اسمعوا

[مشكلتي]

السلام عليكم شكرا لكل من رد على موضوع * اول نهار في البيرمي كرهت **
و اللي قال مرا يا ليت لقيتها كاين مرا واحدة في كل الولاية تقري كود و برك

و بالنسبة لي داتو الرجلة نقلك سامحوني ماشي كامل لبنات لاقيين اللي يعولو عليه
انا فتاة لوكان ما تخدمش و توكل ما تلقى حتى واحد يقلها واش راك الوالد الله يرحمه اخت وحيدة متزوجة بقيت انا و امي و اخي
اخي راح مع زوجته و انا عندو حاجة زيادة
عمرو لا قال واش راكي واش تحتاجي
حكاية البيرمي لوكان قريت قلت نحتاجه ضروري
صراتلي من مدة بسيطة مرضت يما رحت ندور كي الكلب بين الناس لوكان جيت بسيارتي و نسوق على الاقل ديت يما لسبيطار
زيدها نعمل في مكان وسط المدينة لكن بعيد شوية

يعني في رايك نروح نمد يدي للناس و الا نتوسل كل مرة واحد يحلي مشاكلي و الا نعول على روحي

سألت على حاجة حيرتولي همي

يا ليت والدي حي كنت لا نخدم لا نخمم في برمي لا حتى في هم و اذا خممت كان ممكن زيادة مي اليوم نعفس على قلبي و نبكي و لازم نديره

يا ليت خويا راجل لاهي بينا و يسأل على اختو نقول ورايا راجل

اييييييييييييييييييييييييييه و يقلك ....................

واش رايكم نحط يدي على خدي و نموت و نجوع و نستنى زوج بالاك ماجاتش في الخو تجي في الزوج

يا حسراه راح عزي مع الوالد باخـــتصار

[مياسم الصمت]

السلام عليكم ورحمة الله وبركاته

الأخت الكريمة ربي يكون معك

وربي سبحانه أعلم بحالك

و الكثير من الناس صنعتهم نيل غيرهم بالكلام دون ان يعلموا خفايا الأمور ويصدرون احكاما استباقية دون ادارك حقيقة الامور


ربي يفرج عليك ويرزقك الخير

[minina2601]

يا حبيبتي ربي يفرج عليك ان شاء الله ويسهلك ويمهلك ابواب الخير امين

[fella111]

السلام عليكم شكرا لكل من رد على موضوع * اول نهار في البيرمي كرهت **
و اللي قال مرا يا ليت لقيتها كاين مرا واحدة في كل الولاية تقري كود و برك

و بالنسبة لي داتو الرجلة نقلك سامحوني ماشي كامل لبنات لاقيين اللي يعولو عليه
انا فتاة لوكان ما تخدمش و توكل ما تلقى حتى واحد يقلها واش راك الوالد الله يرحمه اخت وحيدة متزوجة بقيت انا و امي و اخي
اخي راح مع زوجته و انا عندو حاجة زيادة
عمرو لا قال واش راكي واش تحتاجي
حكاية البيرمي لوكان قريت قلت نحتاجه ضروري
صراتلي من مدة بسيطة مرضت يما رحت ندور كي الكلب بين الناس لوكان جيت بسيارتي و نسوق على الاقل ديت يما لسبيطار
زيدها نعمل في مكان وسط المدينة لكن بعيد شوية

يعني في رايك نروح نمد يدي للناس و الا نتوسل كل مرة واحد يحلي مشاكلي و الا نعول على روحي

سألت على حاجة حيرتولي همي

يا ليت والدي حي كنت لا نخدم لا نخمم في برمي لا حتى في هم و اذا خممت كان ممكن زيادة مي اليوم نعفس على قلبي و نبكي و لازم نديره

يا ليت خويا راجل لاهي بينا و يسأل على اختو نقول ورايا راجل

اييييييييييييييييييييييييييه و يقلك ....................

واش رايكم نحط يدي على خدي و نموت و نجوع و نستنى زوج بالاك ماجاتش في الخو تجي في الزوج

يا حسراه راح عزي مع الوالد باخـــتصار


هوني عليك اخيتي العزيزة ............رانا كيف كيف
الناس لا تنتبة للفتيات اللواتي ولدن جنس انثى .............................مسؤولية ذكر.....ربما اخواتهم فقط تستتو في ديارهم و عايشبن بحسهم
وتظل فقط اراء لا تعملي المرأة لم تخلق ااعمل...واش بيك .الاختلاط
لا تتعلمي .......الجامعة فتنة اخرتها الدار ...........طب على الاقل تتعلمي باش ما تخرجيش حابسة عمامك ياكلولك حقك
ما ديريش البارمي ....المرأة لا يجب ان تزاحم الرجال عند اشارة المرور ......خاصة لو كانت ماركة السيارة نتاعك خير من سيارتو :1:
لكن لا تقلقي لينا ربي .........لا ينسى احد و لا تغمض له عين.

[ABDOU ELE]

الســــلام عليكم

ما ديريش عليهم....هذوك غيارين.....:1:

[la perle noir]

ربي معاك وماتديري على هدرت الناس شوفي مخروجك ؛أنتي أدرى بظروفك ديري لي يوالمك
ربي يسهلك أمورك

[ana-howa]

الســــلام عليكم

ما ديريش عليهم....هذوك غيارين.....:1:

أخ عبدو ألم تكن انت ايضا ضد في موضوعها هذا اول يوم في البيرمي كرهتو http://www.djelfa.info/vb/showthread.php?t=1728468

أختي بكل صراحة انا لو عندي اختو راح ما نخليهاش تفوت البيرمي عند راجل و اختي و امي عمري ما نخليهم
اما في حالتك ربي يكون في عونك و يفرج عليك هذا ما نقدر نقول

[adillo]

ربي يسهلك امورك الاخت الفاظلة وربي يسهل للجميع ان شاء الله

[كلنا راحلون]

اختي زيني نية وقودي سيارة على مهلك وعطلي حاسة سمعك مع متشائمين


بقيت حاير في احد ايام تم نشر موضوع عن مرأة وقيادة سيارة ونحن في 2014


رحم الله والدك وشدي في والدتك وربي يرزق ما تتمناي

[melissa lola]

اختي ماتقوليش راح عزي مع الوالد الله يرحمو قستيني بهاذ الكلمة انت تهلاي في ميمتك و الحمد لله راهي صايباتك ماتعمريش راسك بالناس المهم تكوني مقتنعة واش راكي تديري انا ثاني كي بديت نسوق واجهت صعوبات مع المعلم انتاعي و الحمد لله ذرك راني نسوق وصراولي ظروف راجلي مرض بزاف قريب عام وانا اللي كنت نسوق بيه ونروح نقضي كنت بعيدة بزاف على دارنا ومانعرف حتى واحد لوكان ماعنديش البارمي واش راه صرا فيا في هاذيك الفترة كل واحد وظروفو والي يضحك يلحق سلام

[محمد جديدي التبسي]

سمعنا وأطعنا ربي يعاونك أختي
التمسي لي عذرا فردي عليك جاء في سياق قيادة المرأة للسيارة وأنا ضدها تماما حتى في مثل حالتك
ولن أغير قناعاتي لأني أستمدها من الدين وواقعنا يثبت أن عمل المرأة وقيادتها للسيارة وخروجها أساسا سبب لأغلب آفات المجتمع
ربما أنت مضطرة للعمل لأنه لا عائل لك وهذا حقك لكن حافظي على كرامتك ولا تسمحي لرجل بأن ينال منها
ربي يفتح عليك بزوج صالح يغنيك عن كل هذه المعاناة

[عابد لله]

ربي يكون في عونك بداية ولكن السؤالك هل البرمي راح يحل المشكلة تاعك؟ توكلي على ربي وادعيه يوفر عليك البرمي والخدمة ويدريلك الناس خدامة عندك.

[لينة نور]

السلام عليكم

والله قريت موضوعك الاول ووجعني قلبي من الردود لدرجة مانجمتش نشارك علابالك بلي هذوك السيارت الي راهم مانعين سياقتهم على المرأة

هي الي صانعة البياسات نتاعهم ، ماعلابالهمش راهم راكبين خدمت النسااااء وشاقهم وتعبهم في اللوزينات ....

معليش أختي الله يقدرك ويفتح عليك ، وشحال كيفك في أرض الواقع الاخ يمنع أخته من كلشي حتى الدراسة وكي يتزوج يبني بينه وبينه صور .

أعوذ بالله من الشيطان الرجيم والله القلب يوجعوه هاذ العباد ..

[عبد الناصر الجلفاوي1]

السلام عليكم ورحمة الله وبركاته
تدمع العين لما يجري لك اختي خلي ثقتك بربي سبحانو واتكلي عليه ربي مافيه غير الخير وانك تسوقي ماهيش حاجة عيب لانك مضطرة وربي يسهلك ان شاء الله

[anfal10]

هاد حال الاغلبية تاع الخاوا ما فيهمش النفع واش نقول واش نخلي رابي راه يشوف راهو معانا الحمد الله ماراكيش وحدك في هاد المشكل رانا كامل فيه تهلاي في يماك بزاف اجري عليها درلها واش تحب على الاقل تعوضيلها الاخ انا والديا توفاو الله يرحمهم و يوسع عليهم فراق الوالدين صعيب بزاف ما يحس بالجمرة غي لي كواتو
ربي يفتح عليك و علينا الاخت الى الامام واحد ما يعاونك شمري علا ذراعتيك و خدمي على روحك و على يماك ربي اشدهالك ان شاء الله الناس وعرين اتكلي على روحك او ما تفشليش ديري ربي في قلبك المهم النتيجة المصاعب كاينة ربي يرزقك او يرزقنا
و لكن لاحظت لي مغبون ايزيدولوا الناس نظرة الشفقة لي نشوفها
و حتى الرجال ما يتقدموش لبنات كيما هادوا الوقت صعيب احبوا المظاهر اناسبوا الطبقة الغنية و لي في كتافهم رجال ولي بحالتنا يستصغرونا واش نقول ما تهمكش هدرة الناس خمي على روحك
عندي جارتي ماشي خدامة توفلها الوالد يماها مريضة ولات تخدم لي جات المهم خدمة شريفة ولات تسوق الطونوبيل تاع الاب وهي في الاربعينات محتمة عليها واحد ما عاونها ولا خطبها يهدروا برك لسانهم على الناس
هدرت بزاف ما نيش مدارية نكتب عربي راني سلحفاة هاهاهاها
جمعة مباركة

[منار40]

يا اختي ربي يفرج عليك وعلينا اني قتللك ما تعمريش راسك بالناس الى الامام المهم حاجة الى تعاونك اختي والهدرة الزايدة والخارجة من طريق ما تسمعيهاش المهم حافظي على روحك اختي وديري الكوراج دوك تتدية بربي ان شاء الله راه ماهوش حاجة البارمي غير الكوراج والله غير نورمال المهم عيشي مرتاحة الراس هدا ماكان وتوكلي على ربي

[ام نهوله]

لابي يوفقك اختي و يشدلك في الام حبيت نقولك برك ماتزعفيش على الردود اللي جات ضدك لانو الله غالب اختلط الحابل بالنابل
و بنات الحرام خسروها على بنات الحلال حتى الواحد ماولاش يميز راني معاك اختي بالدعاء الخالص

[@fatima@]

السلام عليكم

كان الله في عونكي اختي و رزقكي ما تتمنين و حقق لكي مرادكي يكفي انك مهتمة بوالدتكي و من كان والداه راضيان عنه فالله راض عنكي و سوف يرزقك من حيث لا تحتسبين

[كاتي حياة]

صبر جميل والله المستعان ربي يسهل

[sinna]

اختي انت قدوة واصلي ربي يكون في عونك ونقولك حاجة نسا كيما نتي هما لي حرونا البلاد

[hazar dz]

واش نقولك يا اختي ربي يكون معاك ويفتحلك بيبان الخير اتوكلي على ربي وديري البرمي نتاعك مافيه حتى عيب وكل واحد ورايو ونتي شوفي لي يخرج عليك ماتعمريش هدرة العرب في راسك وماتفوتيش حدود الله برك