بعد انهيار اسعار بترول ...سيكون اصحاب العقود ماقبل التشغيل كبش فداء

[amine eco]

سلام عليكم
من خلال عنوان يبدو انكم فهمتوا المقصود
و شكرا

[قلم حائر]

عقود ماقيل التشغيل من الأول سياسة فاشلة
والدليل أن الوزير كل تصريحاته خارج مجال التغطية وكأنه يعيش في مثالية افلاطون
نحن نرى كل مسابقات وزارة التربية على اساس الاختبار يعني تخدم و لا تقعد كيف كيف
نصيحة لي ولكل واحد عقود لنام راهي مجرد حل مؤقت ( ديبناج) لا تنتظر أي شيء منها

[أناييس الربيع]

عندكم الحق مابقاش بزاف وهذا عامي الأخير في العقود

يتهنى الواحد ،والرزق على ربي .

المهم الحاجة الوحيدة لي اكتشفتها أنو في بلادنا صاحب الشهادة

لا وجود له .مع سياسة التشغيل .

والحمد لله على كل حال

[el3azima]

نحن نعيش أزمة لازم نوقفوا الراتب تاع عقود ما قبل التشغيل بذك يحدث توازن في الميزان المالي للجزائر و نفوتو الازمة ؟؟ الله المستعان

[amine eco]

اكيد طبعا بعد انقضاء 6 سنوات سيتم التخلي مليون متقاعد في عقود ماقبل التشغيل والذين يمثلون عبئ على ميزاتية التسير............ كبش فداء

[kika14]

lbled klawha w dorka ygoulek ndiro takachof lah yakchafhom

[star1611]

لن أسامح المسؤولين لا دنيا لا آخرة. هذا إذا كانو يآمنو بالآخرة

[moug med]

لسي عبد المالك سلال يلغي رسميا كل مسابقات التوظيف العمومي سنة 2015 بداعي مشكل البترول و ازمة النفط
السي سلال ايضا طالب من الشعب مساعدة الحكومة على الخروج من هذه الازمة بتفهم وضع الحكومة و عدم الخروج في احتجاجات لزيادة الاجور و و و لانه ليس بمقدور الحكومة ذلك بسبب الازمة
ليضيف المتحدث بان حكومته ستتحطم في الازمة ان شاء الله مضيفا بان احتياطي الصرف كفيل بتجنب ازمة لمدة 4 سنوات على الاقل
.
.
.
.
هههههههههههههههههههههههههههههههههههههههههههههههههه ههههههههههههههههههههههههههههههههههههههههه
ميسيو سلال و الزردات لي درتوها كي كان 100 دولار كيفاش ؟؟
و المليار دولار لي مسحتو بيها ديون الافارقة كيفاش ؟؟
و 200 مليون دولار لمديتوها لتونس لله في سبيل الله بعد ثورة الياسمين كيفاش ؟؟
و 200 مليون دولار الاخرى لي مديتوها لمصر بعد ثورة التحرير كيفاش ؟؟
و صندوق النقد العالمي لي مديتولو 500 مليون دولار لله في سبيل الله كيفاش ؟؟
و نزيدلك من الشعر بيتا عمي سلال في زيارة الرئيس الايطالي و اليوناني للجزائر مؤخرا شحال مديتولهم سلفية او لله في سبيل الله ؟؟ ما تكذبش اب الفقاقير باسكو الطليان و اليونان مقودة عليهم كثر منا و ما جيش تخرط و تقولي استثمارات باسكو شركة توديني الايطالية الوحيدة في الجزائر المستثمرة و اليونان لا تملك ولا شركة فوق الاراضي الجزائرية و راكم تسيربيو في الدراهم
ميسيو سلال و دراهم شكيب خليل اكثر من 30 مليار دولار مختلسة كيفاش ؟؟
و 23 مليار دولار تاع الطريق است اواست تاع الغول و الطريق ستقام 12 مليار برك و راهي فرتونة مابانش عليها خبر كيفاش ؟؟
و 3000 مليار سنتيم تاع سعيداني لي سرقها من صندوق الفلاحة و شرا 4 برطمات في باريس بقيمة اجمالية تفوق ال 2 مليون اورو و بنتو عندها شركة راس مالها 1 مليون اورو كيفاش ؟؟
و وزارة المجاهدين اللي ما جاهدوش و لي راهي تاكل سنويا 8 ملاير دولار بوجي كيفاش ؟؟
و خليدة الخنفوسة لي بحرت على الاقل في العهدة تاعها ما يفوق ال مليار دولار في الشطيح و الرديح كيفاش ؟؟
و السعيد رب الجزائر لي راه خارق الدنيا و من طبيب دكتور الى مستشار الى ملياردار كيفاش ؟؟
و قروب حداد و علي الحداد لي بين ليلة و ضحاها راه يزربع في الدراهم و وين يكون القودرون يكون كيفاش ما تقولولوش زير شوية روحك ؟؟
و اويحي مول الكيران و الطحكوت و النوفو ريش كيفاش ؟؟
و الخليفة مازال باش تشارعولو * و علابالنا والله ما جبتوه * كيفاش ؟؟
و بهاء الدين بوطيبة المدعو الدوبل كاربيراتور و سياراتو و ممتلكاتو كيفاش ؟؟
و التريبل كاربيراتور عمي القايد و ما يملكه كيفاش ؟
.
.
.
تسمى هاذو لي خارقين الارض ما شفتهمش جاي للشعب لي مقودة عليه تقولو زير السبتة ؟؟ يرحم باباك انا كي نزير السبتة علاش ؟ كاش ما عندي نعاون الدولة انا السروال راه هابط واش نزير فهمني واش نزير ..خليت هاذو لي عندهم الملاير ما قتلهمش ياو عاونونا لوجه ربي و جاي عند شكوبي انا مقودة عليا

[amine eco]

iiiiiiiihhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhh

[أبو عبد الرحمن 87]

من 2012 دافع دوسي بصح ماكاش رد حتى اليوم
2015 .... كي لحقت دالتي باش ندخل صرات أزمة
حسبي الله ونعم الوكيل في كل من أخر من دخولي .... حسبي الله ونعم الوكيل على هذي الحكومة وعلى هذو المسؤلين

[khawla.ch]

لا اله الا الله....
حاب يقوووول كيما يغلي البترول يعود علييييييهم و كيما يطيح يعووود عليناا
ياا حسرة ربحناااااا ..حسبنا الله و نعم الوكييييييييل...

[الدنيا]

الله يجيب الخير 2015 باينة ماخرجتش علينا

[Algam]

ديما تطفر غير في الزوالية

[سموراي]

يا خاوتي انا عضو جديد امعاكم حسبنا الله ونعم الوكيل احنا كعمال فيالادماج المهنياستبشرنا خيرا اعلان الموسسة علا منصبين مالييت موسسة استشفائية لكن الموسسة خالفت قانون 12 .194 المادة 3 باجراء المسابقة علا اساس الشهادة وداروها في تكوين ملتما تلعبت العبة بصح احنا ميكتناش راسنا الوضيف تاع بسكرة راسنا مفتش الوظيفة العمومية الوالي ومديرية الصحة وان لم يكن لنا الرد نراسل الامين العام لوزارت العدل

[amine eco]

ربي يهديهم

[nour4]

لسي عبد المالك سلال يلغي رسميا كل مسابقات التوظيف العمومي سنة 2015 بداعي مشكل البترول و ازمة النفط
السي سلال ايضا طالب من الشعب مساعدة الحكومة على الخروج من هذه الازمة بتفهم وضع الحكومة و عدم الخروج في احتجاجات لزيادة الاجور و و و لانه ليس بمقدور الحكومة ذلك بسبب الازمة
ليضيف المتحدث بان حكومته ستتحطم في الازمة ان شاء الله مضيفا بان احتياطي الصرف كفيل بتجنب ازمة لمدة 4 سنوات على الاقل
.
.
.
.
هههههههههههههههههههههههههههههههههههههههههههههههههه ههههههههههههههههههههههههههههههههههههههههه
ميسيو سلال و الزردات لي درتوها كي كان 100 دولار كيفاش ؟؟
و المليار دولار لي مسحتو بيها ديون الافارقة كيفاش ؟؟
و 200 مليون دولار لمديتوها لتونس لله في سبيل الله بعد ثورة الياسمين كيفاش ؟؟
و 200 مليون دولار الاخرى لي مديتوها لمصر بعد ثورة التحرير كيفاش ؟؟
و صندوق النقد العالمي لي مديتولو 500 مليون دولار لله في سبيل الله كيفاش ؟؟
و نزيدلك من الشعر بيتا عمي سلال في زيارة الرئيس الايطالي و اليوناني للجزائر مؤخرا شحال مديتولهم سلفية او لله في سبيل الله ؟؟ ما تكذبش اب الفقاقير باسكو الطليان و اليونان مقودة عليهم كثر منا و ما جيش تخرط و تقولي استثمارات باسكو شركة توديني الايطالية الوحيدة في الجزائر المستثمرة و اليونان لا تملك ولا شركة فوق الاراضي الجزائرية و راكم تسيربيو في الدراهم
ميسيو سلال و دراهم شكيب خليل اكثر من 30 مليار دولار مختلسة كيفاش ؟؟
و 23 مليار دولار تاع الطريق است اواست تاع الغول و الطريق ستقام 12 مليار برك و راهي فرتونة مابانش عليها خبر كيفاش ؟؟
و 3000 مليار سنتيم تاع سعيداني لي سرقها من صندوق الفلاحة و شرا 4 برطمات في باريس بقيمة اجمالية تفوق ال 2 مليون اورو و بنتو عندها شركة راس مالها 1 مليون اورو كيفاش ؟؟
و وزارة المجاهدين اللي ما جاهدوش و لي راهي تاكل سنويا 8 ملاير دولار بوجي كيفاش ؟؟
و خليدة الخنفوسة لي بحرت على الاقل في العهدة تاعها ما يفوق ال مليار دولار في الشطيح و الرديح كيفاش ؟؟
و السعيد رب الجزائر لي راه خارق الدنيا و من طبيب دكتور الى مستشار الى ملياردار كيفاش ؟؟
و قروب حداد و علي الحداد لي بين ليلة و ضحاها راه يزربع في الدراهم و وين يكون القودرون يكون كيفاش ما تقولولوش زير شوية روحك ؟؟
و اويحي مول الكيران و الطحكوت و النوفو ريش كيفاش ؟؟
و الخليفة مازال باش تشارعولو * و علابالنا والله ما جبتوه * كيفاش ؟؟
و بهاء الدين بوطيبة المدعو الدوبل كاربيراتور و سياراتو و ممتلكاتو كيفاش ؟؟
و التريبل كاربيراتور عمي القايد و ما يملكه كيفاش ؟
.
.
.
تسمى هاذو لي خارقين الارض ما شفتهمش جاي للشعب لي مقودة عليه تقولو زير السبتة ؟؟ يرحم باباك انا كي نزير السبتة علاش ؟ كاش ما عندي نعاون الدولة انا السروال راه هابط واش نزير فهمني واش نزير ..خليت هاذو لي عندهم الملاير ما قتلهمش ياو عاونونا لوجه ربي و جاي عند شكوبي انا مقودة عليا
ههههههههه والله انت فوووووووووور يعطيك الصحة كلاامك في الصميم

[soumi7]

للاسف مشافوش نواب البرلمان والوزارا واللي يدو فوق 40 فالشهر جاو للشعب اللي السروال راه طايحلو يوقلو زير السبتة الله ينعلههم

[أحمد زابانة]

أكيد كبش الفداء دائما هو الشعب .
يعني في بالكم يا جماعة الميزانية الخاصة بعقود ما قبل التشغيل تكلف الدولة ؟؟؟؟ و الله أمر مضحك جدا . هل تعلمون أن سد منح جميع عمال عقود ما قبل التشغيل = عدد قليل جدا من براميل البترول ، يعني بكل اختصار ميزانيتكم على بعضكم يا عمال العقود تساوي ساعات من دخل الجزائر أو بالأحرى فتات مدخول الجزائر فلا تخافوا .
+ أعطيكم شرحا مبسطا حتى يفهم الجميع ، اذا كنت أنت مذخولك الشهري 15000 دج و يطلب منك ابنك 1 سنتيم هل تراه ينزل اقتصادك اذا انخفض راتبك الى 10000 دج شهريا ؟
هكذا نحن عمال العقود كذلك الابن بالنسبة لأبيه و شكرا .

[أحمد زابانة]

ليكن في علمكم أن مدخول الجزائر السنوي حاليا تعدى 80 مليار دولار (مليار) فائقا النفقات العامة 25 مليار دولار .
يعني ينفقون في السنة 25 مليار دولار و يتبقى 55 مليار دولار في الخزينة كمتوسط أقول لأنه أكثر من ذلك في الغالب بكثير .
يعني لو نعمل عملية حسابية على 5 سنوات يكون لدينا في الخزينة أكثر من 250 مليار دولار في الخزينة هذا المدخول ثابث على الأقل بعد سنة 1990 و ما خفي أعظم يعني ربما مثلهم أو أكثر يخفى على الشعب هاته الأموال المصرح بها .
يعني من 1990 الى 2015 = 25 سنة كل خمس سنوات الخزينة تمتلأ بأكثر من 250 مليار دولار أي ما يعادل ألف مليار دولار كل 20 سنة في الخزينة
يعني بكل اختصار الخزينة سيعيش منها الجزائريين دون تأثر بانعدام البترول حتى ليس فقط انهيار أسعاره ل 100 سنة أخرى بنفس الوتيرة التي نحن نعيش بها حاليا .