ارجوكم ارشدوني اني في ورطة

[مشكلتي]

لدي ابنة اختي عمرها سبعة عشر سنة حالتهم مزرية فقالت لي اختي لوكان لقيتي شكون يحوس علا امراة هاهي بنتي وراكي تعرفي الحال فادا بااخد زوجي قال انا نديها وتمت الخطبة والزواج والان هي حامل في شهرها الثاني وهي تسكن مع لعجوز وسلفتها فاصبحت المشاكل واخر مشكلة اليوم سلفتها داتهالها وحشرت عليها زوجها وظربها وقاللها اخرجي من الدار ةالله علا حاجة تافهة ورجلها انقلب ظدها ةببابها ةيماه قالو احنا ما نسقوهاش ترجع حالتها ما تسمحش وابوها شرس ودرك راهي عندي والله حالتها تقطع القلب حاولت نرجها بكل الطرق قالل لالا نقصنا من رواحنا من كل الشيئ حسبيا الله ونعم الوكيل من فظلكم ارشدوني انا نسكن بعيد علا دارنا من فظلكم ارشدوني واش هو الراي الصحيح وحسبيا الله ونعم الوكيل علا الظالم

[*وردة الشرق*]

اختي العزيزة نظن انك لازم تهدري مع راجلها وحدو على انفراد ولو روحيلو للشارع او الخدمة وما تياسيش برب رايح يتفهم وننصح بنت اختك مادام راهي عايشة مع العائلة وهما مايخافوش ربي تسكت وما ديرش المشاكل وقوليلها اصبري كما صبرو لي قبلك لكن كوني متيقنة انك رايحة تستقلي لكن بالمساعفة والصبر كل واحد ديه على قد عقلو باش تعيشي هانية وربي يوفق

[salem1985]

ربي يفرج عليك ان شاء الله ويهديهم عليها والله رانا في زمان قلت الرحمة والتعاطف بين الناس الي يلقاق ياكلك ربي يهدينا امنيتي اني نلقى وحدة كيما هاك ونسترها ونكون ليها كل شئ في حياتها بصح لغالب كي هي مزوجة ما نقدرش لانو المجتمع ما يرحمش ووالدي ما يكونوش لجانبي ما نقدرش والا لو كان راني سترتها المهم ربي يفرج عليكم وكاش ما خصها رانا هنا نعاونوها موش مشكل ربي يوفقكم

[ام نهوله]

مع كل احترامي 17سنه ما زالت صغيره بزاف على الزواج و المسؤوليه واش بيكم الزواج ماراهش عرس و قاطو و تصديره
اسمحيلي و الله ماعلابالي واش ننصحك انشالله يفيدوك المداخلات اللي مورايا

[conductrice]

والله يا اختي نتمنلها الخير بصح هذي نهاية متوقعة لان في الاول امها عرضتها للزواج يعني ما جاش وحده وهو تباله دار فيها ميزبة وسترها وابنت صغيرة وما تعرفش الله يجيب الخير
انت في هذ الحالة عندك حل واحد رفدي البنت وديها لدار رجلها الله يسهل عليها يديها لدار باباها برجله ولا يدبر راسه والحمد لله البنت والديها عاد عيشين ما راحش تتقاس في الزنقة .
الله يهدينا وسلام

[رانيا لوك]

ربي يفرج عليك ان شاء الله ويهديهم عليها والله رانا في زمان قلت الرحمة والتعاطف بين الناس الي يلقاق ياكلك ربي يهدينا امنيتي اني نلقى وحدة كيما هاك ونسترها ونكون ليها كل شئ في حياتها بصح لغالب كي هي مزوجة ما نقدرش لانو المجتمع ما يرحمش ووالدي ما يكونوش لجانبي ما نقدرش والا لو كان راني سترتها المهم ربي يفرج عليكم وكاش ما خصها رانا هنا نعاونوها موش مشكل ربي يوفقكم
الله يكثر من امثالك خويا والله درت المستحيل انا وراجلي باش نرجعها ولكن هيهات ولا تبخل علينا بنصائحك وجزاك الله الفردوس

[naamane3]

علمي بنت اختك اذكار الصباح والمساء
ثم علميها ان تكثر من الاستغفار
ثم علميها ان تصبر
وانا اضمن لك انها اذا فعلت ما قلت لك
ستكون ملكة في بيت زوجها قبل
ان تضع مولودها
والله المستعان

[salem1985]

خلاص تشوف كاش حرفة تتعلمها مثلا في التكوين المهني وتعاون روحها باش ما تكونش عالة على عائلتها وربي يصبرها وتربي وليدها وتتهلا فيه هو الصح ورايح هو يكون راس مالها وكان تحتاج اي حاجة رانا هنا نعاونوها حتى ربي يفرج عليها

[16sabah]

السلام وورحمة الله وبركاته

ماذا اقول لك يااختى كثر الظلم فى مجتمعنا وخصوصا البنت لما تتزوج لا فرق بين كبيرة وصغيرة لكن المراة اذا تزوجت يجب ان تكون حذرة من المكائد
وتحاول قدر المستطاع كسب ود زوجها لكن هذه البنت مازالت صغيرة ولم تفهم بعد كيف تجري الامور حتى وصل الامر بزوجها ان يضربها
افهمى ابنة اختك ان علاقتها بزوجها هى الاهم لو استطاعت ان تكسب زوجها وتزيد من محبته لها وتقديره اياها لما تمكنت سلفتها من فعل اى شئ

[قلبي جميل]

ربي يفرج عليك ان شاء الله ويهديهم عليها والله رانا في زمان قلت الرحمة والتعاطف بين الناس الي يلقاق ياكلك ربي يهدينا امنيتي اني نلقى وحدة كيما هاك ونسترها ونكون ليها كل شئ في حياتها بصح لغالب كي هي مزوجة ما نقدرش لانو المجتمع ما يرحمش ووالدي ما يكونوش لجانبي ما نقدرش والا لو كان راني سترتها المهم ربي يفرج عليكم وكاش ما خصها رانا هنا نعاونوها موش مشكل ربي يوفقكم

باين عليك راك حنين الله يبارك ربي يكثر من مثالك ربي يرزقك ويرزقني بالزوج الصالح

[قلبي جميل]

مع كل احترامي 17سنه ما زالت صغيره بزاف على الزواج و المسؤوليه واش بيكم الزواج ماراهش عرس و قاطو و تصديره
اسمحيلي و الله ماعلابالي واش ننصحك انشالله يفيدوك المداخلات اللي مورايا

واش بيكي يا مخلوقة هذه مكتوبها الزواج في 17 سبحان الله
وثاني شيء كون قدمتيلها نصيحة ماشي خير

[نورالهدى بيولوجيست]

17 سنة و زوجتيها؟؟؟؟؟؟؟؟؟؟؟؟؟؟؟؟؟؟؟؟

راكي ظلمتيها بهذا القرار للأسف

خليها عندك و شوفي بالاك راجلك يتدخل و يسوي الامور
و ربي يسها ان شاءلله :(

[عبد الله 22]

السلام عليكم مؤسفا جدا ، اهم أمر و الاسهل عليك هو الدعم لها لأن في كل الاحول الانسان ضعيف لكن عندما يجد دعم نفسي من طرف محيطيه يمكن ان يقاوم، أرجوا أن تكوني الداعم لها بأذن الله تلقيه في عائلتك و ولادك ربما قد يشكل عبئ عليك لكن حاولي دعمه نفسيا وبأنك معها بالكلمة الطيبة والايجابية بالتوفيق و الله يسدد امرك لمساعدتها من كان في حاجة أخيه ؛ كان الله في حاجته ومن فرج عن مسلم ، فرج الله عنه كربة من كرب يوم القيامة

[رانيا لوك]

السلام عليكم مؤسفا جدا ، اهم أمر و الاسهل عليك هو الدعم لها لأن في كل الاحول الانسان ضعيف لكن عندما يجد دعم نفسي من طرف محيطيه يمكن ان يقاوم، أرجوا أن تكوني الداعم لها بأذن الله تلقيه في عائلتك و ولادك ربما قد يشكل عبئ عليك لكن حاولي دعمه نفسيا وبأنك معها بالكلمة الطيبة والايجابية بالتوفيق و الله يسدد امرك لمساعدتها من كان في حاجة أخيه ؛ كان الله في حاجته ومن فرج عن مسلم ، فرج الله عنه كربة من كرب يوم القيامة
hامين يارب العالمين ولا تنسونا من دعواتكم

[nilly]

نهدر صح صح هل هده مشاكل حقيقية
هل يوجدنتاس هكدا راني نشوف كل مشاكل المتزوجين في هدا القسم كلها متشابهة دائما رجل وحش جاهل يحتقر المراءة والمراءة ضعيفة بدون كرامن تعيش فقط لكي تاكل وترضى بالدل والمهانة

ارجوكم جاوبوني كاين منها واش راكوا تحكوا وادا كاين منها قلولي وين يص ا كامل هكدا

[كلنا راحلون]

نهدر صح صح هل هده مشاكل حقيقية
هل يوجدنتاس هكدا راني نشوف كل مشاكل المتزوجين في هدا القسم كلها متشابهة دائما رجل وحش جاهل يحتقر المراءة والمراءة ضعيفة بدون كرامن تعيش فقط لكي تاكل وترضى بالدل والمهانة

ارجوكم جاوبوني كاين منها واش راكوا تحكوا وادا كاين منها قلولي وين يص ا كامل هكدا


ههههههه اختي نيلي هاد وقت لي حب يعيش حياتو مع زوجتو سكن مستقل وخط احمر مع جارات :)




ونزيد شي ولا تخبرو الماما

زوجة جزايرية تحب استقلالية -مملكة زوجية- ومش عيب زوج يديها للمطاعم -قلت لا تخبرو الماما

[nilly]

ههههههه اختي نيلي هاد وقت لي حب يعيش حياتو مع زوجتو سكن مستقل وخط احمر مع جارات :)




ونزيد شي ولا تخبرو الماما

زوجة جزايرية تحب استقلالية -مملكة زوجية- ومش عيب زوج يديها للمطاعم -قلت لا تخبرو الماما




تيري تيري تيري احم احم الو الو شكون معيايا مامات ايمن ايه شكون انتيا انا نيلي شكون نيلي نيلي من كوكب الجلفون راكي تتمسخري فيا يا ابنتي لالا حاجة بعيد على قدرك املا شكون انتي ولا نقفل تلفون يالحاجة اصبري برك شوي انا نيلي من اعضاء يي كوكب الجلفون ابيمن ايضا .شكون ايمن ابنك واش بيه وليدي واش صرالو ماصرالو والو راه كاتب حاجة وحاب تعرفيه وتش هالمنتدى واش راكي تقولي .تي تي تي قفلت تلفون ومقدرتش نفهمها :sdf::sdf: احتاج الى مساعدة هنا نجدة اطيعوني انقدوني

زعما عندها لا فيشور:confused:

[أمة الله 12]

حسبنا الله و نعم الوكيل
الغلطة من والديها اللي كسرولها جنحيها، نوغمالمو أمها كانت تحرص على قراية بنتها ماشي طيشها قصدي تحوسلها على راجل و هي ف ١٧سنة، و زاد كملو عليها ........... راجلها و عيلتو، كاين ربي ف الدنيا

ربي يفرج عليها مسكينة

[رانيا لوك]

نهدر صح صح هل هده مشاكل حقيقية
هل يوجدنتاس هكدا راني نشوف كل مشاكل المتزوجين في هدا القسم كلها متشابهة دائما رجل وحش جاهل يحتقر المراءة والمراءة ضعيفة بدون كرامن تعيش فقط لكي تاكل وترضى بالدل والمهانة

ارجوكم جاوبوني كاين منها واش راكوا تحكوا وادا كاين منها قلولي وين يص ا كامل هكدا
نعم اختي كاين منها والي حكيتو قليل والله المستعان

[فحلية]

ربي يصلح الأحوال إن شاء الله
أتمنى أن تجدي حلا لمشكلتها وذلك بالدعاء والإستغفار ( مفيد ونافع بإذن الله )