انصحونى

[phi]

السلام عليكم إخوتى فى الله
أنا تعرفت على شابة من ولاية أخرى انا من بلعباس وهى من معسكر المهم عجبتنى وعطاتنى رقم تيليفون تاعها بديت نحكى معاها وقالت لى انا معجبة بك المهم مع مرور الايام قلت نعيطلها بنيميرو واحداخر ونشوف عيتلها البنت تضحك وفرحانة انا اسمى عمر قلتلها انا صاحب عمر وعجبتينى قالت لى عندى حبيبى من معسكر الصدمة الاولة هنا
عيتلها قلتلهاراكى اوكيبى قالت لى صاحبك دربلى وقالى نتعرف عليك وقتله نخرج مع واحد من معسكر قلتلها كان يدربلك قوليله نخرج مع عمر دربتلها بنيمبر المزيف وقاعد تضحك كعاى وتلعب قالتلى نخرج مع عمر قلتلها هاداك خلاط
بلعانى نشوف ردت فعلها دارتنى فى rejiter
دربتلها قلتلها مديريش عليه قلتلها خاطينة النسا قالتلى لا صاى جاته على قلبها المهم قعدت ندربلها بنيمبرو المزيف ونحكى معاها وهى مافاهما والو وتقعد تهدر فى المهم بنيمير المزيف قلتلها عمر صاى كملتى معاه أى خرجى معايا قالت لى لا سبيته سب كبير الله يغفر لى
مرت الايام جات لبلعباس دربتلى وقالت لى عمر سمحلى هاداك خلط بيناتنا وهى ماعرفاش بلى غير انا درت هاد القصة
انا قلتلها معليش ولينا مع بعض قاتلى عمر خاصنى دراهم قلتلها ماكاش مشكل عطيته راحت لمعسكر مر يوم لتكون المفاجئة بدلت نيميرو تاعها المهم هى دروك راهى فرحانة وانا مهموم
راهى تبانلى نروحلها لمعسكر ندربها راسى راه يقولى حشاتهالك مرة دات الدراهم وراحت
وباغى نتوب من هده العلاقة المحرمة
لكن ليقلى نرد المضلمة لاهلها ليق نقولها بلى انا لسبيتك ماكان مة صاحبى نى والوا
وليق نقول لصاحبى لمثلت سمحلى
انصحونة علما خده المرأة خالتها جارتنا وكان تجى لبلعباس شندير

[phi]

انصحونى إخوانى

[سجل أنا جزائري]

ما نكذبش عليك ما فهمت والو
غير دربتلها و دربتك و صحبك دربلها و هي دربتلو ؟!

[بنت فاميليا]

كي تجي لبعلباس ما دير والو ....يا أخي توب من هاذ الحرام لي راك فيه ....شيلا ضربتها وضربتلي ومن بعد سمحتلها وعطيتها دراهم وووو
يا أخي توب لله جل وعلا ونسى قاع هاذ البنت واهتم بالمفيد في حياتك

[Floona]

انت راك تخلق فالمشاكل كيما هداك لي عندو حل ويحوس على مشكل

وانت علاش قاتل روحك وتعيطلها بنومرو واحد اخر وانا صاحب فلان ونعرف فلان ومعلاباليش

من الاخير عاجبتك الطفلة روح اخطب ماعجبتكش اخطيك منها

راك تمرض في روحك وتمرض فينا معاك

[phi]

خوتى انا قاتلى نبغيك قلت نسييها عيتلها بنيميرو واحداخر
قاعد تضحك وتلعب ماعارفاش بلى أنا
انا لغاضتنى دات دراهم وراحت حشاتهالى

[phi]

خوتى خالتها جارتى كان دحى لبلعباس شندير راسى راه يعطينى وحد الافكار خطيرة انصحونى

[ام نهوله]

ما فهمت والو

[نوريات]

خوتى خالتها جارتى كان دحى لبلعباس شندير راسى راه يعطينى وحد الافكار خطيرة انصحونى



وعليكم السلام و رحمة الله
الواحد كي يحب يبني أسرة ، كي يحب يتزوج ، ما يديرش هكا في بنات الناس
الطفلة ماهيش لعبة تلعب بيها و تفسّدها و مبعد تقول هي من الأصل فاسدة وغير حشاتهالي
أنت على ما يبدو عجباتك المرة الأولى من الناحية الجمالية فقط، ما حوّستش تفهم على أخلاقها
ضمنت النيمرو تاعها و خلاص، و دخلت معاها في المعمعة هاذي
لو كان جيت ناويها في الحلال لو كان راك هدرت عليها مع خالتها للي راهي جارتك ،
زوج خطوات بعيدة عليك ، هي تقولك كيفاش مدايرة بنت أختي
مش تبدى اللبنة الأولى من حياتك المستقبلية بتمسخيرة ، زعما علاش تعيطلها بنيمرو آخر ؟
باش تشوف إيلا راهي تخون فيك زعما ؟؟ تسمَّى حاب تدِّيها وأنت من الأصل ماكش مرتاح من جهتها ؟؟
كيفاش تتصور مالا حياتك بعد الزواج منها ؟ كل يوم تديرلها حكاية بالتلفونات وكل مرة تخلقلها اسم جديد و تبقى تعسّ فيها ؟

ثم ، مادام هي دارتلك rejeter و استعرفت أنها تحبك ( يعني تحب اللي اسمو عمر ) ، معناها كانت تبغيك
بصح أنت بدل ما تهنّي روحك و تتفاهم أنت ويّاها و تخطبها ، عاودت عيطلتها بالنيمرو هاداك و سبّيتها !
هي وش دارت في بالها ؟ تقول هادا صاحب راجلي المستقبلي قاعد يسبّ فيا !
يعني راجلي راه من درك سامح فيّا و مخلّي الناس تطيحلي في قدري !

لو كان جيت أنت في بلاصتها ، و سبّاتك صحبتها، ما يغيظكش زعما الحال ؟؟
أكيد يغيظك الحال و تعاركها ، طيب هي مبعد قاتلك سامحني، و طلبت منك دراهم ،
والله أعلم وش دارت بيهم الدراهم ، المهم بدلت رقمها و سكّرت باب القصة وعندها الحق

ممكن اكتشفت الخدعة للي كنت أنت لاعبها عليها بالتلفونات ، ممكن غاضها الحال منك ومن صاحبك الخيالي
كيفاش طفلة حابة تولي أمّ تبدا حياتها بالمشاكل هاذي؟ أكيد ما تقدرش ، أكيد تنسحب وما عندكش الحق تمنعها
خاطر أنت مُفتعِل مشاكل من دون فايدة تُرجى ، و الله يعلم إذا راهي فرحانة ولا مهمومة باكتشافها الحقيقة

أنت غلطت في حقها بزاف، و ظلمت نفسك و ظلمتها معاك، وما يحقش عليك تضربها خاطر ما عندها ما دارتلك
الدراهم ربي يسامحها راهي حاجة تتعوض، كيما انت سبّيتها في التلفون كيما هي أخذت من عندك مال و ما رجعاتوش
في زوج غالطين ، واحد ما يقدر يلوم خوه . نصيحة لوجه الله يا أخي بطّل من هاذي الحكايات
وانسى الطفلة راهي مش من مكتوبك ، وما تحكيش لخالتها خاطر أنت راك غالط في حقها كثر منها

مادامك بهاذي العقلية ، يبانلي مازلت صغير باش تكوّن عائلة و تربّي وليدات صغار
دير حاجة في الدنيا هاذي تنفعك ، ونهار تشوف روحك قادر تتحمل مسؤولية الأسرة
وقادر تحب إمرأة و تعيش معاها بالقدر و تجيب أطفال هاداك النهار روح اخطب الطفلة للي عجباتك
ايلا قبلت و قبلو والديها بيك اللهم بارك، و ايلا ما قبلوش خيرها في غيرها ، و ربي يغفرلك و الله الموفق

[الفايسبوكي]

ربي يهديك و انصح الاخوة المشرفين بحذف الموضوع