عاجل عاجل عااااااااااجل

[ouissamak]

السلام عليكم نهاركم مبروك
اليوم جابلي شيخي هاد النوع تاع الحوت انا جامي شفتو في حياتي منعرفش نطيبو وقاتلي عجوزتي نديروه للعشا
http://im84.gulfup.com/leBJIr.jpg


http://im84.gulfup.com/BCaKK6.jpg


http://im48.gulfup.com/YF7jhT.jpg


http://im80.gulfup.com/kAtKJU.jpg


تعيشو ليعندها فكرة تنورني ماتبخلونيش
سلام

[sheherazed]

Bon mm ana jms taybtou mé na3tik l'astuce ta3 tiab lhout srtt hada li yji mlaham

Diri une sauce rouge réduite w sedfi lhout ta3k f le plat li rh taybi fih et op au fouuuur

W madabik tekhdmi mliiiiih la sauce,les épices,kosbor,lhaaaaarrr w chwia rand

W khallih yenchef mliiiih w rodili b lkhbar

Bon courage hbiba

[lyzzabel]

و عليكم السلام حبيبتي
هدا السمك يقولولك الراية و بالفرنسية la raie و طيابه ساهل
لاكان راه منقي مليح و مقطع هاك راه يظهر لي في الصور ما عليك الا تغسليه مليح بالما و تقطعيه طوليا باتجاه الأشواك او الأعواد لي يجو في منطقة الجناحين قطع متوسطة و تبليهم بالملح و شويييية فلفل اسود و رمديهم فالفرينة و اقليهم فالزيت هادي راهي اسهل طريقة و ادا تبغي طريقة اخرى بلاصوص تومات نقولها لاختي و بصحتكم مسبقااااا

[ouissamak]

Bon mm ana jms taybtou mé na3tik l'astuce ta3 tiab lhout srtt hada li yji mlaham

Diri une sauce rouge réduite w sedfi lhout ta3k f le plat li rh taybi fih et op au fouuuur

W madabik tekhdmi mliiiiih la sauce,les épices,kosbor,lhaaaaarrr w chwia rand

W khallih yenchef mliiiih w rodili b lkhbar

Bon courage hbiba

merci ma chere pour la recette tban tres tres facile
ya3tik essaha

[ouissamak]

و عليكم السلام حبيبتي
هدا السمك يقولولك الراية و بالفرنسية la raie و طيابه ساهل
لاكان راه منقي مليح و مقطع هاك راه يظهر لي في الصور ما عليك الا تغسليه مليح بالما و تقطعيه طوليا باتجاه الأشواك او الأعواد لي يجو في منطقة الجناحين قطع متوسطة و تبليهم بالملح و شويييية فلفل اسود و رمديهم فالفرينة و اقليهم فالزيت هادي راهي اسهل طريقة و ادا تبغي طريقة اخرى بلاصوص تومات نقولها لاختي و بصحتكم مسبقااااا

ليزا حبيبتي يعيشك تعيشي قوليلي طريقتك بلا صوص لانهن حابينو في الفور وشكرا على المعلومة حول التسمية لاني حقيقة في حياتي ما شفتو

[كاتي حياة]

ربي يعاونك

[ouissamak]

ربي يعاونك

الله يسلمك كاتي يعيشك

[lyzzabel]

ويساماك هدا وين شفت بلي نتيا صاحبة الموضوع ههههه
اوكي حبيبة إليك الطريقة
طبعا بعد ما تنقي سمك الراية و تغسليه وجدي التتبيلة لي هي ملح ما تكثريش السمك عامة ما يبغيش الملح بزاف و فلفل اسود و شوييية كمون مقدار نصف ملعقة صغيرة و نصف ملعقة ص فلفل احمر حلو و عصرة ليمون و زيت زيتون او زيت عادي
حطي أطراف السمك في هاد التتبيلة خلطي مليح بيدك و دخليه للثلاجة يتشرب على الأقل نصف ساعة
و حضري الصلصة لي هي سنات ثوم مقطع رقيق او رابي انا نفضله مقطع رقيق قليهم في شوية زيت و حطي عليهم ملعقة صغيرة مملوءة طماطم معلبة و حبة كبيرة او زوج حبات متوسطين طماطم رابي تبلي بالملح و الفلفل الأسود و خلي الصلصة تعقد شوية
حطي السمك في بلا تاع فرن من الأحسن يكون تاع زجاج مدهون بالمارغرين و فرغي عليه الصلصة لي حضرتيها و زديدي مقدار كاس تاع شاي من الماء و غطيه بالالمنيوم و دخليه لفرن ساخن على درجة 200 مين يطيب نحيه و الصلصة تكون خاثرة قدميه مع الليمون و رشة معدنوس من فوق و بألف صحة و هناء

[مرام 1987]

أنا جامي شفتو بصح دخلت نتثقف
وهاهي ليزا كفات ووفات ربي يحفظها

[ouissamak]

ويساماك هدا وين شفت بلي نتيا صاحبة الموضوع ههههه
اوكي حبيبة إليك الطريقة
طبعا بعد ما تنقي سمك الراية و تغسليه وجدي التتبيلة لي هي ملح ما تكثريش السمك عامة ما يبغيش الملح بزاف و فلفل اسود و شوييية كمون مقدار نصف ملعقة صغيرة و نصف ملعقة ص فلفل احمر حلو و عصرة ليمون و زيت زيتون او زيت عادي
حطي أطراف السمك في هاد التتبيلة خلطي مليح بيدك و دخليه للثلاجة يتشرب على الأقل نصف ساعة
و حضري الصلصة لي هي سنات ثوم مقطع رقيق او رابي انا نفضله مقطع رقيق قليهم في شوية زيت و حطي عليهم ملعقة صغيرة مملوءة طماطم معلبة و حبة كبيرة او زوج حبات متوسطين طماطم رابي تبلي بالملح و الفلفل الأسود و خلي الصلصة تعقد شوية
حطي السمك في بلا تاع فرن من الأحسن يكون تاع زجاج مدهون بالمارغرين و فرغي عليه الصلصة لي حضرتيها و زديدي مقدار كاس تاع شاي من الماء و غطيه بالالمنيوم و دخليه لفرن ساخن على درجة 200 مين يطيب نحيه و الصلصة تكون خاثرة قدميه مع الليمون و رشة معدنوس من فوق و بألف صحة و هناء

يعطيك الف صحة ليزا الله يعطيك ما تتمناي انا غير شفتو برك قلبي بدا يخبط واش هاد لعجب وكيفاش نطيبو سلكتيني يعطيك الصحة


أنا جامي شفتو بصح دخلت نتثقف
وهاهي ليزا كفات ووفات ربي يحفظها

شكرا على المرور اختي مرام والله يعطيها الصحة ليزا دوك عجوزتي تقول واش هادي ماكاش عجب وماتعرفوش ههههههه والفضل يرجع ليكم

[oum hanin]

سلام
غير قلتي شيخي جابولي قلبي طاح على خاطر حاسة بالورطات كي تكوني في الدار الكبيرة
انا كي نحصل نروح نجري للنت ومن بعد ندخل نتكسل للكوزينة بكل ثقة
والله نحات علينا غبنة ويعطيهم الصحة الاخوات يجعلها في ميزان حسناتهم

[saja hamed]

Rabi y3awnek okhti

[أم ياسين الزهراء]

اول مرة نشوفو وشكر لليزا الحلوة ملكة البحريات ههههههههههههههههه وربي يعينك رانا معاك الكل نشجعو فيك

[cokis katerina]

السلام عليكم
هاد الحوت سموه الرايا مزيا لي جابهالك منقيا ما لووكان تعذبتي معاها تاني مقليا تجي شابا
مين يتعشو قولينا واش قالولك عليها الا عجبتهم ولالا هي اصلا بنينا بزاف ومافيهاش ديك الريحا تاع الحوت الشايطا هههه
رانا نقارعو فيك يا شاطرا

[*وردة الشرق*]

ما جربتش النوع هدا من قبل ربي يعينك

[ouissamak]

سلام
غير قلتي شيخي جابولي قلبي طاح على خاطر حاسة بالورطات كي تكوني في الدار الكبيرة
انا كي نحصل نروح نجري للنت ومن بعد ندخل نتكسل للكوزينة بكل ثقة
والله نحات علينا غبنة ويعطيهم الصحة الاخوات يجعلها في ميزان حسناتهم


هههههههه والله انا تان شفتو برك وجهي تبدل قلت يايما وشنو هاذا كيفاش نطيبو http://fandeloup.f.a.pic.centerblog.net/866f85f7.jpg سكت ضربت النح صورتو بالتخبية هههههههههه :D وجيت نجري لهنا http://thumbs.dreamstime.com/z/%C3%A9motic-ne-avec-l-ordinateur-25842786.jpg
يعطيها الف صحة ليزا والله نحاتني من مشكل عوييييييص اوي اوي ودخلت للكوزينة هاكدا هههههه كيم قلتي http://emoticoner.com/files/emoticons/onion-head/happy-onion-head-emoticon.gif?1292862507
مشكورة على المرور

Rabi y3awnek okhti

مشكورة اختي على المرور

اول مرة نشوفو وشكر لليزا الحلوة ملكة البحريات ههههههههههههههههه وربي يعينك رانا معاك الكل نشجعو فيك
يعطيك ابصحة حنونتي تعيشي

السلام عليكم
هاد الحوت سموه الرايا مزيا لي جابهالك منقيا ما لووكان تعذبتي معاها تاني مقليا تجي شابا
مين يتعشو قولينا واش قالولك عليها الا عجبتهم ولالا هي اصلا بنينا بزاف ومافيهاش ديك الريحا تاع الحوت الشايطا هههه
رانا نقارعو فيك يا شاطرا

لوكان ماجابهاش نقية نزيد نتخلع كثر راه دار فيا خير كبييييييييييير هههههه كيتطيب اني نردلكم بالخبر

ما جربتش النوع هدا من قبل ربي يعينك
الله يسلمك اختي مشكورة

[عطرالذهب]

كنت راح نعيطلك ليزا لقيتها جاوباتك وجاوبتنا بارك الله فيها
موفقة حبيبتي واي حاجة تحصلي فيها ارواحي عندنا في الكوزينة نجاوبوك ونحمرولك وجهك
وماتنسيش تصوريلنا الراية هاذي كي تطيبيها وتقوليلنا راي مالين زوجك

[أم ريتاج زهرة]

مين قلتي شيخي جابها حتى أنا خفت في بلاستك ختي ربي معاك و الحمد لله راها الأخت ليزا عاوناتك و حتى حنا ستافدنا معال خيما يجي نهارنا و يزورنا حوت الراية و يبهدلنا سلام رانا نستناو الخبر ماتنسيناش

[ouissamak]

كنت راح نعيطلك ليزا لقيتها جاوباتك وجاوبتنا بارك الله فيها
موفقة حبيبتي واي حاجة تحصلي فيها ارواحي عندنا في الكوزينة نجاوبوك ونحمرولك وجهك
وماتنسيش تصوريلنا الراية هاذي كي تطيبيها وتقوليلنا راي مالين زوجك


ان شاء الله كيتطيب نصورهالكم
واش من كوزينة ختي ان شاء الله باش ندخل ونستفادو تما
مشكورة على مرورك لموضوعي

[ouissamak]

مين قلتي شيخي جابها حتى أنا خفت في بلاستك ختي ربي معاك و الحمد لله راها الأخت ليزا عاوناتك و حتى حنا ستافدنا معال خيما يجي نهارنا و يزورنا حوت الراية و يبهدلنا سلام رانا نستناو الخبر ماتنسيناش

هههههههه تحكمنا قاع الرعشة كيجيبها الشيخ ههههه
كيتطيب ان شاء الله راح نديرها في موضوع مستقل فيه قاع الخطوات

[قمرْ~]

كي طيبيه خبرينا كي خرج

[ouissamak]

كي طيبيه خبرينا كي خرج

اختي طيبتو هههههه وكلاوه وكمل راني حطيت الصور