ارشدوني

[مشكلتي]

السلام عليكم حابة اليوم تنصحوني تمدولي رايكملاني مخي حبس وصلت لانهيار طبعا من زواجي وانا نعاني من نفس المشكل عجوزتي مسيطرة على كل حياتي مش نقول في هدرة برك هذا واش عايشة وياريت كانت في الصلاح معليش زوجي البكر والكفيل متفهمة هذا وراني معاه بصح محرمة عليا التحراك نروح غير لدارنا ولا الطبيب ولازم قبل ما نتحركو يروح يشاورها الا حبو يدوني صحة ولا محبوش نقعد في الدار الحصول كاين ياسر تفاصيل ......نهار عرس ابنت اختو رايحين وانا قلي متروحيش قتلو علاه وشفيها هذا واش قلت راح لامو تناقش معاها استفزاتو بالهدرة تتحكم فيك..........جاء كي المش في حالو انا نطيب قالي راكي مطلقة هكا بلا حتى سبة مقنعة ربي يعلو واش قالت ثاني حتى هبل من هذاك النهار وهوما يخرجو يشرقو يغربو منحوسش عليهم خايفة من تكرار السيناريو واش قاتلي مكتوبلك تطلقي انا خاطية .......قتلتني بعد عام اليوم عرس قتلو ساخفة نروح قالي اما مش حابة تروح متروحيش قتلو يخي راني حايزة ومش يكلمو فيا معاديني هذا ضلم قالي ايه ضلم وحقرة واستعباد ......واش تحبي واش يقولو عليا الناس اما مش رايحة ومدي مرتي ...........هيا قلولي واش ندير انا مبياش العرس ولفت بصح غيضتني الحقرة معاهم بينا باب ميهدروش معايا 6شهور ويزيدو يحرمو عليا نزها شوية قلولي لراني طلبت منو حاجة تاع عيب يهمني راي الرجال ثاني بلاك عدهم نضرة اخرة:confused:

[sara_h]

انتي على حساب اللهجة ديالك من الشرق

لكن اول مرة نسمع عجوزة دير هكا في كنتها شافتك عاقلة وبنت عايلة حقرت الدعوة

واش نقلك انا صغيرة ومنفهم والو في هاذو لحوايج

بصح ندعيلك ربي يفرج عليك ونحي لهموم من قلبك

[anfal10]

ما ني فاهمة والو من هاد الدنيا لي عاقلة معاهم يعفسوها و لي قبيحة ايديرولحا واش تحب واش نقولك يا اختي باين هاد الراجل في فمي غير الطلاق وعلاش يحقروا بنات الناس ما قلت والو كلمة كيما هادي راكي مطلقة و اذا قلت حاجة كبيرة خلات
كاين رجال تمشيهم الامهات نورمالمو تحامي عليك عجوزتك و تقول كلمو حق و علاش عليك الذل ولي لداركم اذا معندكش اولاد و الله ما فهمت الرجال واش احبوا؟؟؟
ما تقولوش عليا متهورة و نساعدها على الطلاق و لكن نشوف العقلية متحجرة يبقى هاذا رأيي و كل اخت ودرجة التحمل عندها ادا يتبدل صحا و ادا يكمل بهاد السيرة توقعي الأسوء انا بزاف صريحة ما تمرضي روحك ما تتقاقي حاجة ما تستاهل
ربي اجيب الخير اختي

[amineb64]

انا نشوف نتي لي عقلك مازال راه صغير ديري عقلك في راسك و سمعي كلام راجلك و زيد احتارمي عجوزتك بلاما تكبريها و تكبري فالحكاية واش ديري بالزهو لي يخربلك معيشتك و تزوجتي باش تولي تخرجي كيما تحبي و من حقو يشاور امو و لا يعصيها و يسمعلك نتي + عندو الصح يماه ما رايحاش و يديك نتي الام كي تبان ليها حطي بلاصتك في بلاصت امو و شوفي هو صح تسرع و قال الطلاق هذى غلطة مي ما تكبريش الحكايات ..الراجل قسموه على 3 الام الزوجة و الاخت .....بناقص منه زواج لي يخليني نعصي الام

[لينة نور]

السلام عليكم

شوفي أختي هاذ العباد الهمج الواحد كره يسمع لزيستوار نتاعهم ، الله يقطعهم سلعة فوق الأرض معقدين ملي تطلع الشمس حتى الي تغيب ..

الوطن مراهش ناقص يكولي كثر ما راه بسبابهم ...[ من يستحقون فعلا ]

نعطيك سر ، عليك بسورة الاخلاص لا تدعي لسانك يفتر من تلاوتها وأطلبي الله النجاة وصلاح الحال ..أسجدي لله والناس نيام ولو في فراشك

وتضرعي لخالقك بالدعاء ...

على خاطرش ناس هكذا صعيب دواهم ...متنجميش تعرفي أصل العقد نتاعهم وين راه ضارب في التاريخ اللهم جبدي روحك..

واجعلي وجهتك الله اما ينجيك منهم أو يصلح حالهم بقدرته ...وعليك بتهييئ الاسباب لذلك ...

[naamane3]

الصبر والدعاء
وكثرة الاستغفار

[أم احمد3]

ديري عجوزتك حبيبتك وانسايه...شاوريها انت.....وخليه هو ...اصلا سيظهر لك ناقص كثيرا......ثم استغفري وابحثي عن طريق اخر لعمل ما تحبينه............

[ندى الصبح]

السلام عليكم

شوفي أختي هاذ العباد الهمج الواحد كره يسمع لزيستوار نتاعهم ، الله يقطعهم سلعة فوق الأرض معقدين ملي تطلع الشمس حتى الي تغيب ..

الوطن مراهش ناقص يكولي كثر ما راه بسبابهم ...[ من يستحقون فعلا ]

نعطيك سر ، عليك بسورة الاخلاص لا تدعي لسانك يفتر من تلاوتها وأطلبي الله النجاة وصلاح الحال ..أسجدي لله والناس نيام ولو في فراشك

وتضرعي لخالقك بالدعاء ...

على خاطرش ناس هكذا صعيب دواهم ...متنجميش تعرفي أصل العقد نتاعهم وين راه ضارب في التاريخ اللهم جبدي روحك..

واجعلي وجهتك الله اما ينجيك منهم أو يصلح حالهم بقدرته ...وعليك بتهييئ الاسباب لذلك ...

نعم الرأي الله يسترك

[mrmilano1984]

هنا لعرب هكا كي النسا كي البنات يحب قاع يعيشو كما يحبو وحدة تحب تلبس مليح وحدة تحب تخرج وحدة تحب تخدم وحدة تحب تسيطر علي راجلها هيا مشي ديقاجيو قاع جربتهم وحددة وحدة النسا هادو مايقبلو بحتي حاجة حتي في دار عجوزتها وتحب تعيش كما تحب ياطفلة ادا تزوجتي اقبلي بمعيشتك كاين لي راضيات مي قلال بزاف بزاف مشكلتكم نتوما لي فيكم ماتتحملو والو وتحصلوها في السيطرة وووو اسباب واهية ريحي في دارك وماتبقايش تشرطي

[mrmilano1984]

نعم اسمعي لعجوزتك ماتسمعيش للنسا تاع البيتزا والشارع

[mrmilano1984]

كاين غر لي يكمل عليها ويحرض ماراهش في استعباد نعرف بزاف عائلات عايشين هكا وفرحانين ومقتنعين بالنصيب والمكتوب لمرا بنت الفامليا هي لي ترضي واش كتبلها ربي اما هادو تاع الزنق والمطاعم ولي تحب تحوس وتزهي هي لي تحب تسيطر علي راجلها وتتحكم فيه علابها يهدرو هكا
اختي نصيحة لوجه الله صح ممكن كان غالط معاك في بعض الامور الكمال لله لكن اصبري صدقني بلاك ربي يفرج عليك ويولي راجلك يخرجك طبعا معاه وتنحي علي قلبك شويا وقضية لعراس هو لي يقرر ان كلان عرس يهمك فعلا اكد مايحرمكش منو مش لبنات تاع دك اي عرس يحبو يروحولو ومايحبوش الراجل لي يقولهم لا لا يحبو الراجل الطحان ولي يتحكمو فيه

[ام نهوله]

يا اختي كبريها تكبر صغريها تصغار

[fella111]

السلام عليكم حابة اليوم تنصحوني تمدولي رايكملاني مخي حبس وصلت لانهيار طبعا من زواجي وانا نعاني من نفس المشكل عجوزتي مسيطرة على كل حياتي مش نقول في هدرة برك هذا واش عايشة وياريت كانت في الصلاح معليش زوجي البكر والكفيل متفهمة هذا وراني معاه بصح محرمة عليا التحراك نروح غير لدارنا ولا الطبيب ولازم قبل ما نتحركو يروح يشاورها الا حبو يدوني صحة ولا محبوش نقعد في الدار الحصول كاين ياسر تفاصيل ......نهار عرس ابنت اختو رايحين وانا قلي متروحيش قتلو علاه وشفيها هذا واش قلت راح لامو تناقش معاها استفزاتو بالهدرة تتحكم فيك..........جاء كي المش في حالو انا نطيب قالي راكي مطلقة هكا بلا حتى سبة مقنعة ربي يعلو واش قالت ثاني حتى هبل من هذاك النهار وهوما يخرجو يشرقو يغربو منحوسش عليهم خايفة من تكرار السيناريو واش قاتلي مكتوبلك تطلقي انا خاطية .......قتلتني بعد عام اليوم عرس قتلو ساخفة نروح قالي اما مش حابة تروح متروحيش قتلو يخي راني حايزة ومش يكلمو فيا معاديني هذا ضلم قالي ايه ضلم وحقرة واستعباد ......واش تحبي واش يقولو عليا الناس اما مش رايحة ومدي مرتي ...........هيا قلولي واش ندير انا مبياش العرس ولفت بصح غيضتني الحقرة معاهم بينا باب ميهدروش معايا 6شهور ويزيدو يحرمو عليا نزها شوية قلولي لراني طلبت منو حاجة تاع عيب يهمني راي الرجال ثاني بلاك عدهم نضرة اخرة:confused:


والله يا اختي حنا لحد الان رانا نسمعوا غير من الطرف نتاعك انت ...............لازم نسمعوا من الطرف نتاعهم هوما ثاني ...ممكن لراكي انت اللي الظالمة
ثم انا كي قريت المشكل انتاعك و كأنك تقولي اهل زوجك و امه تحديدا اعلنت الحرب عليك دون سبب ......اهذا معقول ؟؟؟ تذكري كشما ديرتيلها .
ثم يا اختي لنفرض ان كلامك صحيح .......عديها امك هذه حالة طبيعية تحدث للامهات تشعر بالغيرة من زوجة ابنها تخاف تسرقلها وليدها...سايسيها تكسبيها .....و تكسبي زوجك قبلها

[melissa lola]

اختي علاجال لعراس و الخرجات تطلقي الناس تدير فالتاويل وانت تطلقي انا نقولك اصبري راكي مستورة بدارك خير من الخرجات علبالي تحبي تبدلي جو وتخرجي مي اعرفي كيفاه ماشي تخربي دارك على حاجة تافهة حاولي تلزي لعجوزتك بالاك تولي تخرجك معاها ولا تقنعي راجلك غير بالسياسة وربي يجيب الخير

[lilian1990]

[Fنت وحدك اختي ابسطي سجادتك و صلي زوج ركعات لربي و طلبي منه يبينلك الطريق الصحيح و يعاونك في هاد المشكل و ماتنسيش بلي الله يمهل ولا يهمل و ربي سبحانو يختبر عبدو امالي حاولي تاقلمي مع هاد الشيء و عرفي كيش تجبدي راجلك لعند كو ني دكية متخليش صوالح مايستاهلوش يندو علي حياتك و نعاودلك جبدي راجلك لعندك و اعطيه اكبر قدر من الحب و الحنانة و مع الوقت يتبدل ONT="Arial Black"] صح صعيب الحال واش ماراح تحكي واحد مرايح يفهمك ولا يمدلك الحل لان الحل بيدك ا[/FONT]

[لينة نور]

نعم الرأي الله يسترك

السلام عليكم

في ضل غياب أيقونة الشكر نجبر على الرد وملأ الصفحات :) بارك الله فيك أختي وآمين على الدعاء .

http://kenanaonline.com/photos/1238221/1238221487/large_1238221487.jpg?1335340710
......................

أختي صاحبة الموضوع هذان موضوعان من المفروض أنه لا يزال النقاش ساريا فيهما ومنه ما تم على الخاص ...

ألقي نظرة أختاه لعلك تجدين رأيا يناسب حالتك ...

وأخيرا انتصرت على أم زوجي (http://www.djelfa.info/vb/showthread.php?t=953354)


أم القاضي (http://www.djelfa.info/vb/showthread.php?t=1190571)


هذه بعض الاقتباسات من المواضيع السابقة ...

لينة نور
.....ومشاركتها عبارة عن وضع عاشته وعايشت تفاصيله

ما هي الى ناقلة لمجريات وقعت فلا لوم عليها ولسنا هنا أصلا لنلوم بعض , بل لنساعد بعض

على ايجاد الحلول لمشاكلنا الاجتماعية وعليه تقبل الرأي والرأي الاخر وباحترام .

( ماداري بالجمرة غير المتكوي بيها )

أرجو أن تتفهم الوضع أخي



لينة نور
نعم عزيزتي هذه الضروف الاجتماعية التي تحرق الاخضر واليابس في طريقها

متى سوف نتحرر منها متى سوف يتم استئصالها !!؟ لكن هذه هي أحوال أغلبنا

ولا يسعنا الا التأقلم ( في الوقت الراهن ) أو اختيار الخسارة ....لو ننظر للمسألة كمسلمين

نجد انه لا يجوز أن تعيش امرأة مع اخوت زوجها تحت سقف واحد ,اذ أنها سوف تحرم حرية العيش

كأنثى أمام زوجها وسوف تجبر على التنازل على كثير من حقوقها , وهذا ما يسبب الاكتئاب

ونوبات الغضب عند الكثيرات خاصة المتزوجات حديثا ...اذ أنه ليس من المعقول أن تحبس

نفسها في غرفتها ليل نهار .... فيتحول ذلك عندها الى تحميل المسؤولية لأهل الزوج لحالتها تلك ..

ثم ما يزيد الطينة بلة أن الطرف الاخر (السابق ذكرهم ).... لا يتفطنون لذلك ويتفننون في تعقيد

المشاكل أكثر فأكثر ..مشاكل لا حل لها عند الكثيرين للاسف ....

[بثينة 123]

السلام عليكم
شوفي اختي انتي ديري اللي تقدري تديريه معنتها صلي وادعي و الحي في الدعاء ولا تياسي من اول مرة واستغفر ي واذكري ربي وان شء الله ربي يستجيبلك ويهنيك في حياتك واذا ما استجابلكش ربي معنتها ماشي مكتوبتلك العيشة معا هادو وماشي مكتوبلك تجيبي ذراري وتخليهم يعيشوا في هذا الجو نتاع الذل
وربي يعاونك ان شاء الله

[نورة مروان]

ربي يكون معاك

[منار40]

شوفي ياختي نصيحة لوجه الله حاولي تحافظي على بيتك والله وهادو راهم غير تفاهات احترمي راجللك وعجوزتك واله راه يبقى كان العيب وماتوصليش للطلاق خلاص حاولي قدر الامكان اهمك حاجة هي الاحترام هدا مكان ورب ييفرج عليك وعلي امين يااارب