سؤال من فضلكم يخص اعفاء اصحاب 30 سنة

[wafa1208]

السلام عليكم
من فضلكم اخوتي حبيت نعرف الاعفاء هذا الالاخير تاع 30 سنة لي راهو يفوت في العسكر يطلقوهم. لانو زوجي من مواليد 1983 و ددخل يفوتها في سسبتمبر لي فات. منعرف ضرك يطلقوه ولا يكمل نورمال. تعيشو لي علابالو يجاوبني

[mustapha34]

القانون لا يمسه اختي ..يكمل العام نورمال لانه لا يمكن ان يتركو مكانه فارغ..
ربي يعطيك الصبر وبالتوفيق.

[wafa1208]

راك متاكد خويا من المعلومة

[mustapha34]

القانون يمس الغير مجندين سواء عصاة او غير ذالك المهم وضعيتهم غير مسواة
اما لي راه مجند خلاص راه لبس combat تاعو
.....والله اعلم

[wafa1208]

يعطيك الصحة خويا. بصح انا نتمنى يطلقوه مع العلم انو مازال ما ميتاوهمش و كاين لي قالولي بالاك يطلقوه مي انا حابة مصدر اكيد على حسابحساب الاعفاءات تاع قبل كاشما تعرفو ناس كيما حالو كانو يعقبو و خرج اعفاء واش دارولهم

[mustapha34]

عندي ولد خالتي تم اعفائه بعد 6اشهر ..لكن بمعريفة كبيرة ..ابوه فالجيش
اكي تشوفي باباه فالجيش وهكداك ما قدرش يمنعلو الاعفاء
العايلة تاعو حطولو دوسي بلي كان مريض وبعد اخذ ورد ..خرجوه
الاخت ماشي ساهلة تماما ...تجند ثم تخرج ونادرة الا في حالة حادث لا قدر الله..ربي يحفظ كل مؤمن ....كاش جديد تلقايه فالموضوع.

[mohamedmosta]

ارجوا الرد على سؤالي انا عاصي 'متزوج و كفيل بالام منذ 2012 سؤالي هل مازالوا يشدوا ملف الكفاله في المحكمه العسكرية

[mustapha34]

اخي ملف الكفالة صعبوه
يلزم يكون الاب متوفي او دو احتياجات خاصة او والدين مطلقين
يعني ملف طبي افظل اخي

[رزيقة16]

سلام عليكم اريد ان استفسر عن حالة خطيبي 25 سنة هو في حالة عصيان جاز من المحكمة العسكرية في مارس 2014 خرج برائة بملف الكفالة علما ان خطيبي الابن الوحيد للعائلة لا اخ و لا اخت و حيد العائلة و ابوه مريض السكري الضغط الدموي و القلب عطاولو سورسي في مارس قالولو في جويلة 2014 ارواح لبليدة عطاولو برية قالولو اديها لباب الواد كي راح لباب الواد قالولو عاود جيب ملف الكفالة من بعد راح نهار الاحد دا ملف الكفالة قالولو منشدوهش هنا طولت هاد ليامات تلحقك اورد دابال روح لثكنة و تحط الملف تما في رايكم واش يقدر ايدير ربي يسر اموركم و شكرا علما ان لراهي لحقاتو اورد دابال 20 جانفي 2015