طلب لي مشرفي قسم الطبخ

[ام فروحة]

السلام عليكم ورحمة الله وبركاته اردت ان اطلب منكم ان كان في الامكان تخصيص قسم بطريقة تنقية وسلق جميع انواع اللحوم الحمراء والبيضاء والاسماك فمثلا انا زوجي جابلي البولب وماعرفتش كيفاش نقيه وحتى بالنسبة لطبخاته ولجات لمنتدايا بالطبع ولم اجد فبحثت في النت ووجدت والحمد لله ولكني انا من متتبعي هذا المنتدى وكل شيء عرفته منه حتى وليت ماهرة والحمد لله في الطبخ كل حاجة صيتها وطيبتها والحمد لله خرجت ماتحشمش لاني ربت بيت جديدة وكنت مانعرف والوا كنت لاهيا غير بدراستي ولكني الان لكل من يسئل اجيبه عن الطبخ ههههههههههههههههههه واذا لقى طلبي القبول انا اول من تشارك فيه فيما يخص كيفية طهيه وغسله وطبخاته للاسف لا استطيع وضع الصور له لخطرش ماصورتش والسلام عليكم ورحمة الله

[ام فروحة]

السلام عليكم ورحمة الله وبركاته مقبول منكم تجاهلكم لموضوعي ولكن معليش نعطيكم كيفاش طيبت البولب اول حاجة نسخن الماء في القدرة ثم نروح نقيه نقلعله مصارينه لي جاين في الراس ومين تولوا تنقوا فيه غادي توجدوا حبر اسود يتلطخ في يديكم سبحان الله هذاك يستعمله البولب باه يدافع عن نفسه عادي غسلي يدك مليح وصي بعد ماقلعتيله مصارينه ديريه في الماء الغالي غادي توجدوا لونه تبدل للبنفسجي عادي يدي شوية طياب في القدر من ساعة الى ساعة ونصف على حسب الحجم مين تشوفوا اللحم بدا يتفزر عرفوا بلي طاب وانا سمعت بلي لازم نضربوه قبل مانديروه في القدر باه يطيب بلخف ههههههههه ثم نسلخوه عادي جدا غير بيديك غادي توجديه ابيض ناصع من الداخل هذاك هولي ياكل وللمعلومة مافيه لا عظم ولا حتى شيء يعني ياكل بما فيه تبغي تقطيعه دوائر وديريه في صوص طماطم او بالارز وشهية طيبة

[ام فروحة]

اما بالنسبة لمارينا اي ثعلب البحر احرصي كل الحرص من اسنانه لانها جد حادة وممكن تسببلك نزيف انا عن نفسي خليته يبات حتى لصباح باه سلخته علقته كيما الكبش وشرحه بالموس من الرقبة وتعاونت انا وزوجي ربي يخليهلي وسلخناه ثم حليتله المعدة تاعه وقلعت مصراينه وهو معلق ثم شللته بالماء وقطعته قطع صغيرة في الشوك بكثرة ولكن بنين لدرجة لا تتصور انا شرحة كل قطعة ودرت فيها التتبيلة الحميص والحار اي الهريسة والثوم والملح والكمون والزعفران غي شوية والكروية وخلطتهم بزيت الزيتون وليتهم في التتبيلة ربع ساعة ثم قليتهم حاجة ولا اروع في المذاق ورافقته ببطاطا مقلية وزيتون مرقداته

[*أم كوثر*]

اختي لم نتجاهل طلبك ..... فقط لم يكن بالقسم المناسب
بصحتكم الطبخة المهم سلكتيها

[أم محمد تاج]

رووووعة باريت كانو الصور حنوونة ام فرووووحة

[ام سهام 02]

شكراااااااام فروحةيعطيك الصحة غيراليوم لشفت موضوعك

[ام فروحة]

للاسف سيدتي ام محمد تاج لم اصور نسيت لكني نوعدك اذا صيد راجلي من هذه الانواع غادي نصورها

[oum hanin]

سلام اختي وبصحتكم
والله احنا بعاد على البحر ب200كلم يوصلنا السردين برك ولا الحو

[ام فروحة]

معليش اختي راني هنا رواحي عندي ونشبعك حوت مشي خسارة فيك