انقذوووووووني ارجوكم [الأرشيف] - منتديات الجلفة لكل الجزائريين و العرب

مشاهدة النسخة كاملة : انقذوووووووني ارجوكم

مفيدة الحلوة

2015-01-05, 22:45

مساء الخير اخواتي نشالله تكونو بخير
انا اول مرة نشارك معاكم
]وللاسف راح نشارك بمشكلتي منطولش عليكم
انا ولدت عندي شهرين وهذا مولودي الاول
ومنيش متعودة على سهر والتعب وتخلطت حياتي
معادش عندي لوقت حتى لحاجة وليت نوض روتار
ولغدا نديرو متاخر حتى روحي هملتها
ارجوكم الي عندها خبرة تفيدني في تنظيم وقتي
والا عندكم طريقة تخلي وليدي يرقد في وقت منظم
راه يرقد في النهار وليل يبات نايض
ارجوووووووكم انقذوني راني راح نهبلللللللللل
وشكرا اااا

لينة نور

2015-01-05, 22:49

مفيدة الحلوة

2015-01-05, 23:00

شكرااااا اختي لينة انتي تقصدي انو كي يكونو الستائر مغلقة
يحس انو في الليل ولكنو في الليل يبقى نايض حتى كي نطفي ضوء

لينة نور

2015-01-05, 23:06

شكرااااا اختي لينةالعفو انتي تقصدي انو كي يكونو الستائر مغلقة
يحس انو في الليل ولكنو في الليل يبقى نايض حتى كي نطفي ضوء

السلام عليكم

آه نعم هذا ما أقصده ، طبيعي ...اذا نام طيلة النهار فلن ينام ليلا وهذا ما يحدث معنا نحن الكبار أيضا لو حدث وأطلنا القيلولة مثلا

أو في حالة مرض وملازمة الفراش والنوم نهارا ..نحن نستطيع الخروج من هذا المشكل لكن الصغير تعود عليه

لذلك يكون تدريبك على تعويده على النوم تدريجيا ...ربما يستغرق منك ذلك بعض الوقت لكنك في الاخير ستنجحين ...

مفيدة الحلوة

2015-01-05, 23:19

يعطيك الصحة اختي لينة على اهتمامك
والامر الاككتر تعقيدا اني موظفة ومازالي غير شهر وتخلاص عطلة الامومة

مفيدة الحلوة

2015-01-05, 23:21

يعطيك الصحة اختي لينة على اهتمامك
والامر الاككتر تعقيدا اني موظفة ومازالي غير شهر وتخلاص عطلة الامومة

لينة نور

2015-01-05, 23:26

يعطيك الصحة اختي لينة على اهتمامك
والامر الاككتر تعقيدا اني موظفة ومازالي غير شهر وتخلاص عطلة الامومة

السلام عليكم

العفو أختي أنا أم ومررت من هذا الذي تمرين به و لا يعلم حالنا الا الذي خلقنا .

ربما ليس من حقي التدخل ،لكن لو تمددين من عطلتك ولو من دون مقابل فحاجة طفلك شخصيا لك أولى

وكذا حاجتك له كأم ، أعتذر عن التدخل لكن غيابك عنه في هذا السن تحديدا ليس بالامر الحكيم .

مفيدة الحلوة

2015-01-05, 23:33

عندك حق اختي لينة حتى انا قاعجة نخمم نمدد العطلة
الله يبارك فيك

لينة نور

2015-01-05, 23:43

السلام عليكم

نعم أختي ، كوني أنانية لأبعد الحدود ولاتحرمي نفسك متعة صحبة صغيرك حفظه الله

ولاتنسي أنك ستعودين للعمل ونحن لانزال في فصل الشتاء وهذه المرحلة بالذات تتطلب منك ارضاعه بشكل مكثف ومستمر وقاية له من الامراض

ولعلك سوف تضطرين لاخراجه لمن يعتني به وهذا أسوء ما يتعرض اليه الرضيع .

حاولي الهدوء والتفكير جيدا ...اعملي على قضاء مشاغلك ساعة نومه واصبري الى أن تعود المياه الى مجاريها ان شاء الله

تصبحين على خير .

wahibaazel

2015-01-06, 08:17

السلام عليكم، اختي مفيدة كان الله في عونك، هوني على نفسك اخيتي فهذا الذي تمرين به مرت به أغلب الأمهات. استعيني بالله واساليه الصبر لانها مرحلة صعبة هذا الرضيع أتى وافسد عليك نظامك، إنها دقائق من حياتك فقط وبإذن الله سيتغير نومه وتستريحي. لكن أحببت أن أخبر اخيتي بأن التربية أمر ليس بالهين فحذاري من القلق والغضب. فوضى أمرك لله،وسوف تتاقلمين على الوضع الجديد.

ام نهوله

2015-01-06, 16:27

الطفل في هاد السن عادي يرقد في النهار و ينوض في الليل لكن بعد مده راح يغير من طباعو علابالي بللي هدا امر متعب لكن كوني اكثر صبرا انا البارح ليل كامل مارقدتش
ديري في بالك بللي ماراكيش وحدك معظم الامهات يمرو من هاد التجربه وانا تاني ننصحك تمددي العطله التاعك وين راكي هاربه و مخليا هاداك البوبون هههههههههه
ربي يحفظهولك اختي

kikimnarim2

2015-01-06, 17:55

ما تتقلقيش كي يكبر شوية ينظم في نومو برك ديما كي تجي ترقديه طفيلو الضوء وما تديريش الحس حتى يحكم الريتم تاع الكبار وربي يكون في العون لاني تاني عدات عليا

MIMI8

2015-01-06, 20:27

الله يكون في العون

مفيدة الحلوة

2015-01-06, 20:47

الله يحفظكم اخواتي على الاهتمام
وربي يحفظلنا اولادنا

فايزة1207

2015-01-06, 21:09

هذا امر عادي النوم والانتفاخات لكن حاولي تنوضيه وحلي القماطة وقت السهرة والعبي معاه باه يرقد في الليل حاولي ديري برنامج لنومه اكله باه يتعود وما يتعبكش
رانا كلنا نعانيو ربي يقوينا

16sabah

2015-01-06, 22:50

اهلا احتى الكريمة
ماتمرين به امر عادى انا تعودت على قلة النوم منذ انجابي لطفلى الاول والذى كان ينام بشكل متقطع فهو ينهض كل ساعتين للرضاعة اما اذا كان مريضا او يعانى من وجع ما فذاك شان اخر مرت على العديد من الليالى البيضاء التربية امر صعب جدا عليك ان تمشى على الريتم الذى يفرضه عليك صغيرك

أم محمد علي

2015-01-06, 22:54

نعم أختي هذه المرحلة مريت بها مع ابني ويلزم الصبر أولا وأشكري ربي على هذه النعمة لأنك لوكان مولدتيش تسهري ليل كامل وأنت تخممي و و ؟ننصحك أعطيلوا تيزانة تساعدوا على النوم تباع في الصيدليات وأدهنيه بزيت الزيتون مرقية وأعملواحركات رياضية خفيفة حتى يتعب وترقدوا في نفس الوقت وأرقيلوا دائما ربما عين .إن شاء الله نكون أفدتك

مفيدة الحلوة

2015-01-07, 20:51

الله يخليكم اخواتي
راني نديرلو تيزانة بصح مرة في السمانة خطر قالولي تصعف
ربي يحفظهم ولي معندوش رلي ينوب عليه وما يحرمهم حتى لواحد

salam algeria

2015-01-08, 13:03

السلام عليكم
اختي ربي يعينك و يجازيك انت و كل الأمهات
ابنك حاولي تنوضيه في النهار و ديري عليه الحس و خلي الغرفة ضاااااااوية و قبل ما يرقد امسديه كيما نقولو حنا بالعامية بزيت زيتون او لوشن حتى يتعب و دوشيه و من بعد رضعيه مليح و حطيه في سريرو طفي الضوء و خليه حتى كون يبكي خليه حتى عشر دقائق و اذا ما سكتش زيدي روحي ليه بربريه بيدك بلا ما تهزيه حتى يسكت و عاودي خليه و هاكا حتى يرقد راح يتعود يرقد وحدو و يرقد مليح في الليل انا اولادي هاكا درتلهم ما تعبتش معاهم و هذا الثالث عودتو يرقد في يدي لاني أدمنت النت و هو في يدي و درك راه عام بديت نعودو يرقد وحدو وصح البارح حطيتو و خليتو بكا شوية و رجعت بربرتو رقد
ايه بلاك ما تقولوش كلمة بربرتو يعني هذاك الضرب الخفيف عليه باش يرقد

ام ياسمين10

2015-01-08, 18:03

الله يكون فى عونك اختى كامل ولادنا دارولنا هكا التربية صعيبة