هل ساكون في نظره كاذبة

[مشكلتي]

تبدأ قصتي من يوم خطبتي التي مر عليها السنة لكن تكمن مشكلتي في اسمي فعلى ورق هو فلانة و ينادونني باسم آخر هو المعروف ..فخطيبي كل هذه المدة لا يعرف اسمي لانني اخجل من اسمي فهل لابد ان اخبره و ماذا سيقول عندما يعرف ذلك ،خائيفة من ردة فعله لاننا نتشاجر دائما عن اسباب تافهة.و لا نتكلم باسابيع فماذا لو قلت له ذلك .

[ام نهوله]

الاسم ليس مشكله ادا كنت فتاه محترمه و لكن في حالتك الشجار سيكون لا محاله لانكما و كما ذكرت تتشاجران لاتفه الاسباب
و بالتالي سيكون اسمك من الاسباب التافهه التي ستتشاجران عليها

[محمد جديدي التبسي]

أظن أن خاطبك لن يعجبه أمر إخفاء اسمك الحقيقي عنه
أما وإنكما تتشاجران لأسباب تافهة وأنت مخطوبان فقط فماذا بعد الزواج؟!
ربي يفتح عليكم..
بما إن اسمك يسبب لك مشكلة يمكنك طلب تغيير اسمك
يمكنك الاطلاع على هذا الموضوع لمعرفة الاجراءات الواجب اتخاذها:

http://www.djelfa.info/vb/showthread.php?t=172687

[oumhana]

اسمحيلي أختي مي انتم قوم متخافوش كفاش عام مشي نهار مشي 2ومقلتيلوش على إسمك ولو بالقجمة ؟ اسمحيلي هذي مفهمتهاش إلا جرأة ولاواش .زيد لو كان قلتيلو ككنت جديدة مقار يتقبلها أما اليوم كفات عام وركي قلت تتخاصمو لأتفه الأسباب إمال وجدي روحك وإذا بالنسبه ليك هذا امرتافه هورايح يعمل منو مشكل كبيرومايسكتش هذي رسمي ولافوت تاعك اسمحيلي ختي نتوما تاع درك vous vous noyer dans un verre d'eau. هي لوكان جات مع الأول مفيها والو بصح دركه تكعرير كبير و ربي يستر.

[first first]

شوف اختي نحاول نعاونك.........
والله يااختي هادي حاجة كون قلتيها من الاول.......................ومادرتيش منها قصة....................دوكة اكي تشوفي .............زدتي عقدتيها على روحك.
نرجع للهدرة تاع العقل دوكة...............منطقيا ...............ااسمك خامسة ولارابعة ماشي عيب.......................راهو اسم مانكدبش عليك نقلك يهبل وكون تزيد عندي ط فلة نسميها بيه.. ..............لكن والله ماتحشمي بيه وتعقدي حالتك.......................وتقبليه ....................ياو والله الناس تتقبلو عادي........خدي الامور ببساطة.
معناتها اختي العزيزة ....................قوليلو الحقيقة وماتخافيش..............وكي يقلك علاش خبيتي............قليلو الحقيقة التانية وهي انك حشمتي من اسمك ............ومالقيتيش الفرصة باش تهدري.
وديري شوية ثقة في النفس ............ادا زعف ماطاحتش السماء على الارض.........الناس شخصيات.
ونقولك حاجة اخرى ......................متنسايش..........اداكان الكذب ينجي ............فالصدق انجى.
مع اني مانشوفش فيك كذابة ........انت عندك2اسماء .....................قلتيلو اسم ومازلتي ماقلتيش الاسم التاني.............هذا ماكان.
يعني قلتي نصف الحقيقة وان شاء الله توصليلو النصف الباقي.................. وفقط.
Bon courage

[hicham batna]

ان شاء الله يكون خير ربي يوفقك في زواجك

[منار40]

السلام عليكم يا اختي علاه راكي معقداتها هكا والله نورمال قوليلي اسمك ياك واش بيه اسمك مليح ثاني حاجة قادرة تبدليه وامهيش حاجة انتاع الي تكبريها في راسم صح غلتي كيما ما قولتيليوش اسمط الحقيقي مي نورمال قوليليو حشمت والله نورمال يا اختي وربي يهنيك ودعوه خير منك

[chandgoura]

الافضل ان تخبريه بكل سلاسة ودون تكبير الموضوع يا خامسة

على فكرة هناك اسماء اكثر كارثة من اسمك

هناك اسم رقادية

تحياتي لك

[شذا العطور15]

عادي صارحيه ماكان حتى مشكل
والي مكتوب عند ربي ميغيروش لا اسم ولا شيئ

[****AMIRAK****]

اذا كانت المشاكل بينك و بينه كثيرة في فترة الخطوبة و لاسباب تافهة نعطيك نصيحة راجعي نفسك في اتمام الخطوبة او فسخها و ديري استخارة ،اما حكاية الاسم مصيرو يعرفها يعرفها اذا كملتي معاه ؟؟؟ و قوليهالو بطريقة كانك ماكنتيش عاملة للموضوع اهمية و ماكنتيش حاسبة انه الموضوع مهم بالنسبة ليه و فهميه انه مجرد اسم و انه الاهمية فيك انتي ، و لا كانك تحسبيه عارفها ( مثلي شوي تجنبا للمشاكل ههههههههه ) سلااااااااااااااام

[عفاف عفة]

السلام عليكم ....
أختي وما العيب في إسمك؟ ....إذا كان يزعجك لهذه الدرجة غيريه في المحكمة ....فلدي صديقة غيرت إسمها ....او اخبريه عن إسمك الحقيقي واطلبي منه ان يناديك سمية مثلما يفعل من يعرفوك ....
في امان الله

[اﻻء الرحمن]

السﻻم عليكم
شوفي ختي هو راح يعرف يعرف درك وﻻ من بعد كي تروحي تعقدي راح يعيطولك باسمك...
انتي حاولي تقوليلو ولو على سبيل المزاح واذا ما عجبوش الحال فتاكدي بللي هذا نا تستناي منو والو بعد الزواج
صلي صﻻة الاستخارة وان شاء الله خير

[..بسمة أمل ..]

لوكان جيت انا في مكان خطيبك نزعف و نفسخ الخطبة كيفاش عام كامل و ميعرفش كي يكون اسمك واش يكون قوليلو انتي و لا داركم احسن ما يسمع من جهة اخرى

[nouna l maghbouna]

ههههههههههه
و جايا تسقسي فينا؟؟
عام كامل مايعرفش اسم خطيبته و تشوفي فيها عادي؟؟؟
غير شوفي كيفاش تجيبيهالو بضحكة و في وقت يكون مليح
المهم الحاجة اللي نوصيك عليها هي الصراحة

رانب حابة نعرف اسمك و الله ههه

[salem1985]

التفه الاسباب تديروا عليها حرب انا والله تمنيت نلقى طفلة الي تدير حساب كيما انت ربي يبارك

[nilly]

كاين نورمالمو تقوليلو على اسمك بصح مكنش مشكل قوليلو بلي نتس يندوك ياسمك الحالي واسمك الحقيقي لا تربطكي به صلة وهو خاص بالاوراق فقط وانتي تعرفتي عليه باسمك الحالي

وادا علجال يخليك على جال اسم فلازملكم في زوج رصاص بين عينكم
ياخي حالة

[salam algeria]

السلام عليكم
جيبيها في سياق الكلام و لا اجبدي كاش ورقة فيها اسمك و كي يسقسيك قوليلو ظنيتك تعرف بلي عندي زوج اسماء خذيها ببساطة باش ما يتغشش عليك

[أمة الله 12]

كيما قالولك الأخوات جيبيها بضحكة في وقت مليح، انتي في روحك خذيها ببساطة
اذا قالك علاه ماخبرتينيش من قبل، ردي باااااااااالك تقوليلو نحشم باسمي، قوليلو راهو مرتبط بالأوراق الرسمية انتي في روحك ناسياتو خلاص،
حشمتك باسمك، دليل على انو ثقتك بنفسك قليلة و هاذي طيح شوي من قيمتك في عينو

أنا كيفك عندي ٢ أسامي، اسمي الرسمي مودرن و اللي يعيطولي بيه ف الدار جدي ربي يرحمو هو اللي حب يسميني بيه -اسم واحدة من زوجات الرسول عليه الصلاة و السلام- لكن خطيبي يكرهو لأنو اسم واحدة فامي ليهم يكرها، في الخطبة جتني سلفتي و هو كان قلهم ع اسمي الرسمي برك و سمعت ماما تعيطلي باسمي الثاني، كانت المخلوقة قاعدة كالم خلاص و كي سمعاتو طارت من بلاصتها و ضحكت قاتلي كون يسمع خطيبي يقتل روحو، المزية قلتلها اللي راهو علابالو و راني مخبراتو من قبل، ثمة سكتت

و هاذي حكيت هالك باه تتعلمي اذا كتب المكتوب مابيناتكم عمرك ما تخبي عليه حاجة و لا ديري حاجة من وراه مهما كانت صغيرة

[فحلية]

الصراحة منذ اليوم الاول ضرورية
ولكن ابدئي الآن ولا تنتظري أكثر

[starsolitaire]

salam hadha elli kbal ezouaj ma y kelmekch semana wou zouj ghir choufi ghyrou

[الجليس الصلح]

مادمت متعودة علة شجاره فالأحسن ان تخبريه في أقرب فرصة وليكون ما يكون
ان يريدك حقا يقبل عثراتك العفوية والا فالفراق أفضل قبل عقد الزواج
كان الله في عونك أختي والرأي لك