حكايتي لتتعاود ديما

[الراغبة فى رضا الرحمن‎]

السلام عليكم
والله مللت من هده لحكاية لتتعاود ديما معايي
سوا يظلموني لعباد أو أكون أنا ظالمة نمرض وألازم الفراش
ننسى معنى راحة ونعذب روحي
منقدر ندير والوا لا أكل ولا نوم ولا ولا ولا............

كرهت شخصيتي بالمختصر
هل يوجد شخص مثلي وأي نوع أناااااااااا؟؟؟؟؟؟؟؟؟؟؟؟؟؟

[مريم الصابرة]

السلام عليكم أختي
مشكلتك إنو عندك تّأنيب ضمير زايد وتبقاي تفكري فنفس المشكلة وما تاكلي ما والو وعلاه هل الاكل هو السبب انا نقول من المفروض تشوفي حل للمشكلة او إنت ظلمت حاولي تصلحي الامر لو ما كانش إقبال من الطرف الآخر على الأقل إرتحت ودرت اللي يهني ضميرك او في حالة ظلموك نن المفروض تكوني مرتاحة اكثر تستناي كلمة سامحيني ولو ما قالوهاش يكفي إنت ترقدي مرتاحة
اختي نقولك ما تخميش فالمشكلة وتعطيها اكثر من حجمها لانك تمرضي فروحك وحاجة ما تستاهل
كلنا نمرو بالحالة اللي راكي تمري بيها ولكن مرة على مرة اما كل مرة ومع ظالم او مظلوم لا هنا نقولك إنت الغالطة تضري فروحك

[samar alil]

ana nafs cho3or mi lgit hal ano wila dalmoni la3bad nwakal rabi wila dalamt la3bad najri lihom wnotlab samah manhom wila magabloch nroholhom mara wzoj wa3 marat almohim ana ndir li yrayahni dolm dolomat yawmo algiyama hada li nkhaf mano

[mouadezzine]

السلام عليكم
ختي لكريمة
في اعتقادي أنك من الناس اللي يخبيو في قلوبهم
وما يحبوش يواجهو مشاكلهم باش يلقاولها حل.
أختي لازمك تكوني قوية وتزيدي ثقتك في نفسك
وماتهابيش مثل هذي المشاكل.
ماتنسايش حالتك هذي رايحة تضرك في صحتك
وتكوني انت الخاسرة في الاخر
ربي يكون في عونك
.........
الله يفارقنا بلا ذنوب

[الراغبة فى رضا الرحمن‎]

جزاكم الله خيرا على المرور ونصائح
شكراا لكم

[الراغبة فى رضا الرحمن‎]

أين أنتم !

[الراغبة فى رضا الرحمن‎]

المشكلة أنهم يعتمدون الإصرار على طلب السماح ضعف ويستغلونها ضدك
والله بعد أحيان نقول غير لوكان كان قلبي حجرة منحس منبكي منتعدب

[sarah_2008]

هههه والله يا اختى رانى كيفك مشكلة صغيرة نبقى نخمم فيها و نعانى من تانيب الظمير بصح الفرق انا انو انا يستغلونى الناس المقربين جدا منى بسبب الطيبة الزائدة لى وديفوا نقول لوكان غير جيت واعرة و قلبى حجرة مانرحم ماوالو هكدا لوكان رانى عايشة غاية

[rafik20799]

ربي يسهل السلام عليكم................

[conductrice]

والله اختي ركي تغبني روحك بزاف ما تاكلي ما ترقدي لالا بزاف عليك
ديري في بالك بلي ماشئ هذ الحل للمشاكل مهما كانت
أفضل حل الصلاة والدعاء وقرأة القرآن

[ادرة مكنونة]

الحل هو انك متعذبيش روحك اذا غلطت استسمحي واذا ضلمك احد ضلم كبير دافعي على نفسك اذا مقدرتيش خليها على ربي ديما اصلحي كل شئ ان شاء الله تعيشي لاباس وتكلي وتشربي وترقدي

[وحي المساء]

أختي العزيزة
لا تغذبي نفسك الغالية وقلبك الكائن بين ضلوعك
خاصة اذا كنت مظلومة....
استعيني بالله ووكلي اليه كل أمورك
هكذا هي وحي المساء
لأنك من بعد رايها تتعبي وراكي قلتي بلي ماكيش توكلي ولا حتى ترقدي....
يسر الله أمورك

[madame lrs]

شوفي يا ابنتي
أنا في مقام أمك يعني عندي بنتي ذات22 سنة ممكن أنت في مثل سنها أو أقل
نصيحتي الا تعيري اهتماما بتصرفات تصدر من أناس قد تكون بدافع الغيرة أو نقص في الثقة بالنفس واعملي بالحكمة القائلة _ الباب اللي يجيك منه الريح سده واستريح_ الحياة و الرزق بيد ربي سبحانه وليس بأيديهم
فمن راقب الناس مات هما
حاولي الابتعاد عمن يسيء اليك

[آية هبة الله]

يا ختي متغبنيش روحك الحل خليها على ربي هو يعرف كل شيء و ما يفرطش في عباده ........بالدعاء والذكر