ابني عندو الحمة [الأرشيف] - منتديات الجلفة لكل الجزائريين و العرب

meriem04

2015-01-01, 12:34

عيسكم ابني راه صبح عندوا الحمة ويسعل شةي وعندوا ثلاث اشهر واش نديرلوا علا اني نهار الحد درتلوا الفاكسة وحارتلوا الحمة وبالدوا هبطتلوا وليوم طبيب ميخدمش ةلش نديلوا عيشكم عاونوتي راني مانيش فاهمة متين جاتو الحمة

hayam1988

2015-01-01, 13:15

اختي ادهنيه بالخل وديريلو كاطاجين تهبط الحمى مليح وانا نستعمل في زيت الزيتون و الشيح لسعلة مليح بزاف

ايمان2009

2015-01-01, 13:45

ربي يشفيه هاد الحمى تاع لاقريب خاطي تاع الفاكسا خاطر الفاكسا تدير في نهارها خودي بالك كي تبدليلو خاصة على جنابه ودرك شربيلو سيرو ايفيغالقون ولا شميعات بين كل واحدة و واحدة 6 ساعات وعسيه طول بالمحرار وردي بالك تشمخيلو راسه بالزهر ولا الخل هادوك كي تحبي حطيلو على رجليه برك

*أم جابر*

2015-01-01, 15:13

السلام عليكم اختي لبسيلو تقاشر فيهم الخل و ديريلو نصف شميعة "دوليبران" و عسيه كل 4 ساعات ماديريلوش كاطاجين قالي الطبيب ماراهيش مليحة ما ولاوش يمدوها لذراري الصغار ربي يشفيه طهور له

أم أمين2007

2015-01-01, 22:22

ربي يشفيلك ابنك ويعا فيه
راقبي الحرارة مليح وشمخيلو كرشو بالخل او ماء الكولونيا
الا ما نزلتش الحرارة اعمليلو شميعات باراسيتامول حسب وزنو
ومن الان لازم معاك شميعات ومقياس الحرارة على طول لانو الحمة ملازمة للتربية
وما تتخلعيش بزاف لازم تكوني شجججججججججججججججججاعة في التربية

mimimouni

2015-01-01, 22:38

احسن حاجة الخل في تقاشرو شمخيهم ماديريلوش في راسو
والشميعات
ربي يشفيه