ممكن وصفة لعمل ارية

[asma mansor24]

لبنات صباح الخير ممكن تسعدوني عندي رية و ناعرفتش نطيبها ممكن وصفة

[MINA-NINA16]

السلام عليكم اختي تقدري ديري بيها شطيطحة رية وهي انك تغليها في شوية ماء وملح باش تنحيلها الزفرة ثم خليها تبرد شوية وقطعيها مربعات ومن جهة اخرى تكوني وجدتي صلصة الطماطم بالثوم وشوية كمون وفلفل اسود وكي تتقال شوية ضيفي مكعبات الرية والحمص المعلب او المغلي وخليها حتى تطيب وتعقاد مليح المرقة قدميها مقطعة فوقها الحشيش مقطفة و النعناع نتمنى نكون افدتك اختي سلام

[*وردة الشرق*]

صباح الخير اختي ممكن تتبليها وتقليها اوديريها فب المرق
في الاول غلي الربة يعني ارميها في ماء غالي قبل التقطيع وهي مجمولة وفيه شوسة ملح لمدة 2 دقائق فقط عاوديالعملية مرة اخرى بماء نظيف
خلبها تبرد شوية قطعيها مربعات مثل تاع الشواء وبتعدي عن الاماكن اللي فيهم التقوب ما تحطيهمش من جهة اخرى في برمة قلي البصل والتوم فلفل عكري وراس حانوت وكمون و دبشة مقطعة وملعقة طماطم مضبرة اضيفي الرية المقطعة معاهم وخلبها تتقلا كين ناس يضيفو حبات حمص ممكن ايضا تحطي شوية حمص امرقي انصحك طيبيها في الكوكوت الى عندك هي تدي شوية وقت
في الخير لما تلقايها طابت زيديلها رشة من التوابل وشوية دبشة وبصحتكم
وادا حبيتي ديريها مقلية تبليها بالتوابل الي عندك واقليها لكن لازم تتقلا مليح وانا ما ننصحكيش لانه تجي مطاطية
وربي يوفقك