اول يوم في البيرمي كرهتو

[مشكلتي]

السلام عليكم
باختصار بغيت نجوز البيرمي فتت الكود الحمد الله نجحت
تخــيلو اول نهار رحت نتعلم الكرينو قالي المدرب اضغطي على لـفرا غلطت ضغطت لاكسلرتور لاني طبعا وحدي داخلة بعضاي و اول مرة غضب و قالي اذا مرة اخرى ما تسمعيش كلامي ماراحش نزيد نعلمك ردي انا ايضا كان بحدة و مع هذا حسيت باهانة
انا البيرمي نحتاجو ضروري جدا و اذا توقفت هنا ؟؟؟؟؟
هل نتوقف من عندو و هل نقدر نبدل من عندو ؟؟؟ لاني نفسيا خلاص كرهت .. انا ما نبغي حتى واحد يحكي هكذا معايا واش ندير ...
المشكل خلصتو 2.5 مليون يعني اذا حبيت نتوقف من عندو و نبدل كيفاش لازم ندير و الا هل انا غالطة ؟؟؟؟؟؟؟؟؟؟؟؟؟؟؟؟؟

[@fatima@]

و عليكم السلام

مشكلتك ساهلة و عندها حل و نتي ماراكيش غالطة لانو الي يعلم لازم عليه يصبر على الي يعلمه و لا هو كيفاش تعلم؟؟؟

تقدري تبدلي من عنده ديري ترونسفار لعند واحد اخر لكن ننصحك ميكونش من نفس المنطقة الي يعلمك فيها هذا لانو راح

يكون صاحبه و يعاملك بنفس المعاملة نتاعه هو و هكا تخسري بزاف حاولي تغيري لمنطقة اخرى غير الي تسكني فيها

يعني ميكونش يعرفه

تقدري تقولي له يرد لك دراهمك يحسب لك غير نتاع الكود يعني يدي حقه برك و موراها روحي عند اوطو ايكول واحد اخر

قولي له راني حابة ندير ترونسفار يعطيكي ورقة تديها لاوطو ايكول الي راكي عنده يمضي عليها و هاكا الدوسي نتاعك

يتبدل من عنده و تكملي عند الاخر

بالتوفيق....

[لحن الحياة.]

ديري عند امراة افضل بكثييييييييييييييييييييييييييييييييييييييييييير

ثم لازم قلبك ديريه صوندويتش وكوليه و أنساي تاع خفت و نبكي وووو مادامك اقدمتي على خطوة كمليها

[جيهان13091991]

ههههههه ، يا أختي ماتكرهي ماوالو ، و ميش قصدو عليك مي بزاف ناس تغلط حتى كره ، ههههه مالا كون شفتي أخي كي كان يعلم فيا واش عيط عليا و نغضب نروح للدار ، و غدوة من داك نعاود نخرج و نزيد نغلط و يزيد يقابضني ، ههههه خاصة كي نعاود نفس الغلطة مع العلم أنو أنا البيرمي تاعي عندو 4 سنين و مانسوقش ، ههه يخافو على السيارات تاعهم لا يفسدو و درك الحمد لله وليت نسوق و يرجع الفضل لأخي و العياط تاعو هههههه، المهم مالازكش تزعفي كي يعيط عليك على خاطر و عن تجربة و الله ساعات نديرو غلطات تاع أغبياء كيما الفران و لاكسيليغاتوغ ههههه باينة يتقلق من البديهيات تعرفي وينو لاكسيليراتور و الفران و لومبرياج ، المهم مالازمش تطرهي بارسك اذا كرهتي عمرك ما تسوقي ، ماعليش أزعفي و أنساي

[سلواان]

السلام عليكم..
صاحبة الموضوع ..رائحة كبرياء وعزة نفس شديدة تنتشر من حولك حيثما تكونين....ضعي اعصابك داخل فريزر ...ولما تتحصلي على الرخصة سوف يكون ما حصل ويحصل في خبر كااااااااااااااان...بالتوفيق..

[bello angel]

يا اختي مشكلك ساهل ياما راح تحملي و يعيط علييك وووو
راهو يعلم فيك حاولي ماتديش الموضوع بحساسية كبيرة انا بديت و رح نحبس و المشكل ماجانيش في يعيط عليا
المشكل لي يقري فينا شخص خبييييث و كون تقشعيه يحطك في راسو كيما دار لوحدة معانا

[صرخة ألم]

نستعر بيه هدا المدرب انتي علاه تحوسي تتعلمي السواقة هداك ماخص تالبتون في كلشي
سبحان الله يحوسو على الخدامة و المسترجلة و يرموا اخواتهم بعدما يتزوجو و ما يحوسوش عليهم ميتين و الا حيين و يديو بنت الفاميلا يمرمدوها و من بعد يقلك علاه لمرا تحوس على صلاحها و تقضي حاجتها بروحها اتولهو بيها و من بعد حاسبوها
بالنسبة للموضوع انا رايي اذا راه يعيط عليك في صالحك فهميه لي راكي اول مرة و اذا شفتي اسلوبه كمل عيان بدلي

[thamourth]

كامل كيفكيف.................ولكن هدا هو العربي...لازم نديرو كيفهوم

[دائمة الشكر]

اختي ماتزعفي ماوالوا هو غلط نورمالموا يفهم بالسياسة رَآه مع وحدة جديدة عليها سواقة السيارة أنا اللي علمني كان هو يكالميني كي كنت نخاف خصوصا كي عقبت الكرينوا تقول راح انموت وليت صفراء قالي ماتخافي ماوالوا يعني لازم الحنية باه نفهموا لبقا استر فيك تهربي ومتفهمي والوا والله ولي التوفيق

[منار40]

الكوررررررراج وفرات

[anfal10]

لا تضخمي الامور يا اختاه المعلم لازم اكون صارم باش تتعلمي مليح ما تزعفي ما والو هادا لمصلحتك ماتبدلي ما والوا جمدي قلبك و الى الامام المهم البيرمي يا لالة ما تنسايش الفال