هل فات الاوان على المراجعة ????? [الأرشيف] - منتديات الجلفة لكل الجزائريين و العرب

مشاهدة النسخة كاملة : هل فات الاوان على المراجعة ?????

anbella

2014-12-22, 23:17

:dj_17: هدا اول موضوع لي و اريد رايكم.....مارانيش مراجعة مليح لكن في هده العطلة حابة نعاود نريفيزي كلش خاصة المواد العلمية و خاصة الفيزياء لانني اجد الوحدة الاولى صعبة :(هل نقدر نعاود كلش ولا راح الحال عليا لان صاحبتي قاتلي كون يفوت جانفي قولي باي باي للباك......هل هدا صحيح فمورالي تحت الصفرو اكاد اختنق

marwa hanona

2014-12-22, 23:29

لا تقدري كي ديري الارادة

بنت الجزائرية

2014-12-23, 14:02

يا اختي كوني ذكية فات 3 اشهراو 4 ومازال6 اشهر كيفاش راح لحال تقدري متسمعيش للقيل وقال روحي درك قراي مليح عندك باك حتى لجوان رانا دايرين غير 3 او 4 وحدات

زهرة النورس

2014-12-23, 17:59

لالا ختي متفقديش الامل مزال الحال على فقدان الامل
عندك العطلة هادي حاولي تكملي النقاااائص كل
وبالارادة تحققي وش تحبي

التائه الجزائري

2014-12-23, 18:38

Ta9àdrii traj3ii nrml 3lahh mzl l 7all w rabbi ynaja7nàà kamal

anbella

2014-12-23, 21:15

*

إحصائية العضو

شكرا لكم اصدقائي والله طلعتولي مورال راني بديت مع الفيزياء اليوم و عملت برنامج يومي ربي يوفقكم

missouna

2014-12-24, 17:05

خليك من هدرة الفاشلين
ياما ناس شهر قبل الباك تشونجاو كامل وجابو مليح بعدما عاناو في الفصول بسبب عدم المراجعة
مي هذي توصي للجاية خيتي
خليك ترريفيزي توجور مادامك بديتي وناوية

سوسن الصباح

2014-12-25, 13:24

نظمي وقتك اختي.. وابدي ريفيزي.. وخليك من كلام الفاشليين..

موفقة.

karim si belkhir

2014-12-25, 20:28

لا حول و لا قوة إلا بالله ، و الله حقيقة نستغرب من بعض من يحاولون تهويل شهادة البكالوريا و جعلها عقبة و أمرا مستعصيا و ما إلى ذلك ، عانينا من نفس الشيء العام الماضي و نزلت المعنويات إلى الحضيض ثم اكتشفنا أن كل شيئ كان مجرد سراب ............. الباك قرايلو بمعنويات مرتفعة و الله حقيقة نهار تعقبي الباك تكتشفي بلي الخوف لي كان عندك ماعندو حتى معنى و الله ولي التوفيق

نجمة العين

2014-12-25, 20:57

السلام عليكم
لا أختي خلي أملك بالله كبير
و ما فاتش الوقت أبدا بالعكس مازال بزاف
قراي شوي شوي و ما تقتليش روحك و نظمي وقتك
و بالنسبة للفيزياء إذا كنت مقلقة من الوحدة 1 و ما فاهمتيهاش ما تخافيش راجعي بلعقل و رايحة تفهميها إن شاء الله لأنها أسهل من الوحدة 3
و إذا مراجعة المواد الأدبية مازال أسبوع للعطلة حاولي تراجعي فيه المواد العلمية.
و بالتوفيق للجميع و ما تخافوش.

ابن غارداية

2014-12-25, 22:31

الارادة سر النجاح أختي و غير نحي فكره صحبتي قاتلي و استاذي قالي ...الخ

انا عن نفسي لو احكي لكِ تجربتي مع الشهادة ستصابين الجنون

مادة الفيزياء لم أدرسها الاّ في الأسبوعبن الأخيرين من الإمتحانات مصيرية

و تحصلت على علامة 12 (بمجهودي خاص + ظلم في التصحيح) أبدا لا تيأسي

الإرادة ثم الإرادة راجعي على مهلك و ركزي جيدا ولا تقلقي أبدا من المستقبل

يعني ماديريش في بالك بلي بقات سمانة و تدخلوا تقروو يعني رح يزيد عليك لاشارج

أبدا أنا عن نفسي لم أدرس أبدا العام كامل غائب ههه شرفتهم غير في الامتحانات

بينت جهدي و شطارتي تم و الحمد لله راني اليوم في الجامعة داير رايي

أختي العزيزة ركزي مع نفسك و دعي الكل لا تهتمي للأي شيئ

سوى سعادتك , بالإضافة إلى تقوية صلتك بربك فهو حسبك وقت الضيق

أتمنى لكِ من كل اعماق قلبي التوفيق والنجاح في مواصلة مسيرتك الدراسية

تحياتي

~ دروب الخير ~

2014-12-27, 01:20

بالعكس لازم تتشجعي و تحاولي تعوضي الوقت لي ضيعتيه و تكوني ذكية في تسيير وقتك و تتسلحي بالارادة و انا واثقة من انك تستطيعين

ICHRAF GIRL

2014-12-27, 12:51

لا يا اختي ما يغروكش بكلامهم الي قالولك فات الحال

تقدري تريفيزي من جديد وان شا الله نجيبو كامل الباك كيف كيف

الساعي للمجد1

2015-05-27, 20:33

لا يا اختي ما يغروكش بكلامهم الي قالولك فات الحال