سؤال للبنات

[مشكلتي]

أنا شاب 30 سنة موظف والحمد لله

مشكلتي ان لي الحاح كبير في ان اتزوج لكن مشكلتي السكن

اعرف بنت موظفة واتمناها ان تكون لي لكن لم أكلمها ولم افاتحها في الموضوع

هل طبيعي ان اتقدم لها واطلب منها مساعدتي في كراء منزل نتزوج فيه وبعدها نقوم بشراء مسكن تساهمي

البنات : ما رد فعلكم في مواقف كهذه أم تعتبرونه طمعا كما أظن


( الله غالب لو كنت أملك المال الكافي لا وان أفكر هكذا )

[fella111]

أنا شاب 30 سنة موظف والحمد لله

مشكلتي ان لي الحاح كبير في ان اتزوج لكن مشكلتي السكن

اعرف بنت موظفة واتمناها ان تكون لي لكن لم أكلمها ولم افاتحها في الموضوع

هل طبيعي ان اتقدم لها واطلب منها مساعدتي في كراء منزل نتزوج فيه وبعدها نقوم بشراء مسكن تساهمي

البنات : ما رد فعلكم في مواقف كهذه أم تعتبرونه طمعا كما أظن


( الله غالب لو كنت أملك المال الكافي لا وان أفكر هكذا )

ان كنت ستتزوج بسبب الالحاح فلا تتزوج ..اما ان كنت تريد الزواج فاقول لك الف مبروك من الان
هي مسألة ان تبحث عن زوجة عاملة لا حرج فيها رغم انها ستعود عليك ببعض التصادمات فيما بعد لكن الله غالب نحن نعلم الظروف و نقدرها هنالك من يستطيع الزواج بالتالي لا حاجة لعمل الزوجة و هذا ما افضله انا شخصيا .....و هنالك من يستلزم عمل الزوجة .
لكن اخذرك من شيئ واحد اختر الفاظك بعناية يعني لا تدفع بها ان تفهمك غلط ان تفهم انك طمعان فيها افهمها انك اولا و اخيرا اخترتها لنفسها و ليس لانها عاملة ...الجنس اللطيف يخاف هذه النقطة خاصة سؤال '' تخدمي بالكونترا او مرسمة'' فشلني صراحة مرة لاني وضعت في موقف مشابه حتى اني اجبت اني بالكونترا و انا في الحقيقة مرسمة بياجيتو و لا ادري ان كنت اسأت فهمه لكن لا يهم من اخطاءنا نتعلم .:d. لخيرا اخبرك ان هنالك احدى زميلاتي خطبت لرجل سنتان و فسخ الخطبة لسبب انه اكتشف انها كانت تخدم بالكونترا و هو اعتقد بانها مترسمة لهذا اصبحت الفتيات تخاف و يشهد عليا ربي ما كنت لاعمل لو لم اظطر .

[jiji17]

انا شخصيا معنديش مشكل وكاين ثاني بنات متفهمين
ربي يسهلك انشاء الله وشوف رايها خويا بدون تردد ولفيها الخير ربي يقدمهالك

[nilly]

الحقيقة سوف اعتبره استغلال لانه ببساطة اختلط الحابل بالنابل نقولوا اني درث ثقة ومدتلوا درهم للكراءة ومبعد هو طالع استغلالي يسرق المال ويهرب واش حيقولو ناس حيقولو اني بهلولة وتكثر كلام ناس والكل راح يتسابقوا عليا باه يستغلوني ويقلوا هديك بهلولة ايا نجريو وهداك لسرقلي مراح يقولواا عليه والو يقولوا برك غزالها اكيد راح يسرقلها اد هي بهوللة تستاهل وحتى واحد مايقول هو خبيث وحقير لانو سرقني وانا مظلومة حيدرولي ظالمة علاه حنجوبك علاه لان اغلب ناس بنسبة 99 في المئة خبثاء ويفكرون مثل دلك رجل لسرقلي واكيد مراحش يوقفوا معايا بل حيوقفوا معاه لانهم هما كيفه

ولهدا متظلمهاش اد موافقتش عليك فقد تكون طيبة لكنها لا تريد ان تقع لحما في ايدي ذئاب درت روحي في بلاصتها

[mrmilano1984]

هنا نبقاو هاك الي يوم الدين كل واحد يحب نفسو والنسا قاع في العالم غر يشرطو ويشرطو ويشرطو وحدة تشرط راجل صحيح وهندامو مليح ووسيم ومعمر لي موسكل اخري تشترط انها تكون حرة وتدر واش تحب وتخرج ون تحب وماتريحش في الدار واخري تشرط انها تخدم وماتخليش خدمة اخري تشرط انها تعيش وحدها وماتعيش معاه اخري تشرط الا ماعندوش دار يكرو وتصر علي رايها اخري تشرط عليه انو يعيشو غر في المطاعم والخرجات والتحواس وماندروشدراري في عام الاول باه نزهاو مليح اخري تشرط مايدخلش روحو في حياتها تروح ون تحب وتلب واش تحب ومايعسش تصرفاتها وحدة تشرط تعيش في فيلا او قصر وحدة تشرط الدهوبات بزاف والمال بزاف وحدة تشرط يكون عندك حوانت باه هي تخدم في واحد وتكري لوخرين
والله ماني مزوجها نبقي كما راني كل واحدة تحب نفسها وروحها وداتها ابقاو شرطو شرطو علابيها قاع وصلو 30 ومازالهم يشرطو لانو في ليتساع بين 20 و30 لمرا تكون غر تتقعد وتشلرط الراجل لي يخرج عليها نهار تبور لثم تندم وتحس بالخطر كاين لي توب والراجل لي يجي تقبل بيه وكاين لي راسها يبقي خشين تبقي هاك بايرة طول حياتها ولا تجوزها وتدورها غر زهو وتحواس

[mrmilano1984]

يااخي نقلك حاجة اسمع ليا نصيحة ليك تقبل تقبل ماتقبلش الله يسهل عليها ارميلها الما الا كل هدرة نهدروها يتوسوسو منها هكا رانا موسوسين منهم مليار اي كلام تقولو تطلعلو الف حساب قولهالها ون راه المشكل عجبها الحال الله مابارك ماعجبهاش خليها تشوف اخر تزد تشرط عليه وهي رايحة ماراحش تكوت خويا نتا راجل ابقا واقف ماتقبل الدل من النسا هادو تبعهم تهبل عندي صاحبي مرض منهم حكماتو دبريسيون منهم وكرهم بسبب عجرفتهم وشروطهم اللامتناهية دوما

[knives66]

أياك و طلب مساعدة مالية من مرأة

فهي أكبر إهانة قد تتعرض لها في حياتك إذا إحذر أخي

[nibou]

أخي،أولا ربي يسهلك ويكملك في نواياك،لأنك تريد الحلال و ستكمل نصف الدين فهنيئا لك إن شاء الله
ثانيا،أتمنى أن هته الفتاة قد أعجبتك لأخلاقها و مواصفاتها قبل عملها،فعمل المرأة ليس كل شيء و أيضا يمكن أن حال اسرتها متوسط ماديا فهي تعيلهم أيضا فلا تنسى هذا،فإذا اخذتها لأجل مالها فقط فربما ستصطدم،ثالث شيء الفتاة تنكح لمالها أيضا أي يجب الوقوف عند هذه النقطة و عدم الحكم على الشخص بأنه طماع،فما الضير إذا أعانت الزوجة زوجها على تكاليف الحياة!
فقط عند مفاتحتها في موضوع الزواج لا تخلط الكلام في بعضه وتقل لها منذ البداية بأنك تنتظر منها ان تعينك على كراء منزل،لااااااااا،انت قل لها ظروفك بشكل عادي و بما أنها تعمل معك فهي تعلم بالتقريب أجرك الصافي و بعملية حسابية بسيطة ستجد بانك لن تستطيع تحمل مصاريف فتح بيت لوحدك،فأنا شخصيا أعلم جيدا بأن كل من يعمل في الوظيف العمومي هته هي حالته،المهم أنك موظف و لك عمل حلال و رزق حلال،أعتقد أن هذا هو المهم،بالنسبة للسكن قل لها بأنكما ستسكنان في بيت العائلة أو كراء منزل و لا تدري فقد يفتح عليك الله باب الرزق من هنا إلى غاية الزواج،أنت حاليا ضع نيتك في الزواج و فقط،بعدها عندما تصل إلى أمور المنزل و كذا فيمكن لك طلب منها هذا و لكن بشكل لائق،فأنا أرى كثيرا من العاملات تبيع ذهبها لكراء منزل و ليس فقط تعينه "بشهريتها"أنت فقط توكل على الله و إن شاء الله لن يخيبك

[fatima zohra rojin]

لا يالاخ الكريم فاتحها في الموضوع و اطلب زواجها و ربي يكمل و ستجدها ان شاء الله تساعدك في الكراء هدا ليس عيب العيب كي متطلبهاش للزواج

[منار40]

شو ادا ناوي لحلال ربي يكمللك لكن كل واحدة ونظرها اخي الكريم المهم انت تقدم لها بيشكل رسمي ثم مشكل شباب اليزم يعانيو بزاف لكن ربي هو الي يفرج شويا بشويا واحد ما يكملك كل شي بضربة واحدة المهم الصبر ثم الصبر وربي يكمللك ان شاء الله

[hodayena]

اسال نفسك اذا كنت مؤهل للزواج وعلى قدر عال من المسؤولية
فكر في الزواج مليح ليس من باب الالحاح لانو بمجرد انو تتزوج يروحلك الالحاح تع الزواج ويجيك الالحاح على الطلاق
عاملة وموظفة وكراء ومشاكل اخرى من بعد مشاكل صغيرة تتضخم وتصير مشاكل يدخلو فيها كل العائلة ومن بعد طلاق
فكر مليح ومليح قبل القدوم على الخطوة لانو مشاكل الطلاق اغلبها بسبب السكن اخي

[ام نهوله]

فاتحها من الاول بما تريد و هي لها حريه الاختيار في القبول او الرفض احسن من ان تفاجئها بذلك بعد الزواج فتعتبره هي استغلال

[أمة الله 12]

موقف صعيب شويا
قبل كلشي ننصحك تتزوج لأنك مقتنع و حاب تتزوج باه تستقر و دير أسرة و الا مكان لاه تتزوج
هاذي اللي راك حاب تتقدم ليها، من الأول فهمها اللي راك حاب ترتبط بيها لشخصها و لرغبتك بيش تكمل نص دينك
و قولها اللي ظروفك المادية صعيبة، تحتاج منها تصبر معاك و تتعاونو فقط حتى تتحصلو على سكن و من بعد راهي حرة في مالها و مصاريف الدار الكل عليك أنت.

في هاذي الحالة ممكن تقبل

[جنة الله]

ليست مشكلة سرحهاواشرحلها وضعك وتكل علي ربي وربي وفقك

[mrmilano1984]

سبحان الله قالك اياك وطلب المال من المراة يعني ادلال وتطياح القيمة كل حاجة يعلقو عليها الشعب هدا يعني الراجل لي مش قادر او م لاحق يطلب مساعدة مالية تولي ادلال عندنا واح التخمامات ماشاء الله
اخي نقلك حاجة وحدة ماتسمعني انا ماتسمع لحتي واحد باسكو تحط موضوعك هنا كل واحد وعقليتو صدقني كل واحد كفاه يخمم ورياجي اهمالا در القطن لودنيك ودر واش جا في راسك معاها اوك تسمع للناس والله تهبل لانو ارضاء الناس غاية لاتدرك ابدا
سلام

[fafi05]

يا اخي الكريم انا من رايي انو المراة لازم تعاون زوجها في كل امور الحياة و هدا لا يعتبر استغلال او طمع كيما قالو بعض الاعضاء و علاه الزوجة لازم تكون مع زوجها غير في السراء و في الضراء تولي ما تعرفوش من رايي حنا النساء طماعات بزاف نشتييو غير الواجد انا عندي صديقتي متزوجة و كانت ساكنة مع عجوزتها و تعاونت هي و راجلها - في زوج خدامين- و شراو دار و راهم عايشين مهنيين و الحمد لله و راهم يخممو باش يزيدو يشريو سيارة و كلشي بيناتهم بالمشاركة بلا حساسية و لا سوء ظن - المشاركة بدات بيناتهم من ايام الخطوبة و ليس بعد الزواج و حتى هو كان يساعدها في كثير من الامور- يكفي اخي تكون الصراحة بيناتكم و تكون نيتك صافية اتجاهها يعني تكون فعلا ناويها للزواج اشرحلها وضعك و ادا قبلت ربي يهنيكم

[first first]

نجاوبك من الواقع......................ايما امراة عاملة لن تبخل على بيتها ان كانت هناك ضائقة
لكن انت لست زوجها.........................من الاول تقولها االكراء عليك راهي كبيرة ..............واهانة ليك وليها.
ان قبلت لطيبتها وغفلتها واو حاجتها للزواج .....................فانا لاانصحك بدلك.................يااخي زوجتك وان كانت عاملة لاتحملها مسؤوليات تفقدك وتفقدك اشياء ...........لاتسترد بكنوز الدنيا.
العام الاول اكري انت ومن بعد اتعاونو..........................واكاد اجزم انه لاتوجد من لن تعين زوجها ............الا في حالات يكون احد السافلين ولايساوي قشور بطاطا
تبداو بالحساب والماديات راهي ماشي مليحة.
والله اعلم اخي.
في الاخير ...................الحل الذي اخترته واقترحته في طرحك اخي الفاضل..............قد يكون الانسب لك وللاخت الكريمة.................لدا استخر الله واختر الفاضك وتوكل على رب العالمين.
مناه اخي التفلسيف شيء...................والظروف شيء اخر.
تمعن في ردودنا واتخد القرارالصائب.

[عائشة 88]

السلام عليكم ربي يتتمملك على خير ويرزقك الزوجة الصالحة اولا اخي الاعمال بالنيات وانت مدام نيتك حسنة وناوي الحلال قم اولا بمفاتحتها بموضوع الخطبة وعندما يتم القبول من طرفها اكيد وان شاء الله ستقبل اقتراحك انا من راي المراة العاملة لاحرج ان تساعد زوجها فهذا امر عادي والله اعلم بالتوفيق....

[16sabah]

انا ارى ان الامر عادى جدا توكل على الله يااخى انت تنوي الخير وانشاء الله لن تجد الا الخير

[hamza18]

هنا نبقاو هاك الي يوم الدين كل واحد يحب نفسو والنسا قاع في العالم غر يشرطو ويشرطو ويشرطو وحدة تشرط راجل صحيح وهندامو مليح ووسيم ومعمر لي موسكل اخري تشترط انها تكون حرة وتدر واش تحب وتخرج ون تحب وماتريحش في الدار واخري تشرط انها تخدم وماتخليش خدمة اخري تشرط انها تعيش وحدها وماتعيش معاه اخري تشرط الا ماعندوش دار يكرو وتصر علي رايها اخري تشرط عليه انو يعيشو غر في المطاعم والخرجات والتحواس وماندروشدراري في عام الاول باه نزهاو مليح اخري تشرط مايدخلش روحو في حياتها تروح ون تحب وتلب واش تحب ومايعسش تصرفاتها وحدة تشرط تعيش في فيلا او قصر وحدة تشرط الدهوبات بزاف والمال بزاف وحدة تشرط يكون عندك حوانت باه هي تخدم في واحد وتكري لوخرين
والله ماني مزوجها نبقي كما راني كل واحدة تحب نفسها وروحها وداتها ابقاو شرطو شرطو علابيها قاع وصلو 30 ومازالهم يشرطو لانو في ليتساع بين 20 و30 لمرا تكون غر تتقعد وتشلرط الراجل لي يخرج عليها نهار تبور لثم تندم وتحس بالخطر كاين لي توب والراجل لي يجي تقبل بيه وكاين لي راسها يبقي خشين تبقي هاك بايرة طول حياتها ولا تجوزها وتدورها غر زهو وتحواس
يااخي لبنات مراهومش مطيشين والا كانوا يشرطوا هدا حقهوم والا قعدت بايرة هدا واش كتبلها ربي في الدنيا هدي وباالنسبة لك ياخي ادا كنت حقا تريد الزواج منه وليس طمعا في مالها اتمني ان تكون من نصيبك ولكن اعرف كيف تصارحها في الموضوع وبالتوفيق ان شاء الله

[بنت فاميليا]

الحقيقة سوف اعتبره استغلال لانه ببساطة اختلط الحابل بالنابل نقولوا اني درث ثقة ومدتلوا درهم للكراءة ومبعد هو طالع استغلالي يسرق المال ويهرب واش حيقولو ناس حيقولو اني بهلولة وتكثر كلام ناس والكل راح يتسابقوا عليا باه يستغلوني ويقلوا هديك بهلولة ايا نجريو وهداك لسرقلي مراح يقولواا عليه والو يقولوا برك غزالها اكيد راح يسرقلها اد هي بهوللة تستاهل وحتى واحد مايقول هو خبيث وحقير لانو سرقني وانا مظلومة حيدرولي ظالمة علاه حنجوبك علاه لان اغلب ناس بنسبة 99 في المئة خبثاء ويفكرون مثل دلك رجل لسرقلي واكيد مراحش يوقفوا معايا بل حيوقفوا معاه لانهم هما كيفه

ولهدا متظلمهاش اد موافقتش عليك فقد تكون طيبة لكنها لا تريد ان تقع لحما في ايدي ذئاب درت روحي في بلاصتها
جميل جدا ااااااااااااااااا
99\بالمئة ناس خبثاء معناها بقى 1\ بالمئة طيبين
سؤالي نتي واحد بالمئة ولا من 99\بالمئة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[melissa lola]

خويا ربي يسهلك ماشي عيب المراة تعاون راجلها انت اعرف كيفاه تهدر معاها ماتبداهاش دراهمك دراهمك واللي تكون بنت فاميلية اكيد تعاون زوجها. وماكاش اللي ماتحبش تسكن وحدها وتدير دارها انت المهم احكيلها على ظروفك المادية وشحال تخلص واكيد هي كي تحسبها تلقى بلي شهريتك ماتكفيش وربي يجيب الخير

[hana15]

من الواجب المرأة تعاون زوجها في السراء و الضراء
و توقف معاه في وقت الشدة خاصة في أمور كيما هاذي يعني راح تبنو مستقبلكم كيف كيف

[فحلية]

لا يهم من الأغنى الرجل أو المرأة وتذكر أن سيدنا محمد صلى الله عليه وسلم كان فقيرا وتزوج السيدة خديجة رضي الله عنها وهي غنية ولم ينقص ذلك من قدره عندها ( هذا قبل البعثة ب 15 سنة يعني لاعلاقة بالنبوة وإنما أعجبها أخلاقه )
وكثيرا من الصحابة والتابعين كانت زوجاتهم غنيات وهم فقراء بل إن زوجة عبد الله بن مسعود أعطته الزكاة من مالها وهو زوجها
لا حرج مادامت النفوس سليمة والنوايا طيبة

[الزمان 03]

سؤال للبنات لكن عفوا على التدخل دخول لمشروع الزواج بثقة وليس من منطلق ضعف خاصة وأنه مرتبطة بعنصر مهم وهو المسائل المالية والتي هي في الحقيقة من واجبات الزوج ، وان تكون نيتك صافية بعض الامور تحتاج الملموس، ولا يمكن التفريط فيها لا احد ينكر أن المراة سوء كانت عاملة او ماكثة ( بنت الاصل ) تعينك وتضحي بروحها و بدمائها إن تطلب الامر لكن عندما ترى فيك الرجل لكن قبل الوصول لهذا المرحلة تحتاج لن تضحي و ليس أن تجد من تسلمك او تتفهم معك على المصاريف بدون ان تدفع ثمنه وغالبا ما يكون تراجع عن دورك في مشروع جعل الله فيه لكل طرف مستوى معين و متوازن من الحثوق و الواجبات في الاخير الله يرزق و يرزق شباب المسلمين الزوج الصالح