كرهت شخصيتي

[مشكلتي]

سلام عليكم دخلت نحكيلكم شخصيتي ضعيفة نحشم بزاف والناس تحشم راني كرهت انا خياطة وشحال خدمة وتعبت حتي بدون مقابل وفي طبعة نسكت يعني يلي يجي يبلعطني وديمة نتكلح واش نقولك حاول نبدل عقليتي مقدرتش ولله حتي اصبحت نقعد وحدي وقطعت ناس وليت موسوسة وزيد مرنيش هملت روحي بزاف وصبت راحتي معاك في هدا منتدي يعطيكم الصحة

[حياة جلفة]

وعليكم السلام
اختي الحشمة عمرها ماكانت ضعف شخصية للمرأة ويمكن راكي تقارني روحك بزاف بغيرك فهاد النقطة (الحشمة) هادي ماهي غير جزء من شخصيتك والمقارنة خلاتك تعممي كلشي على شخصيتك انها ضعيفة
لازم تحاولي مانيش نقلك تندفعي بقوة ولكن اول الغيث قطرة لازم تبداي تعبري على رايك ابداي من الامور البسيطة بالنسبة ليك حتى للكبيرة وشوي شوي توالفي
اهم شي حاولي تتحاوري مع روحك مثلا كيما قلتي خياطة رح تتعرضي للاستغلال لانو تحشمي وديما تقولي مع روحك لوكان نطلب مقابل يقولو طفلة جشعة ومخلوعة ووووو
بصح شوفي مع روحك
ناقشي روحك انا تعلمت الخياطة صنعة ليا والصنعة مكسب رزق معناها انا لازم ناخذ حقي مقابل الخدمة اللي راني نقدمها
جربي المرة الاولى وماتهتميش لردة فعل الغير والمرة الثانية والثالثة درك تشوفي اكيفاه تعود ساهلة بالنسبة ليك
اصعب شي هو الخطوة الاولى صدقني وحتعودي فرحااااااااااااانة بروحك لانو كسرت القيد الي كان يربط
يمكن طولت في كلامي المهم ربي يوفقك ف العمل تاعك ويقويك
وماتهدريش مع روحك هكدا على اساس انو انت ضعيفة شخصية انت تحشمي صح بصحك ماكيش ضعيفة شخصية حاولي تتجنبي هاد الكلام مع روحك
وديما قولي انا قوية وجربي تطبقي خطوة بخطوة
وابتعدي على المقارنة لانها صدقيني تقتل شخصية الواحد وتخليه يكره روحو اتجنبيها وربي يوفقك

[رجل اسرة حياته]

ولله عندي نفس المشكله الحشمة هذي مشكلة كبيره بسببها ما قدرت ندير صحاب ولا قدرت نهدر مع بنات ولله حرمتني من السعاده اصبحت انسان معقد يخجل جدا من البنات لم اتزوج بسب هذ الحشمة و الخجل اعيش الحزن الكبير بسبب هذه المشكلة

[منار40]

والله نفس الموضوع حبيت اطرحو واش راحين انديرو لكن الحشمة مليحة والله الحشمة دلالة على النية الصافية وربي يخلينا هكا كامل والله اختي حقك ما تخليهش ايروخح انتاع لخياطة هدا حقك مي اعرفي كيفاه اديري وتتعاملي مع الناس الي ما يخلصوكش وربي يكبر رزقك في لحلال ان شاء الله

[كلنا راحلون]

حياء مليح عند مرأة ومهلا في عملك لا لا لا في بعض مواقف لا مكان لوضع احاسيس وعواطف هاد عمل تجارة لا هادي عمتي خالتي جدتي فصلتي خياطة ادي عرق جبينك


وصبت راحتي معاك في هدا منتدي


ركزي على حياتك يومية وضعي اهداف.لا تركزي على منتدى صح انسان يستفاد منو اكثر

[أم عبد الله السلفية]

الحياء لا يأتي الا بخير

[حبيبة زوجي 25]

استهل مداخلتي هذه بالمثل الشعبي ... الذي يقول : الحشمة تزوجت وجابت .......... اضنك اختي تعرفي هذا المثل لذا اقول لك كل شيء في مكانو وكل انسان يدي حقو في هذ الدنيا نوضي وافطني على روحك . عذرا على كلامي هذا ممكن لا يرضي بعض الاعضاء .

[طالبة علم شرعي]

سلام عليكم

هناك الخجل وهناك الحياء
الحياء شيئ جميل وله مواطن لكن اختي الكريمة ليس على حسب كرامتك
يجب ان تكوني قوية ولا تستهيني بنفسك ولا تعتبري نفسك ضعيفة ابدا
فضعف المراة هو سر قوتها
في عملك لا يوجد مكان للمشاعر ,, الا من رحم ربي فالانسان مرات يلتقي باناس تستحق ان نتساهل معهم دائما
لكن اختي كل وله مسؤوليات ومصاريف تثقل كاهله لذا احزمي أمرك ولا تتراجعي
اختي لا تهملي نفسك ابدا بسبب الناس ولا تابهي لكلامهم
اقول لك امرا

من لم يعط لنفسه قيمة ويحترمها لا يتوقع هذا من الاخرين
انت بشر كغيرك ولك عقل يمكنك تمييز الجيد من السيئ
اعيدي بناء حياتك من جديد وتوكلي على الله واستخيري في كل خطوة
وتذكري انك ان خطوت كل خطواتك بصدق وتوكل على الله عزوجل فالله لن يخيب ظنك ومن حفر حفرة لك سيقع فيها

لا تفقدي الامل استمعي للقران الكريم لانه اعظم دواء
واستفيدي من المنتدى قدر المستطاع بالايجاب طبعا واقرئي المواضيع من زاوية تجعلك متفائلة كي لا يؤثر عليكِ سلبا

كان الله في عونك
موفقة

[G I R L]

صح الحياء يدير القدر للناس بصح سمحولي اللي قالوا الخجل مليح كاين فرق بين الحياء والخجل
الخجل حاجة ماشي مليحة باسكو تخلي الناس تتحكم فيك
انا عانيت مشكلة الخجل كانوا الاساتذة كي يحكوا معايا يولي وجهي حمر ومانعرفش نهدر
كنت كي نطلع للسبورة نولي نرعش ويحمار وجهي مالجري ههذي حاجة عاديةة
بصح تخلصت منها كي وليت في المتوسطةة قادرة تكون مليحة في اوقات واوقات اخرى لا يعني انا نحكي لي كان يصرا معايا

وبالنسبة ليك ختي الحل تاع مشكلتكك انك تولي تحكي مع الناس آلوغ غالط اللي درتيه كيما قطعتي علاقتك بالناس ووليتي تقعدي وحدكك ماشي لازم تعالجي مشكلة باكبر منها وتاع هملتي روحك لا لا راكي راحة تروحي مشكلة اخرى وحطي ثقة في نفسك وكوني قويةة

[اخلاص المخلصة]

صحيح أختي الحياء شعبة من شعب الإيمان وجميل أن يتحلى به الإنسان المؤمن ،لكن ما تحدثت عنه هو خجل وليس حياء فعليكي أختي أن تعزمي على التغيير وأن تتفبلي نفسك أولا فهؤلاء البشر يريدون كل شيء دون مقابل لكن أنت تتعبين لهذا من حقك أن تأخذي أجرة .
حاولي أن تتغيري إجعلي شرع الله منهجك وتقبلي شخصيتك وغيري ما لا يعجبك فيها وهو الخجل الزائد .،وإياك والعزلة لأن الإنسان إجتماعي بطبعه وعليه أن يتعامل مع الناس يصبر على أذاهم ويتعلم من دروس الحياة
وفقك الله

[first first]

عجبوني اغلب الردود ....الله يبارك
صحيح اختي الحشمة مليحة والحياء كنز..........................لكن الحياء من الله اولا والحياء من فعل اشياء منكرة وليست لها صلة بالمروءة
يعني لي يجي يبلعطك؟؟؟؟؟؟؟؟الناس اختي ماتبينيلهمش اكي نيه بزاف.............ولي ماتثقيش فيهم عامليهم برسمية وتفنني في وضع الخطوط الحمراء .
عندك ضعف...............والحقيقة اختي ماشي نعاير فيك رانا كامل نضعفو وكامل عندنا نقاط ضعف...........لكن الاكيد اختي ان لقوة يمكن ان تكتسب.
حاولي .....................علابالك اختي؟ ....................انسانة بحياءك وحشمتك والخير لي فيك ................كون تقوي شخصيتك شوية برك تولي قمة
حاولي.............الناس مريضةعقليا وشفاها ربي.....................انت شوية حشمة ماتخليهاش دخلك في قوقعة وتعتازلي الناس...............والله هادو لي قلتي بلعطوني ............اضعف منك ومايسواوش بصلة............مناه لي يسوا صح مايبلعطش والحشمة يحطها فوة الراس وقليل عليها
الله يعطيك ماتتمناي اختي الغالية

[om mohamed 1960]

احتكى بالناس تكلمى ناقشى موضوع فى جماعة.اينسبة لخدمتك من حقك تدى الاجرة.

[fethi viet]

الحياء في المرأة جمال وفي الرجل فضل

[NAWEL44]

اختي الحشمة مليحة للمراة لكن الحشمة عندها مواضع ماشي لدرجة تخليك تسمحي في حقك على حساب نفسك ضروري تحاولي تتغيري لمصلحتك

[azo mohammed]

لازم تبدلي العقلية لازم تبدل الصحبات وتوكلي على ربي

[azo mohammed]

رب يكون في العون

[ساجدة لرب العزة]

اصبري وفراااااااااااات

[غير هام]

السلام عليكم

انا كنت كتر منك نحشم وبالشوية راحت الحشمة السيئة لي كانت مخليتني دايما روطار وليت نقعد مع روحي ونقول عادي لازم وهادي لا حتى قدرت نواجه شوية

[زبدة ذايبة]

شوفي يا لعزيزة مع احترامي لك

لو كان كنتي اختي بنت بابا ويما لوكان عطيتك زوج كفوف

هذا جياح هذا هدي ماشي حشمة متغلطيش روحك كيما راهم الناس يغلطوك

كنت خير تكوني عبدة ليهم يستعبدوك خيطيلهم وسيقيلهم وكاما هذا باااااااااااااااااااااااااااااااااااطل وين صرات هذي.


فيقي لعمرك وخليك من هذ الرخفة اللي راكي فيها

تخدمي خياطة وتزيدي تمدي دراهمك للناس في بلاست مايخلصوك الناس تخلصيهم انتي

يعطوهولك قماش وترديه لباس وماتخلصيش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شوفي البشر كامل كيفكيف واحد مايخوفك واحد مايزلحبك على حقك

وإذا ماكنتيش قادرة على مواجهة الناس بطلي هذ الخدمة على الأقل تربحي راحتك ومايقولوش كاين خياطة جايحة تخدم باطل


راني عارفة قسيت عليك مبصح ياحنونة مانحبش هذا لنفسي ولختي ولأي وحدة ثانية مهما كانت وانت وحدة منهم.

قيمي روحك يقيموك الناس. وهوني روحك يعفسوك وتولي انت وهذيك النشاف كيفكيف

[زبدة ذايبة]

اصبري وفراااااااااااات

على واش تصبر خير تنفض الغبار على عمرها


الحياة وحدة وتزيد تعيش مدلولة ؟؟؟؟؟

[رقة قلب]

السلام عليكم و رحمة الله تعالى و بركاته

اختي ما تسمعيش ليقولولك الحشمة مليحة لي حشمو ماتو هاد لمثل قالوه ناس بكري ما تخلطيش بين الحياء و الحشمة الحياء لازم و جاء به ديننا لكن الحشمة ليست من ديننا ديننا يامرنا اننا ننتناقش و نضع بصمتنا كامسلمين في جميع امور الدنيا عليك بالتقرب لله عزوجل هو من يساعدك اكثري من الصلاة و الدعاء الدعاء و الله هو المستعان

[زبدة ذايبة]

ماتزعفيش مني

راني نعتبرك مثل أختي وربما ابنتي

ماكاين حتى حاجة في هذي الدنيا تستاهل تخافي منها هذا خوف ماشي حياء لازم تفرقي مليح بيناتهم على خاطر يتشابهو

ماتخافيش أبدا كي تطلبي حقك على خاطر هذوك الناس اللي تسمحيلهم فيه يسبوك ويضحكو عليك ومايستاهلوش تخافي منهم.

الإنسان الأصيل أبدا مايأخذ حق غيره أبدا أبدا

الإنسان النذل يصطاد الفرص لإذلال الناس وابتزازهم وأخذ مالهم

وانت تتعاملين مع شرائح مختلفة وربما أكثرها النوع الثاني فانتبهي لنفسك


نكتبهالك كبيرة [COLOR="Red"]ماتخافيييييييييييييييييييييييييييييييييييييييييييي يييييييييييييييييش منهم واطلبي حقك منهم

أولا أطلبي نصف المبلغ عند استلام القماش والنصف الآخر عند تسليم الثوب وماتعطيهولهمش حتى يجيبو الدراهم وإذا فيه أي مشكل عدليه وصلحيه بعد ماتاخدي دراهمك

مالك أولا ثم تسلمي الثوب. ويهدرو عليك واش يحبو يقلو " مسمارة ، يقولو يالاطيف منها تموت على الدورو" خير من هاذيك جايحة وطنهة