طريقة تفصال قندورة الفرقانى [الأرشيف] - منتديات الجلفة لكل الجزائريين و العرب

الخروبية

2014-12-21, 00:23

السلام عليكم واش حوالكم نشالله تكونو بكل بخير منطولش عليكم اليوم نفصلو قطيفة تاع الفرقانى راهى ساهلة بصح اسمعونى مليح راهى تسوى سبعمية الف وطلع يعنى لى تفصلها فى القماش طول طول انا خاطينى على مسؤليتها هههههههههههه على بركة الله نبداو
القندورة فيها 7 دروع يعنى تشريها مقسوسة ساجية
1تحلى لقماش على طولو وتنحى منها 20سم حق الدرعين
2تقسمى القماش على 2 نص لبدن ونص لخرطات
3تاع لبدن نحيه جانبا وفصلى النص التانى خراطات
4الجزء تاع لخرطات اقسميه على2
5حطي القطيفة على بعاها ركزى مليح القطيفة تجى من الداخل يعننى قلبيها وفصلى
6احسبى 10سم من الاعلى على اليمين
7احسبي 10سم من اليسارمن الاسفل
8واربطى خط من 10 الى في الاعلى الى 10الى لى في الاسفل
لكان درتيها6مراش ارشمى كلواحد وحدو واخدمى
ولكان درتيها 4 مراش لسقى لخرطات في بعضاهم لخياطة تكون جيهة الحرف الازرق
هكا نكونو خلصنا التفصال ومن بعد ندخلو فى مراحل الاخرى كيما الرشمة والخدمة والخياطة شوفو الصور ولى حبا تسال رانى موجودة
تحية من الخروبية للجميع سلام ياكرام httphhttp://im70.gulfup.com/zPndq5.jpgttp://im70.gulfup.com/JfZLgi.jpg://im51.gulfup.com/bnj8iN.jpghttp://im81.gulfup.com/UL72Tu.jpghttp://im54.gulfup.com/NDRBvs.jpghttp://im62.gulfup.com/GupRCc.jpghttp://im67.gulfup.com/gwQJ1S.jpghttp://im84.gulfup.com/fbrpW2.jpghttp://im52.gulfup.com/2BdIkY.jpghttp://im57.gulfup.com/Qp7ggY.jpghttp://im81.gulfup.com/ZPBD2l.jpghttp://im84.gulfup.com/9BFfw9.jpg

الخروبية

2014-12-21, 00:26

تنحي 20سم حق الدرعينhttp://im88.gulfup.com/81d8e0.jpg

الخروبية

2014-12-21, 00:27

تقسي القماش على2http://im66.gulfup.com/PKdYIw.jpg

الخروبية

2014-12-21, 00:29

تتحصلى على لبدن ولخرطاتhttp://im62.gulfup.com/FV4oek.jpg

الخروبية

2014-12-21, 00:30

قسى قماش لخرطات على2http://im59.gulfup.com/eZRdMo.jpg

الخروبية

2014-12-21, 00:31

تتحصلى على البدن ولخرطات ودرعينhttp://im65.gulfup.com/EfmcVz.jpg

الخروبية

2014-12-21, 00:33

حطى القماش لخرطات على بعضاه اتولهى القطيفة من الداخل وهادى خطوة مهمةhttp://im88.gulfup.com/QQFHr7.jpg

الخروبية

2014-12-21, 00:34

قيسى 10سم من الاعلى على اليمين و10سم من الاسفل على اليسارhttp://im62.gulfup.com/WJeC3d.jpg

الخروبية

2014-12-21, 00:35

تتحصلى على هادا الشكلhttp://im69.gulfup.com/4hytCI.jpg

الخروبية

2014-12-21, 00:36

لكان حبا دريها 4مراش خيطى لخرطات من الجهة الزرقاء تتحصلى على هاذاhttp://im68.gulfup.com/zr2gyn.jpg

الخروبية

2014-12-21, 00:37

http://im53.gulfup.com/PIQdCp.jpg

الخروبية

2014-12-21, 00:39

لكان درتيها 6مراش اخدمى كلواحد وحدو ولسقى من بعد تتحصلى على هاذا الشكلhttp://im70.gulfup.com/y2sfFH.jpg

الخروبية

2014-12-21, 00:40

http://im43.gulfup.com/m9pC2D.jpg

djamilach23

2014-12-21, 09:52

السلام عليكم الحمد للله انك بخير وتتواصلين معنا .ان شاء الله دائما قوية وفي صحة جيدة بادن الله راكي هايلة هايلة و4444444444444444444444444444444444444444444444444 44444444444444444444. اطلب منك طلب اذا كنت تملكين ابرة التل (حاشة عينيك) حطيها حابة انشوفها وبارك الله فيك.

همس الحروف

2014-12-21, 10:05

الله الله على الخروبية يعطيك الصحة انا راني مبتدئة هذا الضرب قاوي عليا ههههههههههه :1::1::1:جيت نقرعج برك يعطيك في صحتك وفي يديك اختى روعة

شابرمحمد

2014-12-21, 13:00

يعطيك الصحه اختي الخروبية وفي ميزان الحسنات ان شاء الله
الدرس مفهووووووم جدا
انتظري تطبيقي اختي

شابرمحمد

2014-12-21, 16:08

السلام عليكم اختي الخروبية هذا تطبيقي على قطعة قماش صغيييرة
هنا كي فصلت

http://www2.0zz0.com/2014/12/21/18/246400159.jpg

وهنا كي جملت القطع مع بعضهم

http://www2.0zz0.com/2014/12/21/18/687875506.jpg

يعني تحصلت على 3قطع من الامام و3قطع من الخلف
راني صح ولا كاش اخطاء نوريني اختي الخروبيه وربي يشفيك

salima14

2014-12-21, 19:48

يعطيك الصحة اختي الخروبية
فرحت كي شفت الموضوع واقيلا العرس قرب هههههه
غدوى نرجع مع الاسئلة ربي يخليك لينا
الاخت ام محمد لعقوبة للفرقاني الحقاني

شابرمحمد

2014-12-21, 21:19

ان شاء الله اختي سليمه
فانتظار الخروبيه ربي يفرحها دنيا واخرة

الخروبية

2014-12-21, 22:25

السلام عليكم مساء الخير ياحلوين ياسكر ياعسل الله يفرحكم كيما فرحتونى ختي ام محمد الله يبارك عليك راكى حرة بنت حرة والعلامة كاملة شفتي مكانش واحد خير من واحد المشينات و الاقمشة والفتلة وكلشى كيف كيف بصح الارادة هى الفرق الى يصنع الفرق يعنى لي يتعب ويشقى يتميز وينجح ختى سليمة 14 مرحبا بيك وبالاسئلة تاعك وحطى في بالك بلى الاسئلة راهى تكون بنفع ليك وكثير من الاخوات ولعقوبا نهار تلبسو الفرقانى ولا المحروج منصنع يديكم والله احساس اخر يعنى يشريلك زوجك او باباك حاجا بصح والله ماتجى كيما تخدميها نتى ويقلولك وين خدمتيها تتفكرينى وتقولى صنع اديى وحياة عنيا ختى djamilach 23 الله يسترك ويحفضلك صحتك اما بنسبة لبرى يسلم عويتاتك منكدبش عليك راحت بنتى وجداها لوحد الخيمة متنقلة حطت فى لخروب 15 يوم وراحت لقات فيها لبارى يتياعو جابتلى وحدة انا عمرى ماخدمت بيها وحاولت وتقريب صلحت ملقيتش لى علمنى خدمتها تجى كيما الصوف تتخدم بالخيط تاع الطرز باليد غدوى نشالله نحطها لى تعرفها تفيدنا بلاك نبدلو لقنادرفى العرس نلبسو غير المحروج ونتمنى حاجا الاستاذة كرونو تثبت الموضوع لانو حاجا متموتش مع الوقت وضيع الموضوع بين الصفحات تحية من الخروبية للجميع سلام ياكرام

شابرمحمد

2014-12-22, 11:14

بارك الله فيك اختي الخروبية
والله فرحتيني بزااااااف
ننتظرو الاسئلة تاع الاخوات وتطبيقاتهم

djamilach23

2014-12-22, 12:25

ربي خليك لوليداتك او لينا يارب وكل عمل تقومين به في ميزان حسناتك .سالتك على ابرة التل لان العمل بها ممتع وحتى قنادرها اكثر من رائعة نتمنى من الاخوات الي تعرف تخدم بها اتعاون بها لان حرفة اليد عمرها ولا تظمحل بالنسبة لي راني انا ايضا انحب هده الاعمال عن حب وهي هوايتي المفضلة من كنت صغيرة وليست مهنة امتهنها الا ادا احببت شيئ يكون لي ونتمنى من الاخت كرونو اتثبت كيفية تفصيل قندورة الفرقاني للاستفادة وشكرا لها.

ftage

2014-12-23, 15:42

http://download.chatalkhaleej.com/uploads/14193457511.jpghttp://downlodjelfa.info/ad/r.htmatalkhaleej.com/uploads/14193457511.jpg

biba04

2014-12-23, 17:13

مشاء الله عليك يعطيك الصحة يافحلة عندي سؤال ليك حابة تفصال لبلوزة الوهرانية ادا قدرتي وربي يجازيك كل خير

حورية38

2014-12-23, 18:32

ماشاء الله عليكم لبنات
الاخت خروبية في ميزان حسناتك ان شاء الله استفدت كتيرا //فصلت وحدة من قبل قياس كبير واخر صغير //لكن على طريقتي وفي خاطري نخدم وحدة لروحي بالمجببببببببببببببود ان شاء الله نلقى القطيفة برك سؤال كيفاش نفرق مابين القطيفة الحرة والمدغورة اي المزيفة وكي نشري قلتي تكون مقطعة طرف يعني قياس الربة
ام محمد تطبيق موفق بنت بلادي ننتظر المزيد ربي يوفقكم ان شاء الله

salima14

2014-12-23, 22:00

السلام عليكم اختي لخروبية راني حاصلة وطاحلي المورال
لاماشين كانت تطرز عادي رحت ضيفة وجيت ماعرفت واش صرالها
الخيط تع الكانيت ماحبش يحكم مع لوخر والرجل اللي تطلع وتهبط راهي
هابطة ومع ذالك ماحبش يحكم مع خوه كي نركب الرجل ونطلع السنين
ونخيط تخيط عادي بصح كي نهبطهم ونبغي
نطرز ماحبتش وين المشكل تعيشي ربي يحفظك

الخروبية

2014-12-23, 23:02

السلام عليكم والله يزيدكم من النور الى فيكم ختى bida 04منكدبش عليك انا عمرى مافصلت البلوزة الوهرانى نخيط قنادر عادى ولامحروجين نحاول نحط وحدة الله يجيبها فى الصواب ختى سليمة 14دريلها الزيت وطلعى السنين وحاولى تخدمى بشووووووووووووووووووووووووووووووووووية وكى تمشى مليح هبطى السنين لكان شفتىهاتحرج مليح بسنين امشى بشوووووووووووووووووية موفق باذن الله ختى حورية 38 القطيفة الحرة تكون رطبة طرية ماشى يابسة ختى ftage الصور غير واضحة ومشكورة على المرور تحية من الخروبية للجميع سلام ياكرام

حورية38

2014-12-24, 11:25

شكرا اخت خروبية على الاهتمام والرد ربي يجازيييييييييييييييييك

شابرمحمد

2014-12-24, 16:50

شكرا اختي حورية على التشجيع
والله كي قريت اسمك وحداه38 عرفتك بنت ولايتي هههه

حورية38

2014-12-24, 18:27

شكرا اختي حورية على التشجيع
والله كي قريت اسمك وحداه38 عرفتك بنت ولايتي هههه
العفو اختي كامل رانا نتعلموا ربي يوفقك
ههههههه ممكن تكوني جارتي

salima14

2014-12-25, 10:13

صباح النور وشراكي اختي لخروبية وين غبتي رانا نتوحشووووك
شوفي انا مازال عندي هاداك المشكل مام نطلع السنين وما يحكمش
حتى نركبلها الرجل باش تخيط اففففف بصح راني معاها يانريقلها يانكسرها المهم ماعليش نطرح الاسئلة باش اذا صلحتلي نفصل طول
هههههه
اولا قلتي لقماش سبع ذروع يعني شحال؟؟؟بالمتر
تانيا كي تفصلي ماتديريش تقويرة للذرعين؟؟؟؟
وراني نستنى الدرس الجاي ميفاش نركبو الدوبلير
ياك يجي فيه دوبلير بعدما تكملي الخدمة؟؟؟؟؟؟وبارك الله فيك
وان شاء الله ربي يعطيك ما تتمناي ان شاء الله

الخروبية

2014-12-25, 13:28

السلام عليكم صباح النوار يااحلى الزهار توحشتكم بزاف bida 04 بصح متضحكيش المودال راهو قديم درتهم فى 2000 خدمتهم انا بصح مخيطتهمش كنت كنت منعرفش نخيط لحبيتى نحط التفصال تعهم ختى djamilach 23 رانى منسيتكش شوفى منعرف هي ولاخاطى ختى salima 14 يعطيك لهنى والله ضحكتينى من قلبي بدلى لبرى تدخل فى عين الشيطان وحاولى وسقسي ومتقوليش نروحو للعرس بلابيك والله والوhttp://im87.gulfup.com/CxLXfh.jpg[IMhttp://im65.gulfup.com/G7ZmAO.jpgG]http://im76.gulfup.com/qY9N1Q.jpghttp://im48.gulfup.com/IvA4H5.jpg[/IMG]http://im81.gulfup.com/eGNJcI.jpgIMG]http://im65.gulfup.com/G7ZmAO.jpg[/IMG]]http://im90.gulfup.com/RAi13N.jpg[/IMG]http://im86.gulfup.com/XxjeXD.jpghttp://im64.gulfup.com/8semM8.jpghttp://im70.gulfup.com/vAlo49.jpghhttp://im90.gulfup.com/RAi13N.jpgttp://im48.gulfup.com/IvA4H5.jpg

الخروبية

2014-12-25, 13:35

السلام عليكم سامحونى هبلتنى النت ونشالله لقدرنى ربي نديرو طريقة لخياطة راهى اسهل مايكون تحية من الخروبية للجميع سلام يا كرام

شابرمحمد

2014-12-25, 13:39

السلام عليكم
اختي الخروبية الحمد لله لي راكي بخير
قوليلي هذيك الابرة تاع واش؟

شابرمحمد

2014-12-25, 13:40

السلام عليكم
اختي الخروبية الحمد لله لي راكي بخير
قوليلي هذيك الابرة تاع واش؟

الخروبية

2014-12-25, 13:54

وعليكم السلام ختى ام محمد هاذيك لبرى تدخل فى عين الشيطان سالتنى عليها ختى djamilch 23 قلتلها انا جامى خدمت بيها لقاتها بنتى فى وحد الخيمة جات عندنا في لخروب 15 يوم وراحت خدمت شوية وحبست انا تانى حطيتها باه لى تعرف او لى عندها ليمودال تنعتلنا انا شفت هادى الخدمة فى الطالبيات تاع لحجر يتباعو نتمنى نلقاو لى نعتلنا مليح تحية من الخروبية للجميع

biba04

2014-12-25, 14:04

وعلاه نضحك عليك والمودال لي حطيتيه مليح بارك الله فيك الخروبية ربي يعيشك حنونة انا حابة لفصالة من فوق كيما هدا المودال
وين درت السهم الاحمر
ودرك نزيد نسقسي البنات والسطايفية

http://im68.gulfup.com/MFQFtX.jpg

http://im68.gulfup.com/tHMj75.jpg

حورية38

2014-12-25, 18:15

مساء النور اخواتي الكريمات
تلك الابرة الاخت خروبية ادا فيها تقب من الاعلى الى الاسفل هي ابرة البيك بيك والله اعلم https://encrypted-tbn0.gstatic.com/images?q=tbn:ANd9GcQ3SgJ2TB6klC_AkN61TuE7anhNgtvDB gvUTj2NN9g3v93YfB_M

http://files2.fatakat.com/2013/12/13865294648038.jpg

http://i.ytimg.com/vi/671cjb-sLII/hqdefault.jpg

حورية38

2014-12-25, 18:23

http://www.youtube.com/watch?v=671cjb-sLII#watch?v=671cjb-sLII&_suid=1419528159006062396363525438

dado20

2014-12-25, 18:29

ya3tiiiiiiiiiiiiiiiiiiiiiiiiiik saha

الخروبية

2014-12-25, 22:27

السلام عليكم الله يمسيكم بالخير و العافية ويحلى ايامكم ياحلوين شكرا ختى حورية38 على المعلومة والله ينورك ونورلك طريقك ربي يجازيك ياسكر تحية من الخروبية للجميع سلام ياكرام

crono

2014-12-25, 22:42

مساء النور اخواتي الكريمات
تلك الابرة الاخت خروبية ادا فيها تقب من الاعلى الى الاسفل هي ابرة البيك بيك والله اعلم https://encrypted-tbn0.gstatic.com/images?q=tbn:and9gcq3sgj2tb6klc_akn61tue7anhngtvdb gvutj2nn9g3v93yfb_m

http://files2.fatakat.com/2013/12/13865294648038.jpg

http://i.ytimg.com/vi/671cjb-slii/hqdefault.jpg

والله ياحورية سبقتني جيت نقولكم هادي تعلمت بيها كنت في عمري 17سنة :dجبتهلي خلتي من الحاج أمزلها عندي
وحدة تع صوف وأخرة نخدم بيها بخيط تع الطرز وخدمتها ممتعة بصح تشد اليد :19:

crono

2014-12-25, 22:57

biba04

2014-12-26, 10:00

مفهمتكش بيبا تحوسي على الفصالة ولا تعمر :confused:

:dj_17:اختي كرونو نحوس على الفصالة الجزء العلوي كيفاه يتفصل يجي قطعة وحدة ولا الاكمام وحدهم والتبطين كيفاه ولا ندير غير سورجي:sdf:

فريولة ابتسام

2014-12-28, 01:03

http://im67.gulfup.com/gwQJ1S.jpg

يعطيك الصحة اختي الخروبية على المجهودات اللي بذلتيها بالصح حبيت ننبه الاخوات ان هذه الطريقة صح ماتبذروش فيها القماش بالصح يخرجلكم فيها ديفو لان الفرقانية تتخيط بقماش القضيفة....والقضيفة قماش عندو اتجاه واحد يعني مانقدروش نقلبو ليبانو اتاعها تخرجلك بانو يسطع وبانو لالا

الخروبية

2014-12-28, 09:29

السلام عليكم صباح الانوار يا احلى الازهار قلت ندير طلة بلاك نلقى الحلوين ونسقسي عليهم توحشتكم ملقيتكمش ايا لقيت زهرة هي فريولة ابتسام مرحبا بيك نوتى صفحتى وشكرا على الاضافة ورانى فهمتك تقصدى بلى يجى لبدن يسطع ولخرطات لالا انا تانى كنت نحسب هكا بصح هى ماشى هكا بمعنى يجي الصدر يسطع والضهر لالا ماشى البدن يسطع ولخراط لا لا و الصورة رقم 7توصلك الفكرة هادوك لخراط ميلصقوش فى بعاهم رح يتخالفو وشوفى الصورة رقم 8 مرتبين 1234 بصح كى يتخيطو شوفى الصورة رقم9 يلسق 1مع4 ويلسق2مع 3 وشوفى لبدن راهو مايتلقاش يجى طرف واحد من الامام الى الوراء كى تشوفى تلقاى البدن من القدام يسطع وضهر لالا ولخراط كى يتخيطو يجيو مع لبدن سواسوا بمعنى يجى الصدر كامل يسطع والضهر كامل لالا ماشى لبدن يسطع رخراط لالا وجربي وشوفى وشكرا على الاضافة الرئعة ونورتى صفحتى وتشرفت بمعريفتك تحية من الخروبية للجميع سلام ياكرام

djamilach23

2014-12-28, 15:05

شكرا اختي الخروبية اسمحيلي اليوم وين رجعت النات واقدرت ندخل مشكورة اختي هاذ الابرة (حاش عينيك) هي لغرزة البشكير كيما انقولو عندنا يعني فوطة الحمام ... ابرة التل لا اعرفها شفت لخياطة فقط .

india

2014-12-30, 12:18

ki thabi diriha lwa7da d3ifa kifah tna9ssi manha

الخروبية

2014-12-30, 13:53

السلام عليكم وربي يوفقكم ختى india القطيفة بكل نفس القيس تختلف الا في الطول والمحزمة هى لى تحدد القيس وتخافى تنقسى فيها مرى خرى تسمان متقدرش تلبسها غير لكان عادة ضعييييييييييييييييييييفة تنقسي من لخرطات مايش من جيهت الحرف لزرق تنقسي من الجيهة لى تتخيط فى لبدن بصح انا مننسحكش تنقسى فيها لكان ليك حاولى تلبسي وحدة وحزمى عليها وشوفى كيفاه تجى حلوى نتمنى تتوفقى فيها تحية من الخروبية للجميع سلام ياكرام

ام كوكو

2015-01-02, 17:11

يعطيك الصحة خروبية شرحك مفهوم كيما نقولو حنا فصالة قندورة عرب

عاشقة الخياطة73

2015-01-03, 09:03

يعطيك الصحة

biba19000

2015-01-04, 13:46

يعطيك الصحه ختي الخروبيه

الخروبية

2015-01-05, 13:30

السلام عليكم وياربي يوفقكم وتوصلو وين تتمناو واسعدنى كثيييييييييييييييرا مروركم ولى تحب تسئل ختكم بربي انشالله معاكم شكرا لكم انتم ياحلوين تحية من الخروبية للجميع سلام ياكرام

لجين2015

2015-01-23, 12:41

merciiiiiiiiiiiiiiiiiiiiiiiiiiiiiiiiii

ام الخير 05

2015-01-23, 12:55

مساء الخير الاخت خروبية راني حابة نسالك اذا امكن عجوزتي عطاتلي جبة فرقاني عمرها حوالي 30 سنة بصح انا عجبتني بزاف ما هيش معمرة بزاف نقدر نلبسا لكن حبيت نزيدلها لمسة عصرية كيما الكنتيل اواذا تقدري تنصحيني بانواع جديدة للحرج وماهو نوع الفيزلين اللي نقدر نستعملو باه توقف مليح مع الشكر الجزيل