيدة عن "المودام" وتماما كما يظهر في إحدى صورك "لكن ماعليهش لزوم التغيير".
بالنسبة للشكل الجديد لمكتبك "ما شاء الله كان" و أنت و كل من دخل دوامة أشغال البناء أو التغييرات على دراية تامة أن الميزانية هي من تتحكم أكثر في التغييرات التي نريد القيام بها بغض النظر عن أنه في بعض الحالات نظطر أحيانا إلى ميزانية إضافية خاصة إن كانت اليد العاملة لا تتقن عملها.
عندي ملاحظة واحدة و رايحة تعذريني و هي تتعلق باللون الأصفر رغم أنك وفقت في اختيارة لأنه يناسب ما لديك من ألوان إذ لأنه خارج مكتبك توجد أشجاريعني اللون الأخضر :dلكن بالنسبة لي اكتسبت مناعة شديدة لهذا اللون نظرا لأن أغلبية ما يحييط بي لونه أصفر فهو يرمز عندي أكثر شيئ للحرارة " بل شششششششششششششششدة الحرارة" ههههههههههههههههه الله غالب .
تغييرات جميلة جدا في انتظار أن نرى الديكور النهائي يا حَمامة.

[oumali ali]

ماشاء الله رب يبارك

[السَّحابة البيضاءْ]

الصّور لا تظهر يا سلطانة ؟؟؟

[~ السلطانة ~]

;3992452429']الصّور لا تظهر يا سلطانة ؟؟؟

راحت عليك يا سحابة ... أسقيني مطــــــــــــــــــــــــــــرا ...

أريك صـــــــــــــــــــــــــــــــــــــــــــــورا ...

[نائلة]

يا خساره انا تاني مطلعتليش الصور

[rozaxy]

الصور لا تظهر

[~ السلطانة ~]

لأسف صوري لا تظهر للجميع ...

للي عندو نواظر يركبهم ... و للي ما عندوش يستنى الدالة كي نشوف نمدلكم تشوفوا ...

[حبيبة زوجي 25]

نشالله يساعدك في العمل

[janso]

بارك الله لكي وجعله عامرا وصب عليك الأرزاق صبا
تتهناي بيه وفيه
سدد خطاك لما يحب ويرضى
سلالالالالالالالالام

[~ السلطانة ~]

نشالله يساعدك في العمل

شكرا أختي بارك الله فيك

بارك الله لكي وجعله عامرا وصب عليك الأرزاق صبا
تتهناي بيه وفيه
سدد خطاك لما يحب ويرضى
سلالالالالالالالالام

الله لا يحرمني من أدعيتك يا العزيزة .

[lalib40]

من فضلكك اريد مخطط لقطعة ارض ذو واجهتين
-الدور السفلي به مستودعات
-والدور الثاني به سكن
http://im49.gulfup.com/3PO5pr.jpg