وصفات لبنات الجامعة [الأرشيف] - منتديات الجلفة لكل الجزائريين و العرب

مشاهدة النسخة كاملة : وصفات لبنات الجامعة

غزة رمز العزة

2014-12-27, 11:16

السلام عليكم
اخواتاتي من فضلكم اعطونا وصفات لبنات الجامعة اللي دايرين الاقامة واكيد ماتكونش نتاع الفرن باسكو تعرفو ماكانش فرن هههه وتكون سهلة هاكا خير من الماكلة نتاع المطعم

NOUR IMAYA

2014-12-27, 12:48

والله غير تديرو فينا خير كبير ...

اختي غزة وين تقراي؟
+
أنا مرات نطيب روز ونديرلو تون و بيض وفروماج ومرات حتى نديرلو المنيوم ونديه معايا للفاك بويسك ننخرجو على 12 ونبداو على ال1
مام تقدري تسكرفجي بطاطا وديريلها بيض وفروماج وزيتون وديريها ف مقلة علة نار هااااااااااادية باه تطيب مليح

مرات ندير اندومي ..وضرك راني نفكر نشري les soupes من السوبيرات ساهلين تغليلهم الما وتديريهم ........

وصحا وهنا...
ا

yuuke-chan

2014-12-27, 19:14

السلام عليكم :dj_17:
و الله حطيتي يدك على الجرح راني ماناكلش في الريسطو و عندي مدة نطيب في لاشومبر تاعي و ضرك نقولك على الاكلات لي موالفة نديرهم :

1- هذي نسميوها شاورما تاع الاقامة سهلة و لذيذة شوفي النهار لي يديرولكم فيه دجاج قطعي الفلفل و الطماطم مربعات صغيرة و قليهم كل واحد وحدو و روحي جيبي الدجاج من الريسطو و فتتيه و اقليه ثم خلطيه مع الفلفل و الطماطم و خليهم يطيبو شوي مع بعضاهم و ديري الفلفل الاسود و الملح و حطي في الخبز و كولي طعمهم مثل الشاورما تاع برا :19::19::19:

2- المقرونة و هي اللي تفكني ليلة الكونترول نديرها غليها في الماء المملح لكن ماتخليها تتعجن ثم حطي المقلة و ديري فيها شوية زبدة و قلي المقرونة بعدما تصفيها من الماء و هيا سخونة و تحطيلها و هي فوق النار الفرماج 3 ولا4 حبات يكفيوك و شهية طيبة :D:D

3- موالفة كيما نتحرق في نهاية الاسبوع نشري الكاشير و نحمرو في المقلة و نزيد عليه البيض و الفرماج يجي طعمو كيما المرقاز ;)

4-ولا تقدري اذا عندك الوقت تقطعي البطاطا مكعبات و تخلطي معاها الفرماج مكعبات و الكاشير و ضربي البيض و صبيه فوقها و غطيها و خليها طيب كيما الخبزة تجي تهبل و ماتنسايش ديريلها التوابل لازم مقلى نتاعك تكون ماتلصقش

5- و احيانا نطيب الملوخية كيما نقعد نديرلها فلفل حار تجي خير من تاع ماما :rolleyes:

6- و كاينة وحدة صحبتي تغلي الارز في الماء و تداوية و تخلط معاه التون ولا كيما تحبي و ديرو كريات و تحطو في البيض ثم الفرينة و تقليه قالتلي يجي روعة

7- و تبقى اشهر و اسهل حاجة هي الاندوميييييي لكنها غير صحية ربي يستر برك

نتمنى اي وحدة تعرف وصفات تفيدنا و هكذا نفيدو بعضانا و نستفيدو و ربي يجعلها في ميزان حسناتنا:19:

غزة رمز العزة

2014-12-27, 21:29

مرسي اخواتاتي
اختي نور مش انا اللي نقرى بنت خالتي تقرى في تلمسان

NOUR IMAYA

2014-12-27, 21:43

سلامم
اختي yuuke-chan من وين تجيبي الوقت تطيبي هذا الطياب؟ عجبتيني الله يبارك

ف انتظار الاخوات

ام احبتي

2014-12-27, 22:23

ربي يعاونكم يالبنات

غزة رمز العزة

2014-12-28, 22:24

اممم ايا الشاطرات عاونونا

ouissamak

2014-12-28, 23:07

هههههه فكرتيني في يامات الاقامة
انا وصاحبتي كنا نديومعانا طعام من الدار نطيبوه وناكلوه باللبن
نجيبو الجاج من الريسطو نعاودو نقليوه بالتوابل والخبز
بطاطا نغليوهافي الماء ونديروها سلاطة
مقرون طايبة في الماء بلحليب والفروماج
مقرونة بالتون
فريت اوملات
نعجنو كسرة قيس يومين نطيبوها في مقلات ونسقاهواو بيها
طماطم نرابيوها نطيبوها ونزيدولها البيض
ارز وخضرة مفورة على شكل سلاطة
كيكونو عدنا شوية دراهم نجيبو اسكالوب نديروه فارسي بالحليب
كيمايكونش عندنا الوقت نجيبو ماكلة الريسطو نعاودولها نزيدولها التوابل وزيت الزيتون للبنة
والصح قاع كي تتفاهمي مع صحاباتك في الغرفة تتعاونو في المصروف وفي الطياب

وكي يكون عندنا الوقت نطيبو مسفوف طعام بالجاج عدس شخشوخة البساكرة شربة نديرو بوراك
ان شاء الله قدرت نعاونك وسيي تعاوني روحك بحوايج تديهم من الدار كيما التوابل وطيبي الحلويات الجافة راهي تطول ما تخسرش اي حاجة راني في الخدمة لاني مريت بالتجرة

غزة رمز العزة

2014-12-29, 10:48

ربي يجازيكم اخواتاتاي تبارك الله عليكم شاطرات :*

zahra viva

2014-12-29, 11:55

رانا كامل كيف كيف يا لبنات انا نطيب كتر ما نقرى مثلا
كي يكون وقت الفلفل نقليه مع البصل و الطماطم و التوابل و نجيب الدجاج من المطعم و نخلط كلش وخطرات ندير الفرماج يجي يهبل
و نطيب المقرونة بالصوص تومات
و سلطة الارز نفور الجزر و البطاطا مكعبات صغار و نغلي الارز اومبعد نخلط كلش بالصوص و نضيف الفرماج
و اللحم المرحي نعود نقليه و نضيف له القرفة و الفلفل الاسود و الجبن يجي هايل
و خطرات ندير لابيري نتاع البطاطا جي بنينة تاني
و مازال نزيد نخترع ان شاء الله ههههههههههههه
ربي يوفقكم

OM DHOHA ANES

2014-12-29, 15:34

تحذير اخواااااااااااااااااااااتي

اياكم واندومي راني قريت مقال تسبب السرطاااااااان ربي يعافينا

وزيد اياكم والكشير خاصة ذو اللون الاحمر

الخت زينب حطت موضوع قييببم جدا من اين تاتي الصبغة الحمراء من الحشراااااااااااااااااااات ياااااااااااااااااااع

hamza18

2014-12-29, 20:13

الوصفة لنديرها في الاقامة ويحبوها صحباتي هي الماسدوان نغلي الروز وحدوا وبعد نزيد نقص البطاطا والسنارية مربعات صغار ونغليهوم ونقص تاني البصل والطماطم مربعات صغار وتاني البيض مغلين نقطعهوم مربعات صغار مع الفرماج وفي الاخير نخلطهوم ونحطلهوم الخل والزيت والثوم والفلفل والملح الاسود....ديرت الخلطة هدي في الدار وديتها ماعي.... وفي الاخير نحط فوقهوم الطو وبالصحة والعافية _نوصيكوم الروز متعجنوهش وكيطيب صفيوه وغسلوه بالماء مليح_

يقين نور

2014-12-30, 23:36

حنl نديرو كسكس بزlف سهل وسلق ونخبزو لفطير ويوم لجlج فريسطو دوبلي ملقيشي 2 وقللللللللللللللللليه وبطlطl مقلية ومفورة وقولي لممlك تعجلك 2 خبز ديهم وسرقي مدlر لخضرة ولحليب ولقهوووووووووووووة ومي كن l نشومرو لمشير وفصيف سلlطة ورمي عرف شبlح لميدة مقرون سبقيتي شربة بلحليب وتليتلي لبن وزيتون لكشير لمهم تنجمي تشوفي بlب لسlل منين

azlmimi

2014-12-31, 00:37

ام ندى 87

2014-12-31, 17:24

شكر للاخوات على الافكار لي حطوهم

المنتقبة

2015-01-02, 21:55

خليهم يقراو واش يديرو بالطبخ هههههههه

امال 13

2015-01-02, 22:38

بارك الله فيكن يا أخوات وصفات مفيدة للطالبات

lilii7179

2015-01-05, 12:50

سلام
انا ما نيش طالبة و ما عشتش فالاقامة بصح نخدم فالجامعة و لاحظت بلي البنات كامل يعانيو من حكاية الطياب , و يعانيو من حاجة اخى اللي هي البواسير على خاطر ياكلو بزاف العجائن و الماكلة نتاع برا.اليكم بعض الافكار كانت اختي تقرا و قاعدة في اقامة هزيت بعض الافكار من عندها. و كاين وصفات سريعة انا نديرهم كي نروح من الخدمة مزروبة.
نصيحتي انكم تكثرو من الخضر ( اكيد راحين تقولولي الخضر غالية ) لكن حاولو قدر المستطاع تاكلو الخضر و لو مرتين في الاسبوع( اسرقو من الدار ههههههه).
- تقدرو تفورو خضر ( زرودية , لوبيا خضراء...) و ديروها سلاطة او ماسيدوان و ما تزيدولهاش المايونيز حتي اخر لحظة لتفادي التسممات ,و تديوها معاكم للاقامة في porte manger تحكملكم على الاقل يومين .
-طريقتي في تحضير الروز سريعة و فعالة: حطي في طنجرة 5 سنات ثوم مرحية و شوية زيت و خليهم يتقلاو على نار هادئة زيديلهم طراف دجاج صغار او اسكالوب او كبدة دجاج او اي حاجة عندك انت و مقدورك و اذا ما عندكش ديري دجاج نتاع الريسطو و فتتيه في نفس الوقت قشري خضر و قصيها مكعبات و حطيها تتقلى معاهم ( زرودية , جريوات, جلبانة, champignon , زيتون اخضر) المهم انت و المتوفر عندك. زيدي التوابل ملح , فلفل اسود , كسبر, كركم, و اذا حبيتي يجيك احمر مغرف كبيرة طماطم مصبرة .
امرقي شوية برك و خلي الخضر طيب . في هذه الاثناء تكوني نقعتي كاس من الروز المفور étuvé لازم يكون نوعية مليحة باش ما يلصقش , انقعيه و بدليلو الماء مرتين او ثلاثة. كي يطيبو الخضر و تكون مرقة قليلة صفي الروز و حطيه مباشرة مع الخضر وامرقي , حطي لكل كاس روز كاس و نصف من الماء. و غطيه و خليه يطيب من 10 الى 15 دقيقة حتي تشوفيه شرب زيديلو مغرف مارغرين. هاذ الوصفة سريعة الن نوجدها في 45 دقيقة على الاكثر.
- مقرونة سريعة و لذيذة: غلي مقرونة و صفيها و شلليها بالماء البارد باش ما تعجنش, في طنجرة قلي 3 او 4 سنات ثوم مرحية مع شوية زيت او مارغرين, ملح , فلفل اسود, كمية مليحة من المعدنوس و حذاري تتحرقلك الثوم و تولي مرة لازم النار تكون هادئة.
كي تتقلى الثوم حطي المقرونة و خبطي 2 بيضات مع فرماج نتاع المثلثات او اي فرماج عندك, حطيهم فوق المقرونة و خلطي بسرعة و طفي النار, ما لازمش تخليها تنشف بزاف.صدقيني كيفية سريعة و بنينة و تبان فيها بزاف الفرماج .
-بطاطا سريعة ( هاذي تصلح في الصيف) تعلمتها كي كنت نخدم في كلينيك , كانت السيدة اللي قايمة بالطياب نهار تجي متاخرة ديرهالنا . غلي بطاطا بقشورها و 2 بيضات , قشريها و فتتيها الى قطع متوسطة زيديلهاحطيلها مايونيز, كمية من المعدنوس, زيتون مقطع
نتمنى اني عاونتك و كاشما تفكرت كاشي وصفة ساهلة راني نزيد نحطها

yuuke-chan

2015-01-06, 20:50

سلامم
اختي yuuke-chan من وين تجيبي الوقت تطيبي هذا الطياب؟ عجبتيني الله يبارك

ف انتظار الاخوات

كون تشوفي كيفاه نطيب تموتي علي بالضحك راني نطيب و نقرا و نكونيكتي في نفس الوقت :1:
و زيد على جال الماكلة نضحي بالوقت نورمااااااال هههه

hhhhhhhhhhhh hbiba hatiti yedek 3la ljorh rana ana w sahbati ntaybou ktar meli ne9rou
okhti yuuke-chan habaltini bwasafatek chatra machaa lah hna ndirou khatratch marga nkhalouha tib fi khaterha
w sa3at nfawrou choufleur w ndirouh khbizat m3a lbayd
nghalou lbatata felma w ndiroha slata wla n3awdou ne9louha

و الله لا شاطرة لا والو تحتمت عليا خاطر ماناكلش في الريسطو يعني لازم ندبر راسي ولا نموت بالجوع و كون جا عندي فريجيدار مانطيبش خلاص نجيب من الدار و نخبي ;)

NOUR IMAYA

2015-01-08, 13:28

كون تشوفي كيفاه نطيب تموتي علي بالضحك راني نطيب و نقرا و نكونيكتي في نفس الوقت :1:
و زيد على جال الماكلة نضحي بالوقت نورمااااااال هههه

و الله لا شاطرة لا والو تحتمت عليا خاطر ماناكلش في الريسطو يعني لازم ندبر راسي ولا نموت بالجوع و كون جا عندي فريجيدار مانطيبش خلاص نجيب من الدار و نخبي ;)

رانا كامل كيفكيف
انا ناكل ف الريسطو مي ما نشبعش:cool: الور نزيد نطيب ولا ناكل واجد

ربي معانا

oum radja

2015-01-08, 14:32

ههههههههههههه فكرتونا بايام الميزيريا
بالصح والله فاتت ايام هايلة
كانت وحدة تدير لينا السفة يعني لي تجي رقيقة
ديرو زوج كيسان ما في كاسرونة مع زوج مغارف زيت وملح وكي تبدا تغلي ديرو كاس سفة وخلطو نقصو الريزيستونس تاعكم وخلوها حتى تنشف ديرولها شوية زبدة وكنا ناكلوها بالحليب تجينا هايلة
وكنا نديرو الفارميسال بالحليب و الفرماج
اوحتى حريرة وشوربة فارميسال بجومبو وبلا خضرة طبعا
ولابيري تاني ساهلة
وكي نكونو محرقين نجيبو الماكلة تاع الريسطو نعاودو نطيبوها ونزيدوها توابل وناكلوها

ikramoran

2015-01-09, 23:45

السلام عليكم :dj_17:
و الله حطيتي يدك على الجرح راني ماناكلش في الريسطو و عندي مدة نطيب في لاشومبر تاعي و ضرك نقولك على الاكلات لي موالفة نديرهم :

1- هذي نسميوها شاورما تاع الاقامة سهلة و لذيذة شوفي النهار لي يديرولكم فيه دجاج قطعي الفلفل و الطماطم مربعات صغيرة و قليهم كل واحد وحدو و روحي جيبي الدجاج من الريسطو و فتتيه و اقليه ثم خلطيه مع الفلفل و الطماطم و خليهم يطيبو شوي مع بعضاهم و ديري الفلفل الاسود و الملح و حطي في الخبز و كولي طعمهم مثل الشاورما تاع برا :19::19::19:

2- المقرونة و هي اللي تفكني ليلة الكونترول نديرها غليها في الماء المملح لكن ماتخليها تتعجن ثم حطي المقلة و ديري فيها شوية زبدة و قلي المقرونة بعدما تصفيها من الماء و هيا سخونة و تحطيلها و هي فوق النار الفرماج 3 ولا4 حبات يكفيوك و شهية طيبة :d:d

3- موالفة كيما نتحرق في نهاية الاسبوع نشري الكاشير و نحمرو في المقلة و نزيد عليه البيض و الفرماج يجي طعمو كيما المرقاز ;)

4-ولا تقدري اذا عندك الوقت تقطعي البطاطا مكعبات و تخلطي معاها الفرماج مكعبات و الكاشير و ضربي البيض و صبيه فوقها و غطيها و خليها طيب كيما الخبزة تجي تهبل و ماتنسايش ديريلها التوابل لازم مقلى نتاعك تكون ماتلصقش

5- و احيانا نطيب الملوخية كيما نقعد نديرلها فلفل حار تجي خير من تاع ماما :rolleyes:

6- و كاينة وحدة صحبتي تغلي الارز في الماء و تداوية و تخلط معاه التون ولا كيما تحبي و ديرو كريات و تحطو في البيض ثم الفرينة و تقليه قالتلي يجي روعة

7- و تبقى اشهر و اسهل حاجة هي الاندوميييييي لكنها غير صحية ربي يستر برك

نتمنى اي وحدة تعرف وصفات تفيدنا و هكذا نفيدو بعضانا و نستفيدو و ربي يجعلها في ميزان حسناتنا:19:

الله يبارك عندك أفكار كثيرة،ربي يكون في عونكم إن شاء الله

ايهان

2015-01-10, 16:09

ربي معاكم والله الحالة صعيبة بزاف

الرواية

2015-01-10, 17:19

شكرا بارك الله فيك

غير هام

2015-01-13, 16:19

ربي يعاونكم ما جو تكملو الجلمعة حتى تهبلو

مريم دنيا

2015-02-19, 11:11

شكرااااااااااااااااااا

hounada

2015-03-05, 19:53

انا عندي اختي فالاقامة و هي تاني تطيب خاصة انها هي و صديقاتها يشريو الخضرمع بعضاهمو زاد المارشي قريب منهم
1- الأرز تغليه و تزيدله الجبن و الزيتون و الطماطم مقطعة و التون و البيض مغلي
2- المقرونة تغليها و تزيدلها الجبن و الزيتون و التون طماطم
3- تغلي البطاطا و البيض و تقصهم و تزيدلهم الطماطم و الزيتون و تدير لاصوص كيما السلطة الجزائرية
4- تدير الشكشوكة بصل و فلفل و طماطم و بيض
4-السلق و الجبن و الدجاج تاع الريسطو و تزيدلهم البيض و تديرهم اوملات
5-تدير la purée تطيب البطاطا و تهرسها و تزيد الحليب و الجبن
6- اوملات بالبيض و الجبن و البصل
7- الدويدة فالحليب
8- الدجاج تاع الريسطو فتتيه و اقليه و زيديله الملح و التوابل و الثوم و رابي الطماطم خليه يطيب و من بعد اضيفي الزيتون
9-البوراك بالدجاج و البطاطا و التوابل و الجبن
10-السفيرية او كريات البطاطا بالجبن

مرام 92

2015-03-07, 11:12

انا هاد عامي الثالث في رالاقامة و جامي ناكل من الريسطو انا و صحباتي كل يوم وحدة طيب حاجة يعني الي ميكونش عندها نهار شارجي بالقرايا هي اللي طيب و صراحة ماكلة الجامعة عندها بنة خاصة من بين الاكلات الي نعملوها نا يلي
روز بلاصوص و كل خطرة واش نديرو معاه خطرة تون ة خطرات نخرجو ليبول و لا دجاج ولا ليمورسو الي يدريهم في الريسطو و نزيدوهم مع لاصوص تاع الروز و يجي هايل
حساء العدس يعني نطيبوه مرقة و من بعد نطحنوه و الله عندي صحبتي متاكلش العدس خلاص و في الجامعة طيح عليه عميا دارهم يقولولها راكي غير تتقلشي علينا
الفصوليا مرقة و باه تظيب نزدولها الخمارة تاع القاطو
راح نعود نرجع ونكمل

samou.dz

2015-03-07, 12:10

.........................................

samou.dz

2015-03-07, 12:13

baraka allahe fiki