المساعد الشخصي الرقمي

مشاهدة النسخة كاملة : طريقة طهي العدس ولوبيا

مفيدة الحلوة
2015-01-05, 23:49
مساء الانوار على حراير منتدى الجلفة
اخواتي انامتزوجة جديد والكارثة اني اكتشفت انو زوجي يحب لوبياوالعدس
وانا منعرفش نطيبهم ارجوكم اريد وصفات :sdf::sdf:
ومتضحكوش عليا
وشكرااااااا:1::1:
كاتي حياة
2015-01-06, 00:48
ما فيها والوا كلش يفوت
شوفي على اللوبيا انا تجيني هايلة
لازم ترنخي او تشمخي اللوبيا ليلية من قبل كي تكوني رايحة اديرها غداء
في الغدوة دوزني اللوبيا انتاعك مليح انا ما نديرش البصلة اندير غير الثوم برك هو اللي يلقلها
اديري التوابل الفلفل الاسود --- و الكمون واذا حبيتي عكري فقط
تقلي الدجاج او اللحم اللي عندك واديرها ثاني وحدها تجي هايلة
تضيفي الملح و الحشاوش واذا تحبي الحار ثاني والطمطم العلب واللوبيا تقلي مليح ومن بعد تمرقي وتخليها تطيب
كي تطيب تحبي اديري زيدات شوية كمون الحشاوش وكاين اللي يقلها الدبشة
وبالصحة
كاتي حياة
2015-01-06, 00:49
انا ثاني راني مشمخة اللوبيا نديرها قدوة للغداء كي تطيب نصورهالك
ام حمزة22
2015-01-06, 08:18
سلام
بانتضار لوبية الاخت كاتي حفضها الله تفضلي هاد الروابط وان شاء الله يفيدوك
وحبيت نقلك ختيتي اننا واحد فينا مازاد معلم حتى ولو تعلمتي عند اهلك فطريقة الطبخ عند اهل الزوج تكون متغيرة ومختلفة نوعا ما
ربي يهنيك
http://www.djelfa.info/vb/showthread.php?t=1670897&page=45
http://www.djelfa.info/vb/showthread.php?t=1670897&page=14
http://www.djelfa.info/vb/showthread.php?t=1670897&page=18
SAMAH SAMAH
2015-01-06, 10:07
تفضلي اختي


لوبياء
http://www.djelfa.info/vb/showthread.php?t=922140

http://www.djelfa.info/vb/showthread.php?t=1616565
http://www.djelfa.info/vb/showthread.php?t=922140
http://www.djelfa.info/vb/showthread.php?t=1321853
http://www.djelfa.info/vb/showthread.php?t=1219620
http://www.djelfa.info/vb/showthread.php?t=1203687
عدس

http://www.djelfa.info/vb/showthread.php?t=1171007
http://www.djelfa.info/vb/showthread.php?t=1409563
مفيدة الحلوة
2015-01-06, 20:50
شكرااخواتي على الوصفات
هكا نقدر نشوف روحي قدام اهل زوجي
mon espoir
2015-01-06, 21:52
السلام عليكم..انا ثاني ما كونتش نعرف نطيبهم.. كنت ناكول من يدين ماما الله يرحمها و نتبنن و ما نسقسيش كيفاه دارتهم..حتى جا نهار و تزوجت..و كيما قالت الاخت أم حمزة حتى اهل الزوج عندهم طريقة طياب مختلفة على طريقة داركم.. و كل مرة نجرب طريقة حتى خرجت على الوصفة اللي تعجب زوجي
ام فروحة
2015-01-07, 14:14
السلام عليكم انا نشمخ الللوبيا من قبل بليلة وغدوى من داك نصفيها من داك الماء ونديرلها ماء جديد في قدر يكون يغلي باش نحط اللوبيا وفي ااخير ندير شوية بكربونات باه لغاز يروحوا ثم نصفيها ونكون درت مرقة بزيت الزيتون بلحم وبصل مقطع رقيق وثوم وملح بعد ما يتقلى مليح اللحم وطماطم العلب والكمون وشوي هريسة ونضيف ماء مغلي كي يولي اللحم في نص الطياب نرمي الوبيا لاني مين غليتها كانت طابت وفي الاخير مين يوجد نضيف ثوم وشويةزيت زيتون ونطفي يجي بنين بزاف بالثوم وزيت الزيتون لي زدناه في الاخير وكاين لي يدير في الطبق من فوق المعدنوس
ام سوهيل
2015-01-24, 18:34
اختي مفيدة غدوة ان شاء الله نوعدك بلي نحطلك موضوع علاى الوبا على طريقتي انتضيريني
مفيدة الحلوة
2015-01-24, 20:45
اختي مفيدة غدوة ان شاء الله نوعدك بلي نحطلك موضوع علاى الوبا على طريقتي انتضيريني

الله يحفظك اختي على اهتمامك
:19::19:
راكي شوقتني وفي انتظارك
ام سوهيل
2015-01-25, 14:07
اختي مفيد اليكي رابط الموضوع

http://www.djelfa.info/vb/showthread.php?t=1746855
مفيدة الحلوة
2015-01-26, 17:32
اختي مفيد اليكي رابط الموضوع

http://www.djelfa.info/vb/showthread.php?t=1746855

شكرا والف شكر على المساعدة يجعلها في ميزان حسناتك
ام ياسمين10
2015-01-28, 11:14
الاخوات مقصروش عطاوك شحال من طريقة وانت الى تعجب زوجك اعتمديها