يا لحرارير عاونوني

[العهد الرائع]

السلام عليكم
انا غير كيما تزوجت
و راكم عارفين العروس دايما تحب تجيب احدث الطبخات باش دلل الزوج تاعها
لكن حالتي كيما يقول المثل "من اول يوم غزاه انكسرت عصاه"
واش نطيب ما يعجبش لانو طبخي مختلف على طبخ امو
تعلمت بعض الوصفات و لكن حابة نجيب حوايج جديدة يمالا قولولي واشنو هو الجديد هنا في المنتدى و لكن طبخو سهل التطبيق
وكاينة حاجة انا و زوجي لا نلتقي في وقت الغداء بسبب عملنا
يعني نلتقي في وجبة العشاء و هو يحي العشا الخفيف و البنين و الغني في نفس الوقت
بارك الله فيكم

[*وردة الشرق*]

اختي هدا اول شي نقدر نمدهولك

تفضلي ومبعد نزيد نحطلك

http://www.djelfa.info/vb/showthread.php?t=1727332

وهادي تاني جديدة وساهلة

http://www.djelfa.info/vb/showthread.php?t=1734906

وادا كنت تحوسي على القديم يعني على تقليدي نفيدوك انشاء الله

[.ام زكرياء.]

اختي في الفترة الاولى تع الزواج تصرى هكدا خاطرش حياتو كاملة وهو ياكل ماكلة امو مع الوقت يوالف

[العهد الرائع]

شكرا اخوتي ربي يحفظكم
في الحقيقة الوصفتين لم اعملهم الاولى لان ليس ادي صدر دجاج
و الثانية لانني لا اجد الازانيا هنا في مدينة زوجي
اتنني لا اسكن في ولايتي

[سميرة10]

ربي يهنيك اختي العين تاكل قبل الفم انت طيبي واش تعرفي وبدلي في الديكور تاع الماكلة لي ديريها:mh31:

[عطرالذهب]

http://www.djelfa.info/vb/showthread.php?t=1717761

http://www.djelfa.info/vb/showthread.php?t=1483622

http://www.djelfa.info/vb/showthread.php?t=1735908 (http://www.djelfa.info/vb/showthread.php?t=1735908)


http://www.djelfa.info/vb/showthread.php?t=1608335

http://www.djelfa.info/vb/showthread.php?t=1158601

[مريم الاميرة]

اولا الف مبروك و ربي يهنيك اختي
انا نقلك روحي لملف ام اماني تلقاي واش تحوسي كلش روووووووووعة و عصري و ثاني شوفي الهام كل وصفاتها عصرية و سهلة و الاهم بنيييييييييينة و هذا عن تجربة
اسمحيلي اختي ما نقدرش نحط روابط خطراكش الناس اذواق و كي تدخل للبروفيل نتاع الهام و ام اماني رايحة تلقاي اكييييييييد واش يعجبك و يوالم ذوق زوجك ان شاء الله

[oum hanin]

ربي يهنيك اختي
انا عندي تقريب 3 سنوات زواج وفي الاول صرالي كيما انتي شبعت تعليقات محبطة وصراحة كنت ضعيفة في الكوزينة بحكم خدمتي اللي كانت ماديتلي كل وقتي لكن مع الوقت عرفت انو السر مش في الماكلة البنينة ولا الجديدة لكن في راجلك واش يحب والعبي على هداك الوتر
مثال بسيط انا راجلي يحب الطبق اللي فيه دسم يعني كي نحضر شكشوكة برك وزايدة شوية زيت يقولي بنييييينة
هدا مثال برك وش حبيت نوصلك انو لاحظي زوجك واش يحب في الاكل وبازي عليه مع الوقت راح يوالف اكلك كيما والف ماكلة يماه وربي يخليكم لبعض ان شاء الله

[ام نهوله]

ربي يهنك حبيبتي ماتخافيش في هدا المنتدى تلقاي كامل واش حابه ضوك لبنات يفيدوك

[العهد الرائع]

يعطيكم الف صحة على مساعدتكم
ربي يهنيك اختي
انا عندي تقريب 3 سنوات زواج وفي الاول صرالي كيما انتي شبعت تعليقات محبطة وصراحة كنت ضعيفة في الكوزينة بحكم خدمتي اللي كانت ماديتلي كل وقتي لكن مع الوقت عرفت انو السر مش في الماكلة البنينة ولا الجديدة لكن في راجلك واش يحب والعبي على هداك الوتر
مثال بسيط انا راجلي يحب الطبق اللي فيه دسم يعني كي نحضر شكشوكة برك وزايدة شوية زيت يقولي بنييييينة
هدا مثال برك وش حبيت نوصلك انو لاحظي زوجك واش يحب في الاكل وبازي عليه مع الوقت راح يوالف اكلك كيما والف ماكلة يماه وربي يخليكم لبعض ان شاء الله

اما بالنسبو ليك ام حنين
والله مازال ما عرفت واش يحي هههههههههه
عندي 5 اشهر زواج كا يوم عندي هادا المكشل
كي كنت عند اهلي كان الكل يحي اكلي حتا الولاد صغار و ماتخيلتش انو راح يصرالي معاه هاك
كنت متوقعة كل ما نطيب حاجة يقولي مممممممممممممممم
واشنو هادي الماكلة يسلو ايديك هههههههههههه
اول ما جيت بديت مفنن في الحساء
شوربة فريك و فارميسال و نحط في سر حسائي الي متكل في الدرسة
لكن فاجئني بسؤال و قالي وراه ذوق الكرافس
انا تفاجئت لانو حنا مانطيبوش بيه
رحت للبقوليات الي معروفة نطيبهم بنان
اللوبية قالي نحبها بالثوم لازم راص ثوم كامل في شوية لوبية الي تكفي 2 عباد
العدس قالي لازم نذزق ربطة كاملة تاع كرافس
الدوبارة ماستوعبهاش خلاص
روحت للاطباق الرئيسة
بديت بطاجين الزيتون قالي علاش درتي الفطر مانحبوش و ديريلي البطاطا في طاجين الزيتون
و انا مالفة نطبيو بلا بطاطا
رحت للوبيا الخضراء الي الحمدوالله عجباتو لكن لازم نطيبها بالبطاطا و الحمدوالله اقنعتو انو ندير معاه فريت خير ما نطبها معاها لانو تفك البنة
الجلبانة نفس الشي لازم بطاطا و نحيتهالو كيم اللوبيا
الارز و قاموسو كامل للحذف و لامرة استوعب رز مسقي و لا ملفلفل لازم ابيض ماء و ملح
نروحلكم للمشاوي الحمدو الله كامل عجبوه
القراتان نفس الشيء عجبو بزاف لكن مالازمش يتكل بزاف لانو يدير constipation
الحريرة انا نديرها باللفت و هو الا شم ريحة اللفت مايكلش
الاطباق التقليدية مثل الرشتة و الطعام و الشخشوخة
ياكل غير الرشتة
المعجنات والو يحب البتزا الي ديرها عجوزتي و صراحة ماعرفتش نجيبها كيما هي

واش نديييييييييييييييييييير

[oum hanin]

راكي بديتي تعرفي واش يحب وواش ما يحبش ضرك تبعي برك
والله انا قريت برك واش تديري عجبتيني بلاما ندوق
ربي يهنيك اختي لعزيزة

[almazalina22]

اولا لازم تعرفي زوجك واش يحب
مادام ماراكمش من ولاية وحدة اكيد الاكل يختلف حاولي تربحي عجوزتك وتعلمك اطباقها وتضربي عصفورين بحجر واحد حب زوجك وامه وقدمي الاكل بلمستك انت وكل مرة دخلي وجبة من عندك انت والمنتدى فيه كلش من الاقتصادي للدسم هههههههههه وربي يوفقك ودايما قولي بسم الله

[almazalina22]

ههههههههههههههههههههه هذا وين انتبهت لواش يحب هذا زوجك امه كانت عايلتو كبيرة لازم تزكي البطاطا في كلش باش تجي بزاف وتكفيهم وما تنسايش اكل الام يبقى هو الاول مهما كان بنين اكلك حتة ولو كان انت ما يعجبكش بالشوية برك رايح يواف اكلك انا زوجي كاين حوايج كان ماياكلهمش وذرك والفهم وبازيلو على واش يحب حلويات ولا الاطباق وابداي فيهم خخخخخخخخخخ ربي يعينك