عايشين في غاااابة

[bello angel]

السلام عليكم
يا خاوتي حبيت نفرغ قلبي و نعرف هل غير انا لي نخمم هكا

كل يوم نتاكد اكثر بلي لمرا بلاصتها الدار خصوصا في مجتمعنا
رانا كرهنا ادا باه تقري تتحملي كل يوم التعليقات في الطريق تتحملي تتعاملي مع ناااس تخمامهم تع حيوانات و تسكتي
ادا تخدمي تكرهي حياتك ملي تخرجي و انتي تسمعي في تطياش الهدرة تغيضك روحك و تفوتيها تركبي في المواصلات اكم عبالكم واش صاري ياو لوكان واش ديري متمنعيش و كي توصلي لمكان العمل تضطري تتعاملي مع وحوش مش ناااس من اكبر رتبة للعساس كاااامل يهدرو معاك بعينيهم لوكان تغلطي تبتسميلهم رحتي فيها
تخرجي تقضي امورك ولا تشري تروحي للدار كارهة حيااااتك
و الا خممتي ديري البرمي باه تتهني من مشاكل المواصلات تصطادمي بمعلم منحرف يساومك ع شرفك باه يقريك تولي تحبسي
واحد ما يقلي هادا راجع للتبرج ولا على خاااطر ملتزمين و ممنعاش و كبار في السن و ممنعوش
راني والله مخمة نحبس الخدمة و الخرجة و نبقى في الدار رانا عايشين في غاااابة

[عفاف عفة]

السلام عليكم

:dj_17:
نقلك يا اختي وين راهو المشكل .....كاينة فئة معينة من البنات للي راهم مخمجين الدعوة سواء في الشوارع او المواصلات او اي مكان ......والناس راهي تشوف فيهم من بعد يعممو هاذيك النظرة على البنات كامل بالمليحة بالفاسدة و من بعد نتعرضو لهاذيك الامور من عباد ما يسواوش بصلة ......خاصة لو كنت جامعية للي ماهو فيك يتلاح فيك ......
طبعا حنا رانا قريب نوللو في 2015 والناس مازالو يشوهو في بناتهم ......
سمحيلي ختي على بعض المصطلحات للي قلتهم .......مي ان شاء الله تتغير العقلية هاذيك المتخلفة .....لانو كون الفاسدة يحكم فيها باباها مانروحوش في الرجلين .......
في امان الله

[zineeddine721]

وقرن في بيوتكن ..أصدق الحديث

[BAROUD]

قستيها سواسوا

ابقاي ف الدار الله يرضي عليك

[محمد جديدي التبسي]

أتفق معك تماما
يا ليت البقية يدركون هذه الحقيقة المرة
خاصة جماعة زميلي في الدراسة وزميلي في العمل والمدير ناس ملاح
ربي يحفظك

[L16BIO]

عندك الحق مي كاين بنات ماكانش اللي يصرف عليهم
وأنامعك المرأة مكانها بيتهاوالرجل يقوم بدوره بكل رجولة( سواء كان أب أو أخ أو زوج) في الانفاق عليها و توفير الحياة الكريمة لها

[L16BIO]

عندك الحق مي كاين بنات ماكانش اللي يصرف عليهم
وأنامعك المرأة مكانها بيتهاوالرجل يقوم بدوره بكل رجولة( سواء كان أب أو أخ أو زوج) في الانفاق عليها و توفير الحياة الكريمة لها

[bello angel]

سلام
يا خويا والله لا زميلي في العمل لا مديري ناس ملاح اكتشفت مؤخرا انو كامل كيف كيف وكي لي قاري كي الامي كااامل عقلية وحدة
غير خوك ولا باباك ولا راجلك الباقي كامل صباح الخير خسارة فيهم

[bello angel]

عندك الحق مي كاين بنات ماكانش اللي يصرف عليهم
وأنامعك المرأة مكانها بيتهاوالرجل يقوم بدوره بكل رجولة( سواء كان أب أو أخ أو زوج) في الانفاق عليها و توفير الحياة الكريمة لها

عبالي يا اختي
لي محتاجة للخدمة الله غالب عليها بصح راح تتمرمد خصوصا ادا كانت متمسكة بدينها و محافظة

[~ السلطانة ~]

السلام عليكم ...
موضوعك ملفت ... فيه من الحقيقة و فيه من المبالغة و فيه من عدم الألمام بالموضوع ...
اذا كان للنقاش يناقش و اذا كان لفرض الأمر فهذا أمر يخصك ...
أنا نحير في راجل يحكي على مرأة و هو مش مرأة ؟؟؟ هل هذا استنتاجك الخاص ام انك سألت المرأة ؟؟؟
يا اخي اذا راك تحكي على مجموعة معينة ؟؟؟ ربما كلامك ينطبق عليها لكن لا تجعل من مجموعة من القصص حكم و أدلة سبحان الله ...
أنا أعمل في مجال ذكوري اذا تصدق أو تكذب ... نعمل في ورشات البناء و في المكتب و معظم زبائني رجال و لكن عمري واحد هز راسوا فيا بسوء ظن . هذا يكفيني تقولي نيات و ما نيات انا المهم يحترموني كي ندخل ... نسمع غير تفضلي سيدتي و واحد ما يلفظ نص كلمة ...
الأحترام لا يفرضه عليك المجتمع بل انت من تفرض احرتامك عليهم ... و من يتجرأ على الخروج على الحدود يوقف و يتوقف و انتهى الأمر ... نقعد انا نكركب في الموضوع و نقلي فيه و نعاود خلاص فهم روحوا و فهم صحابوا ..
في الطريق يا اخي انا لابسة محترم و ماشية بهدوء للي يحكي ربي سجلها عليه نقطة حمراء و انا مذابيا كامل الرجال يسجلوا نقط حمراء خاطر تبلاو النساء ...
ربوا بعضاكم ما تتبلاوش ... عندك الحق في لابسة نص لباس وووو لكن المحترمات أكثر و الواقع يشهد ... اذا يتبع أمور المراهقات هذاك مش راجل يفتح موضوع كما هذا للنقاش ...
و الحكايات تاع البرمي و الاستاذ و الخادمة و البونيشة هذوك كامل صور فردية ... ليسوا بالأدلة الثقيلة الوزن ... طرف فياقة و جياحة ليست لنقاش موضوع قرن في بيوتكن ... المعنى أكبر من هذا بكثير ...
معك لو قلت :
للي متعرفش ترفع قدرها و تفرض احترامها تقعد في الدار ...
معك لو قلت على الوالدين حفظ كرامة بناتهن بتربيتهن على العفاف ... و للي ماش قادر يحكم ينتو في الدار ..
معك لو قلت للي خارجة تجمع طنوبونات تقعد في الدار ...
معك لو قلت للي تحوس على الشين و المعيب تعقد في الدار ...


لكن


تجمع و ترمي في القمامة لا يا أخي ...

بل


انتقي و ارمي ...

شكرا

[~ السلطانة ~]

عبالي يا اختي
لي محتاجة للخدمة الله غالب عليها بصح راح تتمرمد خصوصا ادا كانت متمسكة بدينها و محافظة


جامي تتمرمد ... اذا عندها شخصية قد ضعفاء النفوس يا اختي ...
راهم ضعفاء افهمي ... الله غالب عليهم هما ...

[mouadezzine]

السلام عليكم
راكي قلتيها ختي لكريمة
خرجة المرا تمرميد و dérangement ليها ولأهلها
أنا ليّ أقعدي في الدار وهنّي على روحك
خاصة إذا كنت ماكش محتاجة خدمة تاع الصّح
وهكذا يتهنى الفرطاس من حكان الراس
مجرد رأي

[الدكتور شهاب الدين]

السلام عليكم ...

كل شخص حر في تصرفاته و قناعاته و لا اكراه في الدين ...
في الحقيقه توجد أمور كثيرة علينا معالجتها قبل الوصول أو التسبب بالمرأه ،
صحيح يجب للفتاة ان تستر نفسهاو تمشي محترمه و لا تخرج وحدها من البيت حتى لا يعتدوا عليها و لكن من جهة أخرى يجب على الرجل كذلك غض البصر و عدم التحرش بها ، لا تعتدي عليها حتى لا تتأذى أختك و أمك و بنتك، فكما تدين تدان ، لا ترو الخطأ إلا في الأنثى فقط فهذا جهل ،
لكلّ واحد منا قناعاته و حريّته و واجبنا ينتهي عند النصح و ليس الاكراه و تكرار الكلام ، فلسنا نحن من سنحاسبها في الأخير ...

نقطه و انتهى .

[mouadezzine]

السلام عليكم
في كل الأحوال المثل يقول
اللي ما في كرشو التبن ما يخاف من النار
مهما كانت درجة الاستفزازت اللي تلقاها المرا خارج بيتها
ومهما كانت الصعوبة اللي تلقاها المرا في خروجها
لكن الأكيد
إذا احترمت نفسها شي ما يلحقها
ومع ذلك يبقى بقاءها في دارها أسلم لها خاصة إذا كان خروجها غير لازم
سلام

[~ السلطانة ~]

الأخت سلطانة
صاحبة الموضوع أنثى وليست ذكر
مجرد تنبيه
في كل الأحوال المثل يقول
اللي ما في كرشو التبن ما يخاف من النار
مهما كانت درجة الاستفزازت اللي تلقاها المرا خارج بيتها
ومهما كانت الصعوبة اللي تلقاها المرا في خروجها
لكن الأكيد
إذا احترمت نفسها شي ما يلحقها



أعتذر معك حق ... تشوكيت أكثر كي عرفت انها بنت ... متأكدة أنها صغيرة في السن و لا تدرك من الحياة الا الدخول و الخروج و اعتذر ...
و انت يا اخي كل مرة برأي ... ما فهمنا فيك والو ... انا غلطت في صاحبة الموضوع انت فهم روحك ...
مع احترامي

[mouadezzine]

أعتذر معك حق ... تشوكيت أكثر كي عرفت انها بنت ... متأكدة أنها صغيرة في السن و لا تدرك من الحياة الا الدخول و الخروج و اعتذر ...
و انت يا اخي كل مرة برأي ... ما فهمنا فيك والو ... انا غلطت في صاحبة الموضوع انت فهم روحك ...
مع احترامي
السلام عليكم
راني فاهم روحي مليح يا الأخت
ردّي الأول عدّلته قبل ما تقتبسيه وقبل ما تحطّي ردّك هذا
عاودي اقرايه من جديد

[bello angel]

أعتذر معك حق ... تشوكيت أكثر كي عرفت انها بنت ... متأكدة أنها صغيرة في السن و لا تدرك من الحياة الا الدخول و الخروج و اعتذر ...
و انت يا اخي كل مرة برأي ... ما فهمنا فيك والو ... انا غلطت في صاحبة الموضوع انت فهم روحك ...
مع احترامي

يا اختي درتي مواضيع مما كان والو
اولا انا انثى و ثانيا مرانيش صغيرة انا طبيبة و عاملة كملت قرايتي و عندي ليسانس فرنسية يعني نقرا و نخدم
ثالثا موضوعي تنفيس عن النفس فقط و ضعف الشخصية لي راكي تحكي عليه يظهر من خلال ردودك رغم اني لا اعرف سبب انفعالك لهده الدرجة
و شكرا لكل من مر بالموضوع

[~أمة الله~]

وعليكِ السلام ورحمة الله وبركاته ،،
أتفق معكِ أختي ألف بالمائة ، الواحد يخرج برك يقضي حاجة يرجع للدار قلبو يوجع فيه والله المستعان ،،،
لكن أرواحي نتي وفهمي بعض النّاس حتى أقرب النّاس إليك ، يقولك ماكاش منها كي تكون الواحدة شادة في روحها .. صباح الخير ومساء الخير ، بل حتى إلقاء السلام في هاد الوقت ولاَّ فِتنة والله المستعان...
المشكل أنّ بعض النّاس يروح بالو لبعيد لما نقول فِتن، لكن أنو الواحد قلبو يتغيّر عليه فقط هي فِتنة ، الواحد يولي يتساهل في بعض الأمور فقط فِتنة ، لكن حسباتلهم غير الأمور لكبيييييييرة جدا هي لي تستلزم باش المرأة تقعد في دارها ، إذا وصلت لهذاك الحدّ راهي تهردت كامل ،، ومعظم النّار من مُستصغر الشرر ، الحاجة الصغيرة تكبر يوم عن يوم والله المستعان
ربي يسترنا في بيوتنا أختي ...وإذا كنتِ مكفية نصيحتي اقعدي في البيت أحسن ...
وفقكِ الله

[khawlita.dz]

السلام عليكم
يا خاوتي حبيت نفرغ قلبي و نعرف هل غير انا لي نخمم هكا

كل يوم نتاكد اكثر بلي لمرا بلاصتها الدار خصوصا في مجتمعنا :confused:
; ولما خصوصا بمجتمعنا :confused:
رانا كرهنا ادا باه تقري تتحملي كل يوم التعليقات في الطريق تتحملي تتعاملي مع ناااس تخمامهم تع حيوانات و تسكتي
ادا تخدمي تكرهي حياتك ملي تخرجي و انتي تسمعي في تطياش الهدرة تغيضك روحك و تفوتيها تركبي في المواصلات اكم عبالكم واش صاري ياو لوكان واش ديري متمنعيش و كي توصلي لمكان العمل تضطري تتعاملي مع وحوش مش ناااس من اكبر رتبة للعساس كاااامل يهدرو معاك بعينيهم لوكان تغلطي تبتسميلهم رحتي فيها
تخرجي تقضي امورك ولا تشري تروحي للدار كارهة حيااااتك
و الا خممتي ديري البرمي باه تتهني من مشاكل المواصلات تصطادمي بمعلم منحرف يساومك ع شرفك باه يقريك تولي تحبسي
واحد ما يقلي هادا راجع للتبرج ولا على خاااطر ملتزمين و ممنعاش و كبار في السن و ممنعوش
راني والله مخمة نحبس الخدمة و الخرجة و نبقى في الدار رانا عايشين في غاااابة

واالله ربما توجد كل هاته الشرور بالدنيا لكم اعتقد جازمة ومجربة انه من تصون نفسها تبقى مصونة ومهيبة الجانب فى كل زمان ومكان
ولا احد يتجرا بالاقتراب منها
الا ان وجدت منها سهولة وليونة للمرضى النفسانيين النتشرين بالشوارع :mad:
اتدرين لو مررتى بكلب هائج وخفت منه وتصرفت على هدا الاساس سيهاجمك حتما اما ان التمس منك قوة وثبات وعدم اهتمام سيرتمى لاخرى رجد بها ضعفا و غباءا ربما
هكدا هم هؤولاء اشباه البشر
ولما انت متاثرة هكدا نحن لسنا بالجنة او بالمدينة الفاضلة فان لم يوجد الشر لن تظهر قيمة الخير
وان لم يوجد البنات السىءات لما استحمدنا الفاضلات ولو ما كان الشباب االمنحرفون لما اكبرنا الشاب العفيف وقيسى على دلك
لكن تاكدى انه من يتق الله سيكون بحمايته
ومن لم يوصل بنفسه لهاته المهازل لما تجرا عليه او عليها ارادل القوم
بالتوفيق
مجرد راى

[seifelmagik]

اختي انتي اوثقي في روحك وهذا هو الاهم لانو واش تعملي ماش رح تمنعي من كلام الناس والسكوت على احمق جوابه

[راعي الخير]

http://im83.gulfup.com/NF5x5s.jpg

[راعي الخير]

تفضلي سيدتي و واحد ما يلفظ نص كلمة ...
الأحترام لا يفرضه عليك المجتمع بل انت من تفرض احرتامك عليهم ... و من يتجرأ على الخروج على الحدود يوقف و يتوقف و انتهى الأمر ... نقعد انا نكركب في الموضوع و نقلي فيه و نعاود خلاص فهم روحوا و فهم صحابوا ..
في الطريق يا اخي انا لابسة محترم و ماشية بهدوء للي يحكي ربي سجلها عليه نقطة حمراء و انا مذابيا كامل الرجال يسجلوا نقط حمراء خاطر تبلاو النساء ...
ربوا بعضاكم ما تتبلاوش ... عندك الحق في لابسة نص لباس وووو لكن المحترمات أكثر و الواقع يشهد ... اذا يتبع أمور المراهقات هذاك مش راجل يفتح موضوع كما هذا للنقاش ...
و الحكايات تاع البرمي و الاستاذ و الخادمة و البونيشة هذوك كامل صور فردية ... ليسوا بالأدلة الثقيلة الوزن ... طرف فياقة و جياحة ليست لنقاش موضوع قرن في بيوتكن ... المعنى أكبر من هذا بكثير ...
معك لو قلت :
للي متعرفش ترفع قدرها و تفرض احترامها تقعد في الدار ...
معك لو قلت على الوالدين حفظ كرامة بناتهن بتربيتهن على العفاف ... و للي ماش قادر يحكم ينتو في الدار ..
معك لو قلت للي خارجة تجمع طنوبونات تقعد في الدار ...
معك لو قلت للي تحوس على الشين و المعيب تعقد في الدار ...
444444444444444444444444444444

[no name rix]

في أخر موضوعك قلتي كلمة التبرج
اعطيك تعريف الايمان لنا كمسلمين
الايمان ما وقر بالقلب وصدقه العمل
يرجى التركيز قليلا أعلم أن في هذا الزمان لكي تحصل بنت على عمل
الاغلبية تكون متبرجة أو تكون لديها محسوبية أي مايسمى عندنا بالمعريفة
أنت ربماا تأخدين نصف التعريف الايمان ماوقر في القلب
لكن لاتعملين به أي لو اتبعنا ما أوصنا به الله والرسول من حقوق المراة ودورها في بناء المجتمع
ومايترتب عنها من ستر لنفسها وغيرهاا
في حياتي لم أرى تحرش ببنت تأخد اللباس الشرعي
راجعي نفسك قبل أن تحاسبك غيرك
وايضا قلت تتوقف عن العمل أتحادك أن تفعليهاا في هذا الزمان والاسباب نعرفها ولكن ننكرها

الله يهديناااااا

[no name rix]

سلام
يا خويا والله لا زميلي في العمل لا مديري ناس ملاح اكتشفت مؤخرا انو كامل كيف كيف وكي لي قاري كي الامي كااامل عقلية وحدة
غير خوك ولا باباك ولا راجلك الباقي كامل صباح الخير خسارة فيهم

ليست عقلية واحدة ربما ذاك االذي تعتقدين أنه قاري هو جاهل
أو اهمالك للقارئ الحقيقي وبالتلي هنا أنت جاهلة أو بالاحرى أمية كما تصفين و أثبت ذلك باهمالك لطبقة أخرى
الله سبحانه يقول
/هل يستوي الذين يعلمون والذين لا يعلمون /

.

[Hind_dz]

السلام عليكم
ربما هذه حياتك فعلا و ربما بالغت قليلا لا أدري فعلا لكن عندما قارنت واقعك بواقعي وجدت اختلافا كبيرا !
يالنسبة لي أنا فتاة جامعية ، و أدرس بعيدا في ولاية غير ولايتي يعني طوال الوقت في المواصلات ، و رغم هذا لا يحدث معي بتاتا ما يحدث معك ! و الحمد لله لا أجد صعوبة في الخروج من البيت ،، صحيح أني أواجه بعض المضايقات أحيانا لكن ليس بالقدر الذي قد أكره فيه حياتي أو أكره الخروج من المنزل ! مع العلم أني متحجبة ..

[alibadis]

اختي في الله بصريح العبارة و بدون مجاملةافضل لكي انا تمكثي في البيت وتنتظري ابن الحلال الذي يعرف قيمتك

[youcefas07]

المشكل في اللباس لل كنتن متحجبات حجاب رعي واحد ميدور بيكم
لكن للاسف انت كاسيات عاريات وتطالبن بالاحترام . هذا مستحيل

[pirata]

الغابة. شابة بصح العفريت