شكون تعرف خيز الدار هذا

[nadjet boumaraf]

السلام عليكم
لبنات شكون تعرف خبز الدار تاع الفرينة بدون عجن وتعب لأنوا مرت سلفي دارتهولي اليوم للغداء وقاتلي عليه بصح المقادير مبغاتش تعطيهملي
ربي يجازيكم كل خير

[*عاشقة الجنة*]

صدقيني نحير في هدو اللي ميحبوش يمدو الوصفات

زعما خافت تولي فحلة خير منها؟؟؟؟؟؟؟؟

استناي دوك نحوسلك على الوصفة زكارة فيها هههههه

[*عاشقة الجنة*]

لقيتلك هدو
http://www.djelfa.info/vb/showthread.php?t=1721351
http://www.djelfa.info/vb/showthread.php?t=979803
http://www.djelfa.info/vb/showthread.php?t=1472147
http://www.djelfa.info/vb/showthread.php?t=1630386

[nadjet boumaraf]

والله يآ عآشقة الجنة هدي هي العقلية في الحقيقة هي ديما دير الجديد وتبعثلي باه نشوف وكي نقولها الطريقة والمقادير متحبش تقولي سر المهنة

[nadjet boumaraf]

ربي يعيشك عاشقة الجنة غدوا الصباح نجربوا بإذن الله ربي يجازيك كل خير

[أم ياسين الزهراء]

ننصحك ماتسقسي ماتعيشيلها الخير الكل راهو هنا وتشوفي مايدورش العام تولي هي اللي تطلب وانت تكسلي

[nadjet boumaraf]

شكرا ليك ام ياسين الزهراء والله أنا تاني ديما نلجأ لهذا المنتدى ربي يحفظكم ويعطيكم كل ما تتمناو والله كل مانسقسي نلقى إجابة ونستفاد منكم لانوا انا منعرفش مليح للطبخ كملت قرايتي زوجت تم تم ومخرجتش على الطبخ مليح وراني نتعلم منكم شكرا شكرا ربي يحفظكم وينور طريقكم

[*عاشقة الجنة*]

العفو حنونة
ايه كيما قاتلك أمنا الغالية متعيشيلهاش ومتسقسيهاش خلاص
كل شي راه هنا ف المنتدى

مي قوليلي وينا وصفة رايحة تجربيها من هدوك اللي حطيتهملك؟؟؟؟؟

[nadjet boumaraf]

راني رايحه نجرب الوصفه التانية اللي عطيتيهملي تاع ninafart بإذن الله

[*عاشقة الجنة*]

راني جربتو وخرج هاااااااااايل سيرتو كي درت فيه ماء الزهر
خفييييييييييييف
دارنا اللي ميعجبهم العجب و قالولي بنين ههههههه
ان شاء الله تنجحي فيه

وشوفي هاي ليك صورة تطبيقي
http://www.up.djelfa.info/uploads/14196150151591.jpg

[nadjet boumaraf]

شكــــــــــــرا عاشقة الجنة مالا داركم كي راجلي ذوقوا صعيب باه نرضيه ومادامك جربتيه نجربوا وانا متهنية شكرا شكرا ليك حبوبتي

[lyzzabel]

السلام عليكم و رحمة الله
شوفي حبيبة خبز الدار بدون عجن هو انك تديري كمية من الفرينة حوالي رطل و الملح حسب الذوق انا ندير ملعقة صغيرة و ملعقة كبيرة سكر عادي و السانوج و الحبة الطيبة او كيما يقولو البعض حبة الحلاوة و تخلطي من بعد تضيفي مقدار ثلاثة ملاعق اكل من الزيت العادي او زيت الزيتون و 2 ملاعق اكل مشي معمرين من الخميرة الفورية يعني خميرة الخبز و تخلطي و تبداي تضيفي فالماء الدافىء بالشوية و تلمي حتى تتحصلي على عجينة طرية و تكون رخوة

غطيها بكيس بلاستيكي و خليها ترتاح لاكان البرد خليها ربع ساعة و لاكان السخانة خليها عشر دقائق و عاودي هبطيلها الخمور و غطيها و خليها ترتاح مرة اخرى و كرري هاد العملية ثلاث مرات او أربعة ،، مادامك تخليها تخمر و تعاودي تهبطلها الخمور مادامها تجيك خفيفة و طالعة و اخيراً تكوني سخنتي الفرن من قبل على 230 درجة و قرصيها في سنيوة مدهونة بمارغرين طرية ،، تجيك اربع خبزات متوسطين ،، خليها تطلع مليييح و دخليها تطيب

مين تشوفيها حمارت من تحت طفي و اشعلي من فوق و عسيها باش ما ننحرقش راهي بلخف تتحمر ،، و تقدري قبل ما تدخليلها تطيب تطليها من فوق بحبة بيض مخلطة مع شوية قهوة او خل و ترشيها بالسانوج أو الجلجلان او الحبة الطيبة انا ما نديرلهاش نبغوها حفيانة ههههه

نتمنالك التوفيق حبيبتي و اي سؤال ما تتردديش ،، و كي تبغي تعرفي كاش وصفة ادخلي للمنتدى راه فيه بزاف وصفات راءعة و اضربي طلة على وصفات حراير واش طيبتي اليوم غادي تلقي موسووووعة من الاطايب

[غزالة الصّحراء]

لقيتلك هدو
http://www.djelfa.info/vb/showthread.php?t=1721351
http://www.djelfa.info/vb/showthread.php?t=979803
http://www.djelfa.info/vb/showthread.php?t=1472147
http://www.djelfa.info/vb/showthread.php?t=1630386

يعطيك ماتتمناي على هذه المساعدة.
عندك الحّق : زعما خافت تولي فحلة خير منها؟؟؟؟؟؟؟؟

استناي دوك نحوسلك على الوصفة زكارة فيها هههههه . يادرى واش رايح اتقول لما تعرضها لدارها وتعجن لها مثل هذا الخبز. أكيد رايح تحكمها الخلعة :D:D:D:D وتبدا اتقول :sdf::sdf::sdf: راهي سرقتلي الوصفة من مُخِي.هههههه
على النّاس الحقودين واش يصرا فيهم.
اللّه ايعشيك ويعطيك ماتتمناي يا أختي عاشقة الجنة.

[*عاشقة الجنة*]

يعطيك ماتتمناي على هذه المساعدة.
عندك الحّق : زعما خافت تولي فحلة خير منها؟؟؟؟؟؟؟؟

استناي دوك نحوسلك على الوصفة زكارة فيها هههههه . يادرى واش رايح اتقول لما تعرضها لدارها وتعجن لها مثل هذا الخبز. أكيد رايح تحكمها الخلعة :d:d:d:d وتبدا اتقول :sdf::sdf::sdf: راهي سرقتلي الوصفة من مُخِي.هههههه
على النّاس الحقودين واش يصرا فيهم.
اللّه ايعشيك ويعطيك ماتتمناي يا أختي عاشقة الجنة.

هههههههههههههه ضحكتيني اختي
معليش كل واحد يعطيه ربي على قلبو

ويعطيك نتي تاني ما تتمناي حنونة

[*عاشقة الجنة*]

السلام عليكم و رحمة الله
شوفي حبيبة خبز الدار بدون عجن هو انك تديري كمية من الفرينة حوالي رطل و الملح حسب الذوق انا ندير ملعقة صغيرة و ملعقة كبيرة سكر عادي و السانوج و الحبة الطيبة او كيما يقولو البعض حبة الحلاوة و تخلطي من بعد تضيفي مقدار ثلاثة ملاعق اكل من الزيت العادي او زيت الزيتون و 2 ملاعق اكل مشي معمرين من الخميرة الفورية يعني خميرة الخبز و تخلطي و تبداي تضيفي فالماء الدافىء بالشوية و تلمي حتى تتحصلي على عجينة طرية و تكون رخوة

غطيها بكيس بلاستيكي و خليها ترتاح لاكان البرد خليها ربع ساعة و لاكان السخانة خليها عشر دقائق و عاودي هبطيلها الخمور و غطيها و خليها ترتاح مرة اخرى و كرري هاد العملية ثلاث مرات او أربعة ،، مادامك تخليها تخمر و تعاودي تهبطلها الخمور مادامها تجيك خفيفة و طالعة و اخيراً تكوني سخنتي الفرن من قبل على 230 درجة و قرصيها في سنيوة مدهونة بمارغرين طرية ،، تجيك اربع خبزات متوسطين ،، خليها تطلع مليييح و دخليها تطيب

مين تشوفيها حمارت من تحت طفي و اشعلي من فوق و عسيها باش ما ننحرقش راهي بلخف تتحمر ،، و تقدري قبل ما تدخليلها تطيب تطليها من فوق بحبة بيض مخلطة مع شوية قهوة او خل و ترشيها بالسانوج أو الجلجلان او الحبة الطيبة انا ما نديرلهاش نبغوها حفيانة ههههه

نتمنالك التوفيق حبيبتي و اي سؤال ما تتردديش ،، و كي تبغي تعرفي كاش وصفة ادخلي للمنتدى راه فيه بزاف وصفات راءعة و اضربي طلة على وصفات حراير واش طيبتي اليوم غادي تلقي موسووووعة من الاطايب


شكرا حنونة على الوصفة
ربي يحفظك ويعطيك ما تتمناي ان شاء الله

[himoprence]

انا ثاني جربت خبز نينافرات غير البارح وبلا دليك خلاااص،و خرجلي تحففففففة،ربي يحفظها تهنيت من الخبز الدار لعقوبة لحوايج اخرين