بصراحة ما هو السبب في تأخرك عن الزواج ؟

[saddam02]

السلام عليكم و رحمة الله تعالى و بركاته
رأيت أن جل شبابنا يقع في هذا المشكل
أرجو أن تكون التدخلات مفيدة و يكون النقاش جاد و نخرج بفكرة جيدة لحل هذه الأزمة

الكل مدعو ليروي لنا تجربته المتزوجين و غير المتزوجين
بصراحة ما هو السبب في تأخرك عن الزواج ؟
هل يعاني المهاجرون من تكاليف الزواج الباهضة ؟
يضن الكثير من الناس ان المهاجر قادر على الزواج بكل سهولة
وإعمار بيت في الجزائر وبيت في الخارج واقامة عرس فخم ؟
ماهي أفضل طريقة لاقامة زواج غير مكلف
الانسان اصبح محتار مش قادر على تكاليف الزواج
وفي نفس الوقت نار الفتنة في الخارج حتى الفتنة اللي في الجزائر
والله لا تختلف عن فتنة الخارج
.
.
.
.
الحل الوحيد اللي أعرفه الان هو ما تكثرثش الدوران ارقد النهار واخرج في الليل ؟

حل رائع أليس كذلك؟
ننتظر الكثير من التفاعل
شكون منكم ما قاسوش هذا المشكل؟؟؟
نساء و رجال

[عبدالرحيم75]

من وجد بنت ذات أصل شريف لا تغلى عليه التكاليف
لأن سيدنا محمد صلى الله عليه وسلم يقول " تزوجوا فقراء يغنيكم الله "

[adillo]

بصراحة ما هو السبب في تأخرك عن الزواج ؟ هو لايوجد اول شيئ العمل وثاني شيئ هو المسكن وهدا هو بيت القصيد الذي بسببه كل ما اريد ان اخطب اتذكره اتراجع
لا اظن ان المهاجر قادر على هدا الشيئ ولو حتى كان يملك المال لا اضنه يسرف مبلغ كبير من المال على حفل فخم
المفاهمة بين الطرفين من الاول
الحل هو الواحد يخدم على روحوويسرزق وعلاش حتان يولي يرقد النهار وينوض الليل"وَجَعَلْنَا اللَّيْلَ لِبَاسًا * وَجَعَلْنَا النَّهَارَ مَعَاشًا" وكاينة حاجة اخرى اخي الفاظل هو يحفظ ميم تحفظو وكلشي بي المكتوب يلى كتبلنا ربي نكملو نص دينا نكملوه ويلى مكتبلناش ربي نستناو ربي يدي امانتو ربي يرحلنا رحول العافية

[الأزرق الملكيّ]

السلام عليكم
أحيانا البعد قد يكون سبب
ان شاء الله صيف المقبلة أتزوج من بنت من بريطانيا ونحكم داري ونهني روحي
بالنسبة لي ليس تأخر في الزواج جاء في موعده مازلت صغيرون :rolleyes:
اما من يعاني في التاخر الزواج ربي يسهل إن شاء الله ويعجلهم أمورهم .

[oum sohaib]

المفاهمة بين الطرفين من الاول

[nasser26]

المشكل هو : السكن

[عابد لله]

الحمد لله لدي السكن والعمل لكني كلما اعجبتني احداهن تقول إما أن تكون عاملة أو تردي العمل وانا بالنسبة لي العزوبية ولا الزواج من عاملة. وليس من السهل أن تجد ماكثة لانهن لا يخرجن ومن تطلب مساعدته لا يحسن الاختيار.

[محمد جديدي التبسي]

المشكلة في الزوجة الصالحة التي تقبل بظروفك وترضى بالقليل

[amel03l]

الحمد لله لدي السكن والعمل لكني كلما اعجبتني احداهن تقول إما أن تكون عاملة أو تردي العمل وانا بالنسبة لي العزوبية ولا الزواج من عاملة. وليس من السهل أن تجد ماكثة لانهن لا يخرجن ومن تطلب مساعدته لا يحسن الاختيار.

المفورض الرجل يزوج على مرته عجبها الحال صح ما عجبهاش تقدر تروح تخرج من الباب اتو من القاراج. يعني الاحسن يروح يدير علاقة محرمة ويدخل جهنم لكي ترضى " لالاه". اعوذ بالله
اسمحلي مع كل احترماتي لي تشوف تعليقاتك ووجهة نضرك ياالزواج بالتانية يا علاقة محرمة وحدة ماتقبل تتزوج بيك. ما تنساش برك كي تخطب عرفها بوجهة نضرك ..وانشاءالله ربي يمدلك على حساب قلبك

[amel03l]

السلام عليكم
أحيانا البعد قد يكون سبب
ان شاء الله صيف المقبلة أتزوج من بنت من بريطانيا ونحكم داري ونهني روحي
بالنسبة لي ليس تأخر في الزواج جاء في موعده مازلت صغيرون :rolleyes:
اما من يعاني في التاخر الزواج ربي يسهل إن شاء الله ويعجلهم أمورهم .


رسول الله صلى الله عليه وسلم يقول : إنما الأعمال بالنيات وإنما لكل امرئ ما نوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها أو امرأة ينكحها ، فهجرته إلى ما هاجر إليه . رواه البخاري ومسلم .
ربي يوفقك تتزوج بريطانية .ممكن صح تكون كيما نقولو حنا ني دين ني ملة .مي بزاف شابة و حتة و حاجة تخبي على حاجة الانسان ما يكونش طماع ما يديش كلشي . و كل شخص و المواصفات لي يحوس عليها في الزوجة ديالو. ربي يوفقك . فكرتني في اية بزاف نحبها و عندومغزى كبير انشاء الله تفهم المغزى منو راح تفهم علاش في ابريطانيا عندهم كلشي و حياة كريمة باش كي يحاسبهم ربي مايظلمهمش حبيتو الدنيا و المتاع ديالها راكو ديتو واش حبيتو
قوله تعالى : من كان يريد حرث الآخرة نزد له في حرثه ومن كان يريد حرث الدنيا نؤته منها وما له في الآخرة من نصيب

[نورالهدى بيولوجيست]

انا في ال29 من العمر :1:

قد اكون قد تأخرت عن الزواج في نظر البعض :confused:

لكن بالنسبة لي ماني متأخرة ماوالو راني هانية بحياتي و لاباس عليا :19:

مابين دارنا و خدمتي نحاول مانغضبش ربي ، حافظة شرفي و رافعة راس دارنا ربي يدومها عليا ان شاءلله ;)

لأنو مش بيدي اني نزوج روحي و الفرص لي جاتني ماكانش لي نندم عليها يا لوكان نوصل للـ50 :cool:

و أملي ديما كبير اني ندي لي يصلحلي مهما تأخر و اذا ماجاش ثاني الحمدلله ربي يصبرنا و يعوضنا ماخير :) :D

[جنة الله]

اميييييييييييييييييييييييييييييييييييييييييييييييي ييين

[salem1985]

انا 29 الحمد لله راني موظف ولدي مسكن والحمد لله ولكن الي نتقدم ليها تقول لي راني مخطوبة حتى ظنيت راني موش في الجزائر ربي يهديهم

[منار40]

الزواج قسمة ونصيب كل واحد دزك يدي نصيبو ورزقو لما العجلة واهم حاجة في هدة الدنيا الصحة ري يرزقنا الصحة والعافية

[wafwaf8471]

el dirassa fil jami3a hiya lsababe l awale fi taakhori

[16sabah]

الحقيقة ان التاخر فى الزواج لم يعد مشكلة فى الوقت الراهن سواء بالنسبة للرجل او المراة على حد سواء المهم هو العثور على الشريك الذي يكون اهلا كى يتم معك مشوار الحياة انسان صالح متفهم محب صبور يكون قرة عين لك هذا هو المهم والاهم وكل شىء بعد ذلك يهون
انا عن نفسى تزوجت بعد ان جاوزت الثلاثينات انا الان ام وانعم بحياة هانئة مع زوجى ولله الحمد والمنة لكننى
لم اركز كثيرا على الماديات فى بداية حياتى الزوجية سكنت فى غرفة مع اهل الزوج زوجى لم يكن لديه سيارة بدانا من نقطة الصفر

[thamourth]

الفيــــــــــــــــــــــــــــــــــــــــــــــ ــــــــــــــــــزا

[منار40]

ممكن مازال ما لحقش المكتوب

[jiji17]

والله الدنيا فيها العجب
من كنت قاعدة في الدار ( قبل ما نجيب الباك ) يجيني واحد يقولي نحوس على وحدة خدامة
وكي جبت الباك قلولي نحوس على وحدة قاعدة في الدار والله العظيم ثلاثة

[jiji17]

من وجد بنت ذات أصل شريف لا تغلى عليه التكاليف
لأن سيدنا محمد صلى الله عليه وسلم يقول " تزوجوا فقراء يغنيكم الله "


بارك الله يك ورزقك الله زوجة صالحة

[karimivanov]

المشكل هو : السكن + مصاريف الزواج اصبحت لا يقدر عليها bezzzzzzafffffffff

[allamallamallam]

lالمشكل هو قلة العروض والزواج من خارج المنطقه

[عبد الله 22]

البداية عدم وجود عمل مستقر ثم غياب صاحبة الحظ السعيد (هههههه)

[aerhind]

المشكل هو : السكن
يعطيك الصحة هاذي هدرة

[aerhind]

المشكل هو : السكن + مصاريف الزواج اصبحت لا يقدر عليها bezzzzzza

لازم المراة العاملة باش يتعونو في زوج مع سلال دار التقشف خلات

[aerhind]

المشكل هو : السكن + مصاريف الزواج اصبحت لا يقدر عليها bezzzzzza

لازم المراة والرجل يخدمو و يتعونو مع سلال دار التقشف ربي يستر

[aerhind]

البداية عدم وجود عمل مستقر ثم غياب صاحبة الحظ السعيد (هههههه)
كل شي بالمكتوب قادر ايكون خظك انت الي سعيد

[aerhind]

الزواج تعاون بين الزوج و الزوجة والنية هذا ماكان الشعب الجزائري كامل ماشي حاب يزوج ايحب الطاكسي والدراهم و التحواس يأكل ويمونجي ويسنا في الكونجي

[karimivanov]

لازم المراة والرجل يخدمو و يتعونو مع سلال دار التقشف ربي يستر

oui oui avec la politique ta3 el takachof c bon c'est la catastrophe nchalah rebi yjibe el khir hada makane

[ABDOU ELE]

ما زال الحال.....كل شيئ في وقتو مليح

[noeddin]

الزوجة الصالحة التي تقبل بالظروف

[لحن الحياة.]

بصراحة بصراحة ..............



ما جاش لي اعصابو كونجولي ...........حلمي الله غالب

[anfal10]

هاذا مكتوب ربي انا راضية تمام الرضا , انا تجاوزت الثلاثين يعني غير مرغوب فيها هاهاهاهاها:d انا عن نفسي لم اجد بعد الرجل المناسب و آخر همي الماديات ,لكن حدثت معي حكايات كثيرة في مجال الخطبة لم يكتب لها النجاح صحيح انها تؤلمني كلما تذكرتها و اقول في نفسي احظي السيء يلاحقني في كل مكان ثم استغفر الله مرات و مرات و افوض امري لخالقي و اقول الحمد لله لعل في ذلك خير و اترك كل انسان يريد تاليف الروايات عن من هم في مثل سني و تاخر زواجهم الحرية التامة في تلفيق الاكاذيب فيوما ما سنحاسب على كل كلمة و كما تدين تدان ,,,,,
فكما قالت الاخت ,التي تدرس يقولون لها لا تكملي الدراسة و العاملة حبسي الخدمة و لي قاعدة في الدار ما يحوسوش عليها تناقض كبير المهم هاذا بيد الله عز و جل و لا تقنطوا من رحمة الله و ربي يرزق كل المومنين,

[نارينا]

ببساطة لغياب الاستعداد النفسي للزواج

[aerhind]

rabi yastor bark

[ولد حمد الباتني]

زوالي ......

[nilly]

انا متزوجة ولم اتاخر في زواجي يعني تزوجت في الوقت المناسب وعرسي كان عرس صغير كان بابا حاب يديرلي عرس كبير بصح قتله هدا عرسي واناا منحبش تخسرو كامل درهمكم علجال يومين وكنت واثقة بلي راح يكون هرس مليح ونفرح بزاف وصح هدا لصرافالحنة عرضنا غير الاقارب ودرت لحنة وكلاو مليح وزهينا غاية وفي اليوم ثاني عرضنا الاقارب والجيران المقربين وصديقاتي واصدقاء اخواني وناس الحي عرضنا كل بيت نعرضوا الام والاب يعني الكبار برك وممنوع يجيو ولادهم وكان عرس هايل ومحشمتش وكنت نمشي ونمشي والخير تساقط من هنا وهنا والحلويات قالولي صحاباتي هما ليديرولي وصح فالاول كنت متوترة بلاك متكفيش بصح كل واحد جا للعرس رفد سنيوة في يدو وكلاو بشبعة وبقات حتى مديناها كي حلاص ابعرس وماما دارت البقلاوة والمقروط باه يشربوها بتاي وابابا دبح زوج كباش وخالي زاد شرا لحم صافيكل واحد كلى زوج حقوق نتاعلحم وحتى بقا وكل واحد قبل مايروح لدارو يدي ككسي ومعاه لحم ويديه لداره وشوية فاكهة وحتى الفاكهة جابولي عمومي وخوالي وكلش جابوه ودرنالهم سالد دي فروي لان توفرت كثير من الانواعوحنا قلنا نديره غير كسكسي وسالد حبصح كي شفنا الخضار دخلت بزاف يعني جابو كامل درنا اطباق متنوعة والحمد الله ماكلة كلاو اكثر من اي عرس . وكنت انا نسرفي ومدرتش روحي عروسة وحتى جا وقت تصديرة وليت زعما عروسة وتصدؤت ب 7 تصديرات جبة قسنطيني وهراني وقبايلي ومغربي ومنصورية وهندو وكراكو وانا شريت غير تصديرة واحدة وثلاث شراهملي خويا الكبير وخالتي شراتلي واحدة وصديقتي شراتلي واحدة كادو ومرت عمي شراتلي واحدة وبنت عم زوجي كانت حفافة صافي كانت معايا وكل تصديرة تحاول تغير من المشطة نتاعي الحمد الله تصدرت بكلش مليح وغالي ودرت هرس هايل ورقصنا وضحكنا حتى الخامسة نتاع صباح

اما زوجي دار عرس كبير وعرض كامل غاشي بصح كي شاف عرسي قالي هايل وعرسه هو صامت قاعد حشمان من كتر ناس
وبابا صرف في عرسي 10 ملاين برك وناس اغلبهم مدولي دراهم ماشي كادوهات وقليل القليل لجابو كادو ودخلولي اكثر من 10 ملايان وانا مديتلهم كامل لبابا مخديتش حتى دورو بابا لدار عرس وهو ليخدهميعني في الاخير ربح مد 10 وربح كثر من 10 كي شغل مخسر والوو بلعكس الحمد لله على كل حال

[منار40]

انا كل ما يجي خاطب انكون مقتعى بيه يدخل اخي وما عليا الى السكوت لاني لست من النوع الجريءواحترم راي اخي لانه هو دراعي الايمن واسانده لكن في بعض الاحيان اقول في نفس وعلاه يدرلي هكا ونقول كل شي مكتوب ربي

[nassim vip]

كل شخص و ظروفه وانا كل ظروف محاطة بي الله يستر