مشكلة زواج من سورية

[مشكلتي]

انوي الزواج من فتاة سورية لا اعرفها رايتها في الشارع في المدينة تبيع المناديل يعني كطريقة لتجنب التسول ..
مباشرة بعدما رايتها تاثرت لحالها وقلت والله لو تكون عفيفة اتزوجها ..جميلة وملامحها بريئة وانا ظروفي صعبة ...عايش وحدي نغسل نطيب نظف عييت شوية ...... ميسور ماديا محتاج امراة ...كنت ناوي على بنت بلادي جزائرية لكن ...امكانياتي لا تسمح لي ثم اني مقطوع من شجرة ......
مرانيش ناوي ندير لا عرس لا اي شيء .....نعطيها مهرها و نعقدو عند الامام ونجيبها لداري لاني عييت وحدي .
المعاقين ذهنيا والمستهترين والملائكة عدم الرد

[..بسمة أمل ..]

خويا اذا كنت ناويها في الحلال هاذي حاجة مليحة بزاف وانا نشجعك باش تتزوجها على سنة الله وانت مراكش مقطوع من شجرة احنا كامل عايلتك

[amine60]

بصحتك يا خويا و الله السورية فوور بزاف أنا لوكان عندي شوية تاويل نجيبها سورية تاني كيما يقول المثل عاند ولا تحسد هههه
مبروك عليك مسبقا خويا

[مراد سابقا]

مبروك عليك اخي

انا بإذن الله ايضا ساتزوج سورية او اجنبية

واكيد ستدخل التفتيات وتقلن لك ماضي الفتاة لا تعرفه...............الخ

ولمااذا لا تتزوج جزائرية

تزوج سورية وبالتوفيق

الحسن والجمال والضرافة

[ندى الصبح]

اخي ربي يسهلك امورك ويفتح عليك بزوجه صالحه تكون عونك على امور دينك ودنياك
بصح اخي لا تهمل عده اشياء
ما عندكش شكون تسقسي عليهها وفرضا ما تحوسش تسقسي عليها لازم تكون متاكد بلي غدوه ما تقولكش نرجع لبلادي واهلي :confused:
وتاني استفسر على دينها السوريين مشي كيما حنا عندهم بزااااااااف الطوائف فانتبه كثيرا لهذه النقطه غدوه تجيب اولاد وتربيهم على عقيدتها واذا ما كانتش سنيه راهو مشكل عظيم
في الاخير نقولك ربي يهنيك ويفتح عليك

[مسك القعدة]

خويا أحييك على تفكيرك يعني أنت فكرت فيها باه تجنبها الشارع أحسن من الناس لي تفكر في سورية لجمالها
نقولك مبروك عليك وربي يتمللك إن شاء الله
رايح تربح أجرين أجر إتمام نصف الدين وأجر إنقاذ الفتاة من الشارع ربي يوفقك

[ام نهوله]

ادا راح تتزوجها على سنه الله و رسوله فموفق وربي يسعدك معاها
اما شبابنا اللي ردو عليك و عقدوهم بنات بلادهم نقوللهم ربي معاكم و ربي يرزقكم ببنت الحلال عربيه او اجنبيه المهم تخاف ربي فيكم

[أناييس الربيع]

استخر الله وتقدم لخطبتها

وبالهنا عليك وان شاء الله تكون من نصيبك

[أم احمد3]

اذا انت تاثرت لها في الشارع انا ايضا اشتريت منهن مناديل فهذا يعني ان زوجي اريضا تاثركما تاثرت ... يا لهوي كما يقوا المصريين


سارفع من هنا صوتي يا لهــــــــــــــــــــــــــــــــــــــــــــــــ ـوي .......يا معشر الشباب الخذاع

كاين بنات قبايل متشرط والوا والوا.................... راهم عندنا بزاف


لكن اقول لحالتك هذه يا لهـــــــــــــــــــــــــــــــــوي بالي.......


المشاعر الكذابة والحب الاعمى

[اخلاص المخلصة]

رب ابسر لك ما فيه الخير ويجعلها زوجة صالحة

[طموح متجدد]

وفقك الله لما فيه خير لك..

[فريال العلمية]

ربي يهديكم يا ولاد بلادي
دايرين الفتيات الجزائريال فع كيف كيف و نسيتو بلي عندكم خواتاتكم و عندكم يماتكم

اعرفو حاجة وحدة الطيبون للطيبات و الخبيثون للخبيثات هادي ربي قالها يعني المراة لي تتزوجو بيها على حساب قلوبكم

[فريال العلمية]

اسمحلي نسيت الموضوع و لا كانت هادي السورية من مكتوبك واحد ما يبعدها عليك و الف مبروك مسبقاااا

[بنت لبحر]

بصحتك السورية تتهناو بعضاكم

[melissa lola]

خويا استرها وادي اجرها وربي يكملك وتكون بنت فاميلية

[سلمى_2008]

ربي يوفقك الى مافيه خير يارب اذا كانت نيتك طيبة طبعااا وزيد انت قلت نعقدو عند الامام ؟؟؟؟ومدنياا؟؟؟ بلاااك تلعب بالطفلة ؟؟؟ اولا عليك ان تتكلم معها وتشوف ديانتها وزيد احكيلها على وضعيتك وصارحا المهم الاساس يتبنى على الصح موش الكذب وزيد خخم مليح كيما كاينة سورية تبيع محااارم كاين جزائرية كذلك تبيع محارم وهي ثاني راح تقبل بضروفك وانا متأكدة من ذلك خخم فيها مليح وفي الاخير حاابة نعرف اااخر القصة كي تحلها نتمنى تكتبلنا موضوع وتقوللنا كيفاه جازت الامور مجردد فضول فقط

[mrmilano1984]

خويا والله العضيم كي قريت موضوعك فرحت بزاف انك لقيت الحل اخير لااجنبية ولاجزائرية الاجنبية عقليتها فاسدة وتحب كل شيء تمشي بعقليتها وتحب اولادها يكونو مسيحيين مثلها اما الجزائرية تعيش معاك فوق القلب والعقل وزد غر يتشرطو والمشاكل والمهر الكبير ولابارور وزد وزد حق الكباش والصوف ووووو العشاء ووو
اما السورية ماتكلفك كثير زائد هي جميلة ومتسولة طبعا تؤجر كثيرا
لاتضيع الفرصة لانو ع الجزائريات دائما مشلكل معها مع عائلتها ووووو هدم وجود حب حقيقي وماتدركش في عقلها اصلا فما بالك قلبها ماتقدرش تعرف اسكو تحبك او لا من قلبها

[mrmilano1984]

اخي اتكل علي ربي ولاتضيع الفرصة مادامهم هما السوريات فقط اسال عن ديانتها بالضبط وتجنب الشيعيات اوك وتخاف فقط تطالب العودة لوطنها ووو هدا ماكان اما من ناحية الاخلاق والضرافة فعلا شفتهم السوريات رزان بزاف ومش متكبرات كما تاوعنا تحب تعبش مع لي يتخيلو عقلها وقلبها زعما باه تتزوج تبقا غر تقلب وتقلب تلقاها من 18 حتي 30 سنة وهي تقلب وتشرط في مواصفات فارس احلامها لي تضل تتخيل فيه كي ماتلقاه او تلقا شباب يتقعدو بها انو علابالهم بلي الطفلة هادك ماراحش تدرو في قلبها يرميها ومن بعد تلقا فقط لي يجي يتزوج به حتي ولو يعجبها بعقلها وقلبها لانو خلاص فات القطار

[محمد جديدي التبسي]

وين المشكل المهم تقبل هي بيك وتكون متخلقة وان شاء الله تلقى تسهيلات قانونية ربي يفتح عليكم

[سفيان01]

السلام عليكم...
أخي الفاضل عليك ان تتأكد من عقيدة الاخت اذا كانت مسيحية ام مسلمة؟؟وإدا كانت مسلمة عليك التأكد من طائفتها هل هي سنية ام شيعية؟؟؟وايضا عليك التأكد ان كانت متزوجة وعلى ذمة رجل ام لا؟؟لانه من الممكن ان تكون متزوجة وزوجها في سوريا مثلا؟؟؟المشكل في الزواج من السوريات هو الغموض الذي يكتنف ماضيهن....والي فيها الخير والصلاح ربي يسرهالك....اخوك سفيان

[mrmilano1984]

نعم تاكد خصوصا من دينها زائد اجراءات الزواج من سورية لااعلم صراحة كيف تتم

[عبد الله 34]

كما قالو الاخوة صلي صلاة الاستخارة
ولي فيها خير يديرها رب العالمين

[salem1985]

ربي يوفقك انا ثاني راني عيت نحوس واخرتها راني نشوف نجيب سورية ونهني راسي خير من المقلشات انتاع البلاد

[adillo]

ربي يسرلك امورك اخي الفاظل ومتنساش صلاة الاستخارة
راهي تبالي ندير كما انت اخي الفاظل

[khawlita.dz]

واين المشكلة المهم ان تكون مؤهلا للزواج وتتحمل مسؤوليتها ومسؤولية اولادك بادن الله فلا يتخد وضعها الحرج سببا لحرمانها من حقوقها
فاكيد يوما ما وان تحسنت ضروف بلدها فمن حقها زيارة اهلها وصلة رحمها
تؤجر عليها وتتخدها حليلة تاكد من ديانتها قبل ان تصارحها
لا تنسى الاستخارة قبل هدا كله وان شاء الله توافق وتجمعان بالحلال ببيت واحد
مبروك مسبقا
وبالتوفيق

[عابد لله]

أنا ساقول لك عكس ماقاله الكل
اتق الله في نفسك وخليك من الاحلام. إذا كنت تحلم بعبارة " ابن عمي" وتقبرني" و يكون صهرك الزعيم ابو صالح او ابوشهاب والفنطزية قا خليك. رايح تندم وترتكب حماقة لم ترتكب مثلها ولن ترتكب مثلها في المستقبل هذا إن بقي لك مستقبل. لا يوجد ما هو افضل من الجزائريات والجزائري قراة وليست دولة ويمكنك أن تجد ما تريد. ترديها شرقاء يوجد مئات الآلاف. ترديها طويلة يوجد من تجاوز طجولها طول مايكل جوردن. ترديها سمينة يوجد من لا تدخل إلا من القاراج. ترديها طيبة يوجد منهم ملايين. كيفما ترديها ستجد منها لآلاف. وفكرة أنك تريد انقاذها من الضياع هو مجرد حديث شيطان لان زواجك من جزائرية بنفس الحالة افضل على الاقل تضمن انها لن ترحل بالمستقبل ولن تكون مسحية او شيعين او لا دين لها.
اعد التفكير وسوفو تجد أنك مخطئ.

[سلمى_2008]

أنا ساقول لك عكس ماقاله الكل
اتق الله في نفسك وخليك من الاحلام. إذا كنت تحلم بعبارة " ابن عمي" وتقبرني" و يكون صهرك الزعيم ابو صالح او ابوشهاب والفنطزية قا خليك. رايح تندم وترتكب حماقة لم ترتكب مثلها ولن ترتكب مثلها في المستقبل هذا إن بقي لك مستقبل. لا يوجد ما هو افضل من الجزائريات والجزائري قراة وليست دولة ويمكنك أن تجد ما تريد. ترديها شرقاء يوجد مئات الآلاف. ترديها طويلة يوجد من تجاوز طجولها طول مايكل جوردن. ترديها سمينة يوجد من لا تدخل إلا من القاراج. ترديها طيبة يوجد منهم ملايين. كيفما ترديها ستجد منها لآلاف. وفكرة أنك تريد انقاذها من الضياع هو مجرد حديث شيطان لان زواجك من جزائرية بنفس الحالة افضل على الاقل تضمن انها لن ترحل بالمستقبل ولن تكون مسحية او شيعين او لا دين لها.
اعد التفكير وسوفو تجد أنك مخطئ.


بااااارك الله فيك اخي ونعم الكلااام نفس ماقلته انا ان كانت هناك سورية تبيع المحارم هناك جزائرية تبيع المحارم وراح تقبل هي ثاني بوضعيتك لذلك الجزائرية اولى وربي
يوفقو الى مافيه خير يارب

[anissa90]

مبروك مسبقا هكذا لكي ترجع بعد اسابيع او اشهر في قسم مشكلتي او منتدى المجتمع لتكن عبرة لكل جزائري لحاب يدها سورية